حول التحالفات.. بكري يفتح النار على حزب الامة ويوضح الحقائق !

Quote: اولا الانتخابات الاولي الفاز فيها التحالف و حصل فيها حزب الامة علي الرئاسة و جلس التعايشي علي قمة الاتحاد و جلست الجبهة الديقراطية و الاتحاديين خارج اللجنة التنفيذية حتي نصف دورة الاتحاد هل تدرون كيف حصل حزب الامة علي رئاسة تلك الدورة؟؟ بنفس الطريقة التي تسمونها تأمر و بطيخ هسه دي!! و هي طريقة حشد تكتلات داخل التحالف العريض دا ذات نفسو، و مقابل دعم التنظيمات الصغيره له تبرع حزب الامه لبعض التنظيمات بمواقع اكبر من حجم وجودها الجماهيري حيث حصل الناصريين المغمورين علي منصب الامانة العامة، هذا الوضع الشائهه ادي الي اضعاف نشاط الاتحاد طوال النصف الاول من الدورة الانتخابية مما اضطر معه حزب الامة الي تغير موقفه و السعي لتصحيح الوضع في النصف التاني بعداك الاتحاد استعدل في عمله، حدث كل هذا لم يولول احد مثل هذه الولوله التي يقوم بها منتسبي حزب الامه الان الشئ المضحك المبكي انو الناس ديل بتكلموا عن انو هم البخلوا التحالف يفوز في النتخابات و الله دي قصة غريبة و الله انا شاركت في دورتين انتخابات الاولي و الثانية كمتحدث باسم الجبهة الديمقراطية و الله الناس كنا شايلنهم معانا ساي، حسنه و اجر و خوفا علي وحدة الحركة الطلابية و دائما ما كانوا بيبتزونا، لانهم مدركين انو الجبهة الديقراطية لا يمكن ان تسمح بشق الصف الوطني مهما كان السبب علي الطلاق كنا بعمل الملصقات و ناس حزب الامه ديل ملصقات لي روحهم دي ما بعرفو يعملوها بنطّلع الجرايد الجميلة و جذابة تدعم خط التحالف بنمشي ليهم بالمفترح بتاعنا بتاع البرنامج الح يطرحوا التحالف علي الطلاب و الله ما بضيفوا عليهو حاجة، و ياهو زاتو مقترح الجبهة يبقي برنامج التحالف كنا بنجهز المطبقات البتتوزع للطلبة شايلة شعار التحالف الطلابي و الناس البصمموا الشعارات دي ناس الجبهة الديمقراطية و اسالوا الواثق انصار السنة كان انا كضاب السيد عبد المنعم خيرالله قال المناصب يجب ان توزع حسب مجاهدات التنظيم و قوة خطها السياسي، و الله الكلام مضحك و مبكي في نفس الوقت!! اولا عبارة مجاهدات عبارة كيزانية و من المفروض انو اي كيان سياسي يكون عندو لغتوا و خطابه السياسي الذي يقيه شرالانزلاق و الاستلاف من ادبيات القوي التي يدّعي مناهضتها و مناهضة خطابها، بعدين العبارة تحمل دلالات دينية تعطي الفعل السياسي الدنيوي طابع من القدسية و تلحقه بشعارات هي لله هي لله لا للسلطة ولا للجاه يا اخوي اللحق روحك و حتي لو قبلنا تلك اللغة علي علاتها قل لي كيف نقس تلك النضالات التي يقدمها اي تنظيم؟؟ هي نقيسها بالمصادمات مع الكيزان، ام بالاعتقالات و بشاتن الحال التي يتعرض لها تنظيم من قبل الجبهة الاسلامية، علي العموم الجبهة الديمقراطية قدمت شهيد عضو مركزيتها محمد عبد السلام و الزملاء شافوا الويل في المعتقلات، بالمناسبة عندما اعتقل محمد عبد السلام اعتقل معه احد كوادر حزب الامه و اطلق صراحه في الصباح و سلمت جثه محمد عبد السلام صباح اليوم الثالث اما قوة الخط السياسي دي لمن يستورد التحالف السياسومتر الذي اكتشفة الالمان في نهاية العام الماضي بعدين ممكن نحدد الخطو السياسي قوي منو؟؟ لكن لحدي الوكت داك في حاجة ممكن نقيس بيها في الانتخابات الاولي الطالب الحصل علي اكبر عدد من الاصوات هو عمر فاروق من حركة حق جناح وراق، و السنه التانية كان الطالب الحصل علي اكبر عدد من الاصوات هو محمد مصطفي محمد من كلية الصيدلة و عضو الجبهة الديقراطية و في المرتين ديل كانت الرئاسة بتمشي لتنظيم غير الذي حصل كادره علي اعلي عدد من الاصوات حاجة اخيره الذين يتحدثون عن خيانة اتفاق ما الي ذلك لا اعتقد ان هنالك اتفاق علي تقسيم مقاعد اللجنه التنفيذية منذ البداية، لانه جرت العادة علي الاتفاق في البداية علي عدد المقاعد لا تنظيم فقط و هل تكون متساوية ام لا لان بعض النتظيمات مثل البعثيين ديل كان عددهم جميعا في الجامعة لا يكفي الي تكملة عدد المقاعد التي يجود عليهم بها التحالف، حيث كانوا يكملون العدد بطلاب غير منظمين، و بالله لو في اتفاق مكتوب من الاول و موقع عليهو نزلوا لينا هنا نقراه معاك عشان ما يبقي الكلام مجاني عن خيانة و خلافه. و قبل ما اختم بقول لو ود العمدة اذا كان الحركة الشعبية حصلت علي منصب اكبر من حجمها دا لانو انتو حردتو، و ما تنسي انو انتو قبل كده اديتو الناصريين موقع اكبر من حجمهم كدي شوف اقوي الحركة و الناصريين المافي زول سامع بيهم ديل؟ بكري صديق محمد صالح طالب ماجستر - السويد

بعدين نيران الزينة دي الناصريين والبعثيين وغيرهم ذنبهم شنو تزينوهم بيها


ما عارف ليه اتذكرت صلاح غريبة