Post: #1
Title: "دكتورة.. والزيت"
Author: زهير ابو الزهراء
Date: 05-30-2026, 10:07 PM
10:07 PM May, 30 2026 سودانيز اون لاين
زهير ابو الزهراء-السودان
مكتبتى
رابط مختصر
"دكتورة.. والزيت"
يا دكتورة..
ما تفرزي لوني..
ولا تستغربي لو جيتك غرقان في "الزيت"
أصلو الوجع الما بتقدري تلمسيهو بيدك..
هو الوجع اللي شال "شقا" البيت!
بتبيني لي..
بتقولي: "يا زول.. إيدك على جرحك!"
"هدومك وسخـة.. تُراب وزيت..
حتوسخـي لي بياض القفاز.. وريحة "السبيرتو" الفايحة في طرحك؟"
يا دكتورة..
أنا جيتك.. والدم في الجرح.. لسه بـ "الـعَـرَق" مبلول
وجاييكِ "بـمَـسحِـة" كدح..
من "تـرابة" أرض.. بتأكل عرق الزول
لو قرفانة..
من ريحة "العَـمَـل" في توبي..
أنا من ريحة "التعب" ده..
عشت سنين.. وبنيت عُـمري!
يا دكتورة..
خِـلي القفاز "الأبيض" لـ زولِ "خِـواف"
الزيت اللي في إيدي.. "شرف"
والوجع اللي في قلبي.. "عفاف"
دسي "إيدك" في جيبك.. ما تلمسيني..
أنا جُرحي "عَـفّـي"..
ولا زول "طبيب" زيـك..
في يوم.. يقدر "يـداويني"!
|
|