العزيزة اماني العجب دعوة نقاش من ام لام

Quote: حرم دا كلام لولوه ساكت منك يا ود الزين افو افو يا جنيانتا دوب ليكم حس الصوت بناديكم والخواف ببين فيكم ايوي ايوي ايوي ابشرن يا بنوت .

Quote: يا حيدر انت متلوم لوم الجبال ما يشيلنو ما كنت تكبشر الكلام وكت هو مسحه دلق ماء وجه عمك اخير منه الدق

يا خالة دوما شوفي .. انا اصلو زول يقول لي اتلومت ما بغالطو كتير .. خاصة لو كان في مقامك انتي او اصحابي
لكن بقول ليهو كلمتي وبعدها اليجو يردوها على ويفندوها لو اقتنعت اصلي ما بستكبر من اعتذار ولا من لوم نفسي

دحين بشوف اني ما غلطت في كبشرة كلام الموج .. لي شيتن واحد
هو وقت غلط وكتب كلامو ما قلت شئ وسكتت .. رغم اني ختيت كلامو على الكنترول سي وكنت عاوز ارد
رجعت تاني عملت ريفرش لنضميهو لقيتو عدلوا بحجة الناس المحترمين ومراعاة ليهم كزملاء منبر
لكن ما كتبه مقتنع بيهو
يبقي مسحو ليهو لا بيعني اي شئ
وانا جبت الكلام دا عشان هو مقتنع بيهو واخلصو من الاحراج مع المحترمين من زملاء المنبر
يعني هي قناعتو وانا كفيتو شر يقولها وقلتها نيابة عنو

هسع لو صديق مقتنع انه ما قالو غلط اليقول عشان هو غلط انا مسحتو
او يمسحو من سكات دونما يقوول عشان زملاء المنبر
وانا دا قدامك بمسح كبشرتي وكلامي واعتذر ليهو - ولا بمشي ادقو لا حاجة لوووول )
ويا دار ما دخلك شر
لكن صديق الموج هو الدلق ماء وجهه بكلمة لا تليق بمن هو في مثل سنه ومربي واب اسرة واحفاد..
دا الكلام
لانو لو زول اساء ليهو في اسرته واهله الاساءة بتصل للجميع
ووصفه بالكلام المشين دا لاهل نجاة كلام قبيح
قلت فوق ويمكن انتي ما شفتي قولي.. وضعت نفسي في خانة واحد من اقرباء نجاة ديل.. هل الواحدة هنا لازم تدخل المنبر بمحرم عشان الناس ما تتسلط على اسرتها واهلها والا كيف؟
يعني الواحد بيخاف من الزولة العندها قريب هنا والبقية الي الجحيم
والا المبدأ مفروض يكون واحد..
لو كان الموج مستسهل انه يعفص لي نجاة من طرف لانها بدون محرم هنا ( رغم علمي بانه عندها اخوها بيكتب هنا لكنه مقل في كتابتو ومتابعتو ) لكن بيبقي دا كلام تاني


عموماً طالع هسع مشوار شغل والتلفوات ازعجتني بواصل ليك بعدين في فكرتي
تحياتي