صفق الشجر.. كلمات

01:45 AM July, 17 2026 سودانيز اون لاين
عمران بابكر بدري-السودان
مكتبتى
رابط مختصر

(adsbygoogle = window.adsbygoogle || []).push({});صفق الشجر

صفّق الشجر الزاهي
واخضر...
نادى، وازهر،
صفّق وغنّى،
متحدّي هجير الدنيا،
الحرّ... والزيف.
الجاثم فوق صدر
الطير،
الساجع فوق الأغصان،
اتلمّا،
قاصد يجبد نفسو
شويّة،

يهدّي الشوق،
وكمان انجما،
ويشقشق حبة ونسة
فوق أغصان البان
المرجيحة
يتنهّد،
يمكن ينسا همومو
شوية

في غفلةيمكن يتهنّى،
من وجع الدنيا الراقد.
مستنّي
كمان فاكر بالاقصان يتداري
ويراقب الصقر الحايم فوقو
ويتذكّر
صيّادًا كجّ،
شباكو
فوق التقيّات
استني
ما خلاه

يلقط حبّة
يملي بطينتوأ
بدًا ما داير
يتدنّى
كيف الحل والعيشة
كفاف؟
ودابيّا مترصّد،
زي لون الفرع
اندسّى،
راقد، قاصد،
ينسلّا.
يفجع كل الطيرٍ الغافل
ويسرق عصفورة
ويتدلّي
يا عشم الدنيا الخاسر
نكايتا في الحال
الحاصل
الطير بيغنّي
ومن فوقو...
ومن تحتو...
كواسر.
من وين يلقاها
الطير الحايم،
وكل الدنيا
شايفاهو غنايم؟
في كل فجّة
خازوق اندقّا
وأسفين لمن صداء
لا الغابة بقت هي الغابة
ولا الحقل الزاهي
جزيرة
مافي زمانا تاني
بيرجع
كل الكون
أصبح شلابة
وبقينا اغراب
ما لينا تراب
لا بيت...
لا غاب.
منبوذين
في كل أرض
تحت كل سماء
مطحونين
زي الغلة
مجبورين علي الإرهاق
نكرات الذات.
ويجيك واحدا
فأقد اهليّة
ويقول:
ما عندك وطينة
وكمان
زول ساي...
لا صرفة،
ولا ماهيّة
وجابت ليها

كمان سادية
استيطان..
وعنصرية
البيت اتشلع
ما كفاهم
المدرسة قفلت
ما هماهم
الكهرباء قعطت
ما خصاهم
في جيبك بيتاوق
علي اسم
ملاك
مقطوع الطاري
خلانا نباري

اعتذر حاولت اصحح بعض الكامات





التلفون جاط الحكاية


خالص الود ..عموما بداية محاولة

حتما
في يوم
حتما يقيف كل
النزيف

حتما
في يوم
حتما يقيف كل
النزيف