|
Re: هـــذى الـمـدن : تعـالوا نكتبهــا (Re: مزن ابوعبيدة النيل)
|
في الأمسيات يا أستاذ كبر تلقى كل الشباب في الملاعب . و الملاعب دي ياكبر خرَّجت (شواطين) لاعب الهلال . و شواطين (المسنوح) ده يوم زارنافي الخرطوم بيليه لاعب البرازيل مع فريقه (كتفو) (كتيفة شديدة ) (ما خلا ملك الكورة يلعب) الجماهير بدت تهتف:: ياشواطين فِكَّها .. فِكَّها فِكَّها ياشواطين.. الناس كلها دخلت عشان تشوف بيليه .. لكين الزول كان قلبو حار و الكورة عندو ياهازم يامهزوم و مش (تمتع الجماهير) و الجماهير ملت الاستاد عشان تتمتع ببيليه . لكين المدرب قال ليهو بس عليك بالزول .. الوكت داك ما بتذكر المدرب هو استارستا ولا ... لا اذكر .. في جرايد الصباح و الناس تسب شواطين كان بيليه أثنى عليهو و قال ده لاعب خطير كونو يخليني ما ألقى فرصة في الكورة . الكلام شوية عاد الثقة في جماهير الهلال و بالخصوص شواطين . شواطين في الجرايد قال (و الراجل يبدو سمع ضجر الجماهير) أنا لاعب نفذت خطة مدربي .. الزول البيعرف اسم المدرب الاشتر ده ادينا ليهو هسع أنا نسيت اسمو ..
بعدما افل المساء مساء الكرة ، ياكبر ، بأبهته التي ألقت على كتفي المدينة شالا داكنا تبدو المدينة كسيد ينوي الخروج و أحد غلمانه يناوله عصاته الأبنوس ..
هم الآن في شهر رمضان حيث ينظم نادي العمال منافسة في الكونكان تستغرق كل الشهر ليفوز اللاعبان بجلابية سكروته (بعمود) و شال و مركوب نمر و عراقي و سروال بوبلين (أبو تلاتة تفاحات) و عمة ساكوبيس نمره واحد و عصاة أبنوس . شاهدت هذه الهدية في فترينة قاعة هذه المنافسات . و لأننا كنا طلابا صغارا يحرموننا من مشاهدة هذه المنافسات الأولى حتى لا نسمع ألفاظ السب . و علينا أن نكون أما في صالة التلفزيون أو البنج بونج و مدرب البنج بونج في ذلك الزمن كان هو عبدالجبار المبارك . و النادي يسمح لنا أن نشاهد المباراة الأخيرة في الكونكان لآن من شروط و لوائح النادي ألاَّ يتلفظ اللاعبون بأي كلمة نابية (معكم تلاميذ صناع الغد ) كانت هذه اللافتة على الحيطان الآربع .. و كانت المنافسة الاخيرة ..
تحيط (التربيزة) كراسي للجلوس وكراسي للوقوف . الزميلان الشرسان كالعادة في النهائي هما : بشير حسن سيري و محمد ود الصايغ .. الآن ود الصايغ يمسك بثلاثة كروت (علامة القفلة) .. بدأ الاضطراب في الفريق الآخر . الغمز تحت (التربيزة) بالأرجل بدأ ليقول (جليهو و بس ) . وبدأ من يرمي (البايظ) لود الصايغ في (الجلى) و (كسر الورق) حتى يكسبان دك الكشتينة و اللعب من جديد . فبدأ يرمي و يرمي حتى شاهدته يتصبب عرقا .. ففجأة سأله : ياخي إنت قافل بي شينو .. و بهمس شديد جدا قال له ود الصايغ : بي الله ... الراجل ملاوذ وفكّ (الآس) فصاح و د الصايغ واقفا : (خمسين .. ما قلنا ليك قافلين بي الله ).. فغمرت الصفقة كل الصالة . و بعد دقائق أتى رئيس النادي و ألقى كلمته بمناسبة العيد و أهداهم هدية صلاة العيد ..
|
|
|
|
|
|
|
العنوان |
الكاتب |
Date |
هـــذى الـمـدن : تعـالوا نكتبهــا | Kabar | 10-25-04, 02:19 PM |
Re: هـــذى الـمـدن : تعـالوا نكتبهــا | mohammed alfadla | 10-25-04, 02:27 PM |
Re: هـــذى الـمـدن : تعـالوا نكتبهــا | فى حافة الغياب | 10-25-04, 10:54 PM |
Re: هـــذى الـمـدن : تعـالوا نكتبهــا | tmbis | 10-26-04, 04:02 AM |
Re: هـــذى الـمـدن : تعـالوا نكتبهــا | Kabar | 10-30-04, 08:15 PM |
Re: هـــذى الـمـدن : تعـالوا نكتبهــا | Kabar | 10-30-04, 07:57 PM |
Re: هـــذى الـمـدن : تعـالوا نكتبهــا | Kabar | 10-30-04, 08:40 PM |
Re: هـــذى الـمـدن : تعـالوا نكتبهــا | elfaki | 10-30-04, 10:57 PM |
Re: هـــذى الـمـدن : تعـالوا نكتبهــا | Nagat Mohamed Ali | 10-31-04, 00:29 AM |
مدينه العيد | توما | 10-31-04, 07:43 AM |
Re: مدينه العيد | خضر عطا المنان | 10-31-04, 11:54 AM |
Re: مدينه العيد | Sidig Rahama Elnour | 10-31-04, 12:36 PM |
Re: هـــذى الـمـدن : تعـالوا نكتبهــا | Kabar | 10-31-04, 07:53 PM |
Re: هـــذى الـمـدن : تعـالوا نكتبهــا | Kabar | 10-31-04, 08:04 PM |
Re: هـــذى الـمـدن : تعـالوا نكتبهــا | Kabar | 10-31-04, 08:25 PM |
Re: هـــذى الـمـدن : تعـالوا نكتبهــا | Kabar | 10-31-04, 08:32 PM |
Re: هـــذى الـمـدن : تعـالوا نكتبهــا | Kabar | 10-31-04, 08:46 PM |
Re: هـــذى الـمـدن : تعـالوا نكتبهــا | Yahya Fadlalla | 11-01-04, 01:14 PM |
Re: هـــذى الـمـدن : تعـالوا نكتبهــا | مزن ابوعبيدة النيل | 11-01-04, 06:20 PM |
Re: هـــذى الـمـدن : تعـالوا نكتبهــا | elfaki | 11-01-04, 10:36 PM |
Re: هـــذى الـمـدن : تعـالوا نكتبهــا | على اسماعيل | 11-02-04, 02:54 AM |
Re: هـــذى الـمـدن : تعـالوا نكتبهــا | Kabar | 11-02-04, 05:09 PM |
Re: هـــذى الـمـدن : تعـالوا نكتبهــا | Kabar | 11-02-04, 05:18 PM |
Re: هـــذى الـمـدن : تعـالوا نكتبهــا | Kabar | 11-02-04, 05:31 PM |
Re: هـــذى الـمـدن : تعـالوا نكتبهــا | Kabar | 11-02-04, 05:36 PM |
Re: هـــذى الـمـدن : تعـالوا نكتبهــا | Kabar | 11-02-04, 06:30 PM |
Re: هـــذى الـمـدن : تعـالوا نكتبهــا | Shams eldin Alsanosi | 11-03-04, 03:38 PM |
|
|
|