|
Re: وأخيرا ... ناذر الخليفة يخطو نحو القفص الذهبي ألف مبروك (Re: بكرى ابوبكر)
|
كيفك يا حيدر ..
Quote: وكم عود صندل
انا قريب من الهند ... يعني بيني وبينهم مساحة حوض برسيم....(سريلانكا)
|
حوض برسيم دي بالغت فيها .. إنت ناس سريلانكا جيل ما بيتابعوا البورد ولا شنو يقوموا يلحقوك امات طه
المحلبية بتاعت ميسو الاصلية ما بتلقاها إلا في بنقلور أو مدراس خلي بالك ما يدوك التقليد التامنها موية مقطرة .. أنا انضربت فيها قبال كدة
| |
|
|
|
|
|
|
Re: وأخيرا ... ناذر الخليفة يخطو نحو القفص الذهبي ألف مبروك (Re: بكرى ابوبكر)
|
التحايا للجميع ،،
دابو يخطو بس ...حالتو؟ والتهنئات قد وصلت الصفحة الرابعة
طيـّب لمـّايتدقّس ويبيت في القفص ! ح نعمل شنو ؟
يا خي دا كان مشلهت بشكل ! على القفص الذهبي ده !
التقول قايل ح يلقى ليهو فيهو واحد من مناجم " بني شنقول "
أكاد أقول أكتر من شلهتة السودانيين على سودان موحّد
ديموقراطي في سلام وأمان ، تحت سيادة القانون وعلى أُطُر المساواة والعدالة.
----------------------
عزيزي الاخ ناذر أحمد الخليفة ،، عريس الموسم
ألف ألف مبروك ، وبيت مال وعيال وفن وآداب وعلاقات اجتماعية زاهية ، وسكن ورحمة
وعقبال بالبكاري .. -----------------------
صنفرة :-
كنت متوقع أنّو جماعتك لمّا مشوا يخطبو ليك ، يقوم أهل العروس بتتميم الحكاية ويتم العَقِد مباشرة .. لأنّها ، فيما يبدو، هيَ موضة الأيّام دي ! فقد حدّثني أحد الأصدقاء بالأمس ، أنّ شقيقو قد عَقَدْ .. فبادرته : بلا خطوبة كدا؟ فقال لي : والله الجماعة مشوا للخطوبة ، قاموا أهل البت أصـرّوا على إتمام العَقِد . فقلتُ له : خير وبركة ، عادي زي الزبادي ، بس مالي زي السامع في نبرتك هجسة من هذه الخطوةالإستباقية ؟ الجماعة ديل خايفنّكم تنطـُّو وولاّ شـــنو ؟
إلا بالجد ، أخي ناذر ، الشي بناتنا ديل " قلوبن خَفـَّنْ ولاّ شــنو ؟ " ماكانوا كويسين وما بتنازلو من " حق البنات " والترتيبات والكبسيبات واللاّزمينـُّو ؟ ..
| |
|
|
|
|
|
|
Re: وأخيرا ... ناذر الخليفة يخطو نحو القفص الذهبي ألف مبروك (Re: بكرى ابوبكر)
|
كيفك يا محمد جودة .. الله يبارك فيك ..
Quote: يا خي دا كان مشلهت بشكل ! على القفص الذهبي ده !
التقول قايل ح يلقى ليهو فيهو واحد من مناجم " بني شنقول |
الشغلة لا شلهتة لا بطيخ .. بس أنا كبرت وخايف القطر يفوتني قلت ألحق نفسي
Quote: كنت متوقع أنّو جماعتك لمّا مشوا يخطبو ليك ، يقوم أهل العروس بتتميم الحكاية ويتم العَقِد مباشرة .. لأنّها ، فيما يبدو، هيَ موضة الأيّام دي !
|
صدق يا محمد كلامك صاح .. دي يا ها الموضة الايامات دي لكن أخوك حريييف وشغل الجوباك ما بينفع معاهو .. جني وجن الكلفتة والخموم .. عشان كدة أنا وصيت الناس الكبار كويس قلت ليهم خشمكم دا ما تفتحوهو الا لمن تجوا تدخلوا فيهو التفاحة والجاتوه الحا يقدموهو ليكم !! لكن أوعوا واحد فيكم يفتح خشمو بي سيرة العقد والحاجات دي !!
تتصور عندي واحد قريبي شغال في بورتسودان وجاب اهلو لي موضوع فتح الخشم ويرجع تاني يجهز أمورو .. مشيت معاهو بعد ما (فتحنا خشمنا) واحد من الجماعة إقترح يعملوا خطوبة .. والحمد لله الدبل كانت جاهزة عملوا الخطوبة !! بعد شوية واحد تاني قال نعقد .. حصل نظام طنطنة في شكل مشاورة بعد شوية واحد كورك : يا ولد أمشي حصل شيخ عبد السلام قبال ما ينوم وخليهو يجي يعقد لينا .. الولد تنقش تنقش تنقش .. مشى جاب شيخ عبد السلام .. وعقد للجماعة .. حصلت الزغاريد بعد شوية واحد تاني قال بما إنو العريس من بورتسودان ومشغول في شغلو حرم ما بنخليهو يجي تاني ولا زم يسوق مرتو معاهو !! سألو قريبي : بيتك جاهز ؟ قال عندي أوضة جاهزة فيها مروحة ولمبة قلووظ و سرير دبل !! قالوا ليهو كفاية أكتر من كدة زاتو بيكون في إسراف !! خلاص بكرة البت تلملم عفشا وترجع معاك !! تاني يوم جيت مع قريبي دا لي بيت مرتو ووديتم المطار وسافروا بورتسودان والشغلة انتهت !!
يعني لا حنة لا عيزومة غدا لا فنان لا جوطة لا بطيخ !! شفت البلد إتطورت كيف
| |
|
|
|
|
|
|
Re: وأخيرا ... ناذر الخليفة يخطو نحو القفص الذهبي ألف مبروك (Re: بكرى ابوبكر)
|
سلام ناذر و مبروك مرة تانية واضح من كثرة المتربصين إنو موضوعك بايظ (أمانا ما وقع راجل). معليش دي عواقب الشهرة. المشكلة الكبرى إنو لو إختفيت و مساهماتك قلت في البورد حيقولو مرتو هشرتو و مسكتو من أضانو. و لو إجتهدت و كترتا الطلة في البورد حيقولو العرس غلبو و شرد من البيت
يعني في الحالتين ياخوي إنت ضايع و الخيارين أحلاهما مر. يازول ولا يهمك ومبرووك و ما تسمع كلام الحاقدين.
طارق
| |
|
|
|
|
|
|
Re: وأخيرا ... ناذر الخليفة يخطو نحو القفص الذهبي ألف مبروك (Re: بكرى ابوبكر)
|
كيفك يا طارق ..
Quote: المشكلة الكبرى إنو لو إختفيت و مساهماتك قلت في البورد حيقولو مرتو هشرتو و مسكتو من أضانو. و لو إجتهدت و كترتا الطلة في البورد حيقولو العرس غلبو و شرد من البيت |
يا راجل أنا فكرت في دي والحل ساهل جدا .. قبل الزواج بي أسبوع كدا بي إذن الله حا ادور لي شكلة كاربة في البورد خاصة في المشاهير وما أخلي ليهم جنبة يرقدوا عليها .. أها بعد داك بتحصل الشكايات والبكيات لي بكري ويقوم يفصلني
اها تاني بعد دا خلي زول يجي يقول السبب مرتو هرشتو كان ما بكري زااتو يقوم يفهم غلط ويفصل الزول البيقول كدة برضو
| |
|
|
|
|
|
|
Re: وأخيرا ... ناذر الخليفة يخطو نحو القفص الذهبي ألف مبروك (Re: بكرى ابوبكر)
|
كيفك يا أبوة عثمان ...
الله يبارك فيك يا سيدي
Quote: عارف كل الناس الباركو ليك في البوست ده لو عملوا ليك خته
تعرس وتطلع حق السمايه ويمكن كمان حق بيت عديل باوضتين وبرندتين مخلوفات |
والله محمد الأمين أداني الفكرة دي بس لمن هو قال داير يمسك الكشف طوالي غيرت رايي .. الختات الاوتومسفيرية والتبرعات المنبرية دي إلا الزول يمسكا براو ..عشان ما يجي بعدين زول يعمل بوست إسمو (فلان .. قروش التبرعات راحت وين)
| |
|
|
|
|
|
|
Re: وأخيرا ... ناذر الخليفة يخطو نحو القفص الذهبي ألف مبروك (Re: بكرى ابوبكر)
|
حقار ..
Quote: اغنية حنانة دي من غناء الفنان
ناذر الخليفة ولا شنو ؟؟
|
الله يبارك فيك ..
يا زول بطل الحقارة .. ناذر الخليفة شنو البيغني حنانا وكمان بالطريقة دي !!
بعدين يا خي ما تخاف علي من الشاكوش ..
لو هي شايلة شاكوش أخوك شايل شومة يتاعت ناس العصر الحجري ديك .. علي باليمين خبتة واحدة تاني الشي ما تنفع إسبيرات
| |
|
|
|
|
|
|
Re: وأخيرا ... ناذر الخليفة يخطو نحو القفص الذهبي ألف مبروك (Re: حيدر حسن ميرغني)
|
كيفك يا بكري ..
Quote: ياخى انت لسه متذكر الكاركتيرات ديك, ياخى العفو وللمرة التانية اتمنى لك والمدام حياة سعيدة. |
تتصور يا سيدي البوست داك كان بالجد بوست جميل جدا وفيهو شغل جميل جدا بس زي ما قلت وبقول لي ناس كتار ..كان في خطأ في إختيار النموذج !!
تتصور يا بكري أنا محتفظ بي الصورة الإنت رسمتها لي وانا ماسك العود يا خي كل مما اعاين ليها الضحك يشرطني : يا خي معقول أنا عنقرتي تكون قدر دا !
| |
|
|
|
|
|
|
Re: وأخيرا ... ناذر الخليفة يخطو نحو القفص الذهبي ألف مبروك (Re: بكرى ابوبكر)
|
اخوي ناذر تاني مره وتالت مره و .... الف مره .. مبروك...
والله ديلوكتي بكتب ليك بالماوس ( الفاره).... ه لدي مشكله كبيره في النت كل البنايه الساكن فيها اسلاكها شابكه واخوك منتظر لاحول ولاقوه له ... من ضمن بقية النزلاء ....
انا مو ني ناسيك ...
I will never forget you brother .......
I hope that i will there
.....
At least ... to say & to repeat after you ... Ya Adailla ya badda.. ya malayika siaroo maah .....
سلم لي علي الاموره كتييير .. كتييير .. كتييير .. كتييير ..
و...
عين الحسود بالعود.. عين الحسود بالعود.. عين الحسود بالعود.. عين الحسود بالعود.. عين الحسود بالعود..
Bye bye bro...
| |
|
|
|
|
|
|
Re: وأخيرا ... ناذر الخليفة يخطو نحو القفص الذهبي ألف مبروك (Re: بكرى ابوبكر)
|
الاخ العزيز ناذر تاخرت عليك فى توصيل تبريكاتى وتمنياتى بمناسبة زواجك الميمون لكن ما لشئ سوى اننى احاول ان اتعود على الكتابة اليومية وثقافة التواصل والرد ولعمري اجد صعوبة فى ذلك لكن امر زواجك مهم لنا نحن قبيلة الهنود وكما يقول اهلنا اننا(ناس فزعه ووجعة)لذلك اتمنى لك التوفيق وتحياتى لكل المعازيم من طرفنا وهم ما تبقى من زخم الماضى المتوهج وشهود على زمن لن يعيد نفسه لك فى الختام تحياتى ودمت سليمان ابراهيم
| |
|
|
|
|
|
|
Re: وأخيرا ... ناذر الخليفة يخطو نحو القفص الذهبي ألف مبروك (Re: بكرى ابوبكر)
|
الاخ سليمان ..
Quote: مهم لنا نحن قبيلة الهنود وكما يقول اهلنا اننا(ناس فزعه ووجعة)لذلك اتمنى لك التوفيق وتحياتى لكل المعازيم
|
سبحن الله !! كنت باالأمس ليلا اجتر عددا من الذكريات عبر مشاهدتي لشريط حفل الاستقلال المركزي ببنقلور عام 2000 !! وقد شاهدتك في الشريط وانت تمتشق سيفا وترقص رقصة ابناء الشرق ومعك عدد من الاخوة والاخوات .. فسألت نفسي . اين يا ترى سليمان !! ولماذا طالت غيبته من الكتابة والتواصل !! فجئت الان ووجدت مداخلتك وتباريكاتك والتي أثلجت صدري واسعدتني كثيرا وإزددت قناعة ان التواصل لا زال قائما رغم كل الظروف ..
الله يبارك فيك يا ليمان وعقبالك وعقبال كل شباب الهند الحلوين ..
| |
|
|
|
|
|
|
Re: وأخيرا ... ناذر الخليفة يخطو نحو القفص الذهبي ألف مبروك (Re: بكرى ابوبكر)
|
علي الحلاوي كيفك ..
أنما كنت هسي براجع في الكشف بتاع الحضور عشان اشوف الدفع منو والمادفع منو !! وبالصدفة كدة لقيت مداخلتك دي قاعدة بي هناك وانا ما شفتها قبل كدة ..
Quote: ناذر .. ما كنتا كويّس و عاقل .. مين دقّسك يا حبيب مين الهداك إليها
ان كان هذا بطوع إختيارك فألف مبروك و ان لم يكن كذلك فمليون مبروك و ان شاء الله بيت مال و راحة بال |
الله يبارك فيك يا الحلاوي ياخي ..
الدقسني دا غايتو انا شاكي إنو هو الدقس نفسو
| |
|
|
|
|
|
|
Re: وأخيرا ... ناذر الخليفة يخطو نحو القفص الذهبي ألف مبروك (Re: بكرى ابوبكر)
|
صلاح الاحمر ... الله يبارك فيك .. وشايفك عملت زي علي الحلاوي . لقيت مداخلتك دي معلقة بي هناك .
Quote: الأخ نادر /سلمه الله
روك مب روك مب روك مب روك مب روك مب روك مب روك مب
روك مب روك مب روك مب روك مب روك مب روك مب روك مب
روك مب روك مب روك مب روك مب روك مب روك مب روك مب
روك مب روك مب روك مب روك مب روك مب روك مب روك مب
مع أطيب المتمنيات وأصدق الدعوات بعميق المودة
وموصول الرحمة بينكما.وابشر يالعريس النفض الكيس
ولعن ابليس. وتقبل مودتي وسلامي...أخوك ود اللحمر/الرباط |
الله يبارك فيك يا الاحمر وعقبال الشباب كلهم .
| |
|
|
|
|
|
|
Re (Re: بكرى ابوبكر)
|
NAZIR ......A LATE BUT A HEARTY CONGRTULATIONS .....THERE WILL BE ALOT OF POEPLE HAPPY FOR YOU BUT IN R T NAGAR[INDIA] PERIYA WILL COMMIT SUCIDE.......REALLLY YOU HAVE A VERY IMPRESSSIVE LIST OF WELL WISHERS CUESSS BY NOW YOU ARE THE STAR OF SUDANESE BLOGGING COMMUNITY THAT WHY SHE MUST BE A VERY LUCKEY GIRL .. HOPE TO CATCH THE WEDDING IN SUDAN
| |
|
|
|
|
|
|
Re: Re (Re: Rashid Musa)
|
ناذر السلام والرحمه كنت أتكلم مع صديق قلت ليه واحد شفوت المنبر عريس ومن أولاد الهند فالرجل أخرج نوتته وجاء بكل تلفونات ناذر وتلفونات والده وقال يعرفك حق المعرفه فهو الآن متوجه السودان ومنزله بالكدرو ويمكن الحصول عبر الأخ مجدى عبدالرحمن أبوشامه وهو كذلك يهنئك بالزواج السعيد إنه الأخ الدكتور عبدالقادر الفاضل المشهور ببنقلور وهو يقيم معنا بكالقرى البرتا كندا وقرر الذهاب للسودان...................................
منصور
| |
|
|
|
|
|
|
Re: وأخيرا ... ناذر الخليفة يخطو نحو القفص الذهبي ألف مبروك (Re: بكرى ابوبكر)
|
صديقي الدكتور راشد موسى ..
Quote: THERE WILL BE ALOT OF POEPLE HAPPY FOR YOU BUT IN R T NAGAR[INDIA] PERIYA WILL COMMIT SUCIDE |
الشكر لجميع اصدقائي ببنقلور خاصة والهند عامة على هذه الحنية الزائدة التي أحاطوني بها أما (بريا) إبنة مستر هاريداس جارتي وصديقتي التي كانت دوما ملاكي الحارس عند الملمات والمصائب وإنقطاع (الريجستر) فأنا أكن لها كل تقدير ولا أنساها ما حييت .. الرجاء إبلاغ سلامي الحار إليها ..
Quote: HOPE TO CATCH THE WEDDING IN SUDAN |
يا أبو الراش عليك الله لا زم تجي .. كفاية عرس ود عكر راح عليك اول امبارح كنا هناك في ابولو مع كمية من (البنقلوريانس ) ناس مبشر ومدثر والسيد شاينا مان .. وفقدناك كتير والله ....
الله يبارك فيك وسلامي الكتير لي الشباب بي هناك ..
| |
|
|
|
|
|
|
|