انه عمل "غير" فنى لا معنى له ولا رسالة * ومتدني جدا وتسليع رخيص للإنسان فى زمن يعانى فيه السودانين داخل السودان والنازحين البؤساء منهم مرارات الحرب وهوانها
…………… دى اللحظات تتمنى فيها أن تكون هذى الأعمال (جميعها) ، حتى بتاعت اكسبو ، تتمنى أن يكون مجرد ذكاء إصطناعى
*فى سيرة الأعمال الفنية التى تقدم رسالة للشعوب : كان فى فيديو منتشر لمبدع من امريكا اللاتينية ، أظن قدمه فى مناسبة أمريكية ، فن يحكى عوالم امريكا وكان ختامه مسكا بمناداة كل بلاد الأمريكان من غير فرز
بالتاكيد هذا ليس رقصا سودانيا. ـــــــــــــ برضو لاحظت إنصاف مدني تقول "دقلو فوق يا ناس"!!! الموضع 4:07
Post: #10 Title: Re: راقصات andquot;طه سليمانandquot; : هل تجاوز andquot;ا� Author: Ali Alkanzi Date: 06-04-2026, 05:23 PM Parent: #8
الاخ الاستاذ اسامة والدكتور ياسر والاخت الاستاذة هدى الف سلام ، واقول: اللهث خلف الدولار والدرهم أفقدنا كثيرًا من ملامح هويتنا بسعينا للحصول عليه ، وهذه ليست ظاهرة سودانية ، بل تكاد تكون ظاهرة عالمية؛ فالكل يلهث وراء المال، ولا يمانع في تقديم التنازلات في سبيل الوصول إليه أو إرضاء الآخر. ومن هذا المنطلق أنظر إلى ما قدمه طه سليمان. فالفن الراقص لا أرى أنه يعبر عن البيئة السودانية أو عن التنوع الثقافي الغني الذي تزخر به بلادنا. فلكل منطقة وقبيلة في السودان تراثها الخاص بها في الرقص والحركة والإيقاع، وهو تراث يميزنا عن غيرنا ويمنحنا شخصيتنا الثقافية المتميزة والمتفردة. لكن بدلاً من استلهام هذا الإرث واستنطاقه وتقديمه بصورة معاصرة، يبدو أن الاتجاه عند طه سليمان أصبح نحو أنماط راقصة مستوردة لا تمت لامة السودان باي صلة ، فمن الواضح ان الفقرات الراقصة التي قدمها تتركز على استعراض الجسد النسائي وكشف خباياه أكثر من إبراز جمال الحركة أو التعبير الفني نفسه. اولو عشنا سنرى عجبًا.
Post: #12 Title: Re: راقصات andquot;طه سليمانandquot; : هل تجاوز andquot;الخط� Author: Zein Abdalla Date: 06-05-2026, 01:47 AM Parent: #1
سلام استاذ الخواض الشاب الفنان دا اظن بيحاول يعمل عمل فني يحترم عقل المستمع بذل فيه جهد كبير من ناحية الاداء والموسيقى والرقص المصاحب بعد ان امتلأت الساحة الفنية بالغث من غناء ورقص القونات علي كلمات لا معنى لها مثل القونة في الفديو التحت بتاع حيدر ميرغني ... ووب علي وسيد الرقشة تعال بي جاي انا عايزاهو كله و يا الطيارة اضربيهم واعمليهم كفتة وتاح تاح اضرب سلاح دا الكلام الصاح. اغنية طه سليمان لا استسيغ لحنها فهي خليط من اغاني جاز شرحبيل والفنان الجيلاني الواثق ولا تشبه الاغاني السودانية المتعودين عليها. الراقصات يبدو انهم لم يتدربن على الرقص والرقص نفسه (مشاتر) لا يتماشى مع الموسيقى واختيار لون ملابس الرقص البنى الاحمر او الماروني لا يتناسب مع لون بشرتهم. البنات جميلات وجسمهن متناسق وغالبآ غير سودانيات (كرعينهن مش مساويك زي السودانيات اذا استثنينا البنت اللابسة اصفر قصير في نهاية الفديو) اما اذا كان سبب كتابة الموضوع هو قلة ادب السودانيات والدفاع عن الاسلام والفضيحة التي يسببوها للمسلم التقي الذي يرسل التهاني يوم الجمعة وينصح بقراءة سورة الكهف، فانتقادك حنقول ليك (تشوف حقة سعوط و قندراني ما تشوف)
Post: #13 Title: Re: راقصات andquot;طه سليمانandquot; : هل تجاوز andquot;ا� Author: أبوبكر عباس Date: 06-05-2026, 02:16 AM Parent: #12
أنا غايتو بستمتع بغناء ورقص شكيرا والبنات المعاها، لكن لو في فنان سوداني عمل نفس الحاجات دي، طوالي بطلع سيف الإسلام واستبيح دمه،
المستنير أبو شريحتين
Post: #14 Title: Re: راقصات andquot;طه سليمانandquot; : هل تجاوز andquot;ا� Author: عزالدين عباس الفحل Date: 06-05-2026, 02:46 AM Parent: #13
Post: #31 Title: Re: راقصات andquot;طه سليمانandquot; : هل تجاوز andquot;ا� Author: طارق عبد الله Date: 06-07-2026, 00:42 AM Parent: #12
Quote: البنات جميلات وجسمهن متناسق وغالبآ غير سودانيات (كرعينهن مش مساويك زي السودانيات اذا استثنينا البنت اللابسة اصفر قصير في نهاية الفديو) اما اذا كان سبب كتابة الموضوع هو قلة ادب السودانيات والدفاع عن الاسلام والفضيحة التي يسببوها للمسلم التقي الذي يرسل التهاني يوم الجمعة وينصح بقراءة سورة الكهف، فانتقادك حنقول ليك (تشوف حقة سعوط و قندراني ما تشوف)
جبت الزيت
Post: #15 Title: Re: راقصات andquot;طه سليمانandquot; : هل تجاوز andquot;الخط� Author: Zein Abdalla Date: 06-05-2026, 08:12 AM Parent: #1
Quote: المستنير أبو شريحتين[/QUOTE
وبهذه المناسبة وبحلول مباريات كاس العالم نهدي للمستنير شكيرا وهي تغني (واكا واكا جاء دور افريقيا)طه سليمان من المفترض يجيب بنات بيعرفوا يرقصوا ذي الافريقيات ال مع شكيرا ديل وكنا عرفنا انهم غير سودانيات وعليه (سيفرح المؤمنون)
Post: #16 Title: Re: راقصات andquot;طه سليمانandquot; : هل تجاوز andquot;ا� Author: السر عبدالله Date: 06-06-2026, 01:38 AM Parent: #15
هذا ليس بفن وانما ميوعة كميوعة هذا الفنان الرخيص المدعو طه سليمان وهذا الفن الرخيص لا يشبه الفن السوداني الرفيع ويا حليلكم يا ود الامين ووردي وحمد الريح والكابلي
Post: #17 Title: Re: راقصات andquot;طه سليمانandquot; : هل تجاوز andquot;ا� Author: أبوبكر عباس Date: 06-06-2026, 01:10 PM Parent: #16
سؤال للأستاذة هدى والأستاذ السر الذين ينكرون على طه أن هذا ليس فناً سودانياً؛ هل غناء وردي ومحمد الأمين بمصاحبة الأوركسترا دا فن سوداني؟ من متين فن الغناء بقى عندو حدود؟ أنا شايف مداخلاتكم الاثنين فيها شطط ومحاولة للقمع والادعاء بأن هناك قوالب للفن السوداني يجب عدم الخروج عنها، أرجو أن تعتذروا لطه.
مدايح أولاد حاج الماحي بالطار المعمول بجلد البقر السوداني هي فن سوداني خالص
Post: #18 Title: Re: راقصات andquot;طه سليمانandquot; : هل تجاوز andquot;ا� Author: اسماعيل عبد الله محمد Date: 06-06-2026, 01:29 PM Parent: #17
العودة للجذور
نسخة حديثة من الحفل الذي اقيم تكريماً لاسماعيل باشا
سلام دكتور أبو بكر~ كما تعلم الغناء جزء بسيط من الفن ، الفن أعمال متعددة واحد منها الغناء #الرقص كذلك يندرج تحت مظلة الفن وما تقوم به الشابات ديل ليس فنا سودانيا وممكن تقارن مع رقصات الفنون الشعبية #شاهدت لقاء مع المغنى طه سليمان ، قال مؤخرا شغال مع شركات وإخراج وغيره ، يعنى ما عاد مجرد مغنى لو لاحظت عدم تفاعله مع الرقص لعدم انسجام الغناء والرقص ، وانه مجرد تلتيق من شركات الإخراج القال بيشتغل معاها ……………… أكيد يا دكتور الأستاذين وردى ومحمد الأمين فنانين ومليون فنانين (حتى أسال الفنان ترهاقا) ، خوفى من فنهم "يتشفشف" من جهات الأثيوبين والمصريين ثم انه شن جاب لجاب بينهم وطه سليمان
سلام أخى دكتور ياسر الشريف~ أيوة المغنية قالت "دقلو فوق" وكمان رددتها مرتين -ما استغربت طالما انها أيضا قالت "البشير جاى" …ينطبق عليها حرفيا "البيدفع القرش يطلب النغم" …يبدو انه الحضور فيه الكثير من كيزان وجنجاكيزان - وليسوا النازحين البؤساء
Post: #21 Title: Re: راقصات andquot;طه سليمانandquot; : هل تجاوز andquot;ا� Author: Ali Alkanzi Date: 06-06-2026, 02:34 PM Parent: #20
Post: #24 Title: Re: راقصات andquot;طه سليمانandquot; : هل تجاوز andquot;ا� Author: Arif Nashed Date: 06-06-2026, 07:21 PM Parent: #23
الخواض وضيوفك سلام كأول فنان سوداني يشرك راقصات في ادائه الغنائي لونية جديدة ربما تناسب جيل وراء وراء والنبق وموسيقى الزنق واستعراض القونات لاجسادهن الخ...
اتذكر بأن الأخ زهير افترع خيط عن مدرسة سودانية لتعليم الرقص للسودانيين في القاهرة، الرقص أصبح مهنة كباقي المهن.
نحن السودانيين لنا ثقافتنا السودانية و تراثنا السوداني و فلكلورنا السودني، وهويتنا السودانية الخاصة بنا نادي بها كثير من العلماء السودانيين الأجلاء أمثال البروفيسور عبد الله الطيب والبروفيسور إدريس سالم الحسن جامعة الخرطوم فلا نقبل رائحة الطمث ولا طمس التقليد الأعمي ي بلد
,,,,,,,,,
عزالدين عباس الفحل ابوظبي
Post: #25 Title: Re: راقصات andquot;طه سليمانandquot; : هل تجاوز andquot;ا� Author: اسماعيل عبد الله محمد Date: 06-06-2026, 07:56 PM Parent: #21
علي الكنزي جاب ليكم النجيض بلاش مياعة بلاش .............................
يا استاذ ابوبكر بل يجب على هذا المدعو طه سليمان ان يعتذر للشعب السوداني على هذا المسخ المشوه وهذه الخلاعة الدنيئة التي اتى بها على اساس انه فن والفن براء من هذا المسخ والمجون
Post: #28 Title: Re: راقصات andquot;طه سليمانandquot; : هل تجاوز andquot;ا� Author: Ali Alkanzi Date: 06-06-2026, 08:39 PM Parent: #25
شكراً سمعة، وعلى قولك:
Quote: علي الكنزي جاب ليكم النجيض... بلاش مياعة بلاش.
ا وأنا، بصراحة، لست بارعاً كثيراً في لصق الفيديوهات أو تقديمها، لكني أظل فخوراً ومنتشياً بفنون غرب السودان وتراثه الفني الغني، وهذا لا ينتقص في شيء من فنون أقاليم السودان الأخرى الزاخرة بالجمال والإبداع. ولا يفوتني هنا أن أذكر جنوب السودان، الذي ما زال يمثل عندي شطراً من وطن، تسرب من بين أيدينا وما زال في الوجدان.
أكرر شكري وتقديري مع دعوة لطه سليمان وغيره من الفنانين ان يبحث في تراثنا ومن تراثنا يستعرض وينتح
Post: #29 Title: Re: راقصات andquot;طه سليمانandquot; : هل تجاوز andquot;ا� Author: Ali Alkanzi Date: 06-06-2026, 08:42 PM Parent: #28
Post: #30 Title: Re: راقصات andquot;طه سليمانandquot; : هل تجاوز andquot;ا� Author: Ali Alkanzi Date: 06-06-2026, 08:52 PM Parent: #29
رحمة الله تغشاك يا من نقلتنا لتراث كنا نجهله ا
Post: #32 Title: Re: راقصات andquot;طه سليمانandquot; : هل تجاوز andquot;ا� Author: osama elkhawad Date: 06-07-2026, 01:47 AM Parent: #30
شكرا للمتداخلين الاعزاء والمتداخلة العزيزة. غرض البوست كان التعرف على آراء المشاهدين المختلفة .
أما عن الجزء التالي الذي ورد في مداخلة متداخل عزيز:
Quote: اما اذا كان سبب كتابة الموضوع هو قلة ادب السودانيات والدفاع عن الاسلام والفضيحة التي يسببوها للمسلم التقي الذي يرسل التهاني يوم الجمعة وينصح بقراءة سورة الكهف، فانتقادك حنقول ليك (تشوف حقة سعوط و قندراني ما تشوف)
لا توجد هنا " كتابة لموضوع"، بل هذا فيديو يوضّح فيه مؤلفه رأيه الخاص، وليس رأيي. وحاولت - عبر البحث في اليوتيوب- ان اجد امثلة اخرى لراقصات اشتركن مع طه سليمان، فوجدت انه قد أشرك راقصات ايضا في حفل القاهرة. لا توجد معلومات على النت عن الراقصات ولماذا قام طه سليمان بإشراك راقصات.
Quote: لا توجد معلومات على النت عن الراقصات ولماذا قام طه سليمان بإشراك راقصات.
لقيت لقاء مع طه سليمان قال فيه انه الان يعمل مع شركات إنتاج وليس وحده كما السابق، يبدو انه المنتجين ديل ياهم الجابوا الراقصات #طه سليمان إنسان طيب وخاصة انه كان متواجد فى ظروف الحرب الضروس هذى فى السودان لزمن طويل ما طلع وكان يعمل مع التكايا #نعم لم يشر إلى الراقصات أو الفكرة من إشراكهن، قد تكون شركات الإنتاج دى ياها سبب المصائب ، لانه برضه أشار فى ما معناه انه المكسب المادى أكبر مع الشراكة مع هؤلاء المنتجين بدلا عن العمل لوحده