برهان دا حظه زي حظ عباس أبيضة ، زول كج. يوم ولده أبو مات، يوم سمايته أمه ماتت. شافع من ولده دماغه كبير وهو زول طويل وعنده شوية عوارة كدة .
مسكته حبوبته عشان تربي، مما تصحي من النوم بتقرا المعوذتين والبقرة. مشهور إنه شافع كج وعارض وما عنده أي ميزة غير إنه أتولد بيبضة واحدة. يوم دخل المدرسة جات مطرة رمت الفصل، كتلت الشفع.
المدير قال ليهم: عباس دا ما عايز أشوفه هنا، ودو الخلوة. شيخ الخلوة مارق من الخلوة، لقي عباس وراو، قال: عليك الله يا عباس زح مني. الشيخ قاطع الشارع وبستعيذ من عباس، جاء لوري بالي دقش الشيخ كتله.
محل ما حبوبته توديه تحصل مشكلة. قامت ودته لشيخ، حكت ليو قصة عباس. قال ليها: الجنا دا حظه ما بتصلح إلا يسافر برة البلد دي. بخرات، أديها ليو وجهزي ليو جوازه، خلي يمشي أي بلد تانية، لأنه الجنا دا هنا ما عنده حظ.
المهم طلعو ليو الجواز، واشترو ليو إقامة في السعودية. الأمور بدت تتحسن، وعباس كلم أولاد الحلة إنه خلاص ماشي السعودية. عباس مشى المطار، الناس كلهم متوقعين تحصل كارثة والمطار يقفل، لكن الأمور مشت. عباس قال: فعلاً النحس بدأ يفك.
ركب الطيارة، والأمور ماشة سكين في كيكة. الطيارة أقلعت، بعد ساعة بدت الطيارة تجيب أصوات وبدت تكركب. الكابتن قال: في محرك طلع برة الخدمة. بعد شوية الطيارة كركبت زيادة. الكابتن قال: معانا زول عارض، لازم ننزله.
نعمل قرعة. عملو قرعة ٩٠ مرة، وقعت في عباس ٩٩ مرة. محل ما يجدعو القرعة بتقع في عباس. عباس دق الجرس وقال: ما بنزل. وقال الكابتن دا قاصده. الناس كلهم شابكنو ليك تلب تلب. قال: ما بتلب.
والطيارة كل دقيقة أمورها بتبوظ زيادة. الناس اتلموا فيهو، قالو ليك: بنرميك بالرجالة. قال: خلاص، أنا بسألكم سؤال، كان جاوبتوه أنا بتلب. قالو ليو: تمام، اسأل. قال ليهم: أنا والزول الجنبي دا عندنا كم بيضة؟ طبعاً عباس عنده بيضة واحدة!!
الناس كلها ردت، قالو ليو: أربعة. الطبيعي إنه عباس عنده بيضتين والزول الجنبه عنده بيضتين. قال ليهم: جواب نهائي؟ قالو ليه: أي. قام على حيلو ينطط. غلط، وغلط وطلع ليهم بيضته. قال ليهم: أنا عندي بيضة واحدة والزول دا عنده بيضتين، إجابتكم غلط.
الزول الجنبه قام فوق، طلع بيضاته، طلع عنده ٣ بيضات 🤣. جدعوا عباس، دخل في البعد الزمكاني واتخلق من جديد في شكل زول اسمه برهان .
الزول دا كج.حلم ابو دا فض عشانه الاعتصام كتل اولاد الناس دخل الناس السجون اشعل حرب بقى رئيس بالرجالة وطبعا زول حظه عباسي ساي فى الاخر طلع عنده بيضة واحدة بس 😂
Post: #2 Title: Re: عباس.. Author: Biraima M Adam Date: 09-24-2026, 02:50 AM Parent: #1
Post: #3 Title: Re: عباس.. Author: اسماعيل عبد الله محمد Date: 09-24-2026, 06:00 AM Parent: #2
المزة رايح ليها حضن منذ أن فارقت البروف
Post: #4 Title: Re: عباس.. Author: أبوبكر عباس Date: 09-24-2026, 06:20 AM Parent: #3
برضو نهائي لا تفاوض مع لصوص.
موش قلتوا دايرين حرب وشنو كدا عيال ابجلبة خيط القيطان ولقيتو في الخلا