تفرهد تبتسم دنيانا

02:49 AM May, 26 2026

سودانيز اون لاين
الطيب الشيخ-القاهرة ـ مصر
مكتبتى
رابط مختصر

باكر تبتسم دنيانا

عيد الغربة عاد من تاني
حلف لا يقيف ولا يغشانا
لا تاوق يرضي علينا
لا كشكر نقول غشانا

ما بيهمه البعيد عن وطنه
من طعم السرور فطانا
شايفك بي جديدك حائم
توزع في الفرح بي حدانا

نفس ملامحمه ما بتغباني
ما المتنبي حضره معانا
من رشفة ولف حارمنا
والأحباب بعيدة مكانها

لا ريحة محنة تجينا
لا نغم الطرب بيطرانا
لا قمرك ظهر في سماءنا
من نورك حرمت مساءنا

وين البهجة ديك والفرحة
وين اللمة في ديوانها
اتعودت تقسو علينا
اصلو الدمعة ما فايتانا

حتى البسمة تطلع باهتة
زي مجبورة من جوانا
يا ربي الصبر من عندك
راضين بي حكم مولانا

كل عام والجميع بي صحة
وعافية و عفو من تالانا
قالوا الدنيا ما دوامة
بكره نضري نلقى هوانا

أصلوا الفرقة كانت طارئة
ما درناها جات طالبانا
نرجع نسقي شتلة الإلفة
تفرهد و تبتسم دنيانا

لابد من تعود يا عيدنا
في وسط الأهل تلقانا
نتقالد نبل أشواقنا
صوت زغرودة بدل الدانه