|
Re: رمضـان في سسكتشوان:الآبـريه ولون زينب (Re: Kabar)
|
صـديقي ومولاي الملاعمر..حبابك كتر خيرك وكل سنة وانت بخير طبعا هناك ما يستعجب ..طيب قول دي تلاتة مرات Kawakatoose..وتنطق كوا كا توز..وهو اسم مدينة صغيرة مخصصة لأهل الدار..First Nation Reserve.. واذكر زمان كان عندي حبوب..كل ما تشوف ليها خواجة..تقول ليك..زول عيون خضر تقول جاي من قوليك..وكنت اظنها من اخوات سقط لقط..وبلاد الواق واق..و ام طرقا عراض..لكن كانت دهشة عظيمة عندما اكتشفت وجود مدينة صغيرة في هذه المقاطعة اسمها..Gull Lake..واكيد يوم ح اقابل لي واحد عجوز..ويقول لي لاقيت جدك الشيخ معلا ابو امخيان في مركز لقاوة.. صحيح يا صديقي شق الديار علم
صـديقي واستاذي ..الصاوي حبابك كتر خيرك..وهذا ماكنت اتوقعه من هذا البوست..وذلك بان يحفز الناس للدردشة وتبادل المواقف الطريفة والظريفة..لكن الظاهر الناس دي اما مجلودة..ويااما نحن بنأذن في لاس فيغاس.. اعجبتني ما ذكرته عن تفاصيل الهولنديين..خصوصا حكاية الدوتش.. بالمناسبة امبارح كانت انتخابات المقاطعة..وعاد الديموقراطيين الجدد لحكومة المقاطعة..واطرف حاجة..حينما بدأ رئيس الحزب خطاب شكره..اثنى على سائق البص الذي طاف بهم المقاطعة اثناء الدعاية الانتخابية..وبالتالي ح يكون في الحكومة للدورة الرابعة على التـــوالي..طبعا المدام ضحكت بشدة على حكاية التوالي دي.. المقاطعة تحرم بيع وتداول الحشيش او القنب الهندي(marjuana)..وهي من المقاطعات المتشددة في معارضة القانون الذي يسمح بزواج المثليين .. طبعا الواحد كان مبهور بليلة البارحة..وحكاية الفرز المبثوث على الهواء وتقلبات الدوائر ..والنتيجة اعلنت على الملأ بعد ثلاث ساعات من انتهاء عملية الاقتراع.. كتر خيرك تاني..وياريت نسمع منك اكتر..وزي ماقال اهلنا..الونسة طولة عمر.. وفعلا..تخيل كيف الحال لو ما كنت سـوداني دمتم كل سنة وانتو بخير كبر
|
|
|
|
|
|
|
العنوان |
الكاتب |
Date |
رمضـان في سسكتشوان:الآبـريه ولون زينب | Kabar | 11-02-03, 08:43 PM |
Re: رمضـان في سسكتشوان:الآبـريه ولون زينب | almulaomar | 11-06-03, 01:22 PM |
Re: رمضـان في سسكتشوان:الآبـريه ولون زينب | Alsawi | 11-06-03, 01:56 PM |
Re: رمضـان في سسكتشوان:الآبـريه ولون زينب | Kabar | 11-06-03, 07:28 PM |
Re: رمضـان في سسكتشوان:الآبـريه ولون زينب | hala guta | 11-06-03, 08:22 PM |
Re: رمضـان في سسكتشوان:الآبـريه ولون زينب | Kabar | 11-06-03, 10:23 PM |
Re: رمضـان في سسكتشوان:الآبـريه ولون زينب | Alsawi | 11-07-03, 01:34 PM |
Re: رمضـان في سسكتشوان:الآبـريه ولون زينب | Kabar | 11-08-03, 08:14 PM |
Re: رمضـان في سسكتشوان:الآبـريه ولون زينب | omdurmani | 11-07-03, 09:52 PM |
Re: رمضـان في سسكتشوان:الآبـريه ولون زينب | Kabar | 11-08-03, 08:27 PM |
Re: رمضـان في سسكتشوان:الآبـريه ولون زينب | Kabar | 11-14-03, 08:09 AM |
|
|
|