فنانات جنوب الحزام ..!!

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 22-09-2018, 07:37 PM الصفحة الرئيسية

مكتبة ناذر محمد الخليفة(ناذر محمد الخليفة)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
18-02-2013, 01:42 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: مجاهد محمد الهادي)

    موحمد المشرف ..

    Quote: ناذر ..
    كيفك وكيف كيفك ياخى ..

    تعرف !!

    زمان د. نجاة الله يطراها بالخير اتهمتنى بانو انا طارح نفسي كزول اورستقراطى ..
    فدحين خلينى اطرح ليكم كم سؤال اورستقراطى كده ..

    من هو ايمن الربع ؟..
    يعنى شنو قونات ؟..
    يعنى شنو كتمات؟.
    يعنى شنو صامولة؟!!



    ....
    وبعدين الحاجه الكنتو بتنيشو بيها الطيارات ديك اسمها شنو .. ايواااا .. نبله !!
    يعنى شنو ؟


    بوريك لكن بعد ما توريني ..أورستقراطي معناها شنو ؟!

    علاقتا شنو بي سقراط ؟!!
                   |Articles |News |مقالات |بيانات

18-02-2013, 01:44 PM

أحمد ابن عوف
<aأحمد ابن عوف
تاريخ التسجيل: 26-04-2010
مجموع المشاركات: 7610

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: مجاهد محمد الهادي)

    دقيقة يا اخوانا نحصل ولدنا دا

    باقيلي بعرف حاجة من البسعل منهن

    Quote: من هو ايمن الربع ؟..

    الله لا وراك ليهو

    Quote: يعنى شنو قونات ؟..

    يبدو والله اعلم انه "شخص" وممكن يغني وممكن تجيب فيهو "قون"

    Quote: يعنى شنو كتمات؟.

    دي شكلها عندها علاقة بالسجارات "الخدرا"
    يعني زي ما تقول كده الحفلة كلها بتكون كاتمة او اي زول فيها كاتم
    او لو كنت انت زاتك ما بتكتم احسن ما تمشي وخليك في نواحي جاردن سيتي بتاعتك

    Quote: يعنى شنو صامولة؟!!

    لا تسألوا عن اشياء ان تبد لكم تسوؤكم

    للضمان كده بجازف وبجاوب، شكله كده "شخص" "بقرطوا" بيهو الحفلة
                   |Articles |News |مقالات |بيانات

18-02-2013, 01:45 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: مجاهد محمد الهادي)

    تسلم يا مجاهد يا أرباب ..

    Quote: يا زول و وحاتك وقبل ما نقرا المتن وجسم الموضوع زاتو أديناك صح

    وأشياءك بتستهوينا وبس

    وبنحب الناس الجميلة والمبدعة

    يا أبو النز يا فنان


    دا من ذوقك يا اصيل ..
                   |Articles |News |مقالات |بيانات

18-02-2013, 01:51 PM

أحمد ابن عوف
<aأحمد ابن عوف
تاريخ التسجيل: 26-04-2010
مجموع المشاركات: 7610

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: ناذر محمد الخليفة)

    وأنا مع الناس البيقولوا سمح الغنا في خشم نانسي كان حقها كان حق غيرا ..!!

    والله فت طلحة بي هناك، بكى زي دا ولللا ادونا ليهو زاتو

    ____________

    لولا اختلاف الآراء لبارست السلع يا ناذر

    والاختلاف لا يفسد للود قضية
                   |Articles |News |مقالات |بيانات

18-02-2013, 02:20 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: مجاهد محمد الهادي)

    أها يا جماعة الصفحة الرابعة قلبت ..

    وطبعا حا ننزل اغنية جديدة من أغنيات فنانات جنوب الحزام ..

    بس في حاجة ..

    ما تعملوا ساتر المرة دي .. حا تستمعوا لي صوت جميل جدا أنا قبل كدة قلت أنو الصوت دا لو لقى شوية اهتمام واعلام وأغاني نضيفة حا يتسيد الساحة الغنائية النسائية دون منازع ..!

    هذا الصوت فيهو كمية من التطريب والشجن مبالغ فيهو .. بس للأسف الأغاني ركيكة والأختيار مخستك كما هو حال معظم فنانات جنوب الحزام ..


    غايتو كدي جازفوها وأسمعوا لكن من غير ما تسمعوا ؟!!

    فهمتوها كيف دي ؟!

    يعني أسمعوا الصوت لكن ما تسمعوا الغنا .. يعني ركزوا في التطريب وأنسوا الكلمات ؟!

    والله غلبني الأقولو .!! يعني أفرز يا دجانقو ..!!

    المهم هاكم الأغنية وأنتوا اتصرفوا وياعمر الفاروق وتمبس وكيكي وطلحة عليكم الله ارضو غروري وأكتبوا لي رايكم بصراحة في الصوت دا :




    يا خاينة يا خاينة ..!
    يا الخـسيـسة الخيانة ظاهرة وباينة !!
                   |Articles |News |مقالات |بيانات

18-02-2013, 02:25 PM

عبد الله فقير
<aعبد الله فقير
تاريخ التسجيل: 31-01-2013
مجموع المشاركات: 453

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: ناذر محمد الخليفة)

    ياناذر الله يديك العافيةياخ على هكذا امتاع
    اما عمر الفاروق وتمبس
    فياخ انتو عمار شريعى الشعب
    مفروض بكرى يعلق لينا البوست دة
    والله صحى
                   |Articles |News |مقالات |بيانات

18-02-2013, 03:27 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: عبد الله فقير)

    عمر السلمة

    باين من اسمك انك ساكن جمب القونات ديل ..

    Quote: الأخ ناذر تحياتي
    بوست جميل جداً والله ... وأول أغنية على ما أعتقد دا حمادة العباسية (نفس الصوت) أهو كلو من بعضو ...



    بالله الصوت دا صوت ضكر ؟!!

    أنا الملف جاني مكتوب فيهو عباسية سمعت الغنية طوالي صنفت صاحب الصوب بت ما ولد ؟!!

    هسي العباسية ذنبها شنو يسيئوا ليها كدة ؟!!

    Quote: أنت عارف لما تقول عمر دا بجي براي ارد عليها وأقول (كُر علي عمر يجي وين تاني؟؟ ) طبعاً الكلام دا كان في اول سنين الغربة المرة


    ههههههه أظنها لا من خلت الغنا تكون ما جيت هههههههههه
                   |Articles |News |مقالات |بيانات

18-02-2013, 03:32 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: عبد الله فقير)

    لا والله يا ابن عوف لا بكى لا ضحك ..

    Quote: والله فت طلحة بي هناك، بكى زي دا ولللا ادونا ليهو زاتو



    بس دا من باب النصيحة ... هل تعلم أنو نانسي عجاج أنا انتقدتها في الصحف وفي الموقع دا وسلقتها بألسنة حداد لمن طلعت ألبوما الأول الـ بالعود .. كان فيهو أخطاء فنية فظيعة وكانت معركة دخلوا فيها كتير من الأطراف الفنية الناقدة وفي النهاية الحمد لله طلعت منتصرا والقائمين على الشريط اعادوا تسجيل وطباعة الشريط مرة أخرى بعد تفادي السلبيات والأخطاء الذكرتها ..

    أمش مكتبتي وبتلقى العدة كلها بي هناك ...
                   |Articles |News |مقالات |بيانات

18-02-2013, 03:40 PM

عمر السلمة
<aعمر السلمة
تاريخ التسجيل: 09-01-2013
مجموع المشاركات: 240

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: ناذر محمد الخليفة)

    أخونا ناذر سلاااااااااااام

    واحد صاحبنا مسمى الأورغن التكنكس (راعي البقر) هيع هيع هيع هيع..... نغمة شهيرة في الأغاني وموجودة في أغنية الصفحة التانية
                   |Articles |News |مقالات |بيانات

18-02-2013, 03:33 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: عبد الله فقير)

    عبد الله فقير ..

    Quote: ياناذر الله يديك العافيةياخ على هكذا امتاع
    اما عمر الفاروق وتمبس
    فياخ انتو عمار شريعى الشعب
    مفروض بكرى يعلق لينا البوست دة
    والله صحى


    تسلم حبيبنا ..
                   |Articles |News |مقالات |بيانات

18-02-2013, 03:58 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7478

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: ناذر محمد الخليفة)

    والله يا عمر الفاروق أنت كاتب من جنوب الحزام عديل كدا

    ياخي كتابة زي شية الجمر الواحد يقرأ ويتمطق

    متعة شديدة ياخ

    لو أمكن واصل ياخ

    البوست دا يا ناذر أبقى عليهو عشرة وما يتقفل

                   |Articles |News |مقالات |بيانات

18-02-2013, 04:18 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: حمد عبد الغفار عمر)

    نقطتين وجب توضيحهم..
    الأولى لي ناذر..
    يا ناذر ياخ والله ماا خلطت جنوب الوادي بي جنوب الحزام ..انا قاااصد ..بس بستخدم تعبير الوادي ده عشان انا امدرماني بحححت وجنني وجن الحاجات يشتهروا بيها ناس الخرطوم :)
    نحن عندنا في دار الرياضة امردمان ما بنستخدم هكذا تعبير عندنا طريقنا اجمل يستخدمها ظرفاء الدار لمن يشوفو أييي زول شكلو جنوب الحزام أو اللوري حلّ بيهو يادوب ..
    بي صوت وااحد يغني ليهو جميييع من في الدار :
    أصييلة حنيينة يا أمدرمااان جمعتي الناس ..كل الناس.. لا كليييتي .. لا مليييتي .. :) :)


    التوضيح التاني لي طلحة :
    بلداً هيلي انا كلمات والحان طارق الأمين ..غناء فرقة الهيلاهوب ..
    بالنسبة لي نانسي عجاج انا تعمدت يا طلحة ما أديك رأيي فيها هنا وفي البوست ده من ناحية التطريب والغناء والصوت لأنو ده موضوع تاني بجيك ليهو في حتة تانية ..
                   |Articles |News |مقالات |بيانات

18-02-2013, 04:21 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: حمد عبد الغفار عمر)

    !!!!!

    Quote: والله يا عمر الفاروق أنت كاتب من جنوب الحزام عديل كدا





    غايتو الليلة دينق حا ينفش ريشكم
                   |Articles |News |مقالات |بيانات

18-02-2013, 04:38 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: ناذر محمد الخليفة)

    هلا عمر السلمة ..

    Quote: واحد صاحبنا مسمى الأورغن التكنكس (راعي البقر) هيع هيع هيع هيع..... نغمة شهيرة في الأغاني وموجودة في أغنية الصفحة التانية


    والله ذكرتني قصة حصلت لينا .. كنا في الثانوي وكان عندنا فرقة غنائية طبعا الزمن داك الأورغنات غالية نار ونادرا ما يكون في عازف عندو أورغن حقو .. كانوا بيعتمدوا على الأيجار والعازفين زاتم يعدوا على أصابع اليد الواحدة ، كنا في الفرقة بنعتمد على تأجير اورغنات من طارق العشي في الخرطوم 2 .. المهم يوم مشينا ليهو لقينا الأورغن المتعودين نأجرو منو طلع .. قام عرض لينا جهاز ياماها جديد psr 510 قال يا دوب جايبو من السعودية وقبل شوية أنتهى من برمجتو وقال لينا شيلوهو جربوهو ..

    الزمن كان متضايق وعازف الأورغ رضى وشلناهو .. طلعنا المسرح طوالي للغنا في مدرسة البشير الريح بنات في الحلة الجديدة .. المهم بتاع الأورغن لمن بدا يجرب في الايقاعات لقاها كلها مبرمجة هيق .. هيق .. هيق !! طبعا ما استسغناها لكن ما كان في طريقة كل الأيقاعات السامبا والرقي والتم تم والسيرة ظاهر فيها هيق دي !!

    رجعنا زهجانين وعازف الأورغن بتاعنا مشهور أنو زول ما بيتكلم كتير وزول كتوم جدا لكن الظاهر كان متضايق .. رجعنا لي طارق العشي دقينا الباب طارق فتح الباب قبل ما يتكلم بتاع الأورغن مدا ليهو الجهاز بي زهج قال ليهو : هاك أورغنك الماسكو أبو الشهيق دا
                   |Articles |News |مقالات |بيانات

18-02-2013, 04:43 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: ناذر محمد الخليفة)

    !!!!!!!!!!

    Quote: عندنا طريقنا اجمل يستخدمها ظرفاء الدار لمن يشوفو أييي زول شكلو جنوب الحزام أو اللوري حلّ بيهو يادوب ..
    بي صوت وااحد يغني ليهو جميييع من في الدار :
    أصييلة حنيينة يا أمدرمااان جمعتي الناس ..كل الناس.. لا كليييتي .. لا مليييتي .. :) :)



    والله دي حقارة شديدة لكن
                   |Articles |News |مقالات |بيانات

18-02-2013, 05:17 PM

محمد زكريا
<aمحمد زكريا
تاريخ التسجيل: 01-09-2009
مجموع المشاركات: 4909

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: ناذر محمد الخليفة)

    يا عمر وناذر بقيتو ريحة البوست طير طير
    كدى خلونا نسمع صوت جندريات المنبر فى البوست ده
    انتو عارفين التناقض الوقعتو فيهو يعنى كلكم معجبين ومكسرين فى هاجر كباشى وبتستكروا النسخ الكوبى منها
    لكن عمر الفاروق ختيتها لينا صاح المسكوت عنه ياخ خليك كده بس

    بالله انا زاتى لامن جيت السودان لعرس اخوى وطبعاً خاتى عودة الايام الخوالى انه الحفلة مجاملة لى رب السماء
    وناس البيت رحلوا من برى للازهرى
    واتفاجاءت بقرار صارم من شباب البيت قالولى اصحابك الفنانين والعازفين لو داير تعزمهم الف مرحب لكن الحفلة عندنا فنانة قاطعة
    ومن بعد المغرب بس كتمت جنس كتمة

    عرفت انه المسألة دى ليها علاقة بالوضع السياسى الراهن
    غايتو

    نانسى يا ناذر!!نانسى يا راااااجل
                   |Articles |News |مقالات |بيانات

18-02-2013, 07:58 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: محمد زكريا)

    كتبت ليك كلام كتير يا مورتون لكن الجهاز علق وأتمسح ..!!

    خايني أجيك بي رواقة وكويس جيتني بي فوق ..!!
                   |Articles |News |مقالات |بيانات

18-02-2013, 08:58 PM

عمر السلمة
<aعمر السلمة
تاريخ التسجيل: 09-01-2013
مجموع المشاركات: 240

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: ناذر محمد الخليفة)

    لفت نظري أسماء عازفين جنوب الحزام ..
    مفرتك الامة (مفرتق طبعا) طارق بنه .... التقول الأمة ناقصة فرتيق..؟؟
    المدمر نيجيري ... دا عازف وللا مصارع ؟؟ تحياتي
                   |Articles |News |مقالات |بيانات

19-02-2013, 09:09 AM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: عمر السلمة)

    ههههههههه

    Quote: لفت نظري أسماء عازفين جنوب الحزام ..
    مفرتك الامة (مفرتق طبعا) طارق بنه .... التقول الأمة ناقصة فرتيق..؟؟
    المدمر نيجيري ... دا عازف وللا مصارع ؟؟ تحياتي


    مفرتق الأمة ؟!! الزول دا عندو أورغن ولا قرنوف ؟!

    عشان بس تعرف الشغلة ما عندها علاقة بالاحساس نهائي !!
                   |Articles |News |مقالات |بيانات

19-02-2013, 09:33 AM

أيمن دياب

تاريخ التسجيل: 03-07-2008
مجموع المشاركات: 3411

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: ناذر محمد الخليفة)

    يا ناذر القوز..
    يا الضرابك بياكل الجوز..


    شنو يااااخي.. نحنا منتظرين..
                   |Articles |News |مقالات |بيانات

19-02-2013, 09:53 AM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: أيمن دياب)

    هلا مورتون ..

    Quote: يا عمر وناذر بقيتو ريحة البوست طير طير
    كدى خلونا نسمع صوت جندريات المنبر فى البوست ده


    حاجة غريبة .. البوست دا التقول حافلة ماشة تعقد !! وين الجنس اللطيف ؟ مع انو البوست بيتكلم عن فنانات ؟!!

    Quote: انتو عارفين التناقض الوقعتو فيهو يعنى كلكم معجبين ومكسرين فى هاجر كباشى وبتستكروا النسخ الكوبى منها


    النسخ كلها مضروبة .. محاولات تقليد واستنساخ غير مستساغة في معظم النسخ عارف زي شنو ؟!

    زي تكون معجب بي محمد الأمين ويظهر زول يقلدو وينجح في تقليدو لكن بدل يغني ليك زاد الشجون يغني ليك زيد المي واسايابريدك سميري زي ريدة جنايا .. .. وبدل يغني ليك بتتعلم من الأيام يغني ليك يا حليل ايام المغارز حبيبي في سريري وما في زول فارز ..!!

    شفت كيف ؟

    Quote: بالله انا زاتى لامن جيت السودان لعرس اخوى وطبعاً خاتى عودة الايام الخوالى انه الحفلة مجاملة لى رب السماء
    وناس البيت رحلوا من برى للازهرى
    واتفاجاءت بقرار صارم من شباب البيت قالولى اصحابك الفنانين والعازفين لو داير تعزمهم الف مرحب لكن الحفلة عندنا فنانة قاطعة
    ومن بعد المغرب بس كتمت جنس كتمة



    تعرف يا مورتون أيام زواجي أستمرت زي عشرة يوم ما بين قيدومات وحنن .. كانت عبارة عن لبن سمك تمرهندي ومن الأيام المابنساها .. ود عمتي عمل لي قيدومة كدة جاب لي فنانة اسمها نانسي الانقاذ .. دي غايتو عملت عمايل وأطربت الناس طرب لدرجة انو حاولوا يقنعوني أجيبا في العرس !! قلت ليهم أنتو دايرني تنحروني ولا شنو ؟ البت غناية وكل حاجة لكن حدها القيدومة دي بس !!

    تاني يوم شباب كلية الموسيقى عملوا لي يوم خطير .. فرقة مكتملة وفنانين جد وشغل علمي نضيف ..
    اليوم البعديهو الشغلانية قلبت .. اخوي جا من برة وهو بتاع مديح .. ضبح كدة وعمل فتة ورز ورز بي لبن وجاب الجيلي الصافي .. كان يوم غريب بالجد ..!

    وفي يوم كان جلسات بالعود مع فنانين شباب وناس نجوم الغد ..

    يعني أي زول واي مجموعة داير يعزك بي طريقتو واسلوبو وطبعا ما بترفض وتقول لا ..

    أما اليوم الخطير بالجد فبرضو مجموعة من اصحابي عملوا لي حنة كدة غنوا فيها زي أربعة صواميل !! غايتو أنا حمدت الله الحفلة ما كانت في بيتنا .. هجيج غريب وعجيب وكمان بعد الساعة حداشر كتموها بي دلوكة وحنة وشيشة وحاجات تانية حامياني ..!!

    غايتو أنا قربت اخلي العرس وأغير رايي !!

    Quote: نانسى يا ناذر!!نانسى يا راااااجل


    يا مورتون اها عندك كلام ؟ ولا أنت قصدك نانسي الانقاذ الذكرتها أنا فوق !!
                   |Articles |News |مقالات |بيانات

19-02-2013, 09:54 AM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: أيمن دياب)

    هلا ايمن ..

    Quote: يا ناذر القوز..
    يا الضرابك بياكل الجوز..


    شنو يااااخي.. نحنا منتظرين..


    أمبارح عملت محاولات كدة ما نجحت .. إنشاء الله الليلة ولا بكرة الشغلانية تظبط ..!
                   |Articles |News |مقالات |بيانات

19-02-2013, 10:05 AM

الخير محمد عوض
<aالخير محمد عوض
تاريخ التسجيل: 25-10-2005
مجموع المشاركات: 3547

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: ناذر محمد الخليفة)

    ناذر بتبالغ ياخ ياااا عمنا انا مش صاحبك ياخ كان تلاقيني في ردهات الفيسبوك وتقول لي تعال شوف الهجيج دا ههههههههه معقولة ياخ بوست زي البوست زي دا الحقو في الصفحة الرابعة !!!!
    طبعا الواحد بقى شغال بنظرية بس بعاين بعيوني وكدا :)..... لكن الريحني في كنكوجي صاحبي عمر الفاروق الزول دا في الحتات دي انا بشوف فيهو ود امدرمان التفتيحا والشايل مفاتيحا لانو
    بجيبها ليك من الاخر وبديك الزيت ... هسي انا كلامي الداير اقولو كووووووولو لقيتو قالو بضبانتو, عليه حا اقعد نظام عزيزي المشاهد وامتع روحي بالدهشة :)



    تحيتي يا حبوب واخوك جاي قرييييييب جهز لي من جنوب وشمال واعلي واوسط الحزام زاتو :)
                   |Articles |News |مقالات |بيانات

19-02-2013, 10:16 AM

طارق ميرغني
<aطارق ميرغني
تاريخ التسجيل: 25-12-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: الخير محمد عوض)

    طولنا من بوستات جميله زي دي اخي ناذر

    وبالله بالنره رسل لينا كم فلاش عينه مع تمبس

    من جنوب الحزام يكون كبابشي المقاطع


    ههههههههههههههههههههههههه
                   |Articles |News |مقالات |بيانات

19-02-2013, 10:26 AM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: الخير محمد عوض)

    Quote: ياخ بوست زي البوست زي دا الحقو في الصفحة الرابعة !!!!


    الرابعة شنو يا الخير .. كتمتها بي مداخلتك وقلبتها للخامسة هههههههه

    والخامسة عندنا معناها تعمل ساتر لأنو فيهو غنية جديدة من غنا فنانات جنوب الحزام ...

    وعشان أنت زول مبروك وأنت القلبتها هوبا حا أقوم أهديك الغنية دي .. رايك شنو ؟





    هييييي ما تشاكل أبوي حلال المشاكل

    عاملة جبنة بي نظاما والشيخة نسمع كلاما
    وأنا عاشقة الدساتر دستور يا أولاد ماما

    هداك شيخي النزير القلب الموية عصير
    لبست ليهو طربوشي سلامي للبشير

    وابوي حلال المشاكل
                   |Articles |News |مقالات |بيانات

19-02-2013, 10:56 AM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: ناذر محمد الخليفة)

    كيفك طارق ..

    Quote: طولنا من بوستات جميله زي دي اخي ناذر

    وبالله بالنره رسل لينا كم فلاش عينه مع تمبس

    من جنوب الحزام يكون كبابشي المقاطع


    ههههههههههههههههههههههههه


    زي الفلاشات دي انا ما بفرط فيهم لكن بنزلا ليكم بالقطارة ..

    يعني هسي في البوست دا نزلوا خمسة أغاني من جملة حوالي 500 غنية كدة ..

    ما تستعجل قربو يخلصوا ههههه
                   |Articles |News |مقالات |بيانات

19-02-2013, 03:58 PM

أيمن دياب

تاريخ التسجيل: 03-07-2008
مجموع المشاركات: 3411

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: ناذر محمد الخليفة)

    ياناذر أنا بتهم الفنانات ديل بالترويج لمسألة القبلية وفي بعض الأحيان العنصرية..
    يعني لما الواحد تقولي ليك جعلي من المتمة.. في اللحظة دي شعرك كلو يقوم صوف..
    وتشعر بالدم طلع في عروق راسك.. وتشيلك الهاشمية وتمشي تنقط المية..
    ولما تقول ليك مكتبو في السجانة وأنا ما قصدي الخيانة..
    تقوم تبشر وتديها كلمتين في أضانا تقول ليها بكرة بشحن ليك بوكسي بتاع سراميك في بيتكم..
                   |Articles |News |مقالات |بيانات

19-02-2013, 05:02 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: أيمن دياب)

    Quote: لكن الريحني في كنكوجي صاحبي عمر الفاروق الزول دا في الحتات دي انا بشوف فيهو ود امدرمان التفتيحا والشايل مفاتيحا لانو
    بجيبها ليك من الاخر وبديك الزيت ...

    الخير يا حبوووب..
    كدي وريني الحتت التانية البكون فيها ماااا ود امدرمان عشان ازوغ منها
                   |Articles |News |مقالات |بيانات

19-02-2013, 06:00 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: عمر الفاروق)

    أيمن دياب ..

    Quote: ياناذر أنا بتهم الفنانات ديل بالترويج لمسألة القبلية وفي بعض الأحيان العنصرية..
    يعني لما الواحد تقولي ليك جعلي من المتمة.. في اللحظة دي شعرك كلو يقوم صوف..
    وتشعر بالدم طلع في عروق راسك.. وتشيلك الهاشمية وتمشي تنقط المية..


    ققل كم سنة أنا ودينق أشتبكنا لأني نزلت أغنية من واحدة من فنانات جنوب الحزام وأتهمتها بأنها فنانة عنصرية ودينق دخل سالني الجديد شنو وأنا نزلت ليهو غنية في بوست منفصل فيها تعابير عنصرية زي (حنانا خوة خدم و######انة) .. غايتو راجع الرابط دا :

    تعال يا دينق أسمع الغنية دي عشان تاني ما تسألني : الجديد شنو ؟!!

    Quote: ولما تقول ليك مكتبو في السجانة وأنا ما قصدي الخيانة..
    تقوم تبشر وتديها كلمتين في أضانا تقول ليها بكرة بشحن ليك بوكسي بتاع سراميك في بيتكم..


    وهي العويرة تقوم تصدق وتزيد في العيار مش ؟!!
    دي أغاني بيشيلا الهواء والبيحدد مصيرا بتاع الساوند لمن يقرر يقفل الساوند ولا يجر الوصلة خمسة دقائق ..!!

    يعني مفعول الهاشمية بيفك بالليل وما بيعمل ليك (هانق أوفر) يبيتك للصباح يخليك تتهور بي بوكسي سراميك ..!
                   |Articles |News |مقالات |بيانات

19-02-2013, 06:29 PM

جمال ود القوز
<aجمال ود القوز
تاريخ التسجيل: 25-01-2013
مجموع المشاركات: 4259

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: ناذر محمد الخليفة)

    ياناس الفن الهابط إزيكم ..........

    ناذر .....
    غايتو الواحد مرات نفسو بتهفو لي ..
    حاجه بلديه ولايوقه ..
    فبقوم يتناول الحاجات الحرشه دي ..

    هاجر كباشى ......
    خامة صوت جيد ..
    بعدين في واحده تانية رهيبة ..
    بفتشا وبجيكـ تاني ..
                   |Articles |News |مقالات |بيانات

19-02-2013, 07:10 PM

tabaldy

تاريخ التسجيل: 27-04-2003
مجموع المشاركات: 1220

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: جمال ود القوز)

    لكن زولك الأداك فلاش العباسية دا مبالغة
    أها أنا لامن قلت ليك صامولة كنت سمعت عباسية وقايلك شامل الصواميل والقونات

    Quote: أنا الملف جاني مكتوب فيهو عباسية سمعت الغنية طوالي صنفت صاحب الصوب بت ما ولد ؟!!


    كدي خش اليوتيوب وشوف عباسية دا بعمل في شنو، وحاول ركز علي المقطع النازل في بداية الفيديو، واحدة كدا عملت عمايل في ثواني الفيديو الأولى
    ما تسألني من الرابط

    بالنسبة لي ترجمات كتمة وقونة والحاجت التانية الواردة في مداخلة في البوست دايرة مراجعة من معامل أنيس عبيد

    إنت حضرت الياماها بي دبل أس وبي أس أر والجي في سي ستمية وسبعمية وتمنمية؟
                   |Articles |News |مقالات |بيانات

19-02-2013, 07:24 PM

اسلام عبد الرحمن عمر
<aاسلام عبد الرحمن عمر
تاريخ التسجيل: 28-11-2004
مجموع المشاركات: 420

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: جمال ود القوز)

    الفنان ناذر بوست كاااااااااااااااتم على قولة الجماعه (كتمت ) هههه

    جينا متاخرين لكن قاعدين وراء الساون وحات الله نحنا الحته البتضرب فيها الكشافات فى الحفله مابندورا

    مستمتعين شدييييييد بالكتابه الطاعمه دى ..

    زمان يا ناذر لمن ظهرت حنان بلولو يا دابك جاتنا فى كوستى فى السينما كانت الحفله الزمن داك كان عندها شريط ملهلب شديد متذكرو بتاع (حماده دا ... حماده بابو جمب بابنا حماده بوظ اعصابنا )

    المهم الشريط كان مكسر الدنيا وفيها اغانى تانيه منها الحبشى وغيروا ,, الفتره ديك كانت حنان بلو بلو متسيده الساحه طولاً وعرضاً وكانت بالنسبه للفنانات الفى الزمن داك ذى فنانات جنوب الحزام اسسسع

    يعنى بالنسبه لى (حنان النيل _ امال النور _ حنان الصغيره _ زينب الحويرص ) شفت كيف ,, نرجع لى موضوع الحفله فى السنما طبعاً الموضوع ماكان هيييين ياعمك الموضوع فيهو رقيص وكده

    والله صحى حنان بلوبلو دى نخش ليك فى النص فى صولا كد وتحتو ليك ذى المافيها عضم (شباااااااااااااااب كانت ) اها اتذكر انصار السنه كان فرتكو الحفله عشان قالو حنان بلوبلو كانت بترقص ولابسه

    عريان وشنو ماعارف كده المهم .. قصة الرقيص دى ما اظنها اسسسع جزء من ثقافة فنانات جنوب الحزام .. يعنى انا حضرت لى رقيص ليهم على استحيا كده ..هههه بعدين فى حاجه تانية ياعمك

    فى حنك بتاع اغانى بتاعت بوليص ومابوليص و 3 تسعات والنظام العام ههههههههههه ياخ عليك النبى كان ماجبت لى غنيه من بتاعات البواليص ديل ههه


    خالص الود وبنجحى راجعين ان الله هون ... تسلم يا جميل
                   |Articles |News |مقالات |بيانات

20-02-2013, 07:36 AM

عمر السلمة
<aعمر السلمة
تاريخ التسجيل: 09-01-2013
مجموع المشاركات: 240

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: اسلام عبد الرحمن عمر)

    سلااااااام

    Quote: كدي خش اليوتيوب وشوف عباسية دا بعمل في شنو، وحاول ركز علي المقطع النازل في بداية الفيديو، واحدة كدا عملت عمايل في ثواني الفيديو الأولى
    ما تسألني من الرابط


    صدق انا برضو قلت ما في داعي للرابط خلي الناس براها تمشي وتشوف الجدع الجد جد ...قال شنو ؟؟ ورا ورا ورا
                   |Articles |News |مقالات |بيانات

20-02-2013, 01:53 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: عمر السلمة)

    ود القوز جمال ..

    Quote: ناذر .....
    غايتو الواحد مرات نفسو بتهفو لي ..
    حاجه بلديه ولايوقه ..
    فبقوم يتناول الحاجات الحرشه دي ..



    والله كلنا بتهف لينا .. بس كيف زي نوعية الأغاني دي تكون في أطار محدد ولمناسبات معينة .. وتكون زي الكلينكس تستخدم مرة واحدة وبس ..!
                   |Articles |News |مقالات |بيانات

20-02-2013, 02:00 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: عمر السلمة)

    تبلدي ..

    Quote: لكن زولك الأداك فلاش العباسية دا مبالغة
    أها أنا لامن قلت ليك صامولة كنت سمعت عباسية وقايلك شامل الصواميل والقونات



    الصواميل مدخرم لي بوست منفصل بس الظاهر في موضوع عباسية تشابه علي الاختصاص ..!!

    Quote: إنت حضرت الياماها بي دبل أس وبي أس أر والجي في سي ستمية وسبعمية وتمنمية؟


    لا حوللااااااااه رجعتني أظن عشرين سنة لي ورا ..!!

    انا متذكر خالد الصحافة مرة كدة ظهر بي اورغن يا ماها 6000 جهجه ليك الجماعة .. اظن أشتغل بيهو اغنية الم الفراق لي ابراهيم عوض .. كانت برمجتو مجنونة جد .. بعد داك نزار حامد ظهر بي ياماها 600 وفي عازف اسمو نادر دنجل ظهر بي تكنكس 2000 تقريبا .. الزمن داك كان ظهور أورغن جديد يعتبر خلعة والناس كلها بتحكي عنو .
                   |Articles |News |مقالات |بيانات

20-02-2013, 02:06 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: عمر السلمة)

    هلا الفنان اسلام ..

    وكويس جيت من ورا الساوند ..

    Quote: والله صحى حنان بلوبلو دى نخش ليك فى النص فى صولا كد وتحتو ليك ذى المافيها عضم (شباااااااااااااااب كانت ) اها اتذكر انصار السنه كان فرتكو الحفله عشان قالو حنان بلوبلو كانت بترقص ولابسه

    عريان وشنو ماعارف كده المهم .. قصة الرقيص دى ما اظنها اسسسع جزء من ثقافة فنانات جنوب الحزام .. يعنى انا حضرت لى رقيص ليهم على استحيا كده ..هههه بعدين فى حاجه تانية ياعمك



    إيييييييييييييه المقارنة معدومة بين حنان بلو بلو .. انت عارف فنانات جنوب الحزام بيرقصوا في نهاية كل فاصل ونهاية الحفلة .. لكن أكتريتم ما بيعرفوا يرقصو ورقيصم شتر مقارنة بي حنان ..

    حنان الرفيعة البانة والجسم المتناسق زمان .. وين هسي لي فنانة مكتنزة شحم ولحم وكريمات .. الرقبة طبقات طبقات زي الأكورديون .. لمن تكون دايرة تتلفت لي بتاع الأورغن ساي عشان تديهو ملاحظة الا تلف بي زاوية منفرجة ..!!

    رشاقة معدومة بالمرة .. وبعد دا كمان عندها نفس ترقص !! ياخي لمن تتخج وترقص تحلف تقول حا تطرشق قدامك وتخليك تعمل ساتر من تطاير اللحوم والشحوم .. !!

    Quote: فى حنك بتاع اغانى بتاعت بوليص ومابوليص و 3 تسعات والنظام العام ههههههههههه ياخ عليك النبى كان ماجبت لى غنيه من بتاعات البواليص ديل ههه


    والله بيكون في .. بس دايرة تفتيش كان ربنا هون نلقاها ننزلا ..
                   |Articles |News |مقالات |بيانات

20-02-2013, 02:12 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: ناذر محمد الخليفة)

    هههههههههه بالغت يا هوشمنو هوشمنو .. ما بسألك هههههههههه
                   |Articles |News |مقالات |بيانات

20-02-2013, 09:03 PM

zico
<azico
تاريخ التسجيل: 04-02-2002
مجموع المشاركات: 682

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: ناذر محمد الخليفة)

    ناذر سلامات

    موضوع كالعادة شيق
    حبيت اشارك بالصورة دي

    اتمنى اني ما اكون مرقت من الموضوع


                   |Articles |News |مقالات |بيانات

21-02-2013, 09:39 AM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: zico)

    زيكو ...

    Quote: اتمنى اني ما اكون مرقت من الموضوع


    مرقت شنو ياخ .. صورتك دي يا ها الموضوع زاتو !!

    عليك الله جبتها من ياتو حنانة هههههههههههههه
                   |Articles |News |مقالات |بيانات

21-02-2013, 10:47 AM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: ناذر محمد الخليفة)

    مرقنبو قرنبو ..

    Quote: يا ناذر كيفك
    ياخى دى ونسة في اوضة عزابة كهربتهم قاطعة ومولعين ليهم شمعه كده لاصقنها في الحيطة لمن عاملة شخيت اسود لى فووووق .
    انا غايتو لمن وصلت الصفحة الخامسة ما حسيت ليك بى نفسى والا قاعد اكتب في الكلام التحت ده
    المهم يا مان خصمتك في ضمتك دى .. بكره كان لقيت ليك واحدة من فناناتك ديل بتغنى فيها ادى اخوووك الفيها النصيب .


    كتلتني بالضحك يا خي بي قصيدتك الجنوب حزامية دي ههههههه

    Quote: الفنانة عشة جبخانة ( انت في واحده اسمها كده ؟ هههههههههه
    هوووووى يا انتو
    الفينى سببو انتووووووو
    تطقطق في اللبانة .... هوووووى يا انتو
    دى الماسحة الديانا ........ هوووووى يا انتو
    وماسحة كمان ديانه ............... هوووووى يا انتو ( دييين تك )
    طار البلنتى والناس دى راجيانا .......... هوووووى يا انتو
    تم تررم تم تررررررم هنا في رقيص عجاجو لاوى ..يعنى لازم تعمل حسابك من الحصحااااص والكتاحة .
    الصفقة تعبانة ...
    وسجم الما بصفق معانا
    اجى اجى اجى انتو هنا مافى غرابه ( دى طبعا بتقولها وبتكون بتقش في عرقها .. يعنى فرصة لغاية كواريك الغرابة ما تنتهى )
    الجعلي البريدو .....
    ونفسي اكون وريدو ....
    وسبام في بريدو ..... هوووووى يا انتو
    اتفيس معاهو واتوُوُوُتر شان رضاهو ( طبعا النقاطة هنا الا تكون فلاشات 32 قيقا وانتى ماشي)



    هههههههه بس في حاجة فاتت عليك .. فنانات جنوب الحزام ما محتاجات لي شاعر او قصيدة جاهزة .. ما عندهم زمن للحفظ .. هسي في ذمتك النماذج الأنا منزلا دي بتدل على انو الفنانة حفظت القصيدة أول ؟! يا خي ديل عبقريات عبقرية فذة .. وادي عبقر شنو ووادي سيدنا شنو ؟ ديل بديهتم حاضرة بيألفوا القصيدة ويلحنوها وكتيا..

    تاليف بيت الغنية بيتم في ثانيتيين وتلحينو في الثانيتين البعديهم وغناهو في الثانيتين البعد ديل ..!! شفت العبقرية دي ؟ ستة ثواني ولا أزيد هي زمن تاليف وغناء الاغنية وطبعا العازف جاهز ومتحسب لي كل التخريمات ومتعود عليها ...!! تقول لي قصيدة جاهزة ؟! زي قصيدتك دي شوف ليك قونة داقسة من شمال الحزام تلحنا وتغنيها .. اصلو ديل هم المتقهمات والمتطهمات و جنس الارتجال والنجر ما بيقدروا عليهو ..! فالحين بس للحفظ !!
                   |Articles |News |مقالات |بيانات

15-03-2013, 09:01 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: فنانات جنوب الحزام ..!! (Re: ناذر محمد الخليفة)

                   |Articles |News |مقالات |بيانات


[رد على الموضوع] صفحة 2 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de