سر اختفاء مجموعات مسلحة في الصحراء..

03:59 PM September, 27 2026

سودانيز اون لاين
عمر التاج-khartoum
مكتبتى
رابط مختصر

المجموعات دي طبعا غير الكانت ضمن المتحرك الجاي من ليبيا، ووقع فيه الطيران السوداني خبطهم، وشتت شملهم في الصحراء..
ثم جاءتهم المشتركة وتمت الناقصة ، وبعدين حنت في حال المفقودين وانقذتهم من الموت جوعا وعشطا في الصحراء..

المتحرك الاولاني داك كانت بتجهز فيه دويلة أمارات الشر ٦ شهور وفرتكته نسور الجو في ٦ ساعات فقط
مما جعل الإمارات يجن جنونها وتنادي بحظر الطيران والعصافير والكيماوي والفيزياوي في سماء السودان..

المهم نرجع للمجموعات المقصودة في عنوان البوست
قال ليك طلعت مجموعة من النهود عشان تستطلع خبر المشتركة، قريبين منهم ول بعيدين
ويومين مارجعوا ...
قاموا رسلوا مجموعة تانية تشوف خبر المجموعة الأولى
برضك لحقوهم وما رجعوا..
الحاصل شنو يا جماعة؟ ما في زول عارف..
واحد من الغادة قال المجموعتين انجغموا
واحد تاني قال سمع من اجداده انه في مثلث فيه ثغب خطير في غرب النهود
بشفط اي زول يمشي في اتجاهه.. واحتمال شفطهم
واحد تالت قال الجماعة ديل سلموا للجيش ويفترض ننساهم
وأعاد للجنجا اوجاع السافنا والنور قبة والنقيب بريمة.. وحديث الناظر مادبو وبقية ناس الكروكالي
المهم.. كثرة الاقاويل والتخمينات والتاويلات ذكرني بايامنا مع الشهيد يوسف سيد..
الملازم أول يوسف سيد ده كان معانا في منطقة شرق الاستوائية وكان بطل بمعنى الكلمة، مافي زول بباريه الا قلبه حديد..
الراجل ده كان كل يوم بسوق معاه اتنين من العساكر ويمشوا بالليل لمعسكر المتمردين المجاور..
ما يضربوا ولا طلقة واحدة.. بمشوا شايلين شايلين بس كلاشات وبطانية
ويتلبدوا لحدي مايصلوا ديدبان الخصم.. يخمشوه بالبطانية هو وسلاحه ويجيبوه لينا حي
والصباح يقوموا المتمردين يكتشفوا انه مافي زول سادي خدمة في حراستهم..
والموضوع ده اتكرر كذا مرة حتى دب الخوف في المتمردين
وأصبحوا يخافون من كلمة ديدبان، وكل واحد يرفض يسد خدمة خوفا من الاختباء المريب
يومين تلاتة كانوا يبيتوا من غير حراسة..
وفي الاخير ضربوها واقتنعوا انه الانسحاب افضل ليهم ومرقوها في أوغندا ..

نرجع لموضعونا ونورد الخبر كما نشرته مجلة شاهد الإلكترونية :

Quote: اختفاء قوتين للمليشيا شمال غرب النهود.. رعب يضرب صفوف مليشيا الدعم السريع وعناصرها ترفض مهام الاستطلاع أفادت مصادر محلية ل " منصة شاهد عيان " باختفاء عربة تابعة لمليشيا الدعم السريع، كانت تقل تسعة أفراد ومجهزة بمدفع، أثناء مهمة استطلاع شمال غرب النهود. وبحسب المصادر ، أرسلت المليشيا عربة أخرى للبحث والتمشيط ، إلا أنها اختفت هي الأخرى، ما أثار حالة من الخوف والارتباك وسط عناصرها، ودفع بعضهم إلى رفض تنفيذ أوامر القيادة المتعلقة بمهام الاستطلاع.

الدب الداشر

خليك من الخيال الواسع دا، فكك لينا سر أختفاء جواز البرهان .. السفارة السودانية فى واشنطن راح لهم درب الجواز ..

وزولكم مناوى، قاعد يعبئ "تاكيلا" ساكت .. تعرف التاكيلا، الخمور البلدية للاتينين .. دول أمريكا الجنوبية، باعكم بالتاكيلا ..

مؤخرتك مسخنة من كترة الأكشنات .. خخخخخاخ!

بريمة