الجهل يهدم بيت العز والكرم... How to raise a future reader

حفل دعم الجالية السودانية بمنطقة واشنطن الكبري بالفنان عمر احساس
سارة عبد الباقي الخضر ...فى الذكرى الخامسة لاستشهادك ...دمك دين علينا
هزاع عز الدين جعفر....لك التحية و الانحناء فى الذكرى الخامسة لاستشهادك
د.صلاح مدثر السنهوري....فى الذكرى الخامسة لاستشهدك ارقد مرتاح...ولن نترك السفاح
علم الدين هارون عيسى عبد الرحمن....فى الذكرى الخامسة لاستشهادك تارك فى رقابنا
بابكر النور حمد...فى الذكرى الخامسة لاستشهادك.....لن ننساك
وفاء محمد عبد الرحيم عبد الباقي...فى الذكرى الخامسة لاستشهادك.....دمك لن يذهب هدراً
محمد آدم على ابراهيم...فى الذكرى الخامسة لاستشهادك.....ودعطا لن نتركك ولو طال الزمن
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 18-09-2018, 05:09 PM الصفحة الرئيسية

مكتبة مريم احمد الحسين(مريم بنت الحسين)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
13-12-2011, 06:03 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: الجهل يهدم بيت العز والكرم... How to raise a future reader (Re: د.نجاة محمود)

    د.نجاة... شكرا على الاضافة، لسه ما قريتها بس قلت أجيب البوست عشان لأول مرّه أكتر من زول علّق لي من خارج المنبر لوووول... تحياتي للصديقة بت المنى... وصديقة الطفولة سارة ضاوي...

    سمارت، انا عايزه نكتب عن الreading technologies out there... انا عايزه اكتب عن leap frog... لكن عايزاك تكتبي لينا عن الiPad وتقييمك للتجربة مع أولادك بعد ما نصبتو على راجلك وقلتو ليه الiPad هدية ليه ههههههههههه...


    على صعيد آخر، رسّلت للأستاذة بتاعت محمود رسالة شرحته ليها فكرتي وانا عايزه اعلّم محمود شنو... وريتها انه محمود بعمل الواجب براه، بالتالي ضروري انها تشكّره لما يعمل كويس، وتتكلم معاه لما ما يعمل كويس... لانه كله شغله... العامل ده أضاف لمحمود شي من الحماس... لأنه لقى انه الشي البعمله في تعليق وتحفيز عليه من الاستاذة.. انا قلت ليها انها تعمل big deal of it... وفعلا محمود قبل يومين قال لي انه بحب يعمل الواجب بتاعه، وانه زمان ما كان بحب يعمله.. وخاصة الواجب بتاع الEnglish.. رغم انه ده الواجب الفي كتابه كتيره ومكرره... وكان بزهج منّه، ومرات كان بكتب بالطول .. يعني الكلمة تكون mop... يقوم يكتب m لنهاية الصفحة بعداك o بعداك p... ولكم ان تتخيلوا شكل الكتابة بطلع كيف!!! حسي بقى يكون ده أحب واجب ليه.. لانه استاذته بتخت ليه صور (زمان كانت برضه بتختها) لكن كمان بتناديه وتعلّق ليه بي صورة شفوية... الشي التاني طبعا هو براه بمشي يعمل الواجب بتاعه، وبقفل التلفزيون.. لما يخلص بقوم بقول لي "حلو"؟ زمان كنت بقول ليه حلو او شين... حسي بقيت اقول ليه، وريني رأيك انت ... حلو ولا ما حلو.. مرات يقول لي دي شينه.. ودي حلوه.. والشينه يقوم يمسحها براه ويصلّحها... مرات بقول لي حلو وهي شينه، بقوم اسكت.. واخلي الاستاذة هي التعلّق... برضه لما يقول لي دي شينه، بكون حريصه أسمعه ليه هي شينه... عشان اعرف تقييمه لنفسه بتم كيف....

    شي تاني، نجحنا يا سمارت في تقليل وقت التلفزيون.. وده شي استغربته ليه جداً... محمود ما عاجبه شديد التلفزيون وعادي مستعد يقفله لو وفّرته ليه البديل... وبقينا نوفّر البديل.. مرات wii مع بعض مرات نمشي نطبخ سوا مرات نقعد نتونس... الشي الما قادره اعمله اني ادخّل قراية الكتب خلال اليوم باعتبارها شي ممتع برضه... هو ارتبطت عنده القراية بوقت النوم.. وكل يوم بنقرا تلاته إلى اربعة كتب ما بين عربي وانجليزي وحندخّل فرنسي خلال الايام الجايه... واحلى شي انه هو بقى حافظهم ... عنده واحد كده اسمه clubhouse cho cho... مجنني بيه جن... وممكن لو فطيت لي كلمة يقولها بدلي.. حافظة من طق طق للسلام عليكم,.. وبرضه مٌصر عليه..!

    في انتظارك يا سمارت..
                   |Articles |News |مقالات |بيانات

13-12-2011, 06:34 PM

Amani Al Ajab
<aAmani Al Ajab
تاريخ التسجيل: 18-12-2009
مجموع المشاركات: 14883

للتواصل معنا

FaceBook
تويتر Twitter
YouTube


Re: الجهل يهدم بيت العز والكرم... How to raise a future reader (Re: مريم بنت الحسين)

    Quote: - تعليم الطفل كيفية الدراسة لوحده وتحمل مسؤوليتها باشراف قليل...
    - تحبيب الطفل في القراية الخارجية في ظل المغريات الكتيرة الموجودة حوله (تلفزيون، لعب، ألعاب إلكترونية).. الامريكان دليل على انه الحاجه دي ما مستحيلة.. شعب بحب القراءة جداً!
    - مسألة الفروق الفردية... وممكن الزول يقرا ساعة يستفيد اكتر من البقرا خمسة ساعات... انا مثال حي، لو ما كده كان اكون لحدي حسي مع جرايدي ديك!

    شكراً الحبيبة مريم على هذه النافذة الهامة ..
    سوف أجيب على هذه الأسئلة ومؤكد برجع لكم ..
    من واقع تجربتي كام " لثلاثة أبناء " وكمعلمه ..
    في هذا العمر الطفل يحب أن يقلد أما أبويه أو اخوانه
    الأكبر منه سناً..
    حرص الوالدين على القراءة أمام أطفالهم من انجح
    الوسائل والتي خبراء التربية ينصحون بها ..
    بالنسبة للصغير محمود ينصحون في المدارس الأمريكية
    بقراءة كتاب يومي لمدة " عشرة دقائق " وبالطبع فهو
    يحتاجك لانه لم يتعلم القراءة الجيدة بعد ..
    - أن تقرأ له الكلمات بتأني وبوضع الأصبع في الكلمة لكي
    ترسخ حروفها في ذهن الطالب " ..
    -ربط مايقرأ مع الصور التي تصاحب القصة ..
    -سؤال الطفل بعد كل صفحة أن يحكي ما سمعه مع تشجيعه
    على ذلك بالكلمات الحلوة " شاطر ، أنا مبسوطة منك ألخ "..
    بالنسبة للتلفزيون والكمبيوتر أقصي مدة هي " ساعتان فقط "
    وان يكون التركيز على برامج الأطفال أما الكمبيوتر التركيز
    على الألعاب التعليمة والتي تتناسب مع سنه ..
    الإهتمام بالرياضة والموسيقى والرسم والهويات الأخرى من
    الصغر على حسب ميول الطفل هذه بتقلل من مشاهدة التلفزيون ..
    مؤكد الفروق الفردية بتلعب دور كبير لذا نجد في المدارس
    الأمريكية تصنيف للطلاب على حسب مقدرتهم الذهنية ..
    لكم جميعاً التحية والتقدير ...

    التعديل: عذراً لان مداخلتي جاءت متأخرة ومن الواضح الأبن
    محمود تجاوز هذه المرحلة بعد إطلاعي على تعليق اسمارت أدناه ..

    (عدل بواسطة Amani Al Ajab on 13-12-2011, 07:16 PM)
    (عدل بواسطة Amani Al Ajab on 13-12-2011, 07:29 PM)

                   |Articles |News |مقالات |بيانات

13-12-2011, 06:57 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: الجهل يهدم بيت العز والكرم... How to raise a future reader (Re: Amani Al Ajab)

    Quote: على صعيد آخر، رسّلت للأستاذة بتاعت محمود رسالة شرحته ليها فكرتي وانا عايزه اعلّم محمود شنو... وريتها انه محمود بعمل الواجب براه، بالتالي ضروري انها تشكّره لما يعمل كويس، وتتكلم معاه لما ما يعمل كويس... لانه كله شغله... العامل ده أضاف لمحمود شي من الحماس... لأنه لقى انه الشي البعمله في تعليق وتحفيز عليه من الاستاذة.. انا قلت ليها انها تعمل big deal of it... وفعلا محمود قبل يومين قال لي انه بحب يعمل الواجب بتاعه، وانه زمان ما كان بحب يعمله.. وخاصة الواجب بتاع الEnglish.. رغم انه ده الواجب الفي كتابه كتيره ومكرره... وكان بزهج منّه، ومرات كان بكتب بالطول .. يعني الكلمة تكون mop... يقوم يكتب m لنهاية الصفحة بعداك o بعداك p... ولكم ان تتخيلوا شكل الكتابة بطلع كيف!!! حسي بقى يكون ده أحب واجب ليه.. لانه استاذته بتخت ليه صور (زمان كانت برضه بتختها) لكن كمان بتناديه وتعلّق ليه بي صورة شفوية... الشي التاني طبعا هو براه بمشي يعمل الواجب بتاعه، وبقفل التلفزيون.. لما يخلص بقوم بقول لي "حلو"؟ زمان كنت بقول ليه حلو او شين... حسي بقيت اقول ليه، وريني رأيك انت ... حلو ولا ما حلو.. مرات يقول لي دي شينه.. ودي حلوه.. والشينه يقوم يمسحها براه ويصلّحها... مرات بقول لي حلو وهي شينه، بقوم اسكت.. واخلي الاستاذة هي التعلّق... برضه لما يقول لي دي شينه، بكون حريصه أسمعه ليه هي شينه... عشان اعرف تقييمه لنفسه بتم كيف....

    شي تاني، نجحنا يا سمارت في تقليل وقت التلفزيون.. وده شي استغربته ليه جداً... محمود ما عاجبه شديد التلفزيون وعادي مستعد يقفله لو وفّرته ليه البديل... وبقينا نوفّر البديل.. مرات wii مع بعض مرات نمشي نطبخ سوا مرات نقعد نتونس... الشي الما قادره اعمله اني ادخّل قراية الكتب خلال اليوم باعتبارها شي ممتع برضه... هو ارتبطت عنده القراية بوقت النوم.. وكل يوم بنقرا تلاته إلى اربعة كتب ما بين عربي وانجليزي وحندخّل فرنسي خلال الايام الجايه... واحلى شي انه هو بقى حافظهم ... عنده واحد كده اسمه clubhouse cho cho... مجنني بيه جن... وممكن لو فطيت لي كلمة يقولها بدلي.. حافظة من طق طق للسلام عليكم,.. وبرضه مٌصر عليه..!


    ما شاء الله تبارك الله يا مريم. ربنا يحفظكم انت و محمود.
    يا ريت كل الامهات يشوفوا الكلام ده و يحاولوا يعملوا ذيه.
    الالتزام فى البداية ما ساهل. صعب جدا للام و للطفل...لكن النتائج بتكون عظيمة.
                   |Articles |News |مقالات |بيانات

13-12-2011, 07:44 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: الجهل يهدم بيت العز والكرم... How to raise a future reader (Re: smart_ana2001)

    تجربتنا مع ال اى باد كانت ناجحة بصورة لم اتوقعها.
    اولا....سهولة الاستخدام. اى طفل عمره اكبر من سنة لو شاف امه او ابوه فى ال اى باد لمدة خمس دقائق ح يتعلم يستعمله طوالى. المضحك ان الطفل بعد كده بيكون عاوز اللاب توب و التلفزيون يبقوا برضوا شاشات لمس. الان تلفزيوننا دايما ملطخ باثار اصابع صغيرة.
    تانيا...تنوع البرامج او التطبيقات. فى كمية مهولة من التطبيقات للاطفال. العاب ....كتب...برامج تعليمية.
    و لان الطفل بيحب التكرار..ما لازم الاهل يشتروا طن من التطبيقات. اتنين او تلاته كفاية. ده غير ان فى كتير جدا من التطبيقات دى مجانا. او بتكون فى نسخة محدودة مجانا, ممكن الطفل يجربها, لو حباها ممكن تشتروا النسخة الكاملة.
    ثالثا...فى تطبيقات كتيرة مفيدة جدا باللغة العربية.

    عندى طفل بيحب التلفزيون جدا. المنافس الوحيد للتلفزيون هو ال park. و لانى ما عندى طريقة اقعد فى البارك اكتر من ساعة او اتنين بالكتير...حاولت ان اشغله با ال اى باد. جربنا كم كتاب و عجبوه جدا. اكتر كتاب عاجه قصة علا الدين و المصباح السحرى. لان الجنى بيطلع من المصباح لما الطفل يمسح على المصباح. و لان السجادة السحرية بتطير بتحريك الاصابع على الشاشة و كمية من الحجات التانية. وال الاهم انه لو وضع اصبه على اى شيء فى الشاشة...بيتنطق اسم الشيء بصوت لطيف و معه اسم الشيء مكتوب.
    ده غير ان اغب تطبيقات الكتب بيجى فيها خيار ان الام تقرا الكتاب او الجهاز يقرا الكتاب. حتى قلب الصفحات فى خيار انها تتقلب يدويا او انها تتقلب اتوملتيكيا لما الجهاز يخلص من قراية الصفحة.
    لو كنا فلا البيت ...بقرا انا و ابنى بيقلب الصفحة. لو كانا فى العربية و انا سايقه بخلى الجهاز يعمل كل شيء. و على طفلى بس يختار الكتاب اللى هو عاوزه. مع انه طفلى ذو الاربع سنوات ما بيعرف يقرا لسه لكن هو عارف اى ملف فيه كتبه و العابه و بيعرف يصل ليه من الشاشة الرئيسية للاى باد.
    فى برضو كمية من ال flash cards ..و دى تبيقات فيها صورة شيء معين و لما تلمس الشيء المعين بيضهر اسمه مكتوب و الصوت اللى بيصدره الشيء المعين و ينطق اسمه. و دى حقيقة كانت مفيدة جدا فى الحيوانات و اسماءها و اصواتها. فى خلال اسبوع (نص ساعة فى اليوم) طفلى اتعلم اصوات و اسماء اكتر من 40 حيوان. حجات انا ذاتى ما كنت عارفها. و الظريف انه مبسوط بالموضوع. انا شخصيا ما بحاول اضغط عليه. الموضوع بالنسبة ليه كله لعب X لعب.
    فى برضو كمية من الالعاب التعليمية. و حقيقي استفدنا منها جدا.


    بالرغم من ان ابنى بيحب الكتب فى ال اى باد جدا و بنقرا فيها يوميا تقريبا....لكن انا مصرة لسه على الكتب الورقية. ما عندى سبب معين (علمى)...لكن عندى شعور انه لسه ما جاء الزمن اللى ممكن نتخلى عنها تماما.
                   |Articles |News |مقالات |بيانات

28-12-2011, 08:03 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: الجهل يهدم بيت العز والكرم... How to raise a future reader (Re: smart_ana2001)

    الحمد لله انك نقلتى البوست يا مريوم
                   |Articles |News |مقالات |بيانات

01-02-2012, 10:56 PM

Dr. Ahmed Amin
<aDr. Ahmed Amin
تاريخ التسجيل: 20-02-2007
مجموع المشاركات: 7037

للتواصل معنا

FaceBook
تويتر Twitter
YouTube


Re: الجهل يهدم بيت العز والكرم... How to raise a future reader (Re: smart_ana2001)

    Interesting

    تسجيل متابعة لهذا البوست الهااااام

    نفس المشاكل ده يا مريم نعاني منها ..

    سأخبر زوجتي لمتابعة هذا البوست ...



    تسلمي وضيوفك الكرام
                   |Articles |News |مقالات |بيانات

02-02-2012, 12:17 PM

احلام وهبي
<aاحلام وهبي
تاريخ التسجيل: 24-12-2009
مجموع المشاركات: 1548

للتواصل معنا

FaceBook
تويتر Twitter
YouTube


Re: الجهل يهدم بيت العز والكرم... How to raise a future reader (Re: Dr. Ahmed Amin)

    الأخوات
    مريم بت الحسين
    واسمارت العزيزات الغاليات
    والأخوة والاخوات المتداخلين لكم جميعا سلامي،، ومتلمين في السمح .
    انا لي زمن بفكر افتح لي بوست مخصوص لي سامي الدين ولدي الحركي وعايزاكم تشوفوا ليهو حل في الحركة المنعتنا وعملت لينا قطايع
    اما بخصوص المزاكرة انا لي هسي ما فكرت في المستقبل التربوي همي كلو في الحركة والفوضى والخوف من الخراب بالمناسبة السني ساميهو الايام دي سامي المدمر
    عشان كده الايام دي بنعلم فيهو السباحة وبعده الكارتيه عشان يجي راجع وانوم اها حكاية المزاكرة دي قطع شك بحلها ليكم محمد سنى اصلو بدرس في مدرسة بتدرس
    المواد الاكاديمية عن طريق الفنون ( التعلم بالفنون ) وهو يحكي لي عن تجربة التعلم بالفنون لكل المواد وفيها ينتبه كل الطلاب حتى المشاغبين ويتجاوبوا مع المعلم بصورة بصورة كبيرة وهناك برنامج للمزاكرة سوف اطلب منه ان يشارك به في هذا البوست المفيد والممتع
    لكم جميعا احترامي
                   |Articles |News |مقالات |بيانات

02-02-2012, 05:23 PM

متوكل الحسين

تاريخ التسجيل: 14-10-2010
مجموع المشاركات: 527

للتواصل معنا

FaceBook
تويتر Twitter
YouTube


Re: الجهل يهدم بيت العز والكرم... How to raise a future reader (Re: احلام وهبي)

    [Q

    UOTE]- تعليم الطفل كيفية الدراسة لوحده وتحمل مسؤوليتها باشراف قليل...



الأستاذة مريم

سالامات

لو سمعتى نصيحتى أن لا تتركى طفلك لوحده زمنا طويلا فخير له أن يكون مدللا و معجن من أن يكون منزويا و خاويا .
لا تسمعى كلام النصارى و دكاترتهم . أنظرى إلى تجارب الحيوانات و بالذات ال big cats و سوف تدهشى عندما ترى الفترات الزمنية للإلتصاق الأسرى ، و تفاوتها بين الفصائل المختلفة ` ، وفقا لمقدرة ال CUB فى إعتماده على نفسه .

سلامى مرة أخرى .
                   |Articles |News |مقالات |بيانات

02-02-2012, 06:55 PM

Kostawi
<aKostawi
تاريخ التسجيل: 04-02-2002
مجموع المشاركات: 37147

للتواصل معنا

FaceBook
تويتر Twitter
YouTube


Re: الجهل يهدم بيت العز والكرم... How to raise a future reader (Re: احلام وهبي)

    where is everybody????
                   |Articles |News |مقالات |بيانات

02-02-2012, 11:04 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: الجهل يهدم بيت العز والكرم... How to raise a future reader (Re: Kostawi)

    سمارت... كان ضروري أنقله... ناس كتار والله كتبوا لي واتصلوا بي ومتابعينه... وانا حاسه انه في لسه تجارب ممكن تتحكي .. ونستفيد منها

    د.احمد.. مرحب بيك وبزوجتك.. الموضوع ده فعلا هاميني ان شاء الله نفيد ونستفيد، ولو تخلي المدام تكتب لينا تورينا تجاربها عشان نستفيد منها...

    أم سامي... والله البوست نوّر جداً... ونظرية انه الطفل يتعّبوه بالرياضة دي انا مؤمنة بيها جداً، وهنا رغم قفلت البلد دي، بالقوة قاعدة انفذها، زمان قبل ما اجيب ليلى كنت بتحرك بسهولة اكتر، وكنت بودّي محمود التزلّج والسباحة.. لكن حسي البت البتحت البيت دي قعّدتني.. لكن برضه عندي مشروع اواصل بيه لمحمود... السنة الجاية مدرستهم عندها نادي رياضي بالعصر، بجوا ياخدوهم بي بص المدرسة وبمشوا يمارسوا رياضة.. ويشتركوا في كم فريق لو عايزين... حأشرّك محمود من اول السنة ان شاء الله ... عليك الله يا احلام، ضروري ضروري ضروري تكلمي لينا استاذ السني يحكي لينا عن تجربته المختلفة دي... قطر دي ياخ فيها حاجات عجيبة.. انا والله كنت مستمعته فيها بشكل! من الحاجات الكانت عا########ي جداً ASPIRE... كنت شغاله في شركة بتاعت software ورّدت ليهم برنامج رياضي بتاع كومبيوتر، سعر النسخة فيه 25000 ريال قطري، ناس ASPIRE اشتروا عشرة نسخ في غمضة عين ... كنت بمشي أدرّبهم عليه... الناس ديل مباااااالغة.. اها انا متأكده انه المدرسة الفيها أستاذ السني دي حتكون مؤسسة برضه ....


    عمو متوكل... بس كده؟ والله مشتاقين شديييييييد، اخبارك شنو ووين انت؟ انا والله البت الجديدة دي شالت زمني كله..

    عمو كوستاوي... كلامك صح والله.. واحنا الحياة قاعده تشغلنا والله عنهم، الله يعفي لينا... بس بقدر الامكان انا بحاول اعمل حاجات تخلي الناس ما تتفارق.. مثلاً انا ضد انه محمود وليلى يكون عندهم تلفزيونهم الخاص في اوضتهم، التلفزيون بتاعهم عاملاه ليهم فيه wii بس... لكن ما مشغله فيه قنوات، والسبب اني عايزاهم حوليني... وفعلا بنكون كلنا قاعدين في اوضه واحدة اليوم كله..


    تحياتي وشكري للجميع
                   |Articles |News |مقالات |بيانات

05-02-2012, 09:31 PM

Dr. Ahmed Amin
<aDr. Ahmed Amin
تاريخ التسجيل: 20-02-2007
مجموع المشاركات: 7037

للتواصل معنا

FaceBook
تويتر Twitter
YouTube


Re: الجهل يهدم بيت العز والكرم... How to raise a future reader (Re: مريم بنت الحسين)

    Quote: مرحب بيك وبزوجتك.. الموضوع ده فعلا هاميني ان شاء الله نفيد ونستفيد، ولو تخلي المدام تكتب لينا تورينا تجاربها عشان نستفيد منها...


    أكيد حنتبادل الخبرات لأنه في مواضيع يا مريم حقيقي عامله لينا قلق .. وما عارفين كيف نسيطر عليها


    بوستيك كبير وهام ..


    شكرنا وتقديرنا ...
                   |Articles |News |مقالات |بيانات

17-02-2012, 08:41 PM

مريم بنت الحسين
<aمريم بنت الحسين
تاريخ التسجيل: 05-03-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: الجهل يهدم بيت العز والكرم... How to raise a future reader (Re: Dr. Ahmed Amin)

    في انتظار أستاذ محمد السني...
                   |Articles |News |مقالات |بيانات

29-02-2012, 09:10 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: الجهل يهدم بيت العز والكرم... How to raise a future reader (Re: مريم بنت الحسين)

    وينكم يا جماعة؟؟؟؟
                   |Articles |News |مقالات |بيانات


[رد على الموضوع] صفحة 2 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de