عثـل 00 مليون ريال لمن يعرف معنى الكلمة !!

مرحبا Guest
اخر زيارك لك: 03-28-2024, 07:48 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة عثمان ابو حراز(ابوحراز)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
09-12-2004, 01:15 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5515

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
عثـل 00 مليون ريال لمن يعرف معنى الكلمة !!

    قدمت لي دعوة من أحد المنتديات السودانية
    ولبيت الدعوة ووجدت الموقع رائعاً من حيث التصميم
    ولكن أول موضوع قراته كان عن واحد من الشباب المعجب بحبيبته
    وقد كتب لها عنواناً فضفاضاً يناديها فيه { يا عثل }
    طبعاً يقصد { يا عسل } !!!!
    بس قلت ليهو : انشاء الله عسلاً يسد نيتك !!!
    ياجماعة لدينا مشكلة كبيرة جداً في الحروف التالية { حرف الزين والذال }
    وحرف الغين والقاف } وحرف السين والثاء } والاحظ أن معظم وزرائنا وكذلك مذيعوا الأخبار يقولون { استسمار } يعني استثمار
    هل السبب يرجع للمعلمين الذين قاموا بتدريسنا ولم ينطقوا لنا هذه الأحرف جيداً ؟؟ هل السبب في لساننا ؟ هل هو إهمال من الطلية 00 بصراحة مشكلة تؤرقنا رغم أنه معروف عنا أننا فطاحلة اللغة
    هذا لايعني أنني اعرف العربية جيدأ فأنا أكثر ما اشمئز منه الاعراب
    وأن تطلب مني أن أحمل اليك عشر جوالات ذرة على ظهري خير لي من ان تقول لي : إعرب : ضربت المراة الرجل !!!!!!

    (عدل بواسطة ابوحراز on 09-12-2004, 11:11 PM)

                  

09-12-2004, 01:24 AM

samwal ebrahiem
<asamwal ebrahiem
تاريخ التسجيل: 09-01-2004
مجموع المشاركات: 679

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: ابوحراز)

    ابو حراز الرائع : فعلا هذا موضوع يجب لفت الانظار اليه ... وبعد كلو فى نجد بعض السودانين يحاولون الانتماء للعروبة .... هذا ان دل على شى انما يدل على اننى لا نفقه شئيا فى اللغه العربية بستثناء اصحاب العلم فى هذا المجال امثال كبار الشعراء السودانين والبروفيسر عليه رحمة الله عبدالله الطيب ....... كان الاستاذ العبقرى عبدالله الطيب يقول اجد سبعة لغات وقليلة من اللغه العربية بالرغم من انه يتغن اللغه العربية بدرجة عالية جدا ...... وايضا هذا ان دل على شى انما يدل على صعوبة هذه اللغه
    السمؤل
                  

09-12-2004, 02:21 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5515

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: samwal ebrahiem)

    سمؤل
    الملا عمر
    طبعاً لازم الواحد يقول " ضربت المراة الرجل "
    لأنو ضرب الرجل المراة دي افتكر كلها مع بعض فعل ماضي
    الله يرحم جدودنا حيث لم نسمع ب " ضربت المراة الرجل
    لكن هسي دي الرماد كال حماد
    مرات تلقى انو " المراة سكت الرجل عديل كدا !!!

    صديقي استاذ رياضيات ويكره الإعراب مثلما أكره انا ملاح القرع
    على التسودها عليهو جاء المعاينة ولقى فراج الطيب
    قام زولنا عامل فيها حريف
    وقال للجنة المعاينة " السلام عليكم "
    طوالي شب فراج الطيب وقال ليهو " اعرب لينا السلام عليكم دي "
    صديقي هذا اصبحت لديه عقدة
    فهو منذ أكثر من 15 عام لايسلم على اي شخص
    يعني لو قابلك بقول ليك زي الحال وكيف الحال
    حتى في الصلاة بلولح راسو بس
                  

09-12-2004, 01:27 AM

almulaomar
<aalmulaomar
تاريخ التسجيل: 07-08-2002
مجموع المشاركات: 6485

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: ابوحراز)

    ضربت المرأة الرجل ، دي يا أب حراز إعرابها ساهل بس كيف تكتب كتابك على ست النفر بت ضؤ البيت و بت المنى بت مساعد الإثنين معاً يعني زي الحركة بتاعت double check في لعبة الشطرنج ويمكن طبعاً تتنحنح وتغني لهما (ست النفر وبت المنى) ولاعبتها الشطرنج وخيلي ترادفت ، وذا ما عندك خيل أجر ليك ركشتين بدل حصان وكده.

    العربي ده لغة جميله وحلوة بس ما لغتنا نحن السودانيين الموقعين أدناه واكيد الكلام ما بعجب ناس كتيرين لكنه الواقع وقالوا في عرب عاربه وعر ب مستعربه وأظن حن بصرارنا على العروبة حا نكون عرب رحل أو عربسات
                  

09-12-2004, 01:46 AM

samwal ebrahiem
<asamwal ebrahiem
تاريخ التسجيل: 09-01-2004
مجموع المشاركات: 679

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: ابوحراز)

    اخوى almulaomar والله صدقت فى كلامك دى وانا معاك فى كل كلمة زكرتها فى موضوع ابو حراز انت عارف انا كنت قال نفسى انا السودانى الوحيد المامقتنع بى حكاية العروبة بالنسبة للسودان ..... يعنى فى الناس كثر بى يكدو الكلام دى انا يا اخوى almulaomar مش خايف نكون عرب سات انا خايف فى النهاية لانبقى عرب ولا نبقى زنوج يعنى كان بقينى عرب سات ما جميل جدا لكن دى كمان ما حتتلقى بالشايفو دى
    السمؤل
                  

09-12-2004, 02:40 AM

saif massad ali
<asaif massad ali
تاريخ التسجيل: 08-10-2004
مجموع المشاركات: 19127

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: samwal ebrahiem)

    الاخ ابو حراز هنالك ايضا مشكلة في الضاء والظاء , دخلت يوما علي احد الطلاب بمدينة ماينز في ولاية الراين ووجدته كاتب يارظي الله في رظي الوالدين
                  

09-13-2004, 02:07 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5515

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: saif massad ali)

    سيف
    هنا السعوديون ينطقون الضاد ظاء
    وهذه المشكلة كانت تؤرق صديق سوداني يعمل في رعي الأغنام
    فكان البدوي يقول له : يازول توظيت 00 يعني توضيت
    السوداني عوير جداً اها بيقول للبدوي 00 اتكلم معاي عديل وللا بتيمم ليك هسي 00
    أذكر كانت لدينا حديقة بالمدرسة الثانوية وبها غفير يشرف عليها
    هذا الغفير يبدو لي من تشاد وقد دخل السودان ولكن لسانه لم يتفصح بعد
    اها الأستاذ طلب منه عمل معدات يدوية مع أحد الحدادين لتنظيف الحديقة
    اها يوم جينا الحديقة وقام الأستاذ طلب من الغفير الأغراض المطلوبة
    اها سأله : الغفير عامل فيها مثقف شوية
    وقام قال للأستاذ
    والله مشيت أشان أسوي الهاجات دي لكن الهلبي { الحلبي } رفد { رفض }
    الأستاذ كان مصري طبعاً وماعرف كلمة رفد
    ويمكن سأل الراجل أكتر من 15 مرة وفي كل مرة بيقول ليهو : الهلبي رفد
    اها الغفير لمن زهج وأحس بأن المصري لم يستوعب حاول يقرب ليهو المعنى
    فقام قال ليهو : ياكي { ياخي } { ماتزهجنا الهلبي نتت } يعني الحلبي نط من المقاولة بعد أن وافق على تصنيعها 0
    طبعاً الأستاذ خلاص اتقفل نهائي { نتت } دي لو جاء الخديوي ما حا يعرفها
                  

09-12-2004, 02:27 AM

حمزاوي
<aحمزاوي
تاريخ التسجيل: 10-10-2002
مجموع المشاركات: 11622

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: ابوحراز)

    أبوحراز أخوي
    انت من أندنا ولا شنو
                  

09-12-2004, 02:31 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5515

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: حمزاوي)

    حمزاوي
    اندنا دي على الأقل احسن من { مشقول } يعني مشغول
    بعيد ناس زلك 00 ولاكن وهلمجرا
                  

09-12-2004, 02:37 AM

samwal ebrahiem
<asamwal ebrahiem
تاريخ التسجيل: 09-01-2004
مجموع المشاركات: 679

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: ابوحراز)

    ابو حراز / شكرا على الرد والتعقيب ..... وفعلا كلامك فى محلو ياحليل زمن ناس ابوى وجدى زمن الرجال بالصح رجال لكن والله قصة صحبك استاذ الرياضيات دى حيرتنى شديد ..... لكن عفيت منو برضو هو البخليه يمشى فى محل فيه فراج الطيب شنو ,,,, انا لوكنت فى محلو مجرد ما دخلت غرفة المعاينة كنت انسحبت وبعدك خليهم يقولو مجنون ,,,,,,,
    السمؤل
                  

09-12-2004, 03:04 AM

abuguta
<aabuguta
تاريخ التسجيل: 04-20-2003
مجموع المشاركات: 8276

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: samwal ebrahiem)

    اب حراز
    قايل نفسك امير
    كمان مليون ريال عشان كلمة واحدة

    الكلمة جاية من بيت امرىء القيس لانه نسى حرف
    وفَـرْعٍ يَـزينُ الـمتْنَ أسْوَدَ فاحِمٍ أثـيـثٍ كَـقِنْوِ الـنَّخْلَةِ الـمُتَعَثْكِلِ

    هو قاصد عثكل....كما ورد فى المعلقة ولكن الكلمة ثقيلة فلابد من تخفيفها فحذف الكاف....والعثل هو عسل القصب اللزج...تذكر لما نجى من الضهرية صابون الغسيل
    اب نقطتين ما قاعد يسوى فيه حاجة..الا الحاجة امى تستعين بخيشة شوال..ومعاها حيمور اها الزول دا وصف زولتو دى بالعثل لانه لو قبضت فيه تانى ما تنفك..الى مشاء الله اما العسل بتاع السين دا ذراته غير مترابطة...وممكن ينفك فى اى خلطة...واظاهر ان زولك دا بدرس لغة عربية..لكنه حنكوش جزيرة...لانهم الوحيدين البعرفوا عسل القصب ذو الراوبط الكيمائية المعقدة...
    اها ياخوى داير لى 10000 بس عشان اشترى لى كريسيدا 88 عندنا واحد نزل بيها خرب البلد .. خرابة ...ولما تطلعتى سيرتو العصرو...يايمى سوى الدقق...وعمل عجائب.....
    كريسيتك البيضاء
    وكسر يامة فى ضلعة
    وسبب لى صرعة
    ويانعيمة ولدك ما دايره
    اها امى قالت لى منعول اسم ابوى ياحمد ياولدى ....لو ما جبت كريسيدا بيضاء ما تجى
    لازم تكون على الزيروا ...اها ياخوى دحين شوف لى العشرة بس
    تسلم ابحراز
    انت دائما مواضيعك فى الصميم
                  

09-13-2004, 02:11 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5515

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: abuguta)

    سمؤل
    طبعا برضو قال ليك في خواجة عامل فيها مقددا زي ما بيقول المثل السوداني
    الراجل دا مستشرق وابن اللذين قال عاوز يحضر الدكتوراة في العامية السودانية
    صاحبك جاء بالباخرة عشان يبداها من بورتسودان
    اول مانزل شال الكتب والدفاتر والكراسات واي كلمة تلاقيهو ويسمعها يسجلها
    اها جاء قعد ليهو في قهوة في كنبة طويلة
    جاء سوداني عاوز يقعد قام قال ليهو : هوي يا اب اضنيناَ مشتحات زح شوية
    جاء التاني واحد من عرب الجزيرة وقام قال ليهو : هوي ياخواجة ابعد لي غادي
    جاء واحد تاني : قام قال ليهو : قرصة ياخواجة
    جاء واحد تاني : سنة يا خواجة { بكسر السين وتشديد النون }
    جاء واحد من ناس البطانة : حوّد ياخواجة
    جوووووه ناس العولمة : حبة ياخواجة
    طبعاً دي كلمة واحدة ولسه ماجووه ناس أدروب والغرب والشمال وغيره
    قام زولكم شرب شاي ولملم أوراقه ورجع لندن مرة تاني
    قال عامية قال

    اب قوتة
    عليك الله الزمن دا عاوزات ليهن قصب سكر ؟؟
    يعني الواحدة تكنكش فيك لحدت ما تجيب خبرك
    جرى استفتاء قبل ثلاثة اسابيع في مجلة سيدتي الشهيرة
    أها سألوا النسوان المتزوجات : أيهما تفضلي أن يتزوج زوجك عليك أم يخونك
    99% على قول الإنتخابات العربية قالن : يخوووووووووون ويرجع !!!!
    ومن الحب ما أدى الى الهروب
    صديقي دكتور جاءني يوم امس يتصبب عرقاً
    وقال لي الخادمة الأندونيسية هربت من البيت
    ذهبت معه للمحافظ وابلغنا بذلك وكانت هناك بعض الإجراءات وسأله المحافظ إن كان يتهم أحداً بمساعدته في تهريبها
    فذكر له أنها كانت تحب واحد باكستاني يسمى نعيم
    وبعد ذلك رجعنا للتلفون وراجعنا الأرقام التي اتصلت عليها بت اللذين دي
    نقوم نلقى ليك رقم نعيم قاااااااااااااااااااعد
    وابلغنا مدير الشرطة بذلك والذي بدوره اتصل مشكوراً على المدينة القريبة منا والتي يسكنها الأستاذ المخضرم نعيم مشرف
    مدير الشرطة رجل ظريف جداً ويمازح السودانيين
    فاتصل وكنت واقف بجواره وقال لمدير الشرطة بالمدينة الثانية
    ياجماعة حكايتكم شنو تجوا وتشيلوا نسوانا ساكت وتهربوا بيهن ؟
    وما هي لحظات حتى داهمت الشرطة الأستاذ نعيم ووجدوا الخادمة بكامل مكياجها واناقتها
    شوف ليك عرس بتاع عولمة
    اها جابوهم عندنا واتصل مدير الشرطة وذهبنا ووجدناها وكذلك وجدنا المتيم قيس بن الملوح
    طلب مدير الشرطة من صديقي أن يأخذ خادمته بعد أن تعتذر له عما بدر منها
    اها الخادمة حلفت ما ترجع البيت الا نعيم يمشي معاها 0
    اها دي يحلوها كيييييييييييييف ؟؟؟
                  

09-12-2004, 03:47 AM

almulaomar
<aalmulaomar
تاريخ التسجيل: 07-08-2002
مجموع المشاركات: 6485

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: ابوحراز)

    أخي أب حراز
    والله العربي ده عقدة عديل كده بالرغم من أنه لغة جميلة ، لكين شفت من ما يقولو لي جاءت السين ساكنة بعد فتح أو جاءت الميم مفتوحة بعد كسر أو جاءت الكاف مرفوعة بعد عمر طويل فحكمها إضغام بغنة أوقنة لا أدري ربنا يكفينا شر القنا وقالوا خلاص طوالي بجيني العصبي ، أها نفرض الميم و السين دي ما جاءت خالص حا يكون حكمها إعدام بشنقة حتى الموت أم رمياً برصاصة من بندقية ماركة جيم تلاته في أى دروة للرماية.

    طرفة بالعربي تثبت أن الأعراب أشد كفراً ونفاقاً وتبريراً لأى فعل وهم أكثر الشعوب محاججة ومغالطة بعد بني أسرائيل في شأن البقرة وأيضاً لا يحترمون العهود والعقود والمواثيق:
    حكى الأصمعي قال: ضلت لي إبل فخرجت في طلبها ، وكان البرد شديداً ، فالتجأت إلى حي من أحياء العرب ، وإذا بجماعة يصلون وبقربهم شيخ ملتف بكساء وهو يرتعد من البرد الشديد وينشد :ـ
    يا رب إن البرد أصبح كالحاً
    وأنت بحالي يا إلهي أعلم
    فإن كنت يوماً في جهنم مدخلي
    ففي مثل هذا اليوم طابت جهنم
    فتعجب من فصاحته ، وقلت له : يا شيخ أما تستحي تقطع الصلاة وأنت شيخ كبير ، فأنشد يقول :ـ
    أيطمع ربي في أن أصلي عارياً
    ويكسو غيري كسوة البرد والحرّ
    فوالله لا صليت ما عشت عارياً
    عشاء ولا وقت المغيب ولا الوتر
    ولا الصبح إلا يوم شمس دفيئة
    وإن غمّمت فالويل للظهر والعصر
    وأن يكسني ربي قميصا وجبة
    وإن غمّمت فالويل للظهر والعصر
    قال : فأعجبني شعره وفصاحته ، فنزعت قميصي وجبة كانا عليّ ودفعتهما إليه ، وقلت له : البسهما وقم ، فاستقبل القبلة وصلى جالساً ويقول :
    إليك اعتذاري من صلاتي جالساً
    على غير طهر مومياً نحو قبلتي
    فمالي ببرد الماء يا رب طاقة
    ورجلاي لا تقوى على ثنى ركبتي
    ولكنني أستغفر الله شاتياً
    وأقضيها يا رب في وجه صيفتي
    وأن أنا لم أفعل فأنت محكم
    بما شئت من صفعي ومن نتف لحيتي
                  

09-12-2004, 05:13 AM

Khalid Eltayeb
<aKhalid Eltayeb
تاريخ التسجيل: 12-18-2003
مجموع المشاركات: 1065

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: ابوحراز)

    الاخ العزيز " أبوحراز"

    فعلا لدينا الكثير من الاخطاء في نطق بعض الحروف العربية و التي من كثرتها اعدتنا عليها وكدنا نصدق بصحتها ولعله من الشائع جدا لدي السودانيين الخلط بين القاف و الغين فأذا تحدث اليك أحد و حول الغين الي قاف او العكس لتيقنت علي الفور من سودانيته وأذكر ان مدرس اللغة العربية في المرحلة المتوسطة كان ينزعج جدا من ذلك من هذا الخلط بل و يتوتر ويتهيج و كان يطلب من جميع طلاب الفصل ترديد بيت الشعر التالي :

    قولي يقلقل القاف قلقلة ******** وقول غيري يغير الغين تغييرا

    وكنا نردده طالبا طالبا .

    ولكن هنالك موضوع اخر : الاخطاء النحوية الفظيعة , فنحن لانلقي بالا كثيرلللاعراب فكثيرا ما نرفع المفعول به و ننصب الفاعل و كتاب كبار بقعون في مثل هذه الاخطاء و الغريب انهم عندما كانوا طلابا , كانوا متفوقين و في الغالب يتحصلون علي الدرجة الكاملة في ورقة القواعد .

    وفي هذا البورد نجد نماذج كثيرة لاحصر لها من مثل هذه الاخطاء و التي والله احتار في سببها , فالكاتب قد يكون من الشمال العربي غير " المهمش" و قد تجده من اكثر الناس اعتزازا " بعربيته " و فخورا بها و لكنه يقع في ذلك الفخ بكل سهولة و يسر و لكني اعتقد ان السبب قد لايكون بسبب ضعف المعرفة النحوية او عدم المعرفة بقواعد اللغة و لكني اعتقد ان الموضوع قد يكون له علاقة بالاحساس العام بموسيقي الجملة فالفاعل مثلا اذا كان جمع مذكر سالم, فمعروف انه يرفع بالواو فمثلا تقول " جاء السودانيون" فموسيقي تلك الجملة بها تحس انها منسابة و سلسة اما اذا قلت " جاء السودانيين " فتدرك ضعف الهاروموني و تكتشف أذنك بعض النشاز.

    بالطبع انا لست متخصصا في اللغة العربية و لاانا بسيبويه و لكني شديد الحساسية تجاه مثل تلك الاخطاء و خاصة انها من الاساسيات البسيطة للنحو و لانتحدث هنا عن القواعد المتقدمة و لكنا نتحدث عن الاساسيات و التي تدرس عادة في المرحلة الابتدائية , و كثيرا مااصوب صديقا يخطئ في اعراب و كثيرا مااهتف وانا امام شاشة التلفزيون : " ال " في" دي بتجر جبل يا .............. "

    موضوعك دسم ياابا حراز " ابوحراز" و شكرالك علي اثارته .

    خالد

    (عدل بواسطة Khalid Eltayeb on 09-12-2004, 05:18 AM)

                  

09-13-2004, 04:06 AM

almulaomar
<aalmulaomar
تاريخ التسجيل: 07-08-2002
مجموع المشاركات: 6485

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: Khalid Eltayeb)

    أخي أب حراز أجد أنك دفنت دقن وطنشت من موضوع الجائزة وسوف لن نتنازل نحن المتداخلون والمتشابكون في مقالك هذا عن الجائزة بكل بعدد حروف العلة التي أتت في ردودنا ومداخلاتنا مجتمعة أو منفردة وسوف نرفع الأمر بالضمة إلى أبي بشر عمر بن عثمان الشهير بسيبويه – وهو على فكرة فارسي – ويضاً الفارسي والزمخشري والأندلسي وبو الأسود الدوئلي وإبن حجر العسقلاني.

    حاولت تعلم اللغة فوقفت أيضاً كما يقف الشيخ قبل حماره في أى مطب صناعي فقد أردت أن أعرف ما هي أقسام الحرف ، يعني أبداها من وين فقيل لي أنها تنقسم إلى قسمين أحرف مختصة ، وغير مختصة:
    أما المختصه (بالاسم مثل حروف الجر) و (الفعل مثل حروف الجزم).
    غير مختصه (مهملة لا تعمل في الذي بعدها، مثل حروف الاستفهام).
    وما زلت أستفهم لأنني ما فاهم صحيح أن مخي يوزن كم كيلو كده لأنه تقييييل ورصاصة أر بي جي ما تخترقه نه تخين أو سميك لكن كان فهمت يا أب حراز فهمني وبرضو في إنتظار أى جزء من المليون يا حروزه.
                  

09-13-2004, 10:57 PM

ابوحراز
<aابوحراز
تاريخ التسجيل: 06-27-2002
مجموع المشاركات: 5515

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: almulaomar)

    تعرف يا الملا عمر ناس اضغام وتأتي بعدها ساكنة هذه اشياء والله لو قلت ليك أنني أمي فيها بمعنى الكلمة لا افهمها نهائياً
    وأكثر ما كرهت في حياتي المعلقات
    خاصة معلقة لبيد بن ربيعة العامري
    ياخي دي في ناقة أكلت وشربت وولدت ورغت
    85 بيت كل بيت اصعب من التاني
    هسي لو كان درسونا في محلها " البرتقالة " مش كان أحسن
    هناك قصيدة بالمرحلة الابتدائية للدكتور عبد الله الطيب
    يقول مطلعها : شوينا السنبل النضري على الجمري على الجمري
    والله هذه القصيدة تسببت في ترك احد الزملاء للمدرسة نهائياً
    قدر ما حاول يحفظها تتعكس عليه
    ويومياً عشرة سيطان زي السم
    لدرجة أنه يوم اراد ان يغادر قال للأستاذ : والله شاعركم دا لاشوى سنبل ولاشوى عيش ريف 00 دا شوانا نحن عديييييييييييل 0
    لأول مرة أعرف ان الحرف يمكن تقسيمه 00 عليك الله الحرف الصغير دا برضو عاوزين يقسموه زي الموارد والسلطة والثروة ؟؟؟
    ذكرتني نكتة السوداني اتشاكل مع واحد مصري اسمو حسنين
    اها السوداني قال للمصري والله العظيم اقوم هسي الفخك إلا أخلي كل حسن براه
    قال مليون ريال قال
    لو عندي مليون البخليني اتحاوم معاكم هنا شنو
    والله اتمنى أن أجد مليون ريال في واطاة الله دي
    لكن أظن بعد الصرافات الكتيرة دي بيني وبينك الواحد ريال واحد مابلقاه
    طبعاً سمعت بصاحب الصيدليات الذي دفع رشوة 10 مليون ريال
    شوف الافتراء دا كيف 00 ناس تخم من قروشها خمشة شوية وتديها رشوة
    وناس عاوزين ليهم كريسيدا 88 ما لاقين
    وناس عاوزة تاكل
    وناس عاوزة تعرس 00 وهذه الأخيرة هي مربط الفرس 0
                  

09-15-2004, 01:01 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5515

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: Khalid Eltayeb)

    أخي خالد
    قولي يقلقل القاف قلقلة ******** وقول غيري يغير الغين تغييرا
    هذا البيت لو طلب من الطلبة الحاليين أن يرددوه والله الا يجيبوا ليهم الاسعاف
    يقوم واحد منهم يخنقو ليهو قااااااااااااااااف وللا تشرقو غييييييييييييين
    شكراً جزيلاً اخي على تحليلك القيّم وسردك الجميل
    في إجازتي هذه كنت بجامعة النيلين وهذا الحديث أنا مسئول منه أمام الله والتاريخ
    كنت بمحل كمبيوتر وتصوير بالجامعة ولمن يريد أن يعرفه فهو يسمى أرض المعارض يقع بكافتيريا المعارض الشهيرة في الجزء الملاصق للإشلاق
    عموماً حضر لي طالب من الآداب النيلين لتصوير بعض المذكرات 0 والله كل صفحة بها من الأخطاء الإملائية والنحوية مايشيب له الراس 0 اعطيته دفتر مذكراته وقلت له : اذهب لتعدل هذه الأخطاء 00 فقام قال : انت عاوز حق التصوير وللا حاجة تانية 00 يازول صور لينا بس 0
    أكره صدام حسين لدرجة لايتصورها أي انسان وقد كنت ذات مرة في زيارة لإحدى المجلات التابعه لهم وهناك رأيت العجب 00 فكتبت عن حلبجة حين عودتي موضوعاً نشر بجريدة الشرق الأوسط ولكن هذا الرجل اتخذ قراراً بحق المذيعين والمذيعات بالتلفزيون العراقي وهو خصم مبلغ من الراتب الشهري عن كل خطأ يرتكب في قراءة نشرات الأخبار وهذا القرار أدى الى تحسن كبير في مستوى اللغة وكذلك ادى الى انسحاب ناس الووووووووواو { الواسطة } ومع احترامي لزملائنا بالتلفزيون السوداني ولكن بصراحة بعضهم لا أدري كيف استطاع الوصول للكاميرا ؟؟؟ توجد مذيعة تقدم أجمل برنامج اتابعه بالتلفزيون وهو برنامج { من الأمس } طبعاً نحن ناس الكومر ناس قديمين وبنحب الأصالة البرنامج ممتاز حد الروعة ولكن الطريقة التي تقدم بها المذيعة سيئة جداً وكذلك صوتها غير متمكن وأنا هنا لا أطرح مقاييس الجمال وخلافه وهذه لاتهمني كثيرا فقط الناحية الفنية والأداء والصوت والكاريزما 0 ارجو أن لاتغضب المذيعة كلماتي هذه ولكن ربما بقليل من التأهيل تتركين بصماتك على هذا البرنامج 00 أجمل ما قدم التلفزيون ايضا برنامج ناجح يسمى " ظلال " حيث لاترى مقدم البرنامج نهائياً وهذا في حد ذاته استايل جميل جداً
                  

09-13-2004, 07:39 AM

ودالجزيرة
<aودالجزيرة
تاريخ التسجيل: 09-07-2002
مجموع المشاركات: 10

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
برامج مجانية ياشباب (Re: ابوحراز)

    لك الشكر يااخى ابوحراز
    وفقك الله
    وينك انتا ماظاهر على النت يوميا

    (عدل بواسطة ودالجزيرة on 09-13-2004, 07:44 AM)

                  

09-13-2004, 11:00 PM

ابوحراز
<aابوحراز
تاريخ التسجيل: 06-27-2002
مجموع المشاركات: 5515

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: برامج مجانية ياشباب (Re: ودالجزيرة)

    ود الجزيرة
    هسي بالله الواحد يعاين في الصورة وللا يقرأ الرد
    مرات تحيرونا عديل كدا
    إنت ود الجزيرة زولنا القديم
    ما أظن على ما اعتقد لأني سألته قبل فترة إن كان يدخل سودانيز أو لا
    واذا كنت ود الجزيرة بتاع الطائف ارجو الاتصال على رقمي 0507063205
    ولو ماكنت بتاع الطائف يسعدني معرفتك ايضاً 0
    مشكلة دخولي النت في المساء هي عدم وجود القروش بتاعت الفاتورة
    شوفوا لينا حل للحكاية دي
    لأنو الأنترنت عندنا غالي جداً
    يعني لو قعدت ليك ساعتين بالليل خلاص ناس البيت الا ياكلوا بليلة
    الغريبة اغلب الذين اتواصل معاهم شايف الأنترنت فاتح عندهم زي خشم البقرة أظنه ملح سااااااااااااي
    بعدين لو فتحت بالليل ووقعت في واحدة حنكوشة الله قال بي قولك
    تخلي الأنترنت فاتح وتقول ليك : دقيقة أعمل لي هامبرقر وارجع
    لحظة اشرب لي عصير فراولة
    دقيقة بس اطفيء المكيف
    عن اذنك عثمان طالعة الدور التاني اشم هواء شوية وارجع
    لحظة اشغل الموتور بتاع الموية
    وتسمع اشياء يسيل لها لعابك من ضمنها تغيير بلوزتها فتتركك ترفس زي البقرة
    بالله مويتنا نحن على الهواء مباشرة من الماسورة للزير
    وبرضو نحن أحسن من ناس غرب الجزيرة حيث تسكن أختي هناك
    فالموية عندهم بث مباشر فعلاً 00 يعني يسقوك ليها من الصفيحة 00 كمان يقولوا ليك مويتنا طازجة هسي جبناها من الحفير !!!
    صدقوني ما حصل نهائي شربت موية عندهم وعيوني فاتحة 00 لأنك لو لم تغمض عينيك فإنك لن تستطع ان تشرب جرعة واحدة منها ليس لمرارتها بل للشعب المرجانية الكثيرة التي تسبح فيها 0
    قال النوراب قال !!!
                  

09-13-2004, 08:00 AM

بلدى يا حبوب
<aبلدى يا حبوب
تاريخ التسجيل: 05-29-2003
مجموع المشاركات: 9832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: ابوحراز)

    شكرا ابوقوته
    حقيقة بوست جدير بالقراءة
    وما أكثر التلاعب باللغة العربية فى اجهزة الاعلام
    وفى انتظار المزيد
    تحياتى
                  

09-13-2004, 11:05 AM

soma

تاريخ التسجيل: 09-14-2002
مجموع المشاركات: 4120

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: بلدى يا حبوب)

    سلاااااااااااااام يا ابو حراز يا موسوعه .. والله الشوق ليك زى بحر الدميره .. شفت كيف الشوق ده دافق؟ .. اها المره دى انا مشيت لى اهلى اهل العوض وخليتك انت تحلحل فى المسابقات وتحضر فى الندوات .. ما اكيد فيها اكل وشراب ملح .. وقالوا المجان كتر منو ولو يضرك .. انت اكيد ماشى بالحكمه الدنيئه دى ..لووول .. لكن انت الملح ده يوم بجيب ليك ضغط ينسيك الثاء والزاء وهلم جرااااااا
    اها هسه قلت لى الحصه عربى ؟ لكن بالجد احبطتنى جدا .. انت عارف انا بعد قريت مليون ريال .. قلت ادخل لانى كنت عارفه الاجابه .. قلت ببساطه اقول ليك صاحبنا ده اكيد عنده لجنه فى لسانو وقاصد عسل.. لكن ما اديتنى فرصه اتهنأ بى فرحتى .. وبعدين قعدت اضحك فى نفسى .. عليك الله كان اب حراز عنده مليون ريال .. المقعدو مع العرب ديل شنو ويساكك فى العزومات .......
    لكن البركه الجيت اهو اطايبك واقول ليك الاهل طيبين ومبسوطين ومرتاحين وناس الجنيد عثلهم كتير المره دى من الحواشات .. فتك بى عافيه
                  

09-13-2004, 11:06 PM

ابوحراز
<aابوحراز
تاريخ التسجيل: 06-27-2002
مجموع المشاركات: 5515

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: soma)

    سوما
    غادرتينا ولكن لم تغادرنا كلماتك
    أصبحت لدينا مثل الوطن 00 في قلوبنا وفي حدقات عيوننا
    كلما ارى فراشة أخالها تحمل جرعة من قصائدك وكلماتك الرائعة
    فأحاول أن أوقفها لأقرأ عبر أجنحتها كل الكلام الجميل
    فلا تقف الفراشة
    لكنها تترك لي بقايا عسل !!!!!
    كنت أريد أن تخبريني بانك مسافرة للسودان لأحملك رسالة للوطن
    رسالة على هيئة قنبلة لكنها معبأة بالشوق وبالرحيق !!
    صدقيني 00 أحسد كل الذين يركبون البنطون لأن لي في بنطون رفاعة والجنيد والهلالية وابوعشر ذكريات كثيرة
    حتى دخان مصنع الجنيد حينما يلوح في الأفق أجده يحمل سماحة اهلها
    أشجار هنا وهناك ترقد على الضفاف
    ورائحة الموز وبساطة الناس
    والعدل والمساواة المتمثل في حجز مقاعد بالبنطون للناس والحمير والبقر والخيل والنعاج والنعناع وبائعات التسالي وكل شيء 0
    وجوه سمراء حد الروعة وجمال طبيعي يحمله أهل البطانة لدرجة أنك أحيانا لاتصدق عيناك ما تراه 0
    شعر متدلي ويلامس الخصر وعيون بمساحة السودان وروعته 0
    لكن أكثر مايغيظني شلخ صغير على هيئة حرف {T} يعطبون به هذه التفاحة النائمة على خدود هؤلاء النسوة الجميلات !!!
    بجوار بنطون رفاعة الحصاحيصا استلهمت اغلب قصصي وخواطري خاصة عندما تبدأ أوتار الشمس عند الغروب لتلامس شغاف النهر فتعزف سمفونية رائعة من الحب !!
    ما أجمل السودان 00 وما أجمل الذين يذهبون اليه 00 وما اتعس الذين يغادرونه 0
    عندما يأتي أحدهم من السودان واسلم عليه فإنني لا أغسل يدي لمدة اسبوع كامل
    لكنني عندما اسلم على ست النفر فإنني ربما لا اغسل يدي حتى عودتي !!
                  

09-13-2004, 11:02 PM

ابوحراز
<aابوحراز
تاريخ التسجيل: 06-27-2002
مجموع المشاركات: 5515

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: بلدى يا حبوب)

    بلدي ياحبوب
    حكايتك شنو تشكر في ابوقوته وتديني أنا كارت أحمر
    وأنا سيد الحق
    عندنا واحدة عويرة جداً
    كان عاوز يعرسها ود عمها
    بعدين ود عمها مفروض يكلمها هي في الأول
    وبيني وبينك هو أعور منها
    اها قام طوالي مشى كلم عمه وقال ليهو انا عاوز البت دي
    الراجل وافق طوالي والفريق كلو سمع الا العروس
    اها أخيراً عرفت
    وقامت قال ليهم ماعاوزاه نهائي
    سألوها عن السبب
    قامت قالت : هو ليه يكلم ابوي وما يكلم سيد الحق !!!
    ياساااااااااتر !!!
                  

09-13-2004, 02:38 PM

Shao Dorsheed

تاريخ التسجيل: 06-12-2003
مجموع المشاركات: 1083

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: ابوحراز)

    Quote: هذا الغفير يبدو لي من تشاد وقد دخل السودان ولكن لسانه لم يتفصح بعد


    يا ابو هراز ... انا زول مولود و متربى داخل الهدود الجخرافيه اللي بيسموه السودان ده... و انا توالي بتكلم بتريقة الزول الانت قلت انو تشادى من كلامو ده...
    و داير اقول ليك ياخي انا ما براي...و كلامك زالني (زعلني) شويه لكن انا قلبي طيب و بسهب الزاله دي اشان (عشان) قاطرك بس.... و خلينا هبايب.

    Best Regards,

    Mahjob
                  

09-15-2004, 01:25 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5515

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: Shao Dorsheed)

    Shao Dorsheed
    هذا الرجل الذي تحدثت انا عنه كان روح المدرسة وقلبها النابض بالحيوية وقد تعلمنا منه أكثر مما تعلمنا في مدرستنا 00 كنا نأتي اليه مساءاً فيحكي لنا عن بطولاته وجولاته وصولاته وكان لسانه الذي يحمل لكنة خاصة يوصل الينا الحديث بنكهة مميزة 00 ورغم أنه غفير خاص بحديقة المدرسة إلا أنه أحياناً يتدخل في كل شيء حتى في تجهيز المعامل وقد كاد مرة ان يتسبب في رفد أحد الزملاء ولكن نصف زجاجة { عرقي } غيرت الموقف 00 طبعاً الزميل للأسف سرق كراع عنقريب واحدة وذهب ليبيعها وكان يضعها تحت الجلابية فكشفه هذا الغفير وأعاد الكراع لعنقريبها 0
    وكم تمنينا لو تم رفد الزميل هذا ففي نهاية العام الدراسي اتضح انه سرق فنايل فريق كرة القدم الخاص بالمدرسة فقد ذهب أحد الزملاء لزيارته بالقرية ووجد فريق هذه القرية يلبس فنايل المدرسة 00 الغريب انها مازال مكتوب عليها اسم المدرسة الثانوية 0
                  

09-13-2004, 03:36 PM

nasmah1981

تاريخ التسجيل: 10-10-2002
مجموع المشاركات: 671

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: ابوحراز)

    عزيزي أبو حراز ده موضوع مهم جدا...لأنه لاحظت أكثر الناس البيكتبوا لغة عربية فصحى بيغلطوا كتير...زي مثلا....الخلط بين ذكية وزكية....فرائحة الوردة زكية وليست ذكية...وتلقى الناس تكتب رائحة ذكية..لوول

    تاني قصة غالت والمقصود قالت دي بتغيزني شديد...لوول

    بس في أخطاء تانية زي مؤتمر صحفي مثلا بيقولوهل بضم الصاد والصحيح بفتح الصاد....ومؤتمر دولي..بضم الدال خطأ والصحيح بفتح الدال...والأخطاء كثيرة
                  

09-15-2004, 02:21 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5515

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: nasmah1981)

    نسمه 1981
    والله زي ما قلتي لوووووووووول
    يعني أخطاء كثيرة جدا ولا حياة لمن تنادي
    وفي رأيي أنه يجب الاهتمام بقواعد اللغة وتهيئة الطالب جيداً منذ المراحل المبكرة
    أذكر في إجازتي الأخيرة للسودان وجدت ابن أختي يراجع في دروسه وهو يدرس بالصف الرابع الابتدائي
    ومستواه يعتبر الأول على فصله في كل السنوات الماضية
    ولكن اكتشفت ان لديه مشكلة كبيرة جداً في الهمزة وكل كلمة بها همزة أياً كان موقعها فغنه يخطأ فيها والأدهى والأمر أن المعلمة قد اعطته الدرجة الكاملة في كل المواضيع التي بها أخطاء وقمت بتصحيحها له مرة أخرى بالقلم الأحمر وتحول دفتره للون الأحمر الغامق وعندما ذهب في اليوم التالي تفاجأت المعلمة بما حدث وسألته من الذي عبث بدفتره فذكر لها القصة وقد أصيبت بالذهول وزارتنا بالمنزل وكانت محرجة جداً ولكن المحرج ردها لي عندما سألتها عن عدم تصحيح هذه الأخطاء فقالت : لأن ولدكم دائماً بيجي الأول عشان كدا ما كنت اعتقد أنه يخطأ مثل هذه الأخطاء 0
                  

09-14-2004, 00:10 AM

almulaomar
<aalmulaomar
تاريخ التسجيل: 07-08-2002
مجموع المشاركات: 6485

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: ابوحراز)

    أخي أب حراز
    قلت لي المعلقات وما أدراك ما المعلاقات والله يا أب حراز ضحكت لغاية ما قعدت في الواطه عديل كده قلت لي صاحبك لبيد بن ربيعه العامري مضيع ليهو 85 بيت في ناقة ، يعني تصور لو كانت ناقة لبيد دي بورش أو روزلرويس أو أى من المركبات الفخمة كان حا يقول كم بيت كده ، أنا يخيل لي ما كان حا يقول ولا واحد لأنه بيكون فاقد الإحساس والأمان وحاجات كتيره. مش أهلنا يا أب حراز قالوا غرارة العبوس دار الكمال ونقاص. هسع ده الجابو شنو والله شكلي بديت أهذئ وآن لي أن أتوقف طيب ما تخلي الجائزة بالجنيه يعني مليون جنيه وأظنك بتكون قادر على دفعها يعني مائة ألف دينار سوداني أى حوالي ألف وخمسمائة ريال بقروشكم وشف الفضيحة دي قروش شنو دي أقول ليك حاجة خليها جائزة عينية.

    وبمناسبة شيوع الأخطاء اللغوية والنحوية والإملائية ، فهناك إعلان في الخرطوم مطلوب مصحح لغوي لحكومتنا براتب مغري جداً والمؤهل والخبرة مهمتان بشرط أن يكون قد أدى الخدمة العسكرية ، اها ترجع ولا أخلي العمده قرشو يرجع لأنو أبا جهينة ما راجع تاني
                  

09-14-2004, 04:32 AM

عوض الله الفولانى
<aعوض الله الفولانى
تاريخ التسجيل: 09-04-2003
مجموع المشاركات: 850

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: almulaomar)

    أبو حراز


    سلامات يا أظرف شخصية فى هذا البورد !!!

    الموضوع مشوّق و ظريف جدا .. ذكرنى بقصة حصلت فى
    زمن الشاعر ابو فرّاس ألحمدانى الذى كان يتجول مع
    محبوبته فى أحدى الحدائق وهى كانت حريصة بأن لا
    يراها أحد و لكن لسؤ حظها أتت اليهم مجموعة من
    ألحسناوات فارتبكت جكسوية أبو فراس الحمدانى و بدلا
    من أن تقول لهن وحشتمونا قالت (وحستمونا) طبعا
    زمان ألأخطاء اللغوية والنحوية لا تغتفر فضحكون
    وكانت محل سخرية فنظم أخونا الشاعر أبيات شعر دفاعا
    عن محبوبته فقال :-
    ضحكن ألعوازل حين قالت حبيبتى وحستمونا بالسين لا
    بالشين و ذاك غلط ولكن فمها لا يسع لثلاثة نقط

    أما ألآن حدّث ولاحرج و أحسب أن سيبويه يتململ فى قبره
    أكثر من مليون مره فى أليوم بسب ألأخطاءالشائعة التى
    نسمعها يوميا.

    ولك ألتحية يا رائع
                  

09-15-2004, 01:15 AM

سجيمان
<aسجيمان
تاريخ التسجيل: 10-03-2002
مجموع المشاركات: 14875

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: عوض الله الفولانى)




    ابو حراز يا لزيز


    يمكن الزول الجن؟....
                  

09-18-2004, 00:44 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5515

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: سجيمان)

    سجيمان
    تقصد المجنون أب ملاية
    ياخي دا والله اتمنى أكون مجنون مثله
    دا مستمتع بجنونه
    أن تذهب في منتصف الليل لتفتح الملاية عن وجه فتاة بلون القمر ثم تغطيها وتعود أدراجك فهذا ليس جناً كلكياً بل الجن الرومانسي بحق وحقيقة 0
    كنت أتمنى أن يأتي مرة عن طريق الخطأ ليفتح وجهي في منتصف الليل
    قال أب ملاية قال !!!
                  

09-15-2004, 02:23 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5515

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: عوض الله الفولانى)

    الفولاني
    يعني الخشيم صغير ما بيقدر يشيل حتى الثلاث نقاط
    والله في زيارتي الأخيرة للسودان قابلتني واحدة وحنيت عليها لأنو الدنيا كانت شمس حارة جداً قلت يازول شيل الولية دي معاك وأكسب ليك أجر سااااااااااي يدخلك الجنة مع الشهداء والصالحين
    غايتو خشم المرة دي ماشفت زيه نهائي 00 ياخي بقرة شنو والله لو جبت ليك مسطرة تلقاه اقل شيء 30 سم 00 ياخي دي فاتحاه لحد الجضووووووم 0 كمان قالت شنو : والله انا زهجاااااانة عشان راجلي عرس فيني وخلاني عايشة فراغ كبير
    قلت ليها بركة العرس فيك تلاقيك هارياهو بي خشمك الماكن دا
    وشناة طبعاً الله لا وراك ليها 00 واسواء شيء الواحدة لمن تكون شينة وتتدلع
    اها زولتك ماصدقت انا إنها خلاص وصلت مقصدها وحاتنزل
    مما شافت البدلة والساعة والنضارة طوالي قالت لي ياخي لو سمحت عاوزة لي قروش ومحتاجة ليها شديد
    طبعا قلت أكيد عاوزة تشيل ليها فطور او تشرب ليها عصير
    قلت ليها اها عاوزة كم ؟؟؟
    قالت : 300 الف !!!! ياسااااااااااااااااااااتر
    شيء عجيب 00 يعني الحكاية خرووووووووف ضحية عديل
    قلت ليها هوووووووي يا بت الحلال والله لو عاوزة تسجلي في الهلال ما أديك 300
    قال 300 قال 00 نحن في اهل العوض العرس عديل عندنا بـ 250 الف كمان يشتروا ليك فيها سرير واااااااااااااحد !!! طبعا انا لسه ماعارف الحكمة من حكاية السرير الواحد دي شنو ؟؟؟
                  

09-18-2004, 00:36 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5515

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: almulaomar)

    الملا عمر
    بعيداً عن السياسة ماشاء الله عليك بوستاتك ومشاركاتك 2265 00 انتو ياجماعة بكري دا قاعد يزيدكم 00 بالله نحن نشيل ونكتب ويادوبك 2051 دا طبعاً غير البوستات الإتلحست 0
    صراحة المنهج السوداني يحتاج إلى إعادة ترميم خاصة مع المستجدات الأخيرة وقد تم حشونا بأشياء ما كان لها أي داع 00 يعني زي المعلقة دي مش مفروض يدرسونا منها 15 بيت مثلاً والباقي يتموه أي شيء تاني 0
    بصراحة نحتاج لمادة تتعلق بالاسعافات الأولية بان تدرس مثل هذه المواد في المراحل التعليمية المبكرة 0 وعلم النفس لابد أن تعطفى فكرة لكل الطلاب عن هذا العلم الحيوي والهام 0
    وكذلك مادة أخرى عن وسائل السلامة سواء على الطرق العامة أو في المنازل
    ومادة تربط الجيل الحالي بجذوره والتعريف عن الاباء والأجداد بعيداً عن التاريخ المزور والمزيف والذي يزكم الأنوف حيث يتم تدريسنا له وهو يصور المعارك والبطولات فقط وما قراته من استاذي شوقي بدري شيء يندى له الجبين 0 وللأسف الشديد اشعر دائماً بان تاريخنا يعرض الصفحات البيضاء أما الصفحات السوداء فلا تسمع منها غير صوت تقليب الورق 0وعلى الذين يوثقون لتاريخنا أن يملكونا الحقائق كاملة 0
    كذلك لابد من تدريس الحاسب واللغة الإنجليزية جنباً الى جنب مع غنمي ترعى ومحمود الكذاب 00 كمان شنو قال : تحتمس الثالث ومنحتب الخامس عشر 00 بالله عليك الله نحن مالنا ومال تحتمس 0
    ود أختي جاء فرحان من المدرسة أظن أدوه قصيدة عن كازاخستان وللا بوركينا فاسو ماعارف
    جانا يقول : علم بلادي علم اصفر
    قلت ليهو اصفر في عينك 00 ياخي علم بلادك كقوس قزح به كل الوان الفرح والبطولات 00 تجي تقول أصفر 00 قال اصفر قال
    أذكر في إمتحان التربية الإسلامية بالمرحلة الثانوية جاءنا سؤال يقولون لنا فيه : أذكر خمسة من محاسن الزواج ؟؟ ياجماعة في واحد في الثانوي يكون متزوج وعارف محاسن الزواج ؟؟ سألنا الأستاذ المصري المراقب وقتها وكان ماخد علقة في ذلك اليوم من المدام 00 فقال لنا : أكتبوا ليهم ماعندهوش أي مزايا 0
    بصراحة مناهجنا تحتاج للكثير من الغربلة 00 مثلما اعتب على إعلامنا عدم إهتمامه بالتوعية الدينية وعرضه لبعض المفاهيم والصور التي تجسد هذا المعنى علينا أن ننطلق نحو آفاق ارحب سواء على مستوى معلمينا أو علمائنا أو إعلامنا لننشر التوعية الدينية والثقافية في القرى النائية 00 اذكر أنني زرت قرية نائية جدا 00 وكان معي مجموعة من الزملاء وأول ما دخلنا القطية جابوا لينا عرقي 00 طبعاً زملائي لم يصدقوا فقد اعتبروا هذا هو يوم ميلادهم ولأنني أنام على وضوء وأصحو على وضوء فقد قلت لهم إنني لا أشرب !! فقال لي مضيفنا : طيب نجيب ليك مرييسسسسسسسسسسسسسسسة !!!
                  

09-15-2004, 07:56 AM

ودالجزيرة
<aودالجزيرة
تاريخ التسجيل: 09-07-2002
مجموع المشاركات: 10

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: ابوحراز)

    مرحب عثمان ابو حراز
    ومرحب بيك بس خلى بالك انا ودالجزيرة الاصلى
    محمد
    بس الان بدخل من السودان والسودان النت مجان
    وانا الان فى الحلة فى قرية ودربيعة والجهاز معاى فى البيت
    يعنى ممكن نتقابل وحدد ليك وقت ونتقابل علية لو حبيت

    الايميل
    [email protected]
    لانو الجهاز فى المدرسة وفتحنا لينا معهد للتعليم فى ودربيعة
    ومع الف سلامة وكل الاهل بخير
                  

09-17-2004, 09:52 PM

ابوحراز
<aابوحراز
تاريخ التسجيل: 06-27-2002
مجموع المشاركات: 5515

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عثـل 00 مليون ريال لمن يعرف معنى الكلمة !! (Re: ودالجزيرة)

    ود الجزيرة
    تحياتي اليك بحجم العالم
    وبكل حرارة أهل السودان
    كنت أود أن أطمئن خشية من أن يكون أحدهم قد سرق النك نيم
    ويسعدني جداً فكرة قيام المعهد
    وقد طرات لي هذه الفكرة في إجازتي بان اقوم بإعطاء بعض الحصص بالمدرسة الثانوية عن الحاسوب وطريقة تشغيله واستعماله حتى يكون لأهلنا اهل العوض فكرة للدخول للنت وتشغيل الحاسب الآلي
    الا أن قطوعات الكهرباء وكذلك قصر مدة الاجازة حالا دون إتمام المقترح
    تحياتي اليك وللزوجة وعلى قول أهل السودان { السؤال البريء والساذج والسخيف ايضاً { ما بقيتوا تلاتة }
    التحية للزملاء المعلمين وتحية ومواساة للأخ الأستاذ المخضرم شرفي وجميع الأخوة
    اها معهدكم دا رجالي وللا نسائي ؟؟
    لك التحية والعزاء في العم محمد فكي يوسف
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de