حيث اتضح أن من كنا نظن أنهم اطباء جراحة القلب ومتخصصين، اتضح إنهم رباطة خريجي سجون وقمرتية يعشقون لحس حذاء الخديوي القذر بشراهة تفوق الوصف والمنطق.
Post: #2 Title: Re: للأسف فشلت عملية القلب المفتوح للجنيه الس Author: محمود الدقم Date: 10-15-2026, 06:36 AM Parent: #1
الواحد دولار اميريكي= عشرة الف ونصف من جنيه السجمان.
Post: #3 Title: Re: للأسف فشلت عملية القلب المفتوح للجنيه الس Author: محمود الدقم Date: 10-15-2026, 09:28 AM Parent: #2
وفي ظل تدهور الجنيه الي القاع جماعة ذهبوا لتناول وجبة في مطعم "روتس" وسط الخرطوم والمفاجاة كنت فاتورة تلك الوجبة ٤ مليار جنيه وشوية. الفيديو: https://www.facebook.com/share/v/1CMMCPk4HD/
Post: #4 Title: Re: للأسف فشلت عملية القلب المفتوح للجنيه الس Author: ترهاقا Date: 10-15-2026, 10:27 AM Parent: #3
يسأل عنك الخير ، انت اخبار عُملة جماعتكم عصابة تأسيس شنو؟؟حيث لا فرق بينكم وبين عصابة بورتسودان، ضيعتوا البلد،
Post: #5 Title: Re: للأسف فشلت عملية القلب المفتوح للجنيه الس Author: عزالدين عباس الفحل Date: 10-15-2026, 11:02 AM Parent: #4
عبر الهاتف الخلوي من المملكة العربية السعودية ( فـوز ) المدير المالي السوداني الناجح في أرض الحرمين الشريفين سألته بغصة طاحنة عن داء الإقتصاد السوداني أين نحن ؟؟ لا رؤية واضحة لا ميزانية ولا موازنة والعملاق الدولار يتخبط بنا يميناً ويساراً رد علي ( فـوز ) المدير المالي السوداني الناجح في أرض الحرمين الشريفين بتنهد عالي وشهيق مر نحن بحاجة إلي جراح حاذق يضع المشرط بدون بنج في دماغ الإقتصاد السوداني ليجتس سرطان الغلاء الفاحش وكائن الضرائب الباهظة علقم التجار زاد السخط والغليان كالمرجل فتوقفت العجلة الإنتاجية إرتفع سعر البصل لقمة الفقراء فأصبحت رائحة البصل أغلي من رائحة العنبر والزهور والياسمين عصير البصل أم عصير قصب السكر ؟؟؟ يا باشمهندس قلت له لأرضي ضميري نعم عصير البصل ولو جاءني ضيف في عقر داري لقدمت له عصير البصل ليعرف مدي معزته عندي رد عبر الموبايل ( فـوز ) المدير المالي السوداني الناجح في أرض الحرمين الشريفين بعد أن إنفجر ضاحكاً إنقلب التقييم وغطس التقويم إختناق فاحش في حركة الأموال بنمو الأزمات المتأرجحة أزمة نقدية أزمة وقود أزمة كهرباء خنق العرض والطلب بجشع المستورديين والموزعين سقط الإقتصاد السوداني أين الجراح الحاذق أين مشرطه البتار وشفراته الحادة القطع ؟؟؟؟ ،،،،،،،،
عزالدين عباس الفحل ابوظبي
Post: #7 Title: Re: للأسف فشلت عملية القلب المفتوح للجنيه الس Author: محمود الدقم Date: 10-16-2026, 03:49 PM Parent: #5
Quote: المدير المالي السوداني الناجح في أرض الحرمين الشريفين بتنهد عالي وشهيق مر نحن بحاجة إلي جراح حاذق يضع المشرط بدون بنج في دماغ الإقتصاد السوداني ليجتس سرطان الغلاء الفاحش وكائن الضرائب الباهظة علقم التجار زاد السخط والغليان كالمرجل فتوقفت العجلة الإنتاجية إرتفع سعر البصل لقمة الفقراء فأصبحت رائحة البصل أغلي من رائحة العنبر والزهور والياسمين عصير البصل أم عصير قصب السكر ؟؟؟ يا باشمهندس
نعم وضع مزري ومؤسف ومقرف لا يسر لا عدو ولا صديق ربنا يصلح الحال
Post: #6 Title: Re: للأسف فشلت عملية القلب المفتوح للجنيه الس Author: محمود الدقم Date: 10-15-2026, 01:17 PM Parent: #4
الفنان الجميل ترهاقا: الدقم عندما يناول المسكين "الجنيه السوداني" جك ليمون بارد فبكون عشان، تتحرك فيهو عروق الرقبة، وتطقطق مفاصل ركبوا شوية،وهذا لا يعني انني منتشي ومبسوط لعمليات التجميل والرتق في وجه جنيهكم الممحوق.. بل يعني أن المواطن بشمال ووسط السودان، خلاص الفيهو كملت، وانقطعت عنه اسباب الحياة المادية وما بقي عندو الا رب النجوم اللا بنعس ولا بنوم. لكن حضرتك لأنك لسه محتجز نفسك في زنازين ٥٦ والله يبارك ليك، وما عندك تفسيرات منطقية، ولا وجهات نظر واقعية لبوستاتنا غير دوسة وبوسة وحوسة ، فبقيت يا عشاي تلجأ للمقارنات بتاسيس، بالرغم من اتصالاتي الاسبوع الفات باقارب لي في منطقة ابيي اكدوا لي أن اللحمة العجالي والضان راااااقدة، وبتراب القروش، اما السمك فبهبط عليهم من اويل وغيرها،، ،ومبسوطين للطيش مشكلتهم الوحيدة تذبذب سعر السكر والشاي ..وأن حياتهم مستقرة وأمن وأمان وثبات ونبات.. فبالتالي يا سيد ترهاقا اتحرروا لينا شوية من السيسي ولو مرة واحدة، بدل شغلة الفنقسة دي من ١٨٨٥م للان، ووقتها الكيزان براهم بسقطوا وبتنكسر اعناقهم،، فالمقارنات غير تعمل ليك دبريشن ما فوكا خير..
Post: #8 Title: Re: للأسف فشلت عملية القلب المفتوح للجنيه الس Author: Hafiz Bashir Date: 10-16-2026, 04:51 PM Parent: #6
سلام محمود الدقم،
Quote: فشلت عملية القلب المفتوح للجنيه السوداني
موش يمكن الجنيه السوداني ما داير جراحة قلب ولا داير خبرة جراحين، يمكن داير ناس تصارع ليهو الدولار وترميهو، موش الدولار هو العدو الأول؟ عشان كدا زماااان ناس الجراحة والخبرة وقفوا ورا وخلوا الناس البتصارع قدام.
Post: #9 Title: Re: للأسف فشلت عملية القلب المفتوح للجنيه الس Author: Ali Alkanzi Date: 10-16-2026, 05:03 PM Parent: #8
قالت رغد ونقول معها مرددين :
القادة المفروض تبقو ديما فزعنا كيف بتزيدو بفوق للمآسي وجعنا
Post: #10 Title: Re: للأسف فشلت عملية القلب المفتوح للجنيه الس Author: Hafiz Bashir Date: 10-16-2026, 05:08 PM Parent: #8
وجبنا الفيديو دا ليه؟
الكلام في الفيديو دا اتقال في يونيو 2020 وكان سعر الدولار* في الوقت داك حوالي 140 جنيه. في نفس التوقيت في السنة البعدها (يونيو 2021) كان سعر الدولار حوالي 450 جنيه. يعني تضاعف سعر الدولار 3.2 مرة خلال سنة الصراع مع الدولار.
في السنين التالية من 2021 إلى 2026 معدل التغيير تقريبا 1.8 في السنة.
* اسعار الدولار المشمولة في المقارانات دي هي اسعار الدولار في السوق الحر. ولم تشمل الاسعار سعر الدولار المدعوم.