|
|
 سؤال ، قبل ما تبدأ الإنتفاضة: انتو سيدي على تميم فرتاك موقعوا شنو من الإعراب؟ ح يكون مرتزقة ؟
|
ناس المؤتمر الوطني و احبابهم..و اهلهم و ذويهم,, اليومين ديل شابكننا ليك عيك و عوك..و ارررررراك..!
و لمن تقول ليهم مالكم يا اهل الله مالين الحلة عياط..؟ يقولوا ليك الحركة الشعبية قطاع الشمال جايبة لينا العصبي..و لازم تقطع وشها من السودان الفضل..!!
و مش كده و بس ، تقوم واحدة نائبة برلمانية و تخط ايدها في نصها و تقول ليك.. الجيش الشعبي في جبال النوبة ح يكونوا مرتزقة في دولة الجنوب بعد استقلالها...!!!
كويس.. اها سيدنا على تميم فرتاك ده.. بعد الإستقلال برضك مش ح يكون قوة سياسية في دولة اجنبية؟..ولا ، يا ربي ح يعقد يبيع جرجير و طماطم و تمباك؟.. يعني يا ناس المؤتمر الوطني مش سيدنا على تميم فرتاك برضك ح يكون مرتزقة في دولة الجنوب؟..ولا على تميم فرتاك.. بعد ما قضى عمرو و افنى زهرة شبابو في الحركة الإسلامية في السودان ووقف معاها لمن استلمت السلطة.. زول زي ده خلاس يعني اديتوهو اخر صرفية و قلت ليهو اتطلب الله؟..
المثل بيقول اب سنينة بيضحك على اب سنينتين..و اختنا البرلمانية اياها.. لمن باكر اهلها يفحطوا.. برضك ح تبقى مرتزقة مأجورة في حاكورة الجمهورية العربية الإسلامية السنية العظمي..ليه؟ لأنها ح تكون اجنبية زيها و زي التانيين القاعدة تتفونع فيهم اليوم..!!
انتفاضة حتى النصر..!
كبر
|
|
 
|
|
|
|
Kabar
فيس بوك
تويتر
انستقرام
يوتيوب
بنتيريست