Post: #1
Title: الحمير
Author: أبوبكر عباس
Date: 11-13-2026, 09:09 PM
09:09 PM November, 13 2026 سودانيز اون لاين أبوبكر عباس-الإمارات مكتبتى رابط مختصر
يعتبر السودان ثاني أكبر دولة امتلاكاً للحمير بعد الحبشة بتعداد سبعة مليون حمار.
أمس عقدنا الجمعية العمومية لجمعية أصدقاء الحمير، تم انتخابي للمرة الثالثة على التوالي رئيساً للجمعية وأمينها العام.
هذه الدورة سوف يكون عندنا مهرجان الحمير الثاني بالدامر؛ سباق حمير مفتوح سباق كارو حمير مفتوح مزاينة أجمل حمار وحمارة مزاينة أجمل قَصّة شعر
جوائز قيّمة
فبرائر ٢٧
|
Post: #2
Title: Re: الحمير
Author: أبوبكر عباس
Date: 11-13-2026, 09:57 PM
Parent: #1
تلعب الحمير في السودان دوراً اقتصادياً هو الأهم في مساعدة الناس في الانتاج وتسيير حياتهم اليومية، لو كان الأمر بيدي لجعلت الحمار زمز للدولة بدل صقر الجديان اب سيقان دا
|
Post: #3
Title: Re: الحمير
Author: أبوبكر عباس
Date: 11-13-2026, 10:02 PM
Parent: #2
تعتبر حمير شندي والدامر أجمل الحمير في السودان وهي تستخدم لركوب الوجاهة، أما حمير غرب السودان وجنوب النيل الأزرق فهي أقل جمالاً وقصيرة، لكنها حمير شغل جد
|
Post: #4
Title: Re: الحمير
Author: Biraima M Adam
Date: 11-14-2026, 00:01 AM
Parent: #3
الناس فى شنو .. والمستنير فى سباق الحمير والأحتفاء بها؟
!
بريمة
|
Post: #5
Title: Re: الحمير
Author: أبوبكر عباس
Date: 11-14-2026, 04:40 AM
Parent: #4
لو مرقت من أبو حراز (ملتقى النيل الأزرق مع الرهد) واتجهت شرقاً مسافة خمسين كلم، تنعدم المياه الجوفية لأنو توجد طبقة صخرية تمتد لمسافة طويلة شمالاً المشكلة الأراضي دي خصبة جداً وبها زراعة مطرية ومراعي ممتازة، لكن حفايرها ما بتم السنة، شخصياً حفرت حفير في منطقة اسمها السعدية تجاور الكاهلي زيدان بلد كيكل والكاهلي دي هي نفسها الهاجمها الجنجويد بمسيرة وكتلوا أخو كيكل،
داير أقول شنو؟ نسبة للمراعي والزراعة المطرية توجد قرى كثيرة هناك ولكنها ليست لها آبار لمياه الشرب والناس ديل تقريباً شهر أربعة وخمسة وستة برسلوا الشفع بالحمير للقرى القريبة لجلب الماء. ممكن من الصباح تلقى ليك خمسين حمار ماشين مع بعض عشان يجيبوا الموية اسمهن حمير الري وعادة يتم مع حمير الري التسوق وبشتغلن زي البوستة لتوصيل الأشياء الصغيرة مع القرى الفيها الماء ونقل الأخبار،
حمير الري في هذه المناطق هي عصب الاقتصاد ولو لا الحمير لما استطاع الانسان الاستفادة من موارد هذه المناطق
شكراً حمير الري بشرق الجزيرة
عندي صورة مع دحش مر حمير الري برسلها لحافظ ينزلها لي هنا
|
Post: #6
Title: Re: الحمير
Author: Biraima M Adam
Date: 11-14-2026, 08:42 AM
Parent: #5
عزيزى القارئ ..
المستنير يحاول يخطاب عقلنا الباطن .. والكلام دا ما فايت علىّ وأنتم أجعلوه فى مؤخرة أذهانكم ..
السؤال للمسنير، فى المسافات الطويلة معروف الناس بتستغل الجمال، وأهل البطان أهل أبل، لماذا تحولوا لأستخدام الحمير؟
بريمة
|
Post: #7
Title: Re: الحمير
Author: أبوبكر عباس
Date: 11-14-2026, 10:32 AM
Parent: #6
بريمة يا وهمي، يا أخي، الابل لا تستطيع القيام بهذه المهمة، المسافة هي زي تمانية كل بعد الثمانية كلم دي من حدود الآبار كل المساحات شرقاً خالية من السكان حتى نهر عطبرة. والله، يا أخوانا، لو قدرنا ركبنا طلمبات صخمة تجاه أبحراز ورفاعة والهلالية وسقينا بس الأراضي على بعد خمسين كلن شرقاً وتمتد شمالا لحدي التقاء عطبرة بالتيل عند الدامر، نستطيع حل مشاكل الموارد بدارفور وكردفان وترحيل الناس ديل لهناك يعني القروش الانصرفت في الكرب دي كانت حلت مشكلة الناس دي لحدي النيجر، الأموال الكانت مع حميدتي دي كان ممكن تحل كل المشاكل.
كان بس دلير بحكم والصادق المهدي قال ليهو بالسلاح ما بتحكم أعمل ليك حزب، لكن هو (ما حمار) طبعاً لا بمكن أسب حميدتي وأقول ليهو انت حمار وأنا رئيس الجمعية وأحتفي بالحمير أينما كانت
حميدتي يا ما حمار
|
Post: #8
Title: Re: الحمير
Author: أبوبكر عباس
Date: 11-14-2026, 12:08 PM
Parent: #7
في العراق كان في حزب اسمو حزب الحمير وكان شعارو حمار لابس كرفته، لكن أنا كقائد للقيادة القطرية كنت مختلف معاهم وقلت ليهو؛ حزب ما بنفع اعملوا جمعية
* صورة لتمثال الحمار بالعراق
|
Post: #9
Title: Re: الحمير
Author: Biraima M Adam
Date: 11-14-2026, 01:14 PM
Parent: #8
عزيزى القارئ،
Quote: والصادق المهدي قال ليهو بالسلاح ما بتحكم أعمل ليك حزب، لكن هو (ما حمار) طبعاً لا بمكن أسب حميدتي وأقول ليهو انت حمار وأنا رئيس الجمعية وأحتفي بالحمير أينما كانت
حميدتي يا ما حمار |
مأخدين بالكم .. بقينا فى الأعتذار الملتوى ..!!
المستنير، مويتنا التى تذهب هباءً إلى مصر، كان جعلت السودان بأكلمه أخضراً لو تم أستغلالها ..
بعدما تحتلكم الجارة الشمالية ح تنفذ كل مشاريع المياه ..
أنتم حرامية أول ما تشوفوا القروش تسرقوها وبالتعالى تعذر قيام مشاريع تنموية بعد خروج المستعمر ..
بريمة
|
Post: #10
Title: Re: الحمير
Author: عبداللطيف حسن علي
Date: 11-15-2026, 09:23 PM
Parent: #9
قال سقراط يومًا: “إذا ركلني حمار، أفأقاضيه؟ أم أبادله الركل؟”
ليست كل المعارك تستحق خوضها، ولا كل النقاشات تُكسب بالرد. فالصراخ لا يدل على قوة الحجة، بل على فراغها، والحكمة غالبًا ما تختار الصمت لا عجزًا، بل سموًّا.
حين يختزل الآخرون الحوار إلى إهانات وضوضاء، فأقوى رد هو أن تترفع. فالعقل الراجح لا يثبت نفسه بالصياح، بل يفرض حضوره بهدوئه واتزانه. https://up6.cc/
|
Post: #11
Title: Re: الحمير
Author: Biraima M Adam
Date: 11-15-2026, 09:50 PM
Parent: #10
ول أبا لطيف،
عفا الله عنك .. يا أخى بعد كلام سقراط ح أناقر المستنير ككيف؟!
خلينى نرفع بوستات الخوى بعد ما عرد منها الأوباش وبجئ راجع.
بريمة
|
Post: #12
Title: Re: الحمير
Author: ترهاقا
Date: 11-16-2026, 06:30 AM
Parent: #11
Quote: طبعاً لا بمكن أسب حميدتي وأقول ليهو انت حمار وأنا رئيس الجمعية وأحتفي بالحمير أينما كانت
|
المواضلات المفضلة ايام المرحلة الاولية ، الحمار حيوان جميل
|
|