أنا وأبوذر وشيخ حسن

08:25 AM July, 05 2026

سودانيز اون لاين
أبوبكر عباس-الإمارات
مكتبتى
رابط مختصر

أظن أنّ كانت ستأتي لحسن الترابي لكنه استعجلها لنفسه.



حسن الترابي:
أظن أنه قد جاءته النبوة لكنه استعجلها لنفسه

الشاعر الغائب أبوذر الغفاري شاعر أغنية:

في عيونك ضجة الشوق والهواجس ريحة الموج البنحلم فوقو بي جية النوارس.
أبو ذر دا رجل يساري لكن كان عندو غرام عجيب بمتابعة وحضور محاضرات الترابي!

قالوا ليهو يا زميل، بتعمل كدا ليه؟
قال ليهم تعجبني مخارج الحروف عند حسن الترابي.
طبعاً دا ممكن يكون تبرير منطقي من شاعر يحترف رسم الكلمات.

لكن نفسي برضو كنت مغرم بمحاضرات الترابي،
وكان عندي اعتقاد بأن حسن الترابي لا علاقة له بالكيزان،
: ولو قلت ليكم كنت معجب بمخارج الكلمات عند شيخ حسن ما بتمشي فيكم.

طيب ما ممكن أنا وأبوذر يكون عندنا نفس أرقام تذاكر رحلة الترابي وكنا ننتظره عند محطة أم شامات طريق البصرة لكنه ركب قطار بغداد سراً لهارون الرشيد وتركنا
فركب الغفاري من غير وجهة وظللت بالمحطة أملأ الأزيار أترقب عودة النوارس.

صدقوا الكتابة دي عجبتني لحدي ما قلت في سري؛
وحات سيدي الحسن، يا بكّة لو صبرت شوية نبوة حسن وغفاري كانت جاتك

هامش:
تقشف، فول مصري وقهوة

من جمال المقطع دا في نهايته
وقفت اعيد قراءته عدة مرات
زمان في افلام اجنبية بعد ينتهي
الفلم وتظهر الكتابة الطويلة بالانجليزي
وماشة لتحت
انا بكون محتج علي النهاية
ومعجب في نفس الوقت بالنهاية
واقعد افكر براي لغاية ما انعس في مكاني
كتابتك جميلة ورب المجرات🍁🌹

الكافر لطيف على وزن الكافر الترابي مرورك أسعدنا.

خالي المرحوم علي محمد الحسن أبوقناية قراني يصلي ثلاثاً في اليوم والليلة لقوله؛
"أقم الصلاة طرفي النهار وزلفاً من الليل"
ويفطر في رمضان مع العشاء لقوله؛
"ثمّ أتموا الصيام إلى الليل"
ويسمي نفسه أمير المؤمنين
ويقول علينا كفار قردة مقلدين
لكنه كان يقو لي؛
الكافر الوحيد البفهم فيكم هو حسن الترابي

أنا أعجب لشيخ حسن كيف سمح لرعية لا يفهمون ماذا يقول أن يكونوا أتباعه؟

لقد صبأ النبي حسن حفيد النبي حمد النحلان وتركنا بمحطة أم شامات
كتب له أبوذر على حائط المحطة بفحمة؛
مرينا بيكم حمد ونحنا بقطار الليل
لا سمعنا دقة قهوة لا شمينا ريحة هيل