القاهرة تحذر من مشروع توصيل مياه النيل إلى بورتسودان

11:05 PM May, 14 2026

سودانيز اون لاين
زهير ابو الزهراء-السودان
مكتبتى
رابط مختصر

ا​القاهرة | قلب الشارع


-​شهدت العلاقات السودانية المصرية توتراً مفاجئاً على خلفية تقارير تشير إلى عزم البروفيسور كامل إدريس المضي قدماً في مشروع استراتيجي لتوصيل مياه النيل إلى مدينة بورتسودان الساحلية. وأفادت مصادر مطلعة بأن القاهرة أبدت معارضة شديدة لهذه الخطوة، معتبرة إياها مساساً مباشراً بـ حصة مصر التاريخية من المياه.
​تحذيرات شديدة اللهجة
​وفقاً لتسريبات ، فقد وجهت دوائر صنع القرار في مصر تحذيرات وصفت بالقطعية للبروفيسور كامل إدريس، ملمحة إلى أن الإصرار على تنفيذ هذا المشروع قد يواجه بردة فعل سياسية حادة، في إشارة إلى "مصير رئيس الوزراء السابق عبد الله حمدوك". وتأتي هذه التحذيرات في ظل قلق مصري من أي تلاعب في تدفقات النيل خارج الإطار المتفق عليه دولياً وإقليمياً.
​استدعاء عاجل و"أوامر" للخارجية
​في تطور لافت، كشفت المصادر عن صدور توجيهات من وزارة الخارجية المصرية للرئيس عبد الفتاح السيسي بضرورة استدعاء رئيس مجلس السيادة السوداني، الفريق أول عبد الفتاح البرهان، إلى القاهرة بشكل فوري. ويهدف هذا الاستدعاء إلى:
​إلزام القيادة السودانية بوقف أي مشاريع لتوصيل مياه النيل إلى جهات جديدة.
​التأكيد على حماية "الأمن المائي المصري" كخط أحمر لا يمكن تجاوزه.
​التنسيق المباشر لضمان عدم تأثر حصة مصر المائية تحت أي ظرف.
​وعيد بعقوبات وتغييرات جذرية
​ولم تتوقف الضغوط عند الجانب الدبلوماسي فحسب، بل امتدت لتشمل تهديدات مباشرة للمؤسسة العسكرية السودانية. حيث توعدت القاهرة بفرض عقوبات غليظة على الجيش السوداني في حال السماح بتنفيذ مشروع "مياه بورتسودان"، وشملت هذه التهديدات:
​المطالبة بتغييرات شاملة في هيكلية القيادة العسكرية.
​إحالة عدد كبير من الضباط إلى المعاش، بمن فيهم قيادات عليا.
​إعادة النظر في ملفات التعاون العسكري بين البلدين.
​ملاحظة: يرى مراقبون أن هذه التطورات تضع الخرطوم أمام تحدٍ صعب للموازنة بين طموحات التنمية الداخلية وتوفير المياه للمدن العطشى، وبين الحفاظ على علاقات مستقرة مع الجارة الشمالية التي تعتبر مياه النيل مسألة وجودية..

حبيبنا زهير،
مياه الشرب لمدينة بورتسودان من أبو حمد محدود جداً من حيث الكمية ويقع ضمن حصة السودان في اتفاقية مياه النيل،

ليس للقاهرة سند قانوني للاعتراض، هذه الكمية لا تشكل شيء من حصة السودان غير المستهلكة التي تقدر بملايين الأمتار المكعبة من المياه

أظن أن خبر الاعتراض قد يكون غير صحيح، فالقاهرة لا تحتاج لاثارة مشاعر السودانيين في موضوع المياه في شيء لا يسوى ولا يؤثر على الأمن المائي المصري.

في مشروع زادنا الزراعي في شمال عطبرة تخرج من النيل ٣٢ أنبوبة قطر كل واحدة ١٢٠ سم ولم تعترض عليه مصر،
فكيف تعترض على أنبوب واحد يتجة لبورتسودان لمياه الشرب؟
أظن الخبر غير صحيح فقط لتأليب الناس على القاهرة

بصفتي خبير خلوني أوضح ليكم بالحسابات،
لو افترضنا قطر أنبوب بورتسودان من أبي حمد ح يكون ١٢٠سم
هذا الأنبوب طاقته القصوى ٧٠ ألف متر مكعب يومياً
يعني في السنة 25 مليون متر مكعب
حصة السودان الضائعة من المياه تقدر بعشرة مليار متر مكعب

يعني كمية مياه بورتسودان من الحصة الضائعة، زي زول قعد اتوضأ في أبي حمد

غالباً قطر الأنبوب المقترح ح يكون في حدود ٨٠سم

سلام يا زهير وسلام يا مستنير
إضافة لحسابات المستنير، استهلاك بورتسودان من مياه النيل أصلاً صغير جدًا مقارنة بحصة السودان،
مصر ما اظن تحتج على مشروع وهمي ما حيتنفذ.

مد خط مياه من النيل إلى بورتسودان مشروع مكلف جدا،
تكلفة انشاء حوالي 7 مليار دولار لازم تتدفع قبل ما تصل اول قطرة مياه لبورتسودان.
ودي قروش السودان حالياً ما عندو ليها قدرة.
عشان كدا أي كلام عن مد خط من النيل لبورتسودان عبارة عن كلام للاستهلاك السياسي فقط.

الحل العملي لمشكلة مياه بورتسوجان هو مشاريع تحلية مياه البحر الاحمر.
مشاريع بتكلفة انشاء اقل كتير من تكلفة مد خط ناقل من النيل،
وممكن تتدرج حسب الحاجة والميزانية.

أبداً يا مولانا حافظ، ما أظن التكلفة بهذا الحجم!
حسب خبرتي في تكلفة مياه القضارف من خزان ستيت
المسافة كم وستين كيلو والتكلفة كانت مقدرة في حدود أقل من خمسين مليون دولار

تقديراتي لمياه بورتسودان من أبي حمد أقل من مليار ممكن تكون 750 مليون أو كدا

أقول ليك شيء
مشروع القضارف لو أدوني عشرة مليون بعملو
باكل تلاتة مليون
رشاوي لناس القضارف مليونين
وخمسة ملاين بعملو بمواصفات عالمية

Quote: حسب خبرتي في تكلفة مياه القضارف من خزان ستيت المسافة كم وستين كيلو والتكلفة كانت مقدرة في حدود أقل من خمسين مليون دولار

خط ستيت القضارف يختلف كتير من خط ناقل للمياه من ابو حمد لبورتسودان.
الخط الناقل من ابو احمد لبورتسودان كانابيب قد تكون تكلفته في حدود 700 مليون لواحد مليار دولار.
ودي تكلفة قريبة من تقديراتك ومن قريبة من مقارنة خط ستيت القضارف م اعتبار فرق المسافة.
لكن الاختلاف الكبير في تكلفة محطات الضخ.
بورتسودان محتاجة لمحطات كبيرة لضخ المياه ومحطات توليد طاقة لضخ المياه بسبب أن الخط يمر بمرتفعات البحر الاحمر.
المسافة بين ستيت والقضارف مستوية وقد يكون الانحدار في مصلحة القضارف لذلك لا تحتاج لمحطات ضخ كبيرة ولا محطات كبيرة لإننتاج طاقة للضخ.

مشروع تغذية القضارف من ستيت دا عبارة عن مواسير بس ودي تكلفتها بسيطة جداً مقارنة بمشروع من ابوحمد لبورتسودان.

خط نقل الموية من ستيت للقضارف ممكن عادي تجر ليهو سلك من الشبكة القومية زيو وزي أي لمبة.
مشروع نقل المياه من ابوحمد لبورتسودان محتاج محطات طاقة جديدة تضيفها للتكاليف.

المهم يا مستنير حتى لو خفضنا ليكم تكلفة الانشاء ل 3 مليار دولار فقط،
برضو حيكون مشروع خيالي لحكومة كامل ادريس من ناحية التكلفة.

صاح كلامك مولانا، ستيت القضارف فيهو انحدار طبيعي بقلل من محطات الضخ والتكلفة،

لكن برضو تكلفة مياه بورتسودان من النيل لن تصل لمليار دولار فهي في حدود 500 - 750 مليون دولار بكل محطات الضخ وتوصيل الكهرباء للمحطات،


شايفك تلعب بالمليارات ساكت!

Quote: توصيل الكهرباء للمحطات

ما توصيل يا مستنير
توليد عديل.
ضخ المياه من ابو حمد لبورتسودان محتاج طاقة كهربائية كبيرة ومؤثرة على القطاعات الاخرى المستهلكة للطاقة.
الشبكة الحالية والسعة التوليدية لا تحتمل.

Quote: لكن برضو تكلفة مياه بورتسودان من النيل لن تصل لمليار دولار فهي في حدود 500 - 750 مليون دولار بكل محطات الضخ

مليار دولار بتركب ليك مواسير PCV
وممكن برضو تجيب بيها مضخات صينية زي الجابها الصافي جعفر لمشروع سندس الزراعي.

أنا لو اديتوني المشروع بجيب ليكم انابيب فولاذية مضادة للصدأ والتآكل،
تكلفة الكيلومتر 1.8 مليون دولار.
واربعة محطات كندية لضخ المياه تكلفة الواحدة 350 مليون دولار شاملة تغطية تكلفة محطة توليد الكهرباء لكل وحدة ضخ.

المجموع 3.2 مليار دولار،
في تاني تكاليف لوجيستية بنتفق عليها بعدين لو كامل ادريس جادي.
تكلفة استشارتي القدمتها ليكم دي عفيتها ليكم.

خليني أفتش تلفون صديقي المهندس عبد الوهاب بعطبرة وأرجع ليك،
بدل نشتت قروش دافعي الضرائب السودانيين ساكت

Quote: خليني أفتش تلفون صديقي المهندس عبد الوهاب بعطبرة

اضرب أي رقم عشوائي وقول ببركة مولانا،
المهندس عبدالوهاب بيرد ليك.

أنا متأكد لمان كنت بنفذ في مشروع زراعي بعطبرة،
جاء نقاش مع المهندسين حول تكلفة مياه بورتسودان وهي أقل من مليار.

طبعاً يا حافظ، حلم حياتي كان أقدر أعمل خط ستيت القضارف لكن أظن راحت علينا والعمر فات والرزق ضاق والأحلام تبخرت