|
|
 ما عندكوش يمه ارحمينى دا احنا اخوات !!
|
خمسة وخميسة فى عين الما يصلى على النبى ... لما يشوف الهلال ... عيال مخلصة يابا.. وميه ميه .. انه (عويس ) جارنا فى الحى الذى رافقنى اثناء سير المباراة الى منطقة العشرة لاداء واجب اجتماعى يتعلق باحد (الجيران ) .. ذهبنا وعدنا وفى شارع (25 ) الموار بالحياة توقفنا لبعض شاننا وشاهدنا المباراة عبر تلفاز وضعه احد المواطنين فى قارعة الطريق ونثر الكراسى والمياه فابر به الهلال ونثر الفرح علينا جميعا .. بلا تمييز ..
|
|
 
|
|
|
|
|
|
|
 Re: ما عندكوش يمه ارحمينى دا احنا اخوات !! (Re: محمد حامد جمعه)
|
كنت مرهقا ..وحين عدت الى المنزل علمت ان جارنا (بشارة ) الم بوالده وكبير اسرته وهو يقطن فى حى العشرة القابع فى خاصرة حى جبره وواجهة الصحافات قد الم به عارض صحى فكان حتما ان اسارع للحاق بوفد من ابناء الحى سبقنى الى هناك و(بشارة ) رجل (ضراع ) وشيال تقيلة و(زول واجب ) وحينما هممت بالتحرك على مشارف السابعة والنصف التقيت (عويس ) صعيدى و(مصرى ) من العمال المصريين الذين انتشروا ببلادنا اقام بيننا فصار جزءا من النسيج الاجتماعى ، يخرج الى عمله صباحا ويتخذ مجلسه مساء فى قهوة (ناس التاج ) يحتسى الشاى وفناجين القهوة ويعمر راسه بعدد من احجار (الشيشة ) يملا المجلس بصوته الجهورى ولكنته المصرية الحلوة بالاحاديث والطرافة والظرف ، فتح له الجيران فى الحى بيوتهم لاسيما انه ارسل واحضر اسرته - زوجة وطفل جميل - فصار سودانيا ...حتى فى تقربه من الاحاديث السياسية التى كانت وحين يستعر النقاش فيها قبل ان يتسودن يكتفى بالصياح .. يخرب بيوتكو نحن ورانا ولايا انتو مال اهاليكو والسياسة ثم ينهض من مجلسه مغادرا بعد ان يمسح الحضور بتحية هائلة سلامو عليكم
| |
|
|
|
|
|
|
|
|
|
Re: ما عندكوش يمه ارحمينى دا احنا اخوات !! (Re: محمد حامد جمعه)
|
عويس .. حين ياتى يتعمد (الرشيد ) وهو رجل عاش ردحا من الزمان بالقاهرة و(مصر المحروسة ) ويبدو ملما بطبيعة ونفسية الاشقاء بمصر حين ياتى عويس يطلق الرشيد صنوبر ارائه السياسية - وهو يمقت الانقاذ والاسلاميين لحد بعيد - فيقول الرشيد ( حكومة كلاب كرهتنا السودان زاتو ) فيلتقط الحديث حاج شرفى المسن والذى يبدو من انصار (عبود ) اسكت يا بنى اهو زمان شتمتو عبود وطردتوه وبكيتو عليه وجا نميرى وبرضو بكيتو عليه وجات الاحزاب وخربت البلد وجا البشير وبرضو ما عاجبكم يسو ليكم شنو يابنى اتلهى .. فيرد الرشيد - على نسق هشام هبانى - بان فلان اكل ويسمى مسئولا عظيما وان فلان قتل ويسمى اخر ، وتتداخل الاصوات وبصوت عال وعويس يترقب وهو ياخذ مجلسه ويبدو قلقا فان لمح (غريبا ) يراه اول مرة بين الزبائن يترفع معدل قلقه عن المعتاد ويبدو شاردا لكنه بالتعود بدا يتداخل بالحديث خاصة ان تطرق الحضور لحدث عربى فيقول عويس ( داهية تاخدهم كلهم ) وقليلا صار من اهل ركن النقاش .
| |
|
|
|
|
|
|
|
|
|
Re: ما عندكوش يمه ارحمينى دا احنا اخوات !! (Re: معتصم مصطفي الجبلابي)
|
Quote: اول حاجه انت ماعندك بها علاقه
|
دى شنو الكوره .. ولا حاجة تانية
كان على الكورة فروق يا جبلابى انا الحمد لله لعبت كورة و(درجة ) كمان ومرتاد مدرجات من بدرى وكان على الظرافة والطلوع منها انت المفروض تخطانى مش الزول يخش ويتمتع ويجى يعمل ليك فيها مستاء منك
متع نفسك وغايتو كان الهلال دا جاب الكاس - وباذن الله يجيبو - برضو بنوبنا كحزب حاكم من الشكر نصيب ويبقى عهد الانقاذ شهد فوز المريخ بكاس مانديلا والهلال بالكاس دا وتاهل المنتخب الوطنى لغانا .. كيزان كورنجية وكراعهم خضراء
| |
|
|
|
|
|
|
|
|
|
Re: ما عندكوش يمه ارحمينى دا احنا اخوات !! (Re: محمد حامد جمعه)
|
ياعمى العراق فازت بكاس اسيا الذي لم تفز به من
قبل في ظل ظروف لايمكن ان يلعب الواحد تمرين في
السهله ويرجع بيتهم سالم ما اسوأ الظروف التى
يمر بها العراق والسودان ولكن المعاناه تنتج الابداع
دايرين تكوزنو الكوره امشي ياشيخ ارفتونا
سر الفوز هو وجود القوات الاممية في البلدين
| |
|
|
|
|
|
|
|
|
|
Re: ما عندكوش يمه ارحمينى دا احنا اخوات !! (Re: محمد حامد جمعه)
|
يا سيادتو,
متابعنك والحكاية حلوة,
بس طلب خاص
إنك تبطل حركات الأمنجية
بتاعت اللولوة والكلام المقطع كل مرة دة
لأنو ده شكل من أشكال التعذيب
الحرمتوا مباديء حقوق الإنسان الشنو كده ما عارف
وكمان تبطل حركاتك إنت
بتاعت تغيب من البوست
أو تزوغ منو كلو كلو لمن تتزنق
فيا سعادتك,
إدينا الحكاية كاملة
| |
|
|
|
|
|
|
|
|
|
Re: ما عندكوش يمه ارحمينى دا احنا اخوات !! (Re: معتصم مصطفي الجبلابي)
|
شارع (25 ) بمنطقة العشرة يقطع الحى من الشمال الى الجنوب وتنتشر على جوانبه المطاعم الشعبية كما انه الطريق الرئيسى الذى تعبره (حافلات العشره ) وتوجد مجموعة من الدكاكين والبقالات وزاوية صغيرة للصلاة فضلا عن عدة محال للاتصالات و(لبان ) يدعى ادروب ومطعم شهير يقدم الشواء عبر الوزن ، الشارع يلحظ فيه المرء تكاثف وجود الاخوة الاجانب خاصة من اثيوبيا وارتريا كما ظهر بشكل لافت حضور للبنغاليين وسمرتهم العجيبة وتحركهم فى مجموعات .
فى الشارع اخرج احد المواطنين تلفازا ضخما ووضع عدد من كراسى البلاستيك ووفر حافظات للمياه وكانت حركة السير عالية بشرا ومركبات والجميع اما باحثون عن تلفزيون للمشاهدة واما باحثون عن مكان لشرب او اكل شى ،
اتيت و(عويس ) وقبل جلسونا لاحظت انه بدا قلقا فسالته عن سبب خوفه فقال لى انه لاحظ ان كثيريين ممن مررنا بهم كانوا ينظرون اليه بشى من الغيظ فقلت له الا يتوجس فنحن شعب كريم وان ما يحدث شى بسيط ولن تتبعه تصرفات بحقه .
الحق ان الاجواء التى سبقت مباراة الهلال والاهلى كانت مقلقة وتفهمت انا مشاعره ، فاجلسته بجوار احد الاشخاص ممن توسمت فيه العقل والحكمة ومضيت لاحضار كوب ماء او زجاجة بارد لشخصه واثناء وقوفى امام صاحب المتجر اتت امراة اظنها فوق التسين ، عجوز .. ناحلة .. القت التحية ، امامنا يضع صاحب المتجر تلفازا متداخل الالوان والخطوط - كان يتابع المباراة من قناة البث الارضى - فسالتنى ان شاء الله الكوره نضيفة ، باغتنى سؤالها فقلت لها ( نضيفة ) وحين لمحت فى وجهها الشغف بسماع المزيد قلت لها ان شاء الله الهلال بغلب الليلة .. ردت فورا وبحماس كبير ( خشمك فيهو السكر شحدت الله الهلال يغلب الليل غلب كبير ويفرحنا ) .. حينها ولم يكن الهلال قد احرز هدفا تمنيت من اعماق اعماق قلبى وبكل الصدق ان يفوز الهلال فى المباراة من اجل هذه (الحاجة ) .. وفعلها الهلال والحمد لله
| |
|
|
|
|
|
|
|
|
|
Re: ما عندكوش يمه ارحمينى دا احنا اخوات !! (Re: غباشي)
|
كنت اقف داخل الدكان واعتقد ان الشوط الاول كان على مشارف النهاية حينما لفت نظرى (جوطة ) وصخب حيث تركت ضيفى ، ذعرت ، هرولت حيث الرجل وكنت كما بينت قد اجلسته بجوار شخص توسمت فيه رجحان العقل من مظهره وشاربه الابيض ومجلسه الوقور ، وجدت ذات الشخص وقد (قبقب ) صديقنا عويس الذى ارتسمت على وجهه كل الوان الخوف والرعب والذعر والرجل يمسك به وقد تدخل الحضور لفك الاشتباك والرجل يمسك به ( واااااااااح يا طابور خامس ) يا فعلتك يا تركتك - دلق الرجل كمية من الكلمات النابية الكفيلة بانه تضعه تحت بنود قانون النظام العام وقانون شرطة المرور وقانون القوات المسحلة واى قوانين اخرى سارية - وتدخلت بعد صعوبة وحللت يده عن عنق ضيفى ، ترك الجميع الكرة وتحلقوا حول (عويس ) وهم يشتمونه وقد عرفت ان الاهلى نظم هجمة ما وصلت لمرمى الهلال فلم يضبط عويس اعصابه وصدرت عنه هنة وصيحة وعبارة تنم عن التحسر على ضياع الفرصة فالتفت اليه اقرب الجالسين وقومها شكلة !
| |
|
|
|
|
|
|
|
|
|
Re: ما عندكوش يمه ارحمينى دا احنا اخوات !! (Re: رأفت ميلاد)
|
| Quote: عشان انت عارف وانا عارف منو العمل الدرب ساساقه (مثل علنى ) |
لا خطير يا سعادتك, والله العمل الاعلامي اتطور!
دي بلدنا يا سعادتو مالو ما نساسق!
يعني الجبلابي يجي السودان تقولو عمل الدرب ساساقه , عويس يجي السودان يصبح جزء من النسيج الاجتماعي وكمان يقعد على القهوة
أحرام علينا وحلال على ناس عويس من كل جنس!
برضو متابعين معاك
| |
|
|
|
|
|
|
|
|
|
Re: ما عندكوش يمه ارحمينى دا احنا اخوات !! (Re: Marouf Sanad)
|
اسفين للتاخير فقد خرجت مع بداية هطول مطرة الخرطوم (التاريخية ) اليوم ولم استطع العودة الا الان بعد ان سرت لعدد من الساعات عرفت اثناءها معنى عبارة تحت المطر يحمد القوم السير والسرى باعتبار ان الالف تزحف الان وربما الى منتصف الليل للعودة الى منازلها
| |
|
|
|
|
|
|
|
|
|
Re: ما عندكوش يمه ارحمينى دا احنا اخوات !! (Re: عبد الغفار عبد الله المهدى)
|
ومالو سيد مبارك ياحسين ملاسى موش نعلق صورتو نرفعها عالية خفاقه كمان
قالو ليك هو ماجور ولاسادن من سدنة مايو ولا مطبل للانقاذ
ثم ثانيا يامحمد حامد جمعة لوجيت تمسكها بطريق الكورة اطورت فى الحكومات دحين تعال اقول ليك
الهلال وصل الى اول نهائى فى حكومة سيد صادق سنة 87 فى القاهرة
المريخ بدء مشوار النهائى لكاس مانديلا فى سنة 89 اى حكومة سيد صادق كانت موجودة
وذى ماقال ليك معتصم حلايب رجعت ولا لسه
| |
|
|
|
|
|
|
|
|
|
Re: ما عندكوش يمه ارحمينى دا احنا اخوات !! (Re: محمد عادل)
|
يا سعادتك أصلو البوست باظ بعد دا
| Quote: عهد الانقاذ شهد فوز المريخ بكاس مانديلا والهلال بالكاس دا وتاهل المنتخب الوطنى لغانا .. كيزان كورنجية وكراعهم خضراء |
عهد الإنقاذ شهد في بدايته فوز المريخ بمانديلا
و إن شاء الله حيشهد فوز الهلال بكاس الأبطال - مع نهايته
| |
|
|
|
|
|
|
| |
محمد حامد جمعه
معتصم مصطفي الجبلابي
Motaz Ahmed
غباشي
Hussein Mallasi
فدوى الشريف
رأفت ميلاد
Marouf Sanad
محمد عادل
محمد البشرى الخضر
فيس بوك
تويتر
انستقرام
يوتيوب
بنتيريست