|
|
|
 Re: رحلت وجيت لقيت الوطن إتقسم إتنين والمنبر بقى منبرين ؟! (Re: محمد على حسن)
|
والله انا المنبر دا بقرأ فيه لي كم يوم...
وخايف ادخل...اقع لي في شيمة...
اتاريكم ياكم زاتكم...
ودي سودانيز اونلاين؟؟؟
طيب ليش لما اكتب Sudaneseonline.com
كان بوديني لي حتات ########ة كده...
يعلم الله لولا الوصلة الرسلا لي مكاوي...
ما كان لقيتكم...وهسي ماني متأكد منكم..
الاسماء غايتو ياها الاسماء ذاتا..
لكن هل الناس ياهم...؟؟؟
علي كل ما عندنا شيتا خايفين عليه
| |
 
|
|
|
|
|
|
|
|
Re: رحلت وجيت لقيت الوطن إتقسم إتنين والمنبر بقى منبرين ؟! (Re: nazar hussien)
|
تعرف يا ناذر !!
أخوك داقس فى حاجات كثيره فى المنبر ده ..
واهو الزول بتعامل ونيتو تجاه الناس و الاشياء ..
اها ..
قمت استغربت جدا امبارح ..
لمن لقيت بوست لتراجى مصطفى بتتهمك بانك رجل أمن انقاذى وكوز !!
يا اخوانا !!
ده ناذر ود الخرطوم تلاته والزول الكتاااب !!
بينى وبينك انزعجت ولكن ..
بوستك ده نزل على بردا وسلاما
..
ويا اخوانا ...
اقسمت عليكم بالله ..
اللا ترموا "زول" بالكوزنه ناهيك عن "أمنجى"
الا ومعكم اربعة شهود عدول ..
ناذر !!
لو قامت ثوره فى السودان !!
أخوك ما بنفع معد للبرامج التوعويه ؟!!
| |
|
|
|
|
|
|
|
|
|
Re: رحلت وجيت لقيت الوطن إتقسم إتنين والمنبر بقى منبرين ؟! (Re: محمد حيدر المشرف)
|
Quote: لمن لقيت بوست لتراجى مصطفى بتتهمك بانك رجل أمن انقاذى وكوز !!
|
ههههههههههههههههههههههههههههههههههه...
رجل امن وانقاذي وكوز...؟؟
هي فاكره القصة دي ساااااعلة كدي...طالقنها في السهلة..
والله كان جابت معاها اوباما زاتو ما يدوها صفة امرأة
أمن وكوزة وانقاذية...
الحاجات دي كملت زمااااان..والدايرا يرجع يقرأ
الثانوي العالي من سنة اولي...ويقول
اقسمت يانفسي...لتجرأن
قد شنو كدي وشدو الرنه...
مالي اراك تكرهين الجنه
مالي اراك (بي صوت عالي كورسي) تكرهين الجنة
دي كانو بقولوها معانا ناس في داخلية الثانوي العالي
ونحن نلعب في الكوتشينة وهسي هم وزراء...
ما كنا عارفين الوزير بجي بي جنس الكلام دا؟؟؟
| |
|
|
|
|
|
|
|
|
|
Re: رحلت وجيت لقيت الوطن إتقسم إتنين والمنبر بقى منبرين ؟! (Re: nazar hussien)
|
محمد علي حسن ..
Quote: عسى ولعل خير
غياب فيه عضة قوية
عضة في حجم قوالة (من المقاولة) بيت ولد الزبير وبت د نافع
|
هههههههههه دي العضات ولا بلاش ...
واحد مصري بتاع ديكور رجع مصر قبل فترة .. قبل الثورة المصرية إتأخر جدا ضربت ليو قال لي هو شغال في فيلا بيملكا علاء مبارك وما بيرجع هسي إلا بعد شهرين تلاتة ...
بعد شهرين تلاتة وقبل يستلم قروشو الثورة قامت والقصة باظت .. إتلفت يمين شمال ما لقى الشركة الشغال معاها وما لقى قروشو وما لقى علاء مبارك زااتو .. يعني شغال تلاتة شهور مجاني عديل وقبض الريح وهسي قال داير يرفع عريضة ضد علاء مبارك هههههههههه
دحن يا محمد الحسن اخوي .. كان في ثورة ولا حاجة حا تحصل في البلد دي ورونا قبل شهرين تلاتة عشان نضمن حقنا بدري بدري ههههههههه العرائض والشكاوي دي ما عندنا ليها لا زمن لا صبر والشكية لغير الله زااتا مذلة هههههه
Quote: الهكر قال
ناذر عصاية نائمة وعصاية قائمة
الهكر عرفك
انت عرفت الهكر |
ههههههه الهكر دا لذيذ خلاص بالله من الكم وعشرين ألف مشاركة هنا ما يتذكر إلا التسديرة دي هههههه
الهكر عرفني وأنا عرفتو .. والزولة المقصودة عرفت العصايا من أول مرة كتبتها ليها أكان نايمة أكان قايمة هههههههههههه
| |
|
|
|
|
|
|
|
|
|
Re: رحلت وجيت لقيت الوطن إتقسم إتنين والمنبر بقى منبرين ؟! (Re: nazar hussien)
|
نزار حسين ...
Quote: والله انا المنبر دا بقرأ فيه لي كم يوم...
وخايف ادخل...اقع لي في شيمة...
اتاريكم ياكم زاتكم...
|
غيب وتعال تلقانا نحن يانا نحن يانا نحن ..
Quote: طيب ليش لما اكتب Sudaneseonline.com
كان بوديني لي حتات ########ة كده...
|
مش كان بوديك ..!! لي هسي لو كتبت بوديك ..!!
الهكر شال مفتاح باب المنبر .. علا الباب قاعد وهسي بكري بيحاول ينسخ ليهو مفتاح بديل ..!!
الناس القدامك دي كلها جتتتتت .. واحدين داخلين بالشباك وواحدين طفروا فوق الباب وإنت أظنك دخلت بي شباك ..!
Quote: الاسماء غايتو ياها الاسماء ذاتا..
لكن هل الناس ياهم...؟؟؟
علي كل ما عندنا شيتا خايفين عليه |
هم زاتم يا نزار .. هم زاتم ..
الهكر بس شال مفتاح الباب ومشى صنع ليو باب تاني يدخل فيهو مفتاحو ..!
| Quote: علي كل ما عندنا شيتا خايفين عليه |
بس خلي بالك من مفتاحك لأنو لو الهكر لحق قلعوا منك وخلاك ميطي دي مشكلة كبيرة .. مشكلة ليك طبعا لأنو الهكر أكيد بيلقى الحتة البيدخل فيها مفتاحك القلعوا منك ..
أو كمان يفتح بيهو شوال جديد ...!!
| |
|
|
|
|
|
|
|
|
|
Re: رحلت وجيت لقيت الوطن إتقسم إتنين والمنبر بقى منبرين ؟! (Re: nazar hussien)
|
ود المشرف كيفك ..
Quote: اها ..
قمت استغربت جدا امبارح ..
لمن لقيت بوست لتراجى مصطفى بتتهمك بانك رجل أمن انقاذى وكوز !!
|
أم رشيرش دي دايشة ساي وعاملة فيها ناقشة وهي ما عندها التكتح ..!
أنا زاتي إستغربت لمن شفت بوستها داك وكمان قالت ناذر مشارك في الجريمة بتاعت قتل المشردين ..!!
عليك الله الزولة دي نصيحة ..!!
الجريمة التقوم ليها في فنيلتا ..!!
Quote: ويا اخوانا ...
اقسمت عليكم بالله ..
اللا ترموا "زول" بالكوزنه ناهيك عن "أمنجى"
الا ومعكم اربعة شهود عدول ..
|
ما تتعب ساكت ..
في ناس هنا نافد فيها قدر الله والشغلانة معكوسة تماما ..
لو في أربعة تنفار عدول رموك بالكوزنة من غير اي دليل فأكيد باقي السبعة تالاف الفضلو كلهم بيكونوا مقتنعين إنك كوز وأمنجي طالما في اربعة قالوا بي كدة ..!
Quote: ناذر !!
لو قامت ثوره فى السودان !!
أخوك ما بنفع معد للبرامج التوعويه ؟!! |
ما بتنفع صدقني يا ود المشرف ما بتنفع ..
والدليل ثورة الإنقاذ القامت دي ..!
كنت وين لمن الزول داك كان بيقول في الرادي (أيها الشعب السوداني الفضل) ..!
ولا في فرق بين التعبوية والتوعوية ؟؟!!
| |
|
|
|
|
|
|
|
|
|
Re: رحلت وجيت لقيت الوطن إتقسم إتنين والمنبر بقى منبرين ؟! (Re: عماد الشبلي)
|
المشرف ..
| Quote: والله كنت مفكر اعمل دويتو مع جمال حسن سعيد فى نسخته الديمقراطيه |
ديمقراطية وين !! والله اسكتو ساي .. جايي علينا زمن .. الناس دي حا تتعصر لا من تتمصر ..
وجمال حسن سعيد دا ما حا يلم لا في برنامج لا في خلف الله ولا انحنا حا نلم في تلفزيون زاتو ..!
إنت ما عارف ملامح الجمهورية التانية ولا شنو ؟!
| |
|
|
|
|
|
|
|
|
|
Re: رحلت وجيت لقيت الوطن إتقسم إتنين والمنبر بقى منبرين ؟! (Re: ناذر محمد الخليفة)
|
ناذر وينك ياراجل
تتصور انا تايه من المنبر وما عارفه مشى وين
مشيت للمنبر وعيييييييييييييييييييييييك
لقيت نفسي كاتب جنس كتابة وكلها باسمي انا
وعندي حسابين ..... كمان
واشتعلوني جنس شغل .....
قلت ياربي في واحد تاني اسمه صلاح غريبة وانا ما عارف
يمكن توم ولا كدة
بس لقيت ليك برضو حبوبتي جابو سيرتها
ولي يومين ما دخلت ليهم وما عارف الحاصل شنو ..........................
انا جاي الخرطوم قريب ونقعد سواء
| |
|
|
|
|
|
|
|
|
|
Re: رحلت وجيت لقيت الوطن إتقسم إتنين والمنبر بقى منبرين ؟! (Re: صلاح غريبة)
|
سلام صلاح غريبة ..
Quote: بس لقيت ليك برضو حبوبتي جابو سيرتها
|
جابو سيرتا شنو ياخ ..!! في واحد قال لي إنو حبوبة صلاح غريبة بتكتب بي نفسها(لحما وشحما) في المنبر بي هناك بدل كل مرة ترسلك تقول وتوصي ..
قالوا كان في نيك نيم حايم بي هناك إسمو (حبوبة صلاح غريبة) واجمل تعليق كتبو زول قال : والله دي عوجة .. صلاح وحبوبتو الإتنين معانا هنا !!
إنت الظاهر عليك ما متابع ..!!
| Quote: انا جاي الخرطوم قريب ونقعد سواء |
ما عندي مانع لو القعاد كان بعد صلاة العشاء ..!!
إنت بس تصل بالسلامة ..
| |
|
|
|
|
|
|
| |
ناذر محمد الخليفة
جلال جبريل
محمد إبراهيم علي
مزمل خيرى
محمد يوسف الزين
محمد على حسن
nazar hussien
محمد حيدر المشرف
عبد اللطيف السيدح
عماد الشبلي
صلاح غريبة
فيس بوك
تويتر
انستقرام
يوتيوب
بنتيريست