|
|
 جهاز المغتربين.. وأساليب الزوغان من القرارات..
|
جهاز المغتربين.. وأساليب الزوغان من القرارات.. وما زلت استغرب في (الخدمات)
الأجهزة الحكومية في السودان، آخر من يسمع تصريحات الرئيس وينفذها، وعندما تضيق الضائقة يأتي التنفيذ مصحوبا بفهلوة وشيطنة، تأخذ منك بالشمال، ما أعطاك الرئيس باليمين (تصلح إعفاك)..
القرار 550 يعفي جميع المغتربين من المساهمة الوطنية (الضريبة) ما عدا المهنيين..
ونجي لتعريف المهنيين، ناس الجهاز بي شطارة شديدة، فسروا حكاية المهنيين بأي زول عندو شهادة جامعية من كلية متخصصة.. ونحنا طبعا دخلونا ضمنهم باعتبارنا خريجي إعلام.. ولو حاولت تجكلب وتقول يا اخواني أنا ما بتدخل تصنيف المهنيين يقابلوك بي نظرة ترهب الحجر الصلد.. ولو قلت انا ما شغال بي نفس مهنتي يلوحوا لك بالمصحف.. يا تحلف يا تدفع..
أنا شخصيا طوال الفترة الماضية كانوا كاتبني (موظف) وبياخدوا مني الضرائب على هذا الأساس..
المرة دي لي الشلاقة مشيت بعد ما عملت التقدير لي نايب المدير عشان يأجل لي لأني خلال سنة تقريبا مشيت السودان تلات مرات بنات حفرة.. وكل مرّة بدفع.. أها صاحبك لما فوقي قال وييييييين نحن كايسين لي المتلك ديل، موظف دي ما بتنفع معانا.. انت مهني.. واتلفت جاي جاي لقيت الجماعة المعاي كلهم احلف ما تحلف، وياناس والله وانا فعلتي وتركتي..
المصيبة التانية هي ما يعرف بالخدمات.. أنا سأظل مستغرب في طبيعة هذه الخدمات التي تقدم للمغترب، ما لاقتني أي خدمات.. في واحد عارف حاجة يا اخواننا!؟!؟
التقليعة الجديدة أن الجهاز يقلع منك رسوم الخدمات (بالسوداني) لأنو الريال قيمتو انخفضت، يعني الـ 95 ريال تحولت إلى 65 ألف جنيه، والفرق واضح، والأغرب أن رسوم 2006 بياخدوها من بداية السنة؟!
المهم هو (ماذا يقدم لنا الجهاز) مقابل كل هذا؟!
وختاما .. من أراد أن تذلل له الصعاب فعليه بـ (المعقبات)..
|
|
 
|
|
|
|
|
| العنوان |
الكاتب |
Date |
| جهاز المغتربين.. وأساليب الزوغان من القرارات.. | عبد الله عقيد | 02-08-06, 01:51 PM |
 Re: جهاز المغتربين.. وأساليب الزوغان من القرارات.. | عبد الله عقيد | 02-08-06, 02:02 PM |
| Re: جهاز المغتربين.. وأساليب الزوغان من القرارات.. | ود الباوقة | 02-08-06, 04:13 PM |
| Re: جهاز المغتربين.. وأساليب الزوغان من القرارات.. | عبد الله عقيد | 02-09-06, 06:42 AM |
| Re: جهاز المغتربين.. وأساليب الزوغان من القرارات.. | Alshafea Ibrahim | 02-09-06, 01:00 AM |
 Re: جهاز المغتربين.. وأساليب الزوغان من القرارات.. | مهيرة | 02-09-06, 05:51 AM |
| Re: جهاز المغتربين.. وأساليب الزوغان من القرارات.. | حريقة | 02-09-06, 06:23 AM |
| Re: جهاز المغتربين.. وأساليب الزوغان من القرارات.. | عبد الله عقيد | 02-09-06, 07:42 AM |
| Re: جهاز المغتربين.. وأساليب الزوغان من القرارات.. | عبد الله عقيد | 02-09-06, 07:05 AM |
| Re: جهاز المغتربين.. وأساليب الزوغان من القرارات.. | حمزاوي | 02-09-06, 06:58 AM |
| Re: جهاز المغتربين.. وأساليب الزوغان من القرارات.. | عبد الله عقيد | 02-09-06, 01:59 PM |
|
| |
عبد الله عقيد
فيس بوك
تويتر
انستقرام
يوتيوب
بنتيريست