فتح المليشيا لجبهة الشرق، هل هو غباء ام انتحار ؟

10:46 AM September, 23 2026

سودانيز اون لاين
عمر التاج-khartoum
مكتبتى
رابط مختصر

مليشيا الجنجويد لم تفق حتى الآن من صدمة الانتشار في ولايتي الجزيرة وسنار
ذلك الفخ الذي كلفها الخروج من كل ولايات الوسط والشرق والشمال والجنوب..
وجعلها تعاني الآن في أقصى غرب السودان.
وحادثة الانتشار هذه التي أفرغت المليشيا من العاصمة الخرطوم بعد أن انتشر فيها المرتزقة كالجراد
هي من خفف ضغط الجنجويد على الجيش
فما ان بدأت مطامع المليشيا في التوسع شمالا وجنوبا
حتى وجد الجيش المحاصر متنفسا للخروج والتمدد ومحاصرة المليشيا
ومن ثم طردها شر طردة من كل شمال ووسط وشرق وجنوب السودان..
وبعدها تركزت المليشيا في غرب السودان وجمعت قوتها واستعادت ثقتها من جديد
وصمدت الي حد كبير في حدود كردفان المتاخمة لامدرمان والنيل الابيض
ويرجع السبب في ذلك إلى اسلوب الفزع وتقارب خطوط الإمداد
حتى خدعت من جديد وفتحت جبهة الشرق من داخل إثيوبيا فبدأ الانهيار من جديد
وجعلت المليشي الذي يقاتل في الشرق يفكر ويهتم في أهله وحواضنه المحاصرة في الغرب
أكثر من تركيزه على حربه في جبهة الشرق ..
وعطلت تماما فكرة الفزع التي كانت سر قوتها وتفوقها
وهنا اجتمعت صفات الحماقة والغباء والانتحار في قادة المليشيا
غير أن الداعمين والمخططين لهذا التمرد وعلى راسهم دويلة أمارات الشر وامريكا
كان لهم هدف آخر من هذا التحول
وهو الدخول المباشر في الحرب عبر تلك الجبهة
ولكن هيهات.. وجبهة الشرق تاريخيا هي أضعف الحلقات واخف الثغرات التي أوتي منها السودان علي مر العصور..
ولو ركزت الإمارات على جبهة ليبيا وتشاد - رغم بعد سلاسل الإمداد -
لكان الوضع أصعب على جيش السودان وشعبه
ولكن الله غالب
وسننه في الكون امضي
ووعده لا يخلف
"وان جندنا لهم الغالبون"

دويلة الإمارات عينها على إثيوبيا وارتريا
وتطمع للدخول بهما الي السودان
بعد أن يئست من المحور الغربي بما فيه ليبيا وتشاد
وهي بالتالي تتجه لبيع مليشيا الجنجويد وتوابعهم
والتضحية بكل القادة والحواضن هناك
في سبيل التحشيد الدولي الجديد.

عمر التاج دا من راسك ولا كراسك هههههه

كلام زي ده مابقولوا الا زول عنده رغبة في إصلاح البلد زي حالتي كدة يا صديك
واهو بنحاول نوعيك انت و المليشيا بتاعتك عشان ما تقع تاني في نفس الخطأ

الان وزي ما كتمت في مليشيا دارفور
فقد كتمت في مليشيا الشرق
وكله واحد ياكل ناره
مليشيا النيل الأزرق بعد حرب التقراي على ابي احمد
لا بقدروا يرجعوا الضعين ولا تشاد
ولا بقدروا يقعدوا في كماشة الجيش السوداني والتقراي والجيش الارتري
ويقال تحت تحت.. ان مجموعة ضخمة من الأسلحة والمسيرات الكانت جايباهم الإمارات للجنجويد
وقعوا في أيدي جيش التقراي والامهرا
كما وقعت بطاخات ضخمة مليان ذخيرة واسلحة اماراتية في يد الجيش السوداني في سودري
وبكده يبقى الجنجويد في الشرق والغرب حايتبلوا بالاسلحة الإماراتية نفسها
َع فارق قليل
انه جنجويد الغرب بالإضافة المشتركة
خاشي عليهم متحرك جديد لنج
اسمه (درع الغرب)
يقوده النور قبه والسافنا
وتحت رعاية.. الجنجويدي الأصلي: موسى هلال..