|
|
 Re: النــشــــيشيـــــــــــبه (Re: اشرف السر)
|
Quote: ويا شباب البوست دا ياهو بلوك 7 .. وياهو كافتريا تكنو .. وياهو الكنتر .. وياهو الشبح .. والكوثر.. البوست دا ياهو النش ذاااتها ..
فلا تهجـــــــــــــــــــــــروا إخوتكم.. |
صدقت يا اخي..
هذا البوست هو معادلنا الموضوعي في شتاتنا هذا للنش وايام النش وكل ما حدث ويحدث فيها.. انه زمننا الموازي..
فلا هجر.. ولا انقطاع..
ويلاكم معاي على تكنو... اليوم الاقاشي علييّ..
| |
 
|
|
|
|
|
|
|
 Re: النــشــــيشيـــــــــــبه (Re: اشرف السر)
|
Quote: ويا شباب البوست دا ياهو بلوك 7 .. وياهو كافتريا تكنو .. وياهو الكنتر .. وياهو الشبح .. والكوثر.. البوست دا ياهو النش ذاااتها ..
فلا تهجـــــــــــــــــــــــروا إخوتكم.. |
حســــــــين
انشاء الله سيكون حضورنا يومي ... حتى لو ماعندنا حق المواصلات حنجي كداري ..
سمعت اشرف السر قال شنو
هذا البوست هو معادلنا الموضوعي في شتاتنا هذا للنش وايام النش وكل ما حدث ويحدث فيها.. انه زمننا الموازي..
فلا هجر.. ولا انقطاع..
الاديب محسن خالد :
حقيقة انت شرف لينا كما ذكر حسين .. ونتمنى لك المزيد من النجاح و التقدم .. وليت جامعة الجزيرة و النششيبه تجد حظها في رواياتك .....
وتــــش سقطت نجـــــــمة .... تـــــــش تسقط حكومة ......
لك الحب
جمال حسين
| |
|
|
|
|
|
|
|
|
|
Re: النــشــــيشيـــــــــــبه (Re: Elsamani A.Malik)
|
السمــاني و شباب النــشــــيشيـــــــــــــــــــــبه رمضــــــــــان كــــــــــريم
وكل عام وأنتم بخير
ودي من نصـــــــــــيب الأديب محسن خالد لاني لاول مرة اعرف انه خريج جامعة الجزيره وكمان كلية الاقتصاد
انه شرف لجـــــــــــامعة الجـــــــــــزيرة
محسن كل عام وأنت بخير.
حقوق نشر هذه الكروت محفـــــوظه لبكري ابـوبكر
أنـــــور
| |
|
|
|
|
|
|
|
|
|
Re: النــشــــيشيـــــــــــبه (Re: اشرف السر)
|
النشيشيبة مرة واحدة
انتو عارفين انا اليومين دي متجرس وناوي الرجعة للاجازة فلما قرات البوست خائف اطلع من المكتب وبدون سابق انذار القى نفسي في النش قبل ام جر
ودا ما غريب رعتى الفاتت بعد اول اسبوع لقيت نفسي في مدني طبعا كل الاشياء تغيرت واكيد كلكلم لو مشيتو بتحتاجو لى دليل
تحياتي للجميع
اشرف
جمال
هنادي
حسين المقاتل
شيخون الشرس
والصعلوك الكبير محسن خليناك مؤدب لكن بقيت قليل ادب انا اول ما ارجع بكلم ليك هاشم و........
البوست رائع جدا ويعيد الينا ذكريات ايام اهــــــــــــــــــــ يا زمان النزوح
ساعودبكل تاكيد ورغم المشغوليات
| |
|
|
|
|
|
|
|
|
|
Re: النــشــــيشيـــــــــــبه (Re: اشرف السر)
|
خمس أعوام نموت
خمس أعوام نفاتل
خمسة للصبر .. ثم النصر
أعزائي النشابة .. صديقي الفخيمين ..حسين .. جمال..فلنعمل على أن يكون هذا ملتقى للجميع دون فرز.. وأن يكون مستندا على تقبل الأخر بعيدا عن المهاترة والأجندات الخاصة أكراما للنش التي أهدتنا هذا الكم الهائل من الرائعين....
دعونا نبدأ.. بسم الله ...
اعدكم في أقرب فرصة بنشر ميلودراما الدفعة 15 وبلوك سفن.. وكل ما أنتجناه أنا والأخ الغالي عقاد
وسيكون هناك أشياء جادة أكراما لهذا الصرح العظيم
اخوكم وإن أبيتم...نزار
| |
|
|
|
|
|
|
|
|
|
Re: النــشــــيشيـــــــــــبه (Re: اشرف السر)
|
تحياتي لكم جميعا .
عضو جديد لنج بالمنبر وبرلوم بالجامعة لمن يسره ذلك اشتاقكم جميعا....
كل عام وانتم بخير....
الشهيد......معتصم حضرنا الف مرة ولم نجدك ..... وجدنا عترة مكلومة.....
لذاكرتكم التحية....
معا لنفتح ملف اغتيال الشهيد معتصم
....جامعة الجزيرة
....الدفعة 20
....كلية الزراعة
....مدني... عترة
؟؟؟؟شكرا لكم ولنضالكم
عاش نضال الشعب السوداني
عاش نضال الشعب السوداني
عاش نضال الشعب السوداني
| |
|
|
|
|
|
|
|
|
|
Re: النــشــــيشيـــــــــــبه (Re: اشرف السر)
|
Hi all off you friends I am Asma Abunaib 16 textile nice to find a gate to contact you and thanks a lot Ashref even I don't meet you.
Sorry for English writing no Arabic in my computer.
| |
|
|
|
|
|
|
|
|
|
Re: النــشــــيشيـــــــــــبه (Re: Asma Ali)
|
مرحب بيك يا أسمــاء ..
مرحب بيك والدار دارك ..
ومافي مشكلة لو ما عرفتي الناس في النش ، تعرفيهم هنا..
بس شدي حيلك معانا ..عشان البوست دا ياهو روحنا البنعيش بيها أيام النش الحلوة ...
وياهو نفسنا البنعيش بيه لحظات فرحنا الجميل ..
وبرضو ولا يهمك أكتبي [اي لغة تعجبك فهنا نتفاهم بلغة النش الخاصة .. هذه اللغة التي تقوم على المودة والحب والاحترام...
مرحب بيك ورمضان كريم..
عارفة نحن عندنا هنا أزمة جكس .. يعني يا دوب إنت والغالية العزيزة هنادي فضل ..
على كل حال مرحب .. ودي هديتنا ليك ..
| |
|
|
|
|
|
|
|
|
|
Re: النــشــــيشيـــــــــــبه (Re: حسين يوسف احمد)
|
يا ناس النشيشيبة سلام
رمضان كريم عليكم
وتصومو وتفطرو علي الف خير
انا بالرغم من اني ما درستا في النش
لكن زمان كنا بنمشي نجيب اللبن منها
وتاني عندي قريبتي (خالتي )الله يرحمها
كانت استاذة في تكنلوجيا نسيج خالدة محمد عثمان ساتي
وخالي زمان كان استاذفي زراعة الجزيرة كمال محمد عثمان ساتي
كمال كان قبل 13سنة وخالدة قبل 7سنين تقريبا
| |
|
|
|
|
|
|
|
|
|
Re: النــشــــيشيـــــــــــبه (Re: بت امدر)
|
Quote: يا ناس النشيشيبة سلام
رمضان كريم عليكم |
ويا أمدر .. وناس أمدر سلامين..
والله أكرم ..
وفطور ناس أمدرمان بتاعين جامعة الجزيرة متين ...؟؟
Quote: انا بالرغم من اني ما درستا في النش
لكن زمان كنا بنمشي نجيب اللبن منها |
برضو مرحب بيك ..
البوست دا على ما أعتقد لا يخص فقط من درس في النش .. إنما يخص كل من أحب النش وكانت له فيها ذكريات أصيلة .. البوست دا يخص كل من نبض قلبه بحب النش أيا كان ..
وبعدين ما أهو إنت نشابية عدييييل كدا من كلمة (النش) دي ..
يا عزيزتي مرحب بيك .. ويا ريت لو جبتي ناس أمدر معاك ناس (فرفور.. هدى بكري .. زهرة حيدر .. خشم الموس .. جمال سليمان .. أشجان ..نصرالدين مكي ...الخ )
Quote: وتاني عندي قريبتي (خالتي )الله يرحمها
كانت استاذة في تكنلوجيا نسيج خالدة محمد عثمان ساتي |
الله يرحمها بقدر ما أعطت من علم ومعرفة ..
وأرجو أن تواصلي معانا وفاء لها ..
مرة تانية مرحب بيك ...
| |
|
|
|
|
|
|
|
|
|
Re: النــشــــيشيـــــــــــبه (Re: اشرف السر)
|
جمال
حسين
هنادي
محسن
السماني
أنور
أسماء
بت امدر
وجودكم يعطي هذا البوست حيز وجوده الخاص...
يحيي فينا أيام لم تبارح عقولنا ولا أرواحنا..
لكم التحية كلها..
ولكل من يمر بهذا البوست محبتي وخالص الود
| |
|
|
|
|
|
|
|
|
|
Re: النــشــــيشيـــــــــــبه (Re: الواثق تاج السر عبدالله)
|
Quote: انت يا محمد اشرف
اسمى ده وقعك منك سهوا ولا قاصد
ولا ما معترف بى اننا نشابة
راجع المداخلات ياحبيب
|
الأخ محمد الواثق
لك العتبى حتى ترضى
ونحن ما بنقدر علة زعلك ولا على زعل اي نشابي او نشابيه ..
الاسماء السابقة وردت على الاخوة والاخوات الواردة اسماءهم في الصفحة رقم 2 من البوست فقط... وهم من ردوا بعد ظهوري الاخير في نجايل النش هنا..
بعدين اعتز بالاخ محمد أشرف ..
وقد نبهت أكثر من مرة هنا اني اشرف السر ولست محمد اشرف وقمت بكتابة نبذة عني وعن دفعتي وحتى رقم جوالي منعا للالتباس يا حبيب
انا من 14 اقتصاد..
شلة شجرة الاولمب..
جوار كافتريا تكنو..
وما فينا من زعل يا حبه
وكل من لم ترد اسماءهم في مداخلتي السابقة هم في القلب ان لم ترد اسماءهم في المداخلة..
واعتذر منكم جميعا..
| |
|
|
|
|
|
|
|
|
|
Re: النــشــــيشيـــــــــــبه (Re: اشرف السر)
|
الاخ اشرف السر
لك العتبى على هذا الخطأ والالتباس
لكن مافى زعل ياحبيب بس حبينا نعمل حركات نشابة ونثبت وجودنا فى البوست
والبوست ده بقى لينا ذى بلوك 7 كان كايس زول سمح تجى تفتش عليهو هنا
| |
|
|
|
|
|
|
|
|
|
Re: النــشــــيشيـــــــــــبه (Re: Asma Ali)
|
اهلين حسين يوسف والله فطور ناس امدرمان جاهز بس انتو اشرو
وشكرا لي ترحيبك الحار بحرارة النشابة كلهم وصمودهم
في وجه الزبانية والفاسقين ،انا عاصرتا فترة الجوطات العملها
التجاني المجنون وبعرف كم زول من الحلقو ليهم والاعتقلوهم في الزمن
داك ،لكن يا جماعة المحزن انو لمن مشيت مدني وشفت منظر المزرعة الزمان ليها شنة ورنة ناشفة حطب وفاضية حزنت جدا
| |
|
|
|
|
|
|
|
|
|
Re: النــشــــيشيـــــــــــبه (Re: اشرف السر)
|
تحياتى اشرف السر الشاب الجميل ..
تحياتى جميع شباب النشيشيبة واصدقائها
النــشــــيشيـــــــــــبه ... يالها من معنى و حضور فى الوجدان والخاطر
انتى اول
وانتى تانى
انتى تالت
وانتى رابع
ياسلام عليك ياأشرف ياجميل ... فكرة البوست رائعة ..
| |
|
|
|
|
|
|
|
|
|
Re: النــشــــيشيـــــــــــبه (Re: عبدالعظيم محمد أحمد)
|
يضحك نهاركم،..
كلكم،..
gamal elsadig،...
جمال إنتو أهم تشريفات مرّيت بيها في حياتي،...
(وياها الحياة دفناها في الأيامات ديك، وما تسمع جاي وجاي، حياة أحلى من بتاعة النش ما ظنيتها)،..
Anwar Ahmed،...
شكراً يا زول حلو إنت على الهدية الجميلة، والكروت الفاهمة،..
وكل عام وإنت بخير، وطيّب،..
شكلك "صغيرون" بتكون قريت ورانا كتير، إنت الدفعة كم؟
في الوداعة،..
| |
|
|
|
|
|
|
|
|
|
Re: النــشــــيشيـــــــــــبه (Re: محسن خالد)
|
يسلم نهارك يا محسن أنا خريج الدفعه 20 . لكنني درست في الدفعه 19 فقد جمدت سنه نسبه لسفري المفاجئ لأمريكا وبعدها رجعت وأكملت دراستي حيث تخرجت مع الدفعه 20 بعدها قدمت مره اخري لامريكا و حصلت علي ماجستير في الاحصاء والان بدأت الدكتوراة لدي أصدقاء و علاقات واسعه مع السناير أزكر منهم ايهاب عبدالرحيم 14 و أيمن محجوب 17 .
| |
|
|
|
|
|
|
|
|
|
Re: النــشــــيشيـــــــــــبه (Re: اشرف السر)
|
الى الى جميع الشباب المتداخلين فى هذا البوست و(النوباوية هنادى ) على وزن كنا
حداشر ونوباوية
وتحية من ثم لصديقة النشيشيبة الزائرة فى هذا البوست
لمة جميلة والله..
منذ تخرجى من النشيشيبة شعرت وكأن التخرج قد تم فجأة ... اذن لماذا لم اتقبل ان ليس بامكانى مقابلة هؤلاء الناس الذين احبهم يوميا .. كما كان هنا فى النشيشيبة ؟؟؟؟؟
تأكدت باننى لم احسن ادارة وقتى وعلاقاتى داخل الجامعة فهناك كثير من الاشياء والمشاعر نحو اخرين من الزملاء والاصدقاء تبقت فى الخاطر ولم يسعف الزمان والمكان
لترجمتها لتعبير....
ان الكثير من الاسباب قد افقدتنا الكثير مما هو ممكن وممتع فى التواصل المستمر مع الناس ... فليكن هذا البوست بمثابة شجرة وبلوك وخور وامسية بن واغنية من ايام النشيشيبة ..
ايامـــــــــــــــــنا .. فى الجزيرة الجامعة .. أيامــــــــــــــــــنا
| |
|
|
|
|
|
|
|
|
|
خطرفات بعد الإفطار (Re: اشرف السر)
|
السحر يملأ أرجاءها، وجوه مشرقة للبسطاء، الشرفاء، عملين وعاملات، الموظفين والموظفات الصغار في الهرم الإداري، عمال الكافتريات، سائقي بصات الجامعة مثل عم علي،، الكل وجوههم مشرقة، ولطيفة، رغم قسوة الحياة ورغم الضنك، صابرون، يصابرون الحياة ويكابدون مشاقها، أحلامهم بسيطة وصغيرة، لا يطلبون سوى الستر..
التراب، ترابها، تلك التربة الطينية السوداء، ذات القوام المتماسك والرائحة الطيبة، كذا وجوه من فيها مشرقة، محملة بالواعد والأمل وخصوبة الحياة..
الهواء.. الغبار.. النباتات بأنواعها برية ومستجلبة.. المشاتل .. المزرعة..
بإختصار كل شبرٍ فيها...
والناس...
لم يكن ارتباطنا مجرد ارتباط طلاب بقاعات وزملاء وزميلات.. والسلام.. كان الارتباط أقوى.. كارتباط الانسان بالموطن.. أو ارتباط الجذور بالأرض ..لا أعلم له تشبيها مناسباً.. لكن ما أود قوله انه ارتباط عميق وأصيل... قوي متجذر..
هو ارتباطنا بالنشيشيبه وكل من وما فيها...
| |
|
|
|
|
|
|
|
|
|
Re: النــشــــيشيـــــــــــبه (Re: اشرف السر)
|
التامنة
التاسعة
العاشرة
11
12
13
15
16
17
18
19
عاصرت الدفعة 14 كل هذه الدفع....
عيني باااااردة..
اما الجهابذه أمثال عماد بانقا وموسى حسن ومحمد البله يا ربي يكونوا عاصروا الدفعة 25!!؟؟؟؟
| |
|
|
|
|
|
|
|
|
|
Re: النــشــــيشيـــــــــــبه (Re: Asma Ali)
|
خــاص جدا ل...
المهذب الأنيــق الواثق تاج الســـر...
كيــف حالك ..
أوع تقول ما عرفتك بس كل ما أكون عايز أتحدث إليك .. ينض لي موضوع ما ..
وصراحة كدا هسع لمن قريت كلامك لأشرف خفت منك عدييييل كدا .. قلنا نبادر ..
تحياتي يا عزيزي الأنيق .. المهذب ..
وسنلتقي ...
| |
|
|
|
|
|
|
|
|
 Re: النــشــــيشيـــــــــــبه (Re: عبدالعظيم محمد أحمد)
|
شباب سلام (كما يقول الرائع ناجي حمزة)
نأسف لطول الغياب يا شباب .. اصلو كنت في (أوربا).. وهناك مافي نت ..عشان كدا ح أعمل كم مداخلة .. وما تزهجوا.. ولنبدأ بعظيم..
كتب الأخ الرائع ..(رابع الذ زول ) عبدالعظيم
Quote: أشرف وكل الشباب
تحياتى .. |
يا عظيييم قلنا ليك أنبهل .. ابهل يا عظيم وما تبخل علينا..
خلينا من حركات أداء الواجب دي ..
دا آخر انزار وإلا .. ح أنبهل أنا بالنيابة عنك .. وأطلع كل المدفون .. أحسن ليك براك ..
يعني يا عظيم شغل الحتة حتة دا ما بنفع ..
وعلى فكرة أنا جاي الخرطوم بكرة .. تلفوني 0912888444 ، رقم وزراء .. هرشك .. 
العزيزة بت أمدر ..
| Quote: اهلين حسين يوسف والله فطور ناس امدرمان جاهز بس انتو اشرو |
ما تاكلينا حنك ساي .. الفطور متين يا ناس أمدرمان .. نحن ما عايزين الدعوة تجينا من ناس فرفور وودالملازم .. ديل زهجنا منهم .. عايزنها منكم انتو ..!!!
Quote: ،انا عاصرتا فترة الجوطات العملها
التجاني المجنون وبعرف كم زول من الحلقو ليهم والاعتقلوهم في الزمن
داك |
بس ... نحن عايزين الشمارات دي زاتها .. عليك الله منو الحلقو ليهو دا ؟؟ واشرف دا معاهم ولا لا ؟ طبعا ناس ودالعمدة وأنور احمد والواثق ديل صغار وما كانوا حاضرين الفترة دي عشان كدا : هاااتي ما عندك ..
| Quote: ،لكن يا جماعة المحزن انو لمن مشيت مدني وشفت منظر المزرعة الزمان ليها شنة ورنة ناشفة حطب وفاضية حزنت جدا |
المحزن كتيير يا عزيزتي .. وعزاؤنا هذه الذكريات النبيلة التي نختزنها في نبضنا .. عزاؤنا هذا الحب الذي علمتنا له تلك البقعة اللطيفة .. عزاؤنا أن النش تغيرت مظهرا ولكنها لن ولن تتغير جوهرا..
عزاؤنا يا شباب أن نتواصل ..
| |
|
|
|
|
|
|
|
|
|
Re: النــشــــيشيـــــــــــبه (Re: حسين يوسف احمد)
|
Quote: ابراهيم عباس نتمنى تواجدك الدائم في هذا المنبر
|
هو ابراهيم عباس عضو بالمنبر يا جمال ؟؟؟؟؟؟؟؟؟؟؟؟؟؟
الزول ده بيكون في المتواجدين بس ولا شنو ولا اوعك تكون بتقرا اسم اخونا الفاضل كمال عباس علي انه ابراهيم عباس ؟؟؟؟ بدينا من هسي ؟؟؟؟
بالمناسبة يا جمال رجاء رسل لي ايميلك على الماسنجر اكرر الماسنجر واحذر البوست
وتحياتي لجميع النشابة الى حين عودتي
بس حافظو على البيئة بتاعت البوست يا جيمي 
| |
|
|
|
|
|
|
|
|
|
Re: النــشــــيشيـــــــــــبه (Re: محمد حسن العمدة)
|
ود العمده
سلام كتير ياراقي ..
| Quote: هو ابراهيم عباس عضو بالمنبر يا جمال ؟؟؟؟؟؟؟؟؟؟؟؟؟؟ |
ابراهيم ليس عضوا ولكن كانت له مداخله في هذا البوست على حساب الشقيق احمد حجازي او احمد بابكر الاسم المسجل به في المنبر و اليك مداخلة ابراهيم.
Quote: الاشقاء شكرا علي البوست وشكر خاص للا خ حجازي جمال سمعت انك تزوجت معليش تحية للجميع وخاصة اشرف السر
ابراهيم عباس كلورادو- امريكا |
| Quote: بالمناسبة يا جمال رجاء رسل لي ايميلك على الماسنجر اكرر الماسنجر واحذر البوست |
سوف يصلك انشاء الله ونتمنى دوام التواصل ...
وسنحافظ على البيئة ونرفق بالحيوان ...بس ناس (عمر الفاروق) يطلعو منها هههههها
لك تحيه خاصة من الرفيق / شيخـــــــــــــون ...
| |
|
|
|
|
|
|
|
|
|
Re: النــشــــيشيـــــــــــبه (Re: gamal elsadig)
|
النشابة سلام ..
شنو البوست دا وقف مالو ..
رمضان جرسكم ولا شنو..؟؟
صحوا النوم يا شباب ..
وبعدين يا أخوانا مسؤلين من الخير ..
أخونا ود العمدة مالو ؟ دخل في بيات رمضاني ولا شنو؟
وينك يا حبيب ..؟؟
| |
|
|
|
|
|
|
|
|
|
Re: النــشــــيشيـــــــــــبه (Re: اشرف السر)
|
الاخ اشرف
الاخوان جمال وحسين والبقية ..سلام حار واشواق كتيرة
الشباب ديل يكونوا مشوا الاعدادية ول شنو ؟ ول ماهو سبب الغياب ؟
انا غايتو كنت عامل ( I) (أى) من الامتحانات وقاعد فى البيت ...
| |
|
|
|
|
|
|
|
|
|
Re: النــشــــيشيـــــــــــبه (Re: عبدالعظيم محمد أحمد)
|
اشرف
الظاهر ده تامين عالي جدا ... كدي فتش على الناس ديل في سطوح بلوك 9 اذا مالقيتم اكيد في المشتل ولا السوق الشعبي .....
عبد العظيم :
حسين يوسف حضر قبل قليل من الاعدادية ومافي زول ... انا اتوقع وجود بعضهم في ميادين حنتوب الجميله .
| Quote: انا غايتو كنت عامل ( I) (أى) من الامتحانات وقاعد فى البيت ... |
ياعظمه الجرسه شنو ؟؟
جاي من بيتكم متأخر نهاية السمستر ومستلف دفاتر الناس ومعذب معاك ناس طارق وفي النهاية تعمل (آي) ...
| |
|
|
|
|
|
|
|
|
|
Re: النــشــــيشيـــــــــــبه (Re: اشرف السر)
|
ازييك ياجمال
Quote: حسين يوسف حضر قبل قليل من الاعدادية ومافي زول ... انا اتوقع وجود بعضهم في ميادين حنتوب الجميله .
|
حسين دة الوداهو الاعدادية شنو ؟ الا غايتو يكون عندو ركن لانو ماعندو اى اراضى هناك حسب المعلومات المؤكدة العندنا انا وهيثم خيرى فى رابطة اصدقاء الاعدادية
| |
|
|
|
|
|
|
|
|
|
Re: النــشــــيشيـــــــــــبه (Re: عبدالعظيم محمد أحمد)
|
| Quote: حسين دة الوداهو الاعدادية شنو ؟ الا غايتو يكون عندو ركن لانو ماعندو اى اراضى هناك حسب المعلومات المؤكدة العندنا انا وهيثم خيرى فى رابطة اصدقاء الاعدادية |
يا صديقي ...
معلوماتك ضاربة ...
دا لعب كبيير ...
وأي لعب عايزو ينجح يا عظمة أبعد منو هيثم خيري ...
وانا عشان كدا عملت ـامين شامل كامل ...
بس بعد دا كلو للأسف جمــال وشيخون ضربو التأمين دا ...
لأن عيونهم مـدورة 24 ساعة... 
| |
|
|
|
|
|
|
|
|
|
Re: النــشــــيشيـــــــــــبه (Re: اشرف السر)
|
في زياره من الزيارات للنش لزياره اخي الاكبر الصحابي وقبل ان اقول بسم الله سالني زميل بتفتش للصحابي ....
مره تانيه طماطم عزمني حاجه بارده ودفعني...
طماطم,عصمت الدسيس,ناصر علي,وائل خلف الله,يونس,مايكل فرناندو عليه الرحمه,
واخرين,عمقوا داخلي فقد اني لم ادرس الجامعه في السودان,,,
لكم التحيه يا ناس النش..
لؤي الصادق الهاشمي
| |
|
|
|
|
|
|
|
|
|
Re: النــشــــيشيـــــــــــبه (Re: Luay Elhashimi)
|
الأخ لؤي الصادق
الف محب بيك في النش...
الظاهر عليك محظوظ... دفعك طماطم حق البارد وبس؟؟؟
ما شال منك اي مصاريف تانية؟؟
صدقني انك محظوظ..
الصحابي وين هو الان؟؟؟
آخر مرة سألت عنه اخونا كاظم الزعيم قال انه لتقابلوا في القاهرة...
ورينا اي اخبار عن الصحابي... الصحابي..
| |
|
|
|
|
|
|
|
|
|
Re: النــشــــيشيـــــــــــبه (Re: حسين يوسف احمد)
|
صديقنا عاصم أبوحجل عضو جديد لنج في المنبر ...
ولمن لا يعرفونه :
فهو الدفعة 18 اقتصاد ..
من ابناء مدني ..
مؤسس ورئيس جماعة شهيق الثقافية ...
هذه الجماعة التي كان لها دورا عظيما في أثراء الحياة الثقافية بجامعة الجزيرة ...
كما كان لها مواقفها الوطنية المشرفة ..
ودا أول بوست عملو .. خشو عليهو فيهو ..
لكم هذا المساء الانيق
| |
|
|
|
|
|
|
|
|
|
Re: النــشــــيشيـــــــــــبه (Re: اشرف السر)
|
Quote: ود العمده بالمناسبه ده ماضرب للتامين ولكنه توثيق للتاريخ واي تاريخ هو تاريخ نضالي مشرف يستحق التوثيق وخاصة للاجيال الجديده فلابد للاجيال الجديده ان تعرف ...
علي محمود -عبد الناصرعثمان- عثمان عثمان - احمد جلال - صلاح ابو حليمه - سليمان عوض - ابوبكر - حسين عبد الله - رمضان تتو - يونس - ناصر علي - قريب الله - عدنان - ود الصول - وائل خلف الله ....الخ وغيرهم من الابطال الذين كل واحد منهم كان يمثل ملحمه كل منهم يحتاج الى كتاب بمفرده ...
ود العمده - اشرف السر - حسين- بت الفضل - كل ابناء جامعة الجزيره
هي دعوة لتوثيق تاريخ هذه القلعة وتاريخ الشرفاء من طلابها
وساحاول انا قدر المستطاع
|
كل سنة وانتو طيبين
خلاص رمضان شكله باي باي
وقبل التوثيق لهؤلاء الرموز
عاوزين اي اخبار عنهم..
اي خبر عن أي واحد منهم بشكل فرق كبير... وكبير جدا
| |
|
|
|
|
|
|
|
|
|
Re: النــشــــيشيـــــــــــبه (Re: نزار اسحاق عشر)
|
الأخ نزار
كل سنة وانت طيب.. جعل الله كل أيامك أعيادا..
احداث94 كانت أياما ولكن ما جرى فيها من مواقف وبطولات لهي دهر دهير...
أثمن محاولتك لتوثيق الأحداث... وارجو ان يكتب هنا في هذا البوست كل الأحداث بالتفصيل.. وحتى المواقف الصغير منها والكبير...
لتكن لنا ذاكرة تقاوم النسيان ومرور الأيام...
| |
|
|
|
|
|
|
|
|
|
Re: النــشــــيشيـــــــــــبه (Re: Asma Ali)
|
الأخ أشرف السر وكل المتداخلين لكم التحية والاجلال
كنت من أوائل الذين قرأو هذا البوست قبل فترة لكننى اثرت الانتظار كيما اجد الوقت الذى أفرغ فيه ما فى جعبتى من ذكريات عن النشيشيبة التى ازعم انه لم يقضى فيها احدا سنوات أكثر منى فيها(11سنة) حيث قضيت فيها سنوات البكالوريوس وكانت زائدة عاما كاملا نسبة للاضراب الشهير فى عام 1987 ثم قضيت فيها فترة الماجستير قبل أن اعمل فيها مساعد تدريس ثم محاضرا.
والسبب الثانى الذى أخر مداخلتى هو أننى اكتشفت "فجأة" أننى عجوز ..كنت أبحث عن مداخلة لشخص من الدفعات من الاولى حتى ال 12 لكن أحلامى ذهبت أدراج الرياح وكأن هذا البوست لخريجى النشيشيبة الجدد فقط.!!
ولما خابت امالى ظللت أبحث عن تلامذتى فى كلية الاقتصاد وهم الدفعات 11، 13،12 و 14
فلم أجد مداخلة.أو لعلنى لم أبحث جيدا !!
ثم أكتفيت اخيرا بمداخلات الأخ أنور ورغم اننى لم أعاصره فى الجامعة حيت يفصل بيننا أكثر من عقد من الزمان لكنى تعرفت عليه هنا فى امريكا وهو من خريجى كلية الاقتصاد النجباء .
بقى أن تعلم أخى أشرف اننى تخرجت فى كلية الاقتصاد فى عام 1990 ثم عملت فيها حتى عام 1993 حيث سافرت الى انجلترالدراسة الكمبيوتر والان أنا أعمل استاذا لبرمجة الكمبيوتر وقواعد البيانات ونظم المعلومات فى احدى كليات فرجينيا التقنية.
من طلابى فى الجامعة والذين أصبحو اساتذة فيما بعد :
محفوظ ، غادة محمد عوض ، كمال أحمد ابراهيم، سليمى محمد عوض ،مامون ياسين، أبوعبيدة، وأخرين لا أذكرهم الان ..
اخيرا أقول لكم لقد اثرتم فىّ شجون وايقظتم ذكريات وهيجتم مشاعر لا تنسى ... ولى عودة !!!
كما أدعو العجائز أمثالى الأشتراك فى هذا البوست الذى يجمع أهل النشيشيبة من 1979 وحتى الان ..
مامون أحمد م زين
[email protected]
| |
|
|
|
|
|
|
|
|
|
Re: النــشــــيشيـــــــــــبه (Re: Mamoun Zain)
|
الأستاذ مامون محمد زين، يا لروعة تواجدك هنا، فلك باقة ورد بكل ألوان الطيف ترحيباً بهذا الحضور الجميل فكلنا تلامذتك، و يكفي انك درست محفوظ، غادة محمد عوض ، كمال أحمد ابراهيم، سليمى محمد عوض ،مامون ياسين، أبوعبيدة، إيهاب عبدالرحيم، محسن خالد، الفاضل تيمان، وغيرهم....و ما زلت أنت هنا في أمريكا محبا في نشر العلم فعطرت بعطائك اواسط السودانيين، برنامجك التعليمي المقترح للجاليه السودانيه في منطقة ريتشموند يعتبر طفرة كبيرة و جاء في وقته، فضلا من انك ساعدت بعلاقاتك في الحصول علي قاعة مجانا ومجهزة لتدريس الحاسوب من كلية ecpi التقنية، و ايضا كان فضلا منك ان تقوم انت ايضا بالتدريس.
أنور أحمد
| |
|
|
|
|
|
|
|
|
|
Re: النــشــــيشيـــــــــــبه (Re: اشرف السر)
|
العزيز اشرف
ربنا يديك الفي مرادك وكل سنة وانت طيب
لك امنياتي وودي العنيق
انا سعيد جدا بان اوثق لتجربة جماعة شهيق الثقافية بجامعة الجزيرة
ولازل يساورنا نفس الحلم
حلم بوطن يتسع للجميع نضع فيه بصماتنا على اختلافها وتوحدنا يد
اتمنى انو اوفق فى هذا التوثيق واتمنى ايضا ان يكون اضافة حقيقة لهذا المنبر وهذا البوست
ولكم الود والامنياتي
| |
|
|
|
|
|
|
|
|
|
Re: النــشــــيشيـــــــــــبه (Re: Mamoun Zain)
|
هى دوحة برجع ليها كل ما احس ان (ادمعي حجارة تسد مجرى ادمعي) زي ماقال احمد مطر 0 الشارع في الصورة دى لن تصدقوا انة كان واحتي الخاصة جدا حينما اكمل تسكعي فيه تكون غربتي تحولت لسكن وطمانينة واختلاط المواقف السياسية الاجتماعية لما 1حس انو الدنيا تسخر من ثقتي في نفسي وتحاول جاهدة ان تسرق مني تفاؤلي كنت احس اني القوة بعد ان يحتضنى هذا الطريق
انا حقيقة احتاج هذا التسكع الان واشتاق لكل ذرة رمل فيها واحتاكم زكريات وحاضر مستقبل
| |
|
|
|
|
|
|
|
|
|
Re: النــشــــيشيـــــــــــبه (Re: اشرف السر)
|
جيفة المساء
قلتا ليها انتي لامن تجي هنا يوم الخميس حتمشي وين ؟؟انتي هنا ما عندك اهل تقولي لي وديني عندهم .........
قاطعتني : عزيز انتا اهلي.. انتا أي حاجة .. وانا الخميس ذاتو ما مارقة ..
نزلت التلفون ودفعتا واحد وتسعين ريال لي بتاع الكابينة .
اتكلم معها من الملز ووتتكلم معي من اطراف النشيشيبة ...
اتذكرها بوافر الصبر والسلوان ..واراعي فروق الوقت في ذكراها حين تحين الصلوات في تلفزيون السودان ..
انا من مشاهديهم خارج الولايات كلها ..
وهي بالضبط في فروق الوقت تصنع الشاي لصديق اخيها تحت شجرة الجهنمية وتشرح المولارية لاختها الممتحنة ..
وحبيبتي عند فروق الوقت يتحول شوقي اليها إلى كائن حي مجاور ينظر بكل حميمية إلى سلك الرسيفر الذي يحمل فروق وقت الغالية ..
سلك الرسيفر اقدس ما لدي حين تلك اللحظة .. ولو جعلو تلك الاسلاك بدل الاهلة في مآذن المساجد ما رايت في الامر غرابة ..
مساء الجمعة 19 مارس 2004 نمتُ وحدي وامتد المساء طويلا .. واول امس ايضا نمت وحدي والمساء كان ممتداً طويلا .. والامس الذي قبله وكذا الذي قبل الذي قبله ..انامُ وحدي والمساءاتُ طويلةً قد إمتدت ..
والحقُ يقال انني دوما انام وحدي ..
مذ اتيتُ إلى هنا ألف وثمانين مساء امتدَ بي وحدي !!!
ليه بس ؟؟؟
اصلو كم من المساءات في هذا العمر قد تبقت حتى ينفق هكذا ؟؟
ـــــــــــــــــــــــــــــــــــــــــــــــــــــــــــ
وفقا لما هو حادث فان مساءات عشرة اعوام قادمات سيكون مساءا للوحدة والامتداد ..
أن استمر الحال هكذا سبعة أعوام أخرى فليس من داعي حينها لان اشغل مساءاتي بما ليس ينفعني في اخرتي ..
الله أولى بالليل أقيمه له. .
اصلا بعد داك ما بكون في حيل ذاتو ..
بعد داك ساكون ليها كما قالت : اهل ..
مجرد اهل والمساء بها سيمتد ..
ُترى من سيخبرها عني ويقول لها : دبري نفسك من النشيشيبة ..
دبري نفسك فان من تراهنين عليه لن يكون سوى فطيسة..
فطيسة المساء الذي امتد مع فروق الوقت ...
بقلم دكين
من أرشيف سودانيزاونلاين
| |
|
|
|
|
|
|
|
|
|
Re: النــشــــيشيـــــــــــبه (Re: اشرف السر)
|
Quote: محفوظ ، غادة محمد عوض ، كمال أحمد ابراهيم، سليمى محمد عوض ،مامون ياسين، أبوعبيدة، وأخرين لا أذكرهم الان ..
|
استاذة غادة بتاعت الاقتصاد الجزئي ؟؟؟؟؟؟؟
طيب يا استاذ مامون نذكرك بمحمد المامون تكنولوجيا الدفعة التاسعة من اولاد الابيض الشويحات حاليا في جدة السعودية
ومن الدفعة حداشر عمنا عماد ريلاكس كوستي حي النصر خريج تكنو وحاليا استاذ بنفس الكلية
دي طلة سريعة جدا جدا واكتملت سعادتي بانضمام قريبي ابو حجل الى المنبر ويا ريت ناس اوفقير وبقية المشاهقة
شكرا ليك كتييييييييييير ود السر يا رائع
وحقيقة المتلبدين للبوست كتااااااار من خريجي الجزيرة ويا ريت بكري يفتح من تاني غرف الدردشة الخاصة بخريجي الجامعات
ولي عودة
حسين شايفك داقي خيمتك في البوست
| |
|
|
|
|
|
|
|
|
|
Re: النــشــــيشيـــــــــــبه (Re: اشرف السر)
|
شـبـاب سـلام ...
ونـأسـف للإنقـطـاع ...
وكـم أنـا سـعـيد !!!
إنـتـو عـارفـين لـيـه !!؟؟؟
لأن العـزيـز نـأجـي حمــزة ، صاحـب العـبـارة أعـلاه "شـبـاب سـلام" بتـصـل عـلي مـن أمـريـكا ، وبـسلـم عـلى كـل الشـبـاب فـي البوسـت وخـرجـه ...
وهـو وبقـية الشـباب متـأبعـين لكـل كـتابـاتـكـم ...
الله يخـلـيهـم ويـرد غـربتهــم ، غـانمـين منتصـرين..
بـس مـا زي إنتصـأر الهــلال عــلى خـفــر الحـدود المصــري !!!
| Quote: حسين شايفك داقي خيمتك في البوست |
حسين شايفك داقي خيمتك في البوست
ود العـمدة .. سـلام يـا صـاحـبي ..
ويـن إنـت ؟؟
والله مشـتاقييين !!
عهـدنا يـا أشـرف سـيـظل البـوســت فـي العـلالــي ...
| |
|
|
|
|
|
|
|
|
|
Re: النــشــــيشيـــــــــــبه (Re: حسين يوسف احمد)
|
Quote: استاذة غادة بتاعت الاقتصاد الجزئي ؟؟؟؟؟؟؟
طيب يا استاذ مامون نذكرك بمحمد المامون تكنولوجيا الدفعة التاسعة من اولاد الابيض الشويحات حاليا في جدة السعودية
|
نعم يا ود العمدة : استاذة غادة بتاعت الاقتصاد الجزئي؟؟؟؟
أعرف ود المامون وتجمعنى صورة معه فى احدى قوافل الاتحاد بالدمازين
وهذه صورة لنا أبناء الدفعة السادسة اقتصاد ويظهر من بعيد مبنى الكلية
أتمنى من عجائز كلية الاقتصاد التمعن فى هذه الصورة .. وربنا يتغمد الأخوين جبريل بريش ومحمد الصادق بواسع رحمته..
| |
|
|
|
|
|
|
|
|
|
Re: النــشــــيشيـــــــــــبه (Re: Mamoun Zain)
|
الأســتاذ مامـون ...
مـن ود مـدنــي ســلام ...
وبالتـالــي مــن النـش ســلامـين ...
| Quote: وهذه صورة لنا أبناء الدفعة السادسة اقتصاد ويظهر من بعيد مبنى الكلية |
وهذه صورة لنا أبناء الدفعة السادسة اقتصاد ويظهر من بعيد مبنى الكلية
مـا شـاء الله ، وعـينـي بـاردة ...
يعـني إنت الـدفعـــة السـادســة !!؟؟
إيـه رايــك إنــو الدفعـــة 28 نــزلــت الاســبوع دا ..؟؟؟
وبالمنـاســبة كان معــاكم ود خـالتي فــي التامــنة علـى مـا أعتقــد..
إســمو عمــاد عـبد الـرحــيم
هســع دكتـور فـي أمـريـكا..
بتعــرفـو؟؟
مـع تحـياتـي وودي ..
| |
|
|
|
|
|
|
|
|
|
Re: النــشــــيشيـــــــــــبه (Re: منتصر حسن محمد)
|
الاشقاء الاماجد النشابه قديمهم وجديدهم لكم الاشواق بحجم النشيشيبه ....
غيابنا عنكم في الايام الفائتة فرضه الحزن الذي تغلغل فينا بفقد عمناووالدنا
وكبيرنا ابو النسب عمي العمدة (عبدالماجد عبد الرحمن)والد زوجتي (هنادي) ..
وبفقده فقدنا الكثير الكثير .. اللهم ارحمه واغفر له واجعل قبره روضة من رياض
الجنه مع الشهداء و الصديقين .
ولابد لي من شكر كل خريجي جامعة الجزيرة من مختلف الدفعات و الكليات لتواجدهم
الدائم معنا ايام العزاء وكل من هاتفنا من داخل وخارج السودان .
جمال حسين
| |
|
|
|
|
|
|
|
|
|
Re: النــشــــيشيـــــــــــبه (Re: gamal elsadig)
|
شــــــــــــــــــــــــباب النش
إين انتم لقد اطلتم الغياب
والسؤال عليكم كتيرررررررررررررررررر لمن غلط
السيد جمال الصادق
عميق حزني لكم في مصابكم الجلل تغمده الله واسكنه فسيح جناته مع الشهداء والصديقين وحسن أولئك رفيقا
| |
|
|
|
|
|
|
|
|
|
Re: النــشــــيشيـــــــــــبه (Re: gamal elsadig)
|
الأخ جمال
حار التعازي في وفة ابو النسب العم عبد الماجد عبد الرحمن.. تقبله الله في أعلى الفراديس والهمكم الصبر وحسن العزاء..
التعازي موصولة عبرك لهنادي في أبيها..
وإنا لله وإنا إليه راجعون...
ما كان عندنا خبر إلا من كتابتك أعلاه في البوست..اللهم ارحمه واغفر له واجعل قبره روضة من رياض الجنه مع الشهداء و الصديقين وحسن أولئك رفيقا.
| |
|
|
|
|
|
|
|
|
|
Re: النــشــــيشيـــــــــــبه (Re: اشرف السر)
|
الاعزاء منتصر هنادي بت الفضل اشرف السر
لكم جزيل الشكر و التقدير وربنا يحفظكم
قبل يومين تشرفت بزيارة الاشقاء ابراهيم عباس و رمضان تتو وعمر شيخون وهم من المتابعين للمنبر و النشيشيبه وبالطبع دارت عجلة الذكريات الجميله ........
وبيسالوا عن اخباركم يا اشرف وبت الفضل واخبرني ابراهيم عباس بان كل النشابه المتواجدين في امريكا متابيعن معانا وخاصة ناجي حمزة ........
وهذه الايام يونس موسى متواجد في الخرطوم في اجازه ....
فلكم تحياتي وتحياتهم جميعا
| |
|
|
|
|
|
|
|
|
|
Re: النــشــــيشيـــــــــــبه (Re: اشرف السر)
|
الأخ جمال
اولاً لك شكري على الأخبار الحلوة
Quote: قبل يومين تشرفت بزيارة الاشقاء ابراهيم عباس و رمضان تتو وعمر شيخون وهم من المتابعين للمنبر و النشيشيبه وبالطبع دارت عجلة الذكريات الجميله ........
وبيسالوا عن اخباركم يا اشرف وبت الفضل واخبرني ابراهيم عباس بان كل النشابه المتواجدين في امريكا متابيعن معانا وخاصة ناجي حمزة ........
وهذه الايام يونس موسى متواجد في الخرطوم في اجازه ....
|
التحية في هذا البوست وعبرك.. للأشقاء البهيين ابراهيم ورمضان .. وشيخون وناجي حمزة
وما زالت أركان (استثمار) وغيرها حية في الذاكرة..
ولا اعتقد أنه يجب على تحية نضالهم المشهود.. فهم يناضلون كما الشهيق والزفير..
بقول ليهم يا اولادنا .. شجر غرب الاطلسي ما هو زي شجر النش.. فلا تدعوا الغربة تشتط بكم كثيرا.. وتمترسوا بعبق الايام الزاهية..
ليكم جميعا كل الشوق وخالص المودة...
وابقوا نزلو في البوست دا عناوينكم وارقام هواتفكم وايميلاتكم خلونا النطمن عليكم...
| |
|
|
|
|
|
|
|
|
|
Re: النــشــــيشيـــــــــــبه (Re: حسين يوسف احمد)
|
العزيز حسين وعموم النشابة من Block1 لغاية block المنبر
وبعد فإنى مفاخر بكم الدنيا والأمم من عبدالقيوم الرأسى شرقاحتى الدفاع الشعبى غربا (دى بيفهمها جمال بس)ومن عترة شمالا حتى كبرى حنتوب جنوبا
الأعزاء الكرام :
جمال ،حسين ، هنادى فضل ، عبدالعظيم، أشرف، عاصم ، محمد حسن العمدة،محسن،قريب الله وكل النشابة المتواجدين فى هذا المنبر ممن أعرف وممن لا أعرف
السلام عليكم
طبعا بإعتبار إنو الواحد برلوم و كده فأول إطلالة حتكون مختصرة جدا ، بالإضافة الى المشاغل الغير محدودة
المهم : اتمنى ان تتاح لى الفرصة ان أشارك بالقدر الممكن فى إثراء النقاش فى هذا المنبر وتعمير النشيشيبة الإفتراضية (أنا لا أحب التعبير السائد النش)
ولكم منى سلام
حتى الملتقى
عمار
| |
|
|
|
|
|
|
|
|
|
Re: النــشــــيشيـــــــــــبه (Re: عمار عثمان بشير)
|
عمار عثمان .......
اخيرا اطل (ازرق اليمامة) من الخليج واضعا نظارة طبية علها تحمية من (عجاج البحر)
(عبد القيوم )ياشقيقي مجهجه فالبوصلة فقدت القدرة على تحديد اتجاه (الدفاع الشعبي) ...
وحسنا فعلت انت واشرت الى اتجاه (الغرب الاحمر المتوسط ) ... والحمرة هذه المرة ليس
في خدود العزارى خجلا من افعال (الطفابيع ) ... ولكنها دماء من اعلى الجبل سالت فغطت
السفح وتكونت بفعلها بركة في اسفل الوادي ...
شقيقي : ها نحن مرة اخرى في النششيبة وان اختلف الزمان وجار الزمان ... فمارايك في
(لجنة مساعي حميده ) لتخفيض الرسوم ....
* انا وعمار وفي اول يوم لنا في الجامعةكونالجنة من (شخصين) وطلبنا تخفيض الرسوم
الدراسية المفروضة علينا وكانت (الف جنيه) في السنة فقابلنا لجنة برئاسة استاذ في
الكلية اسمه (بشارة) ودخلنا في حوار (نيفاشي) ... وبعد جهد (حنكي) خرجنا بقسمة
الثروة (ففتي ففتي ) بالرغم ان التهميش لم يطال (الغرب الاوسط) في ذلك الزمان وكان
اليوم هو 18/8/1993 الذي شهدميلاد اول لجنة من الدفعة 15 ... وتوالت اللجان كتاحة
حتى لجنة (الشرعية) في داخلية صبرا واجيز برنامج عملها بمساعدة (النعاس) ...تسعة
ساعات من (النضمي ) المتواصل واخيرا (النعاس ) يحسم الموقف فتكنولوجيا موافقة
والتوقيعات جاهزة وكذلك اقتصاد اما زراعة فغدااو بعد بعد غدا باذن الله ستكون شبه
جاهزة في تلك اللحظات قلت في سري ليه 15 زراعة ديل مايشوفو ليهم دفعة تانية
وشرعيتنايبقى حسمها ساهل .... اللهم اجعله نعاس خير وبركة الذي ساهم في اعطائنا
الشرعية .... بالمناسبة ( حسين , عمار ، جمال ) هم الموقعين على كل اسماء الدفعة 15
اقتصاد فحسين وحده تكفل بالتوقيع امام كل اسماء (البنات ) .....
عمار يازول سعداء بوجودك في هذا المكان من التاريخ .... ورغم المشغوليات العمل و
(الجيل الثالث ) من القوارير تواجدك اليومي هنا ضروري ... او فالنقل بامر الكتيبة 27
القادسية لواء النشيشيبة .....
وحتما سنعود .....
جمال حسين
| |
|
|
|
|
|
|
|
|
|
Re: النــشــــيشيـــــــــــبه (Re: gamal elsadig)
|
جيمو.... كما يحب بعضهم أن يسميك
شكرا على الترحيب الحار وأكرر تعازى فى وفاة العم/عبدالماجد عبدالرحمن والد حرمكم المصون المقاتلة(هنادى عبدالماجد لها التحاياوالتعازى من كل صوب)
كما أود هناأن أسجل خالص شكرى للأخ حسين وشخصك لمساعدتى فى الإشتراك بهذا المنبر للوقوف معكم جنبا الى جنبا لمواصلة رحلتنا التى بدأناها فى جامعة الجزيزة لنواصل حربنا على الظلام والظلاميين فى كل مكان. كما لا أنسى أن أشيد بسرعة إستجابة الأخ بكرى أبوبكر لطلب الإشتراك رغم مشاغله وكثرة طلبات الإشتراك التى تصله.
سأعود فى رد مفصل عما كتبت أخى جيمو فالشغل هناما يخلص وكل حاجة عايزنها Now Now
عمار
| |
|
|
|
|
|
|
|
|
|
نشرة اخبار النشيشيبه (Re: اشرف السر)
|
عاد الى الديسابورا امس الأول الأخ أوف
أوفقير على الشريف - 18 اقتصاد - جماعة شهيق الثقافية..
بعد ان قضى اجازته السنوية متنقلا بين مدن السودان المختلفة في العمل الثقافي الخاض بمعرض الفنانة اللبنانية (نادين عبد الباقي)...
حمد لله على سلامتك أخ أوفقير
| |
|
|
|
|
|
|
| |
اشرف السر
gamal elsadig
حسين يوسف احمد
Elsamani A.Malik
الشفيع الياس
Asma Ali
الواثق تاج السر عبدالله
محسن خالد
ابوبكر الامين يوسف
hanadi yousif
Mamoun Zain
عاصم احمد محمد أبوحجل
فيس بوك
تويتر
انستقرام
يوتيوب
بنتيريست