مبادرة "انبش قبر الدعامي" بالجزيرة.

10:11 AM June, 21 2026

سودانيز اون لاين
محمود الدقم-
مكتبتى
رابط مختصر

كتب بشري علي:
انبش قبر الدعامي ...
هذا اسم مبادرة في ولاية الجزيرة تهدف الى تطهير المقابر لمن يشتبه بأنهم دعامة مدفونين فيها ...
ويتم رمى الرفات في النيل وسط مظاهر احتفالية
وتحظى هذه المبادرة بدعم من والي الولاية والشرطة المحلية وبعض الاهالي المتعصبين
وتم تشكيل لجان شعبية لمراقبة المقابر والتحقق من الهوية العرقية من الموتى قبل دفنهم ، فلو اتضح انهم من غرب السودان فلا يتم السماح بالدفن مما جعل بعض المواطنون يدفنون في بيوتهم او دفع رشاوي الى لجان المقابر لتمرير عملية الدفن.
وسادت رؤية ان دفن من يعتقد انهم جنجويد سوف يعكر سلام الموتى من اهل المنطقة وينقل لهم عدوى عذاب القبر.

Quote: وتحظى هذه المبادرة بدعم من والي الولاية والشرطة المحلية وبعض الاهالي المتعصبين

وناس المشتركة .. بسووا لرفاتهم شنو؟

والمصيبة ناس نور القبة وسافنا والشيخ هلال لو مات فيهم زول .. جنجويد رأسهم عديل.


بريمة

والله يا ود ابا بريمة هذا ما ذكره بشري علي
وهنالك فيديو مرفق علي حسابه
بمنصب اكس وبعد دا يجيك واحد
اهطل يشبكنا
عرب الصحراء و عرب النيجير

الناس ديل حانقين على الدعامة حنق لو وزع على لأهل الأرض لما وسعهم

خذخ نفوس لا يمكن التعايش معها مطلقاً

سايكلوجية غريبة وعجيبة

سلام يا دعامة،

Quote: انبش قبر الدعامي ... هذا اسم مبادرة في ولاية الجزيرة تهدف الى تطهير المقابر لمن يشتبه بأنهم دعامة مدفونين فيها ... ويتم رمى الرفات في النيل وسط مظاهر احتفالية وتحظى هذه المبادرة بدعم من والي الولاية والشرطة المحلية وبعض الاهالي المتعصبين

فتشت الانترنت دا فوق تحت ل"انبش قبر الدعامي" ما لقيت مصدر غير بشرى علي.

في أسباب كتيرة بتخليني اشكك في صحة الكلام ده:
أولاً: المجتمع السوداني عندهم قيم دينية وأخلاقية بتحترم حرمة الميت اكتر من حرمة الحي مهما كانت الخلافات أو الخصومات.
ثانياً: ناس الجزير ما قاضين ومشغولين بالبحث عن الأمن والمعيشة ومشغولين بالرجوع لحياتهم الطبيعية بعد المعاناة الكبيرة الحاصلة.
ثالثاً: ما في أي خبر للمبادرة دي او ممارستها من أي مصدر غير بشرى علي.
وده دليل إنو الموضوع أقرب للشائعة أو تضخيم حادثة معزولة.

افتكر الهدف من انتاج ونشر الفيديوهات والقصص دي هو محاولة زيادة الكراهية بين الناس وتعميق الانقسام الاجتماعي.
نتائج الخطاب ده شيطنة الآخرين عشان الناس تصل لقناعة إنو التعايش بينهم مستحيل،
و نشر الإحباط واليأس وكسر أي أمل في المصالحة الاجتماعية وإعادة بناء الثقة بين مكونات المجتمع بعد الحرب.

السودان محتاج اليوم لخطاب يعالج الجراح ويقرب بين الناس،
ما خطاب يزيد الشرخ ويطول أمد الأزمة.

الهدف من الفيديو وبوست بشرى علي إنو الناس تصل لقناعات وتقول كلام زي بتاع اسماعيل دا.

Quote: خذخ نفوس لا يمكن التعايش معها مطلقاً

Quote: أولاً: المجتمع السوداني عندهم قيم دينية وأخلاقية بتحترم حرمة الميت اكتر من حرمة الحي مهما كانت الخلافات أو الخصومات.

دا كان زماااااااااااااااااااااااااااااااااااااااااان يا حبيب

هلا بالفلولييين
الفيديو أمامك واضح وبالعربي البسيط
اذا كان قصف الطيران المصري لمواطنيين سودانيين لم تذكره
الصحافة محليا واقليميا الا بعد مرور ٧٢ ساعة عايزم
يذكروا ليك خبر نبش مقابر الدعامة؟
ساعدونا بالمنطق يا السادة معشر البلابصة.

Quote: اذا كان قصف الطيران المصري لمواطنيين سودانيين لم تذكره الصحافة محليا واقليميا الا بعد مرور ٧٢ ساعة عايزم يذكروا ليك خبر نبش مقابر الدعامة؟ ساعدونا بالمنطق يا السادة معشر البلابصة.

أهلاً يا الدقم،
خلينا نحتكِم للمنطق الذي طالبت به،
خبر قصف الطيران للمعدنين السودانيين ورغم غياب الرواية الحكومية الرسمية
إلا أن الخبر انتشر عبر وسائل التواصل
ولو فتشت قوقل حتلقى آلاف الصفحات والمنصات غير الرسمية التي وثقت الحادثة وتناولتها بالتحليل.
الإخفاء في عصر الفضاء المفتوح أمر مستحيل.

بالمقابل ووفقاً لنفس المنطق لو كانت هناك مبادرة حقيقية لنبش القبور، وبدعم معلن من والي الولاية والشرطة المحلية وبتأييد شعبي،
لكانت الأسافير اتملت بآلاف المنشورات والمقاطع والشهادات من داخل الجزيرة وخارجها.
من غير المعقول ولا المقبول منطقياً أن يجتمع كل أهل الجزيرة بكافة مكوناتهم على إطلاق مبادرة بهذا الحجم،
ويتفقون على كتمانها وسريتها!
المنطق لا يتجزأ يا عزيزي، وأعلم تماماً أنك لا تفتقر إليه.


الهدف الأساسي من مداخلتي ليس تسجيل نقاط سياسية،
الهدف هو الدعوة لحماية السلم المجتمعي ونبذ خطاب الكراهية الذي لا يخدم سوى تعميق جراحات الوطن.
خطاب الكراهية والجهوية وإذكاء نار العصبيات القبلية هو بضاعة ورثناها من نظام الإنقاذ البائد، الذي استخدمها كسياسة لإطالة أمد حكمه.
التغيير الحقيقي وإسقاط النظام السابق لا يعني مجرد استبدال وجوه بوجوه أو تغيير شخوص السلطة،
ولكنه يعني اقتلاع إرثه الثقافي والاجتماعي المسموم من عقولنا وسلوكياتنا.

التخلص من تركة الماضي يبدأ برفض الانجرار وراء الشائعات التي تهدف إلى تمزيق ما تبقى من نسيج اجتماعي،
والوعي هو سلاحنا الأول لبناء سودان يسع الجميع في سلام.

Quote: التغيير الحقيقي وإسقاط النظام السابق لا يعني مجرد استبدال وجوه بوجوه أو تغيير شخوص السلطة، ولكنه يعني اقتلاع إرثه الثقافي والاجتماعي المسموم من عقولنا وسلوكياتنا.

مولانا حافظ وفى أىّ أتجاه جرى الناس هو شايل صولجان وجارى فى مقدمة القوم.

أين مواقفك التى تدعم أقوالك؟

بريمة

Quote: Quote: أولاً: المجتمع السوداني عندهم قيم دينية وأخلاقية بتحترم حرمة الميت اكتر من حرمة الحي مهما كانت الخلافات أو الخصومات. دا كان زماااااااااااااااااااااااااااااااااااااااااان يا حبيب

جزئياً متفق معاك يا اسماعيل،
صحي النفوس اتغيرت والظروف ضغطت الناس شديد.
لكن خلينا نعاين للموضوع من زاوية تاانية
لازم نعترف بوضوح إنو المجتمع السوداني ما مجتمع مثالي أو ملائكي.
والحرب دي ما جات من فراغ،
وما خلقت لينا عيوب من العدم؛
الحرب بس شالت المغطى وكشفت المستور.
نظام الإنقاذ دمر البنية الأخلاقية والاجتماعية لمجتمع السودانيين؛
نظام الإنقاذ ربى أجيال على الفجور في الخصومة وإقصاء المختلف واستباحة حرمته.
وبرضو دي ما تبرئة للأنظمة السابقة القامت كلها على مظالم وفشلت في تحقيق دولة عدالة.

ومن ناحية تانية برضو كمان لازم نقر ونعترف إنو الإنسان السوداني في النهاية كائن بتأثر بالمحيط الحوالينه.
المجتمع السوداني حالياً واقع تحت قصف مستمر من البروباغاندا والآلة الإعلامية الموجهة.
كمية من الفيديوهات المفبركة والخطاب التحريضي،
وكلها حاجات بتلعب بعقول الناس وبتستغل الغضب والصدمة عشان تحرك أسوأ ما في النفوس،
وتخلي تصرفات شاذة من أفراد تظهر وكأنها رأي عام.
في جهات مصلحتها الأساسية استمرار الحرب دي،
والجهات دي بتعتمد على التضخيم والمبالغة المقصودة.
يعني لو في واحد مريض قال كلام أرعن،
الإعلام الموجه بيصنع منها مبادرة شعبية أو ظاهرة عامة.
الهدف من التضخيم دا واضح وهو تعميق الفرقة والشتات وتغذية الصراعات
وقطع أي خط للرجعة أو الأمل في سلام مجتمعي.
الواجب علينا ما نستسلم لواقع التردي الأخلاقي المصنوع دا،
الواجب نكشف التضخيم ونقيف ضد أي خطة تسعى لتمزيق النسيج الاجتماعي وتعميق الجراحات.

Quote: مولانا حافظ وفى أىّ أتجاه جرى الناس هو شايل صولجان وجارى فى مقدمة القوم. أين مواقفك التى تدعم أقوالك؟

ما هي مواقفي التي لا تدعم اقوالي يا بريمة؟

شكرا د.زينهم علي جلب الفيديو الفضيحة
الفيديو لو في اي دولة أو سلطة محترمة كان تم تقديم صاحبه للمحكمة
لكن الله غالب

Quote: وسادت رؤية ان دفن من يعتقد انهم جنجويد سوف يعكر سلام الموتى من اهل المنطقة وينقل لهم عدوى عذاب القبر.

هذا المقتطف يشبه روايات جابريل جارسيا ماركيز: "الواقعية السحرية"..