|
Re: عدد من بورداب الخرطوم يحتفلون ببورداب الخارج في أمسية انيقة .. (توجد صور ) (Re: شول اشوانق دينق)
|
Quote: شول وبقال والله لكل جواد كبوة واكيد المسؤولين من الدعوات لم يجدوا وسيلة للاتصال .. ياخى قبال كدا ما حصلت لينا كتير فى رحلات وولمات ياخى ما اتعقدنا جنس دا .. |
تبلدينا يا مان ما تخاف نحن يانا نحن مافى زول إتعقد يا صالح واصلو كان زول فوتو لمة يتعقد كان حالتنا ما زى الحالة العارفها براك يا مان ما إتعقدنا بس بالجد الجو من برا كنا بنستحق نتعرف بيهم بس عموماً الحصل خير. وبعدين تعال هنا مين عارف إمكن كان الشباب يتصلوا مثلاً ويلقونى مشغول وما اقدر أجى فى الحالة ده الحالة النفسية بيكون اصعب من إنو ما يتصلو بيك اصلاً وإنت عارف الكلام ده طبعاً.
كل الود
| |
|
|
|
|
|
|
Re: عدد من بورداب الخرطوم يحتفلون ببورداب الخارج في أمسية انيقة .. (توجد صور ) (Re: Manal Mohamed Ali)
|
!!!!
Quote: أتاحت لي هذه الأمسية الجميلة أن أكتشف أن الأخ ناذر الخليفة (زول عربي ساكت) ما كان قادر يربط الكرفته!! مشيت بيهو بعيد وربطتها ليهو!! |
والله يا العباسي زي ما قلت ليك ..
أنحن ناس عرب ساي .. غايتو بنربط تكة السروال وبنكربا صاح لكن زي ربطة اللجام دي ما إتعلمناها لسع ..!
الغريبة انا قلت محمد عكاشة بصفتو نجم تلفزيوني وكدة أكيد حا يكون بعرف يربط البتاعة دي ، جيت حكيت ليو ظروفي قال لي : أنا برضو عربي ساي !!
صنفرة :
يعني يا عكاشة بقت على ربط الكرفتة ؟! الحمد لله في حاجات تانية بتعرف نربطا ومرات بتربط براها ,,! نسأل الله السلامة ..!
| |
|
|
|
|
|
|
Re: عدد من بورداب الخرطوم يحتفلون ببورداب الخارج في أمسية انيقة .. (توجد صور ) (Re: Manal Mohamed Ali)
|
توضيح :
لم تكن الدعوة خاصة أو إنتقائية كما إعتقد البعض ، بل الدعوة كانت عامة وأخبرت بها جميع حضور البورداب الذين إلتقوا في منزل العوض المسلمي الجمعة الفائتة ، وكنت أريد كتابة بوست لعمومية الدعوة ولكني لم أحصل على تأكيد حجز الصالة في وقت مناسب لدرجة أن إخوة أعزاء إتصلوا بي قبل ميعاد اللقاء بساعة وساعتين لتأكيد الدعوة ..
وهنالك أخرين راسلتهم بالماسنجر الداخلي وقدمت لهم دعوة مبدئية .. كما أن معظم البورداب هنا يعلمون أنني فقدت هاتفي قبل فترة وبالتالي فقدت معه كل الأرقام المسجلة ..
لكل من لم تصله دعوة ..
له العتبى حتى يرضى ..
| |
|
|
|
|
|
|
Re: عدد من بورداب الخرطوم يحتفلون ببورداب الخارج في أمسية انيقة .. (توجد صور ) (Re: ناذر محمد الخليفة)
|
Quote: توضيح :
لم تكن الدعوة خاصة أو إنتقائية كما إعتقد البعض ، بل الدعوة كانت عامة وأخبرت بها جميع حضور البورداب الذين إلتقوا في منزل العوض المسلمي الجمعة الفائتة ، وكنت أريد كتابة بوست لعمومية الدعوة ولكني لم أحصل على تأكيد حجز الصالة في وقت مناسب لدرجة أن إخوة أعزاء إتصلوا بي قبل ميعاد اللقاء بساعة وساعتين لتأكيد الدعوة ..
وهنالك أخرين راسلتهم بالماسنجر الداخلي وقدمت لهم دعوة مبدئية .. كما أن معظم البورداب هنا يعلمون أنني فقدت هاتفي قبل فترة وبالتالي فقدت معه كل الأرقام المسجلة .. |
توضيح مقبول ومنطقى يا صاحب
Quote: لكل من لم تصله دعوة ..
له العتبى حتى يرضى .. |
يديك العافية ... كده زى الشاركنا فيها معاكم
______________________ يطرشنى كان انا عارف مطعم لافوشى ده مقبل لى وين هههههه
| |
|
|
|
|
|
|
Re: عدد من بورداب الخرطوم يحتفلون ببورداب الخارج في أمسية انيقة .. (توجد صور ) (Re: عبدالوهاب علي الحاج)
|
Quote: عبدالوهاب صحيح انك كلمتني
شكرا لاعترافك يابقال واكتفي بهذا القدر لاني طالع وبرضو تحياتي |
رد علي باقي الكلام التحت دا ؟؟
عبدالوهاب صحيح انك كلمتني قبل اسبوع قلت لي ربما يكون يوم الخميس ولكن لم تحدد لي مكان الامسية
وانت قلت لي الدعوة عبارة عن سماية لبت ناذر الخليفة وانا قلت ليك ناذر لو ما قدمت لي الدعوة
شخصياً ما بجي .... انت قلت لي نحدد موعد السماية والمكان وبتصل بيك وتاني ما اتصلت بي اليس
كذذلك ؟؟
| |
|
|
|
|
|
|
Re: عدد من بورداب الخرطوم يحتفلون ببورداب الخارج في أمسية انيقة .. (توجد صور ) (Re: ناذر محمد الخليفة)
|
ليتك كنت معنا حبيبنا سيف الدولة ... الامر يتجاوز الشكليات الى اغوار أعمق تضيف تشكيلا جديدا لنا معشر البورداب . هى المرة الاولى التى التقى فيها هذا النفر الكريم ... شخصيات اسفيرية نلتقيها بالمداخلات ناعمها و خشنها .. و نرسم لها فى دواخلنا ملامح تخطها حروفهم ... و حين تلتقى بالفرد شحما و لحما تندفق احساسات المودة نهرا ترقد على شواطئه المحبة و الاخاء ... مناقرات البورد تستحيل ضحكات صافية تغسل كل مخاشنة و تعضد كل تواصل ... ليتك سمعتهم يستقبلون بدرالدين اسحق : اهلا بدرالدين الكوز ...و يتقبلها باسما ودودا و بدر الدين زول حلو السريرة و تصالحى و ديمقراطى كمان .. و سأدلل على ذلك بما ابتدره معى من نقاش حول تجربة الشراكة الذكية التى اندمجت بها ثلاث صحف هى الصحافة و الحرية و الصحافى الدولى فى صحيفة واحدة ... و كيف اثمر جلوس اهل الوسط مع اهل اليسار و اليمين تحت سقف واحد و يدا واحدة ليشكلوا اسرة متالفة ارست بنجاح لتلك التجربة .... تداولنا ابعادها و مضامينها و رسالتها القوية التى يمكن ان تنداح لكيانات اكبر حيث تسمو الاهداف و الوسائل . و كل ذلك اتفقنا ان ينال حظه من النقاش فى بوست خاص يفترعه بدر الدين قريبا . و الظرف و اللطافة و القفشات تترى من كل صوب اسعد العباسى يشاغلنى بأن صورتى فى البروفايل قديمة ( يعنى مزورة ) و اتحجج بان تلفلف الجلابية و العمة اخفى الملامح ، لكنى فى اول فرصة لاشك اننى قادم بالبدلة الما خمج و الكرافتة التى اعرف ربطها جيدا ( مش زى ناذر و محمد عكاشة ) ... و عضد صدق حداثة صورتى محى الدين جبريل الذى اكد ان احد المايكات التى امامى يخصه شخصيا لابرهن ان عمر ذلك المؤتمر الصحفى لم يتجاوز العام . شكرا لناذر .. و لو طلب حينها يا سيف الدولة مليون جنبه لنالها بلا نقاش ، لانه شهم و كريم وود قبايل .
| |
|
|
|
|
|
|
|