متداول: السافنا يلتحق بالجيش.

00:48 AM April, 25 2026

سودانيز اون لاين
محمود الدقم-
مكتبتى
رابط مختصر

اوردت بعض التقارير بانخراط
السافنا للجيش مع النور قبة

خال الدعامة ومصدر مقرب من السافنا
ينفي الخبر جملة وتفصيلا

شكرا جزيلا حيدروف علي رفد البوست بالتوثيقات
طبعن خال الدعامة جزم بلقاء تم بين حميتي وبين البرهان في سلطنة عمان لكن برضوا
ننتظر التاكيد..
البرهان الان محتاج لحمايتي من حركات ياسر العطا الذي كشر عن انيابه لاقتلاع السلطة من البرهان
والبرهان محتاج لحمايتي أو حميدتي يحميه من غدر الاخوانج، ومن مناوي الذي يريد أن يتحول من قط الي
اسد، لذلك البرهان زرفت عيناه من شدة الفرح، بعودة احد امراء عرب الشتات النور القبة ومن شدة فرح البرهان قام حضنوا
واداهوا سيارة التشريف الخاصة به..اي بالبرهان..دا اسموا البرهان جررررررر. وااااطي للأخير..
الان هنالك تدفق للجنجويد نحو الخرطوم وامدر..

تدفق تدريجي للدعم السريع نحو الخرطوم تحت زريعة "نحن تبع اللواء القبة"
🤣🤣🤣🤣

فيديو جديد للسافنا يؤكد فيه انسلاخه نهائيا عن الدعم السريع

وبرشم في الطريق .

بيان من المجموعه 296 بقيادة السافنا سابقآ
باقون مع الدعم السريع

واضح إن هنالك مشكلة و هنالك إرهاصات من مدة إن السافنا يستعد للرحيل، فماذا تم من إحترازات بشأنه؟
للعلم فقط، كم من السيارات و المقاتليين إنشق معه؟ ط
إذا كان هنالك أسباب مبررة للإنشقاق فقطعا ليس هنالك مبررات للإنضمام للجيش.

الخوف يكون سيييك في قبول الشعب السوداني
وابرهة يمسكنا معاهو ضنب العبلاي

تحياتي

اذا كانت الفرقة ٢٩٦ التي كان يقودها السافنا فما هي القوات التي مع السافنا
هل انضمام قبة والسافنا هي عودة لقوات الدعم للخرطوم
ما تكون نظرية حصان طروادة يا سجمان.

السافنا يا اخ Omer Abdalla من ٢٠٢٤ كان بقول انه هو اصلا ما من الدعم السريع
لذلك من وقتها جري تهميشه من الدعم السريع فذهب واستقر في اطراف الفاشر وأصبح حضوره طاغي علي تيكتوك
ثم عاد مرة اخري تقريبا قبل اقل من سنة في معارك كردفان وبث فيديو يقول فيه بانه هو ومجموعته قتلوا
القائد العام لمحاور المشتركة بكردفان ودارفور القائد عبدالله جني وأنهم دفنوه بملابسه وصلوا عليها صلاة الجنازة
نفس السافانا الان حيتم تسكينه وسط ناس المشتركة..
قبل ٦ اشهر كان عدد تاتشراته القتالية ٨ منها ٣ عطلانة.

راي القانون ماذا في شخص أو أشخاص متهمين بارتكاب مجازر واغتصابات وشفشفة؟

شكرا حيدر علي الفيديو
الرجل استسلم لدولارات ووعود البرهان
لكن بكره ببقي ليهم بمبي

المضحك المبكي أن تاسيس تكفلت بعلاج السافنا وقامت بتسفيره
للهند للعلاج، ومن هنالك بدا السافنا مباحثاته مع البرهان..شرط البرهان ما جاءت به الاخبار
تقبض مليون دولار..ما تجيب سيرة انضمامك للجيش الان. "لان هناك كمية غضب عارمة ضد البرهان من الناس
حيال استقباله للنور القبة" وما عايز البرهان يكرر نفس الهرولة..قول انك انحزت للشعب🤣.
والسافنا يقال انه الان وصل الرياض وما زال يعاني من الالام في الغضروف..المهم النور القبة والسافنا جاءوا من اجل مكاتلة
المشتركة في الخرطوم وامدرمان والشمالية، وتدفق الدعامة في الثلاث ايام الماضية بملابس مدنية نحو الخرطوم واضح، لكن ما معروف من ارسلهم؟
لاسيما وأن حميتي في خطابه الاخير وجه تحية للاشاوس الدخلوا امدرمان مع القبة وقالوا ليهم لو عايزين مزيد بنرسل ليكم
فيا بلبوصي لو انت بتفتكر أن القبة والسافنا رجعوا من اجل السلام وانحازوا للجيش والشعب، فمعناه اعد قراءة الواقع السياسي والتاريخي والاجتماعي للسودان من جديد.
اخيرا السؤال هو:
هل فعلا القبة والسافنا والقادمين مستقبلا من ولاد الضيف كما قال الدهماء والفلول عادوا برضاهم؟ ام بتنسيق مسبق بين البرهان وحميتي لضرب المشتركة
والاخونج والدواع*ش؟؟

سلام محمود في تسجيل صوتي بعد الفيديو للساڤنا سمعتوا؟ ووين الجنجاكوزي بريمة ما يكون زي ما قال الساڤنا في التسجيل داير البوكسي الصيني الإشتروا بيه الإدارات الأهلية البوكس قال إسمه العمدة دنقس 😅 بالمناسبة الزول قال خلى الدعم لكن ما أنضم للجيش

Quote: وابرهة يمسكنا معاهو ضنب العبلاي

مسكتوا نضب العبلانج من مقلده ..
غايتو أمركم مستحمى.

بريمة

Quote: ووين الجنجاكوزي بريمة ما يكون زي ما قال الساڤنا في التسجيل داير البوكسي

السافنا منذ فترة طويلة لم يقاتل .. مثل النور قبة ..
معركتهم فى دارفور أصلاً كانت ضد المشتركة .. والمشتركة أنتهت .. خليهم يولعوها فى الخرطوم.

بريمة

وعليكم السلام منتصر
بصراحة مش فاهم ما هي المكاسب التي سوف يجنيها البرهان من استجلابه للنور القبة والسافانا وغيرهم لللخرطوم؟
فبمجرد وصول القبة للخرطوم هطلت المسيرات علي مطار الخرطوم وتم انتقاد البرهان بشكل كثيف كونه استقبل النور القبة استقبال اسطوري وجعل الكثير من
الضباط يتساءبون لماذا يتم تكريم الرجل وهو متمرد وقتل ما قتل من زملائنا بينما هم يعانون من صرف المرتبات؟؟ لذلك يقال ان البرهان اشترط علي السافانا مايجيب سيرة انو جاء وينضم اللجيش علي الاقل الان.
بخصوص السافنا الرجل ما عندو مقاتلين الان معاه ومريض بالغضروف وامراض اخري واذا كان موسي هلال بالرغم من استلامه ملايين الدولارات من البرهان فشل في كسر شوكة الدعامة
بل فقد اولاده في الحرب وخسر اهله وعشيرته ودارفور هو الان ابن السبعين سنة فماذا سوف يقدم القبة للبرهان فيما فشل فيه هلال؟ علما ان القبة اول شيء فكر فيه هو استعادة عقاراته وامواله من البرهان
بينما تسعين في المئة من جنوده ومن قلب الخرطوم يهتفون باسم القائد حمتي!!!! لا جاب سيرة سلام ولا امن وطمئن ناس الخرطوم؟؟ بصراحة شيء يمخول المخ اللهم الا اذا كان
البرهان وحمتي اتفقوا علي امرا ما كما اتفقوا علي امر النفط بتاع هجليج

ده رابط الفيديو القاصدو جنكيز
https://x.com/combat_expert1/status/2054215659727581435؟s=20

شكرا حيدر علي اللينك
وانا كلام خطير لبشري علي عن السافنا؛

Quote: الجنرال سافنا يعود لحضن الوطن بدون ترتيبات مسبقة... وما عندو حضن من البرهان ولا عربية وعندو عمارة في المهندسين بامدرمان وعندو قضية جنائية وهي المشاركة في قتل تاجر ذهب في منطقة دلقو والتاجر واسمه حافظ من دار حامد وملفها لم يُغلق بعد

اللقاء كان كارثه علي السافنا
وعلي فريق العمل الذي حاول يعمل سمكرة وبوهيه وفي النهاية
البلبوصي لمن شاف السافنا خارجياتوا كتبت فصل
الخط طوالي ههههههههه
جيشون واحد