|
|
|
 Re: العزيزة اماني العجب دعوة نقاش من ام لام (Re: د.نجاة محمود)
|
يا دكتورة نجاة
حديثك ملان بالمغالطات والمعلومات غير الصحيحة والاستحقار لهؤلاء الشباب
حين تزعمي اننا نخرضهم بينما نحن فقط ندعمهم
اسلوب صديق الموج مدان ولكنك لم تقصري معه وكذلك اسئتي للاخت سعاد تاج السر دون ذنب وفي عدائة شديدة
اعتقد انك تريدين الهرب من موضوع البوست وذلك لقلة حجتك فيه لاختلاق معركة ودخان كثيف
والدليل انك لم تردي مطلقا على وجهات نظري رغم كتابيتي لها بكل احترام
لك التحية
_________________________________
كلامك ما صاح والدليل انه يجي زول ذي الموج دا يمارس انحطاطه
ويشتمني وتسكتو ساي ..
عشان البوست دا فيه من الحقائق والصدق
خلى الناس دي عايزة توقفوا
على العموم انا طرحت ما اريده.
وفكرتي وصلت واضحة
وتقدير موقفي نخليه لعزيزي القارئ
وتحياتي
| |
 
|
|
|
|
|
|
|
|
Re: العزيزة اماني العجب دعوة نقاش من ام لام (Re: د.نجاة محمود)
|
اشهد الله انت قليلة ادب واقسم بالله مامربيه وحقو الواحد يجيب ليك
البوست بتاع مدثر حسن يسن من سودانيز اون لاين اورغ.
خليك محترمه عشان بتقولى عندك بنات وبقرو كلامك وفصاحتك مع الرجال
دى على فكره ما حقت بنات ناس وما تشبكينا العنف اللفظى
ومفرداتك المحفوظه دى.
والله لو انت اخت او ابنة او زوجة اى زول محترم يشق حنكك
افتكرتى دكتوره دى بتسقط عن الزول وقار الادب والاحترام..
اتلهى بس،،،
_________________________
دحين تفتكر كلام ذي دا كلام عادي؟
بعدا عايزين تتناقشو معاي؟
الشعب قال كلمته وما طلع الشارع
| |
|
|
|
|
|
|
|
|
|
Re: العزيزة اماني العجب دعوة نقاش من ام لام (Re: د.نجاة محمود)
|
Quote: عيييييييب على منو يا ايمن؟
على الموج الويز بجناحين حق المنظمات الاولها زاي
ولا انا الجيت فتحت بوست اوضح فيه وجهة نظري فيما يحدث في الخرطوم.
يا ايمن الحق حار.. |
بعد كل ما قيل وكل ما كتب,,
من العيب أن نقولها لأحدكم فقط الآن !
عيب عليكم إنتو الإتنين,,,أعتقد إنو من الأفضل الآن أن تتراجعوا وتراجعوا أنفسكم وتبعدوا عن هذا البوست المعيب,,
أنت فتحت البوست لنقاش فكرة معينة وهو حق طيبعى لكن بعد أن إنحرف وبقى عبارة عن
منابيذ وإساءآت ومهاترات أفتكر إنو من العقل أن يتوقف ,,وهذا ما يحدث هنا دائما,,
أفتحى ستين بوست والمرة الجاية ليك على إذا صديق الموج جاك لن أفكر مرتين فى أن أوجهها له وحده,,
فقط أتركى لنا الفرصة,,,
دمت بخير وهدوء نفس ,,,
| |
|
|
|
|
|
|
|
|
|
Re: العزيزة اماني العجب دعوة نقاش من ام لام (Re: doma)
|
..
.
Quote: الحجاز بياخد مليون عكاز
اها انا مارقه منها نهائي
|
خير فعلت .. يا دومه
المنبر دا المعافرة والمدافرة واللئم
والقبح بتاعه ما كل زول بقدر عليه ..
--------
انحنا ديقنا خيمة فى ميدان التحرير دا
بس كتروا لينا من الشاش والقطن
| |
|
|
|
|
|
|
|
|
|
Re: العزيزة اماني العجب دعوة نقاش من ام لام (Re: Tabaldina)
|
Quote: كلامك ما صاح والدليل انه يجي زول ذي الموج دا يمارس انحطاطه
ويشتمني وتسكتو ساي .. |
هذا كلام غير صحيح
انا شخصيا انتقدته
بعدين انتي كمان شتمتي الاستاذة سعاد تاج السر بدون ذنب ؛ مثلا هي قالت فلتذهب الدكتاتورية لمزبلة التاريخ قمتي قلتي ليها ستذهبي انت لمزبلة التاريخ
اسا عليك الله دي ما حقارة بس بالناس ؟
انتي تتهربي من النقاش الجاد يا نجاة لانك ليست لك مواعينه .
| |
|
|
|
|
|
|
|
|
|
Re: العزيزة اماني العجب دعوة نقاش من ام لام (Re: doma)
|
Quote: الحجاز بياخد مليون عكاز
اها انا مارقه منها نهائي
والعفو في العافيه يا صديق الموج صافيه لبن
العفو في العافيه يا حيدر الزين كنت امزح معك فقط لتلطيف الاجواء
والعفو في العافيه يا دكتوره نجاه
. افعلوا ما يروق لكم . |
يا خالة دوما .. باقي لك بيغباني كلامك...
بالجد الماعندو كبير يفتش لو كبير..
وانتي ياكي حكيمتنا هنا
( قاتل الله امين ود سليمان طلع مستشعب اممي )
المهم..
الجو عندنا في الشرقية هادئ ولطيف ولا ينقصه شئ سوى عدم رؤياكم الغالية
ونركز على الاهم...
يعتذر ود الموج باثر رجعي بعدين بنجي نعنف بت محمود الامين عشان تسحب كلامها
والغباء والاننحطاط في الاسرة ما بيتساون يا دوما
كم التحية
ـــــــــــــــ
تعبت انا يآخي ( ارحلو بقي يدي وجعتني من الكي بورد )
| |
|
|
|
|
|
|
|
|
 Re: العزيزة اماني العجب دعوة نقاش من ام لام (Re: أحمد طراوه)
|
..
.
Quote: شعب السودان، كادحي السودان، و اهل السودان الطيبين الذين صنعوا بغالي التضحيات و الصبر
إنتفاضة إكتوبر و ابريل، لا يطالبون
بعودة ولد اماني العجب الذى (دخل في سابقة تاريخية إستثنائية) جامعة ستانفورد إلى السودان،
لا يطالبون بموت ولد اماني في شوارع المصادمات الجماهيرية كشرط لمواصلة النضال و مواجهة نظام القتلة المجرمين
شعب السودان المكافح على درب الحق و صاحب الإشراق الوطني، لهو ارفع و اكرم من هكذا مطالب و مساومات
.. اهل السودان لن ينزلقوا إلى هذه الفاقة الذهنية و هذا الإسفاف الوطني الذى يقول : جيب ولدك من
امريكا خليهو يموت في شوارع الخرطوم بعدين طالبنا بإننا نطلع اولادنا في درب الحق
و منازلة النظام الباغي المتهاوي الذى يجب ان
يرحل اليوم قبل الغد
اهل السودان الطيبيبن ( بقلوبهم النظيفة .. و اكرر بقلوبهم النظيفة الفرحانة
بدخول الولد للوكر الغميس بتاع استانفورد ) عاوزين فقط من اماني
و محمد إنو اولادم يرجعوا من امريكا للسودان رجعة احمد زوويل،
و قريب الله يوسف سر الختم ( و المعروف ان قريب الله قد ترك صديقه زويل بمعهد كاليفونيا العالي
و عاد للسودان ملبيا" نداء جامعة الخرطوم ) |
لمن هو شعب السودان طيبين وكادحيين وما مطالبين بموت ابن هذا او تلك ليه
انت وبقيه الرعاع بتحرضوا فى اولاد الناس .. ياخى خليهم يدافروا يكملو تعليمهم
عشان يلحقوا ركبكم البتفاخر بيهو دا ؟؟
يعنى يبقى عليه كدح ومعاناة وكمان يطلع يضحى ليكم عشانم تجوا زى البرادعى ولا
غيروا تلقوها سائغة ؟؟
وما تجيب ولدك عشان يموت مع الشهداء وعايزهم ابناء الفقراء والكادحين
واناس التضحيات يموتوا والله قوة عينه وصراحة غريبة..
شابكنا مصلحات تدلس اهل السودان الطيبين والاسفاف الوطنى والفاقه الذهنية
هو فى اسفاف وطنى اكتر من كلامك الفوق دا .. والناس البتحرض فى الفقراء والمساكين الكادحين
هشان يغيروا ليهم الوضع بالريموت كنترول ..
والله الشعب المصرى برضو كان طيب .. ولا كيف ..؟؟
------
بطل التطبيبل وخلينا من الولد الدخل استتنافورد
ولا اتجارى لانتزاع حق الناخبين .. دا لسه قدامو مستقبل
عشان يبقى زى احمد زويل انت قاعد تسوى شنو .. مالك ما تجى ؟؟
قوم لف ..
| |
|
|
|
|
|
|
|
|
|
Re: العزيزة اماني العجب دعوة نقاش من ام لام (Re: Tabaldina)
|
Quote: قبل للامام على بن ابى طالب كرم الله وجهه
من هم الرجرجة يا امام؟
قال ارزال القوم وشرارهم،ان تفرقوا لم يعرفوا وان اجتمعوا اضروا |
حقيقه سيدنا على وصفك وصف مبالغ فيه......
ياخى انت رجل مريض حقيقه رجل مريض وواضع نفسك
فى موضع بعيد عنك كل البعد....احترم نفسك وشوف انت
بتتكلم مع منو...دكتورة نجاة توزنك وتوزن مليون على شاكلتك
| |
|
|
|
|
|
|
|
|
|
Re: العزيزة اماني العجب دعوة نقاش من ام لام (Re: وليد الطيب قسم السيد)
|
حلفو علينا ما ندخل الكلية الحربية زمان
ود خالتي أخوه قال كان بدوك دبابير من كتفك لمن يجرن بالواطه ما تخشها دا
هسع من سمعت المظاهرات خفت على الشباب اولاد اخواني واخواتي طوالي جريت اتصلت عليهم وعلى ابواتهم وقعدت ليهم في الفيس بوك عديل
مافي واحد فيهم حا يمشي
قريبتي بتقرى سودانيز اون لاين قالت لي عاين ديل بعد ما لبنت دايرننا نديها الطير
انا وأبوهم شقيانين عمرنا كله نلد ونساهر ونربي ونعلم لمن وصلناهم الجامعة دايرننا نخليهم يمرقوا عشان يجو يحكمونا
غايتو الأنقاذ دي تقعد عشرين سنة لي قدام وما ينجرح لي واحد فيهم
الداير يموت يموت لي في سريرة هنا في بيتي بحمد الله
| |
|
|
|
|
|
|
|
|
|
Re: العزيزة اماني العجب دعوة نقاش من ام لام (Re: doma)
|
مبروك لابني خالد تخرجه من جامعة هارفرد
ذي ما اماني فرحت لولدها ما شاء الله تبارك الله
اتخرج من هارفارد برضو الغبش بيكونوا عايزين الفرح دا يغشى دارهم
لما يتخرج ولدهم ولا بتهم من اي جامعة في السودان صغيرة كبيرة بمرتبة الشرف بدونها
في بلد عز فيها الفرح
في الدنيا دي ما عندهم الا عيالهم ديل
اماني تكورك ليهم بالصوت العالي
امرق ما تضارى
وهي تضاري اولادها
ما تتضارا امرق بره
والقصيدة للعزيزة سومة
البرضو مضارية اولادها
ربنا يحفظهم ويرعاهم ويحفظ اولاد كل السودانين وينجحهم ويفرح اهلهم بيهم
التحريض بدون ضرب المثال ما بنفع.
اسع الكيزان ديل قاعدين لانه في كل بيت من بيوتهم شهيد
طبعا ما عدا الترابي
الطلع نبي فالصو ساي
| |
|
|
|
|
|
|
|
|
|
Re: العزيزة اماني العجب دعوة نقاش من ام لام (Re: د.نجاة محمود)
|
ما تتضارا
امرق بره
اكسر حاجز الصمت الحرا..
وكورك فينا.مليون مره.
بى الصاراهو دواخلك..
جوه... وبره
على النبره وشيل العبره
انفض غبار السمح الجوه ..
وازرع فرحك فينا وما تتضارا..
تكبر شدره .. تطرح ثمره
تشيل اليابس ..
تطفى الجمره
****
شتت لونك فى لوحات الزمن الاغبر ..
لون بيه الفاضل منو..
يمكن يكبر ويمكن يظهر ..
وتانى نجيبو نلون صورته وامكن يبهر ..
لامن طيفك يظهر وينضر..
يشيل الحزن الساكن دارنا
وليه يكسر ....
وانضم تانى الفرح الاخضر
لحن نغم الشجن الباكى ..
دندن نغمو الفيك متحكر
وما تتضارا
امرق بره
اكسر حاجز الصمت الحرا
وكورك فينا مليون مره
اسماء الجنيد
______________________
يعجبني جدا شعر سومة
وكما قلت لها مرة
اشم فيه ريحة اللوبيا والجروف والنخل
لكن القصيدة دي شامة فيها بمبان
| |
|
|
|
|
|
|
|
|
|
Re: العزيزة اماني العجب دعوة نقاش من ام لام (Re: د.نجاة محمود)
|
Quote: لوول غايتو ود خالتك دا غش اخوه
لما تبقي ظابط متل عمك البشير او عمك المرحوم نميري
يوم تلقي ليك منظارتي كوز او شيوعي
تنط فوق دبابه بالليل
يدبجوا ليك بيان تقراه من الاداعه والتلفزيون
وانت ما ناقش ابو النوم
وتتحكر كم وعشرين تلاتين سنه
بحبحه وراحات وقروش بالشوالات
وحسابات في البنوك الخارجيه وفلل ويخوت
واي شئ انت عايزه ياتيك قبل ان يرتد اليك الطرف
وناس تقوم وناس تقع علي انجلاتك
وناس تكضب تضاري سوآتك
ياعبد العزيز ياابني الظبوطيه دي
هي مفتاح الجنه السودانيه |
عييييييييك أنت لسه من زمن الميري وترابه
دا كان زمان يا خاله
والله يا خالة الأصحاب والأصدقاء كتار الضباط وهسع أغلبهم بي رتبة مقدم الله العالم بي حالتهم يجبدو فيها بين الإيجارات والبنزين وتعليم الأولاد والمرتبات ما مكفياهم لكن غايتو بباصروها ومقعتنعين غير القراية والدوارات والسفر ومشاكل نسوانيهم دي براها حرب يا كافي البلا ما لقيت لي واحد فيهم معرس ليه مره مسكينة
انتي لسه من زمان نادي الضباط وأولاد جنابو والترحيل وبت اللواء وود جنابو عييييييييك فاتت عليهم
عندي قريبي نزل لواء وكان من اشطر الضباط واميزهم وانزههم لقيته شغال طلبة يبني في بيته مع أولاده ويستر في حاله عادي وبالمساء بشتغل مشاوير بي البكسي حقه عادي جدا
زمان الضباط اكلهم براه ونواديهم براها وما بركبو المواصلات وما بقعدوا مع كل الناس ودايما قيافة ومهندمين هسع عادي تلقى ليك لواء قاعد في الكمبو بلطط مع عساكر ولا عقيد بجبجب في حفلة ولابس ليه جلابية مقدودة
يا خالة دا كله راح أما مسألة الأنقلاب فالشغلة محروسة بي أولادهم وهم ضباط الصفوة وجهاز الأمن والمخابرات مافي ضابط جيش
الناس بقت في معياشه وكل الناس همهم هسع في السودان بقى
يعرس
يشتري واطه
يبنيها
يقري الاولاد في مدارس كويسة
يقريهم طب
يحج
يموت الله راضي عنه
وطبعا تتخلل الحاجات دي هموم جانبية جكيس خطوبة شيله ولاده ومقاضيها وحق المستشفى والسماية الايجار حق الدكتور والعلاج غير الهجايم دي دايرة بوست براه
هسع عليك الله بي الحاجات الفوق ديل والهموم دي في واحد عاقل بفكر يمشي يطلع مظاهرة ديل كلهم دايشين في امورهم ضباط على عساكر على موظفين على عمال
ولا كان عندي شافع ولا ولد بخليه يمشي يعمل مظاهرات عشان يموت عشان يجو ناس مرطبين وأولادهم أمنين يحكمو
طــظ وطــظ بالمايونيز للمناضلين
عايني يا خالة
شفتي هسع انا عندي فار صغير كدا تم سنتين سنونه بس عشان يطلعن كلفوني اكتر من 4 مليون ولسه وراي كتير زمان يا خاله الناس بتلد والحاله ماشه لكن هسع الزول كان ما أنكرب ما بقدر يربي أولاده كويس والدنيا يا خاله عولمة وكل شيئ متاح ومدارس الحكومة ما نافعة وهسع الناس عرفت واتعلمت وبقت تذاكر وتقرى وكل زول عاوز اولاده يكونو احسن اولاد والناس بتقطع من لحمها وبضحوا بي عشان يربو اولادهم دايرننا نفكهم بالساهل
| |
|
|
|
|
|
|
|
|
|
Re: العزيزة اماني العجب دعوة نقاش من ام لام (Re: عبدالعزيز حسين عبدالرحيم)
|
دكتورة نجاة ...سلام ..
Quote: اسع يا فائز بس دي الله قدرك عليها؟
ما قلت ليكم رجال مساكين!!!!!!
القربة المقدودة هم انت الماعندكم اخلاق ولا عرض.
بالجد عريان العرض ما بسترنو هدومه
الحاجة الزول اكتشفها من بدري في هذا البورد انكم خوافين موت من بعض
فلاحتكم في النساء تشطروا عليهن وتتسافهوا عليهن..
عشان تخرسوهن ( المحجبات والشينات)
وما تشجعوا وتسنوا كيبورداتكم الا لواحدة من قبيلة توسكا لمسة حنان
وناس الامبرة النائمة...
اسع لو كنت جبيتا صورتي السمحة هنا
كان نزلت عليكم شجاعة شديدة
واسع كان الموج راقد في الانعاش (زول مدردق)
|
شوفي ياحجة ...انا عمري ماغلطت عليك ولاشتمتك لانو مافي حاجة تستدعي ذلك ..خاتي مساحة لعامل السن البينا وكمان انك مره عيب الواحد يسئ ليها حتى لو كانت زيك ...دخلت معاك نقاشات ولم اتعدي حدود الادب وماشتمتك لا بالفيك ولا بالتبلى ..لذلك احسن تخلى مساحة للاحترام.. وياريت توريني انا ماعندى عرض ولا اخلاق كيف ؟!! ووين عرضي مامستور ...؟!! لانه دي اساءة مابقبلها ..
ثم اخيراً انا مايعنيني الناس شنو في المنبر ده ولا تعنيني اتجاهاتهم لذلك خاطبيني براى ..
ثم انا بحب المرأة الجميلة وبعشقها وبموت في دباديبها وبفوت ليها اى حاجة والشينة بمسك فيها لو قالت السلام عليكم انت عندك اعتراض ؟!!!!!
احترمي نفسك ....اوكي ....؟!!
| |
|
|
|
|
|
|
|
|
|
Re: العزيزة اماني العجب دعوة نقاش من ام لام (Re: د.نجاة محمود)
|
ثم انا بحب المرأة الجميلة وبعشقها وبموت في دباديبها وبفوت ليها اى حاجة والشينة بمسك فيها لو قالت السلام عليكم انت عندك اعتراض ؟!!!!!
ههههههههههههه
والله مبالغة لكن ...بوست تعلمنا منه الكتير
صلو علي الحبيب ...وأطرو الموت ..الله يهدي سركم
| |
|
|
|
|
|
|
|
|
|
Re: العزيزة اماني العجب دعوة نقاش من ام لام (Re: السمؤال بدرالدين)
|
Quote: حيدر أصلح بين الناس فهذا أنبل ياصديقي
___________________
دا ما اصلاح دا تفويت حقوق وظلم
الله ما فتح عليك تشجب الكلام الفارغ الكاتبو الموج دا؟
عايز تنصح الرجل الوحيد العنده كرامة ومحترم؟ |
يانجاة
والله أشجبوا ليك شجب كلام مامناسب ويفتقر لللياقة
كما أشجب قولك له بالغباء وغير ذلك فهذا مما لايليق
وأعلم ان قولك وقوله نتيجة الغضب الشديد وملاسنات تمضي ككرة ثلج ضخمة وغير بيضاء
ولكني إخترت ألأ ينضم للمعركة آخرين ويمتد الشقاق بين الناس
وحيدر مُحترم ولديه كرامه عرفت ذلك من الكثير من المواقف التي شهدته فيها ...ولن أحسب له هذا الموقف في إطار ذلك
ولا أعتبره كذلك من دعاة الفتنه ...وما كنت لأقرأ كلام الموج إن لم ياتي به حيدر ودون ذلك من الحلول الكثير ...بالتاكيد ليس منها ماقالته العزيزة دومه في إطار المزاح الذي قلل قليلا من إحتقان البوست
وهذا حديث قد يفتح مواضيعا أخرى للنقاش
على شاكلة هل نأتي بلغتنا المعيبة ونناقشها هنا في هذا الفضاء الإسفيري حتى نشفى منها ، نفتح الجروح ونفرغها من الصديد
لنفتح اعيننا يوما على نقاش لايشخصن القضايا وليس فيه ثمة إساءة ؟
هل نترك قبيح القول الذي لحظناه يمضي ...ثم نناقش قائله بوسائل أخرى كالماسنجر الداخلي او بتلفون عديل كده آملين ان يسهم ذلك في جعل هذا المكان أفضل ...وفي اللغة متسع نستطيع أن نوجع بها مناقشينا دون الخوض فيمايحط من كرامة الناس ويغضب أقربائهم ؟
هل هذا الدور في حد ذاته مناسب ...ومقبول من الناس
دور الحجاز ده ؟
يعني أنا مثلا لا أبالي بالعكاكيز ولكني لا أعلم كيف يراني الناس وأنا أطلب من صديق كحيدر يعرف محبتي له أن يُصلح بين الناس حتى إني لم أخشى منه ومن صورتي أمامه ؟
لأن هذا الموقف في حد ذاته قد يناله الإنتقاد الكثير ...خصوصا في ظل منبر شهوة المعارك فيه عاليه ...والبوستات التي يتبادل فيها الناس السباب ...بوستات شباك وروادها كثيرون تقلقهم النهايات السعيدة
كأن يأتي الموج ونجاة متصافيين يعتزر البادي بالخصام
دون الحاجة لقضاة ومحترمين آخرين
براكم كده ...اخوة أفاضل نختلف معكم هنا وهناك ولانتهمكم بعدم الإحترام
يستطيع أي منكم ان يُنهي هذه القسوة
بما في ذلك الإصرار على الإعتذار ، لانقول خلاص معليش ولكن نقول إعتذارات لاحاجة لأن نكون شهودا عليها
على ألا يعود الناس لنبش هذا البوست
مجرد إقتراح يعني
والذي يبتدر ذلك يظل هو القادر
فما أسهل الشتيمه
احتفظ بذاكرتي من ذلك النوع من الشتائم ما إن عرفه البعض في هذا المنبر لنازعوني فيه بالسيوف إلا أني أثق ثقة عمياء أنه لن يأتي يوما يحتاج فيها منطقي لإستدعاء ذلك من الذاكرة
أقول ذلك وأنا عليم بأساليب الكبشرة وحُب الناس للإرشيف
| |
|
|
|
|
|
|
|
|
|
Re: العزيزة اماني العجب دعوة نقاش من ام لام (Re: Kostawi)
|
ما علينا : خلونا في موضوع البوست :
بوست الدكتورة فكرتو في منتهى البساطة ويطرح سؤال يدور في ذهن الجميع ، والمحاولات الواضحة لتمييع المسألة كان سببها أن السؤال فعلاً لمس بعض مدعي النضال في وتر حساس جداً وأوقفهم أمام الحقيقة المجردة فلم يقوو علي تحملها فجنحو للهتر.
أولاً :
محور البوست هو السؤال التالي والذي طرحته الدكتورة بكل موضوعية ووضوح وإحترام بلا مهاترة :
Quote:
انت ام لثلاثة ابناء
هل يمكن ان ترسليهم للاشتراك في هذا التغيير؟ |
كان الرد - والذي جاء صادماً ومفاجئاً - فيه كثير من الهروب من الواقع بحجة أقل ما يقال عنها أنها واهية وضعيفة ولا تقنع أحداً ، كما إن الإجابة أتت بعد مقدمة طويلة غير منتجة وهي مقدمة لم تقود إلي النتائج وفق تسلسل منطقي خطوة بخطوة لتقود إلي النتيجة التي قصدتها المذكورة في عنوان البوست.
وقد جاءت الإجابة علي التساؤل أعلاه بالآتي :
Quote: حيث تعرضنا لأذى الإنقاذ في سنتها الأولى واخرجنا
من ديارنا وليس بوسع العودة إلى السودان الأن أرجو أن
توافيني بعنوان الإقامة في السودان الذي تودين أن ابعث
اليه ابنائي |
عليه فإن خلاصة الأمر وزبدته أن ما يقف دون أن يرسل بعض المناضلين الأبناء والبنات للسودان للمشاركة في التغيير - ووفقاً للإفادة أعلاه - هو مشكلة مكان الإقامة.
الموضوع طلع مشكلة سكن.
| |
|
|
|
|
|
|
| |
أيمن الطيب
doma
Abdel Aati
HAIDER ALZAIN
وليد الطيب قسم السيد
فايزودالقاضي
امير طمبل
السمؤال بدرالدين
عمر عشاري
Kostawi
Mohamed Abdelmotalib Hassan
فيس بوك
تويتر
انستقرام
يوتيوب
بنتيريست