غيبوبة حب

01:53 PM July, 26 2026

سودانيز اون لاين
عبدالماجد موسى-بريطانيا / لندن
مكتبتى
رابط مختصر

غيبوبة حُبْ

خليني أقول
أو أحكي عديل
وأفضفض
عن قصة "إِنْ عاشْ"
أنا كنت بحب النَّخَلَة عَفاف
السمحة
الساحرة عيون الكون
البِتْ
الساكنة حروف الشوق بجنون
السايقه نجوم الريد بِجَمال
البِتْ الرايقه
بُحَيْرات ذوق
النادرة ضِفاف
وانا كنت وحيد
مجنون بالحيل
في الجزء الغائِم
بين الحِلَّة النايرة
والشارع الفاصل
والدُّكَّان
كنت بحب صَفْوَةْ إنسان
ما همَّانِي عِشِقْتَها كيف
ومتين
فالقلب العاشق ما بِنْحاش
وغِرِقْتَ بعيد
في سَفَر مليان
ظُلْمَه وتشريد
محطَّات ما فيها أمان
كانت غيبوبة حب
سَرَّاقه خَلاص
مَرَّتْ أعوام
عَدَّتْ أجيال
في مسلسل حافِي
فُصُولو سراب
دِي حِكايةْ قلبي طريد الشوق
دي حكاية زول
مكتوبه عليهو مسارح حب
بخطوط الصدفة
في غُرَف معزولة بصوت نَوَّاي
وقِليب
فاقِد
مُسْتَّنِي نشيد فَجر الإِنعاشْ

عبدالماجد موسى/ لندن

.

.

.