|
|
 العيد عيدي يا بلاش...
|
جيت من السودان.. محمله بحكاوي ثمانية أيام.. كالحلم الجميل.. فتر السفر ما مرق لسه.. لكن بحكي ليكم وبتم ليكم باقي كلام دااااااااااااااااك.. كان متذكرنوا...
ناجي... اعتذار رئاسي كمان.. لكنك سوداني وبتعرف الامور في السودان كيف... عاد بس نقول شنو.. لك العتبى لحدي ما ترضى... الشوفه...
ملكة سبأ اعتذر جدا يا غاليه لعدم قدرتي على تلبية الدعوة الكريمة للأسف.. والله انا الخسرانه ...
راجعه
بنت الحسين
|
|
 
|
|
|
|
|
|
|
|
Re: العيد عيدي يا بلاش... (Re: ايهاب)
|
بنت الحسين
كل سنة و إنتي طيبة و حمد لله ألف على السلامة و إنشاء الله إستمتعتي بكل لحظة.
أبحتي البوست بتاعك حق "لو حتشتري من سودانيز أونلاين" علقت عليهو قبل يومين و أديت بكري نصيحة و ظهرت النتيجة أمس ما عارف صدفة ولا قرا كلامي
| |
|
|
|
|
|
|
|
|
|
Re: العيد عيدي يا بلاش... (Re: مريم بنت الحسين)
|
إيهاب.. بغران ولا حاسد؟ 
باشمهندس علاء... ببحت .. بس بكره.. عارف الوقت روّح واختك أساسا محيله مع النوم.. فيها فتر السودان كمان؟
ود العباسية... وإنت طيب .. تسلم يا رب..
قصي مجدي سليم العريس... طبعا قصي يا جماعة لم لاقاني قال لي زيارتك أخير عدمها.. كيف المدام يا قُصي.... ألف مبروك مقدما.. وأمنياتي الخالصة بحياة رائعة
بنت الحسين
| |
|
|
|
|
|
|
|
|
|
Re: العيد عيدي يا بلاش... (Re: مريم بنت الحسين)
|
نسم علينا الهوى
من مفرق الوادي
ياهوى دخل الهوي
خدنى على بلادى
تعرفي يا مريوم
فى اجازتى
مريت بشارع المدارس
عشان ازور مدرستى بحرى الاميرية 1 المتوسطة للبنات
لقيت ثورة التعليم اطاحت بيها
وبكل ذكرياتنا الحلوة
وبكيت
| |
|
|
|
|
|
|
|
|
|
Re: العيد عيدي يا بلاش... (Re: مريم بنت الحسين)
|
Quote: مريت بشارع المدارس
عشان ازور مدرستى بحرى الاميرية 1 المتوسطة للبنات
لقيت ثورة التعليم اطاحت بيه |
لنا إزيك.. درست سنة واحده في السودان.. قضيتها في مدرسة بحري الجديدة النموذجية... لا أدري إن كنت تعرفيها أم لا.. لكني أعرف أني كنت أمر يوميا بشارع المدارس قادمه من بيتنا في المغتربين بحري.. اذكر أمواجاً بشريه من الطلاب والطالبات في ذلك الشارع شديد الطول.. أذكر مبارياتنا مع طالبات مدرسة بحري القديمة وقد أصابنا الغرور من كوننا المنتقين بعناية من أوائل الشهادة.. نغني لهم بغباء طفولي "لا قراية لا كوره .. حالتكم ما معقوله"!!  ... لا تبكي.. الذكرى تظل محفورة في القلب... دموعك غاليه يا ستهم...
أستاذ هاشم.. مرحب بيك.. والله يسلمك ويبارك فيك.. كل عام وأنت بخير
بنت الحسين
| |
|
|
|
|
|
|
|
|
|
Re: العيد عيدي يا بلاش... (Re: مريم بنت الحسين)
|
شارع المدارس يا مريوم
ستات الداردمة
وتحذير الآباء المغلظ لينا بالا ناكل هذا "المرض المعبأ"من وجهة نظرهم
فلا نلقي بالا و نشترى الداردمة و قبل وقت كافي من lجيء ابائنا نغسل آثارها من على فستان المدرسة او الطرحة
وقراصة النبق والدوم
التبش بالشطة والدكوة
شارع المدارس
مدرسةعشمانة
الشعبية اولاد
مدارس الشهداء
فى نهاية الشارع عمارات ابراهيم طلب
وباللفة عوض ساتى وبحرى القديمة
والشكلة جوة حوش الاميرية
الاشطر 1 ولا 2 "الريفي"؟؟
ست كوثر ابراهيم ناظرتنا و ست عزيزة البدرى ناظرة الريفي
فصولنا ملكة و نفيسة
وست فاطمة عبدو ام الفصل
ذكريات حبيبة
لا تنمحي
لاجمل ايام العمر
| |
|
|
|
|
|
|
|
|
|
Re: العيد عيدي يا بلاش... (Re: مريم بنت الحسين)
|
مريم الحبيبة
فى اجازتى الماضية استنشقت كمية هائلة من الهواء النقي كلما عبرنا كوبري نيليا،إحساس لا يضاهيه إحساس انك سيد البلد فالسماء سماؤك و الارض ارضك،احساس بالتمدد و الحقيقة،
تعودت ان ابرمج عيناى كاميرتين حساستين حتى لا يفوتنى مشهد او واردة،وأن اجند احساسي للاستمتاع و انا اتذوق حلاوة التواجد بالسودان،حتى الغبار و الكتاحة ليهم طعم
احبك يا وطنى
| |
|
|
|
|
|
|
|
|
|
Re: العيد عيدي يا بلاش... (Re: lana mahdi)
|
مريم ولنا جعل الله أيامكم كلها أعياد وردنا وإياكم الى أرض الوطن
شوقتوني السودان وبحري والمغتربين والمزاد وشارع المدارس وأبنتي التي أزجرها وأعاقبها كل يوم لإنها مغرمة بشراء (اللغاويس) حسب تعبير والدتها من الباعة المتجولين حقيقة أشتقت للسودان ولم يمض على مفارقتي ليه ألا يومين .... بس كيتا فيكم راجع بعد أسبوع وإنشاء الله القعدة لغاية بعد عيد الضحية
يعني يا مريم إنتي بت حارتنا وأنا ما عارف ويمكن تكوني جارتنا ما بعيد
المهم حمدالله على السلامة وربنا يرد غربتك وغربة كل محب للوطن
| |
|
|
|
|
|
|
| |
مريم بنت الحسين
ايهاب
علاء الدين يوسف علي محمد
ودالعباسية
قصي مجدي سليم
Raja
lana mahdi
هاشم نوريت
Salah Abuhigill
عاطف عمر
Habib_bldo
فيس بوك
تويتر
انستقرام
يوتيوب
بنتيريست