دهب ارثنا الحضاري الكوشي المدفون في مناجم فن الغناء!

03:57 AM June, 12 2026

سودانيز اون لاين
Bashasha-California, Los Angeles
مكتبتى
رابط مختصر

.*.

اعتذر مقدما لعزيز بشاشا، لانو هذا الخيط حياخد وكت اطول لانو مافي وكت.

طيب، عليك ان تعلم ياسوداني، ارث اجدادك الحضاري مركوز في اعماق اعماقك، وهذا بمثل 90% من مكونات شخصيتك الحضارية كسوداني، الممتدة بطول وعرض عشرات الاف السنين، ولكن في اللاوعي، في اللاشعور.
باقي ال10% من مكونات شخصيتك علي مستوي الوعي، هو ذبدة وعصارة قرون العبودية الماضية، وهذا مؤقت، عابر، والان بالنار المولعة دي سيتم غسيل هكذا ارث استرقاق لوعيك، او بي كده تستعيد المركوز في اعماقك، بل في جيناتك كبشر!

هذا جربتو في روحي، شفتو بي عيوني لما بديت مشوار استعادة الوعي الكوشي، ولهذا طريقة تفكيرنا غريب جدا، اعلم هذا، طبقا لمعطيات مرجعية وعينا الحالي، المحتل، المستعبد، المستعمر!
لهذا، اعترف عايش في غربة، وكمخرج رجعتا للعيش معا كباري، يومي صاحي او نايم!
ليه؟

لانو اللي عشتو في طفولتي في عاصمة رماة الحدق، اخر المعاقل، وبوابة الفضان زي ماقال قائدنا "كانسلر وليمز" من ابرذ المدرسة الافريقية، الارعبت احفاد الغزاة، المصريين، هو البجي مطفر من كتب التاريخ، وهذا عجيب بحق!

نعم اللي عشتو في دنقلا كان فعلا امتداد، بعث، اعادة انتاج لي اسلوب حياة اجدادنا في عصر الاهرامات، من دون مانعي، نعرف، او ننتبه، خالص خالص!

المشوار ده بديتو وانا عمري كان سنتين فقط لما رحلت ام وعي، ملهمتي، والدة حبوبتي، "بت شرفي"، نعم شرفي الواحد ده في مدينة ام درمان!!

الي اليوم انا بتذكر صوتا، او مش كلاما، لانو في عمر زي داك الطفل مابفهم اللغة المنطوقة.

اها حبوبتي دي اصلا، اصولا من جزيرة لبب، نعم شاركت معا زوجها، حافظ اسرار الامام المهدي في ثورتنا الام جدي "ودبعشوم" بالمشاركة بالقتال في الميدان، في تحرير الابيض، بل مرقتا الي ارض اجدادا كمت في جيش النجومي، وتعرضت لمحاولة اعتقال من احفاد الهكسوس ولكن البطل سوار الدهب تمكن من انقاذها، لتعود حية، او لما كده لربما ماكنتا جيت الدنيا دي!

فلنبدا:

ما بخاف من شي برضى خابر المقدر لابد يكون!

كلمات :محمد علي عبدالله (الامي)
غناء: بادى محمد الطيب
-----------------
ما بخاف من شيء برضي خابر

المقدر لابد يكون

إن أتاني الهم جيشو دافر

يلقى يا مولاي صبري وافر

يلقى عقلي كمان ليهو ظاهر

يلقى قلبي شجاع ما خئون

بالعدا معروف ما ببادر

ما بخون الجار ماني غادر

ما بقول للناس مثلي نادر

بل بقول للخالق شئون

قول لشاهد الزور فيما ساير

هدّي روعك قبل الخساير

ياما قبلك عميت بصاير

من لساني وقولي الهتون

ما نكرت الحق ماني فاجر

لا ولا بالعالم متاجر

نفسي يا أحباب ليها زاجر

لا أكون كل يوم ليَّ لون

الثبات معروف لي معاصر

لو بقيت في داخل معاصر

الإله غير شك ليَّ ناصر

رغم أنف الواشي الخئون

عن لسان الحق ماني نافر

ما جحدتَ الخير ماني كافر

ما ضمرت السوء ماني حافر

للصديق لو جوة السجون

قبل تناول كلمات الاغنية الرائعة اعلاه من منظور مرجعية كوشية، فلتعلم عزيز بشاشا، انو الفن بعامة، كما كل اشكال التعبير الابداعي، نعم كل انواع المعارف، من برش الصلاة!

نعم ما كان "غني" بي فهم عالم اليوم، وانما ابداع روحي كما في نموذج فن المدائح في سودان اليوم كمثال وهذا مفصلي.

من جانب اخر ماتنسي كيف الابداع "انثوي"، ولهذا السودانية كانت مكوشة علي هذا المجال، وهذه فرضية من لدن بشاشا، لانو السودانية تحديدا هي ام، اصل الحياة المنظمة علي سطح هذا الكوكب، وهذا الان مثبت، مفروغ منه!