Post: #2
Title: Re: فضيحة جديدة: عنبر العناية المركزة فى كسلا
Author: Ali Alkanzi
Date: 09-14-2026, 01:46 PM
Parent: #1
يا ود ابا
ليتك تركز على مثل هذه القضايا
وبكل اسف من اي شئ مشين يشارك فيه كل اهل السودان في قراهم ومدنهم
وهي عدم النظافة وكأننا ندخر الاوساخ ليوم ما
شئ محزن
علما بأننا نتدين بدين يجعل النظافة في صدارة امورنا
والله في امدرمان بالقرب من مستشفى امدرمان قابلت اشهر اخصائي واحتجت ان اغسل يدي وذهبت للحمام
منظر ما زال عالق في ذهني حتى الساعة
وساخة لا نظير لها حتى تحجرت وكونت لونا غير لون الاشياء
ا
|
Post: #3
Title: Re: فضيحة جديدة: عنبر العناية المركزة فى كسلا
Author: محمود الدقم
Date: 09-14-2026, 09:10 PM
Parent: #1
عام ٢٠١٧ تقريبا احد اقربائي اصيب في حادث سير وتعرض لاصابة
في وجهه وتحديدا منطقة الفم، ذهبنا به الي مستشفي الأسنان بالخرطوم، دعك من الزباله والوسخ وتكدس المرضي..
ففي غرفة الجراحة، وجدنا طفل عمره زي ١٢ سنة قاعد داخل الغرفة معانا يقول للطبيب الجراح امسح الدم من هنا، شيل الشاش دا من هنالك..والجراح ما شغال الشغلة بكلام الطفل..
في البداية ظننت ان الطفل مريض يحتاج لعملية ايضا، لكن عندما سألته انت قاعد كيف هنا تشاهد
في منظر الدم دا و خياطة الجروح قال لي عااااادي يا عمك ياااخ عاااادي،، فقلت ليه أن شاءالله خير مالك قاعد هنا؟ قال لي والله السخانة بس برا، فقلت ادخل هنا في الغرفة المكيفة دي ارتاح شويتين...
المشكلة كان هذا الطفل يجلس علي برميل بلاستيك مملؤ بالنفايات الطبية الخطرة،،والزبالة منتشرة في الارجاء
وبعض المرضي يبكون من سرطانات اللثة، وبعض الاطباء يقهقون بصوت عالي...ومنظر بعض الغرف مثل نفس الغرفة بتاعت بورتسودان دي...شيء يمخول ام الدماغ
|
Post: #4
Title: Re: فضيحة جديدة: عنبر العناية المركزة فى كسلا
Author: عزالدين عباس الفحل
Date: 09-15-2026, 02:56 AM
Parent: #3
للأسف نحن
بعض السودانيين ،
لا نحب النظافة إطلاقاً
نعشق العفن
ونموت في الوساخة ،
قاع الدروشة ،
،،،،،،،
عزالدين عباس الفحل
ابوظبي
|
|