حرام والله البيحصل للمواطنين ديل

Post: #1
Title: حرام والله البيحصل للمواطنين ديل
Author: حيدر حسن ميرغني
Date: 04-13-2026, 04:50 PM

04:50 PM April, 13 2026
سودانيز اون لاين
حيدر حسن ميرغني-Colombo -Srilanka
مكتبتى
رابط مختصر

الجيش، يبدأ في حملات بإزاله منازل مواطنين بحجة انها عشوائية
تخللها اشتباكات بين المواطنين وافراد الشرطة والجيش

Post: #2
Title: Re: حرام والله البيحصل للمواطنين ديل
Author: حيدر حسن ميرغني
Date: 04-13-2026, 04:54 PM
Parent: #1

على الاقل امنحوهم مخطط سكني جديد في مكان تتوفر فيه الخدمات بدل رميهم في العراء.
واضح ان الإزالة تستهدف شريحة محددة من المواطنين (الوجوه الغريبة) و ( وما بشبهونا)
وإلا ، لما تتم عمليات الإزالة الآن.

Post: #3
Title: Re: حرام والله البيحصل للمواطنين ديل
Author: Bashasha
Date: 04-13-2026, 06:03 PM
Parent: #2

شئ عجيب غريب بشطب الرأس!!
هل ده وكت عفن كهذا لوماملعوب؟
وهل صدفة وبمثل هكذا بجاحة وقاحة، قوة عين ذات ضحايا محارق الإبادة هم تاني العايشين الجحيم ده المنمطين في الإعلام ك"نقرذ"؟
لو كانو ديل جعل أو شوايقة، كانو بسوو فيهم كده؟؟
خلو موضوع كهذا يتولاه نظام ديمقراطي قومي، في ساعة سلم من خلال نظام قضائي مستقل الحق مكفول ليهو للمتهم يدافع عن نفسو، بالقانون يدوهو وكت كافي يدبر حالو أو الحكومة تتولي مساعدتو عشان يرحل سلميا بي احترام ليهو او لي حقوقو كمواطن كبشر!!
هذا ملعوب!

Post: #4
Title: Re: حرام والله البيحصل للمواطنين ديل
Author: Bashasha
Date: 04-13-2026, 06:08 PM
Parent: #3

عجيب جدا قوة عين كهذا، لي ذات المرذولين ملفوظين معذبين كفروخ" مملوكين في أقصى الشمال دعكم من الفاشر، لأمثال البرخان بالوراثة!!
ساكين يرجعو من أجبروا علي الرحيل من الخرطوم، عشان يستعملوهم كدروع بشرية في الحرب العبثية دي ضد ثورتنا، واللي رجعو شوف بسوو فيهم شنو!!

Post: #5
Title: Re: حرام والله البيحصل للمواطنين ديل
Author: Bashasha
Date: 04-13-2026, 06:13 PM
Parent: #4

والانكا شوفو امثال عقار جبريل مناوي، بايعين القضية كيف من اجل الفكة مكتفين بالفرجة، حد الموت في الميدان دفاعا عن مملكة الجلابة البهتفو في مظاهرات يسوو كيف امثال عقار "مابشبهونا"!!

Post: #6
Title: Re: حرام والله البيحصل للمواطنين ديل
Author: ترهاقا
Date: 04-13-2026, 06:30 PM
Parent: #5

الاخوان حيدر وكمال ، سلام
هل في دولة في الغالم بتسمح بوجود سكن عشوائي ؟ هل في دولة بتوفر لي شخص مسكن لانو لقوهو
عاملين سكن عشوائي ؟ كان كدة يا كمال ، امشي اعمل قطية كدة في لوس انجلوس واسكن فيها ، بالتأكيد
حيحنوا عليك ويشوفو ليك قطعة أرض فورا عشان تسكن فيها، وإلا انت رأيك شنو؟

Post: #7
Title: Re: حرام والله البيحصل للمواطنين ديل
Author: حيدر حسن ميرغني
Date: 04-13-2026, 06:38 PM
Parent: #6

Quote: هل في دولة في الغالم بتسمح بوجود سكن عشوائي

سلام ترهاقا
المساكن دي ما بقت عشوائية إلا اليوم؟
موجودة من زمان.. ليه يتم إزالتها الآن ؟
قبل ايام عملت بوست عن عسكري جاء يعيد على اهل منزله في العيد
لقاه تمت إزالته. قال عندهم اوراق تثبت ملكيتهم للارض وان السلطات لم تخطرهم مسبقا بقرارات الإزالة.

Post: #8
Title: Re: حرام والله البيحصل للمواطنين ديل
Author: Bashasha
Date: 04-13-2026, 06:42 PM
Parent: #5

والابشع هو مايدور في هذا الفضاء الجلابي!!
أعلاه لايحرك شعرة في الجلابي خالص خالص!
بيكتفو بالفرجة!
ليه؟
دي نظرتم لي ضحايا قهرهم وبالتالي No Big Deal بالنسبة لأصحاب الحظوة بالميلاد!!
نعم لو قدر للنخاس كركساوي أن يبعث حي، ياتري كان حيقول شنو لو أنا حفيدو بشاشا سالتو؟
قطعا كان حبسخر من سؤالي، وما بعيد طاخ يلصق لي كف، باعتباري قليل ادب لما احتج علي هكذا معاملة لل"فروخ" الما بسوو صرمة قديمة في نظرو الكان هو ببيعم بالاقة لكسب العيش!
نعم حبكون غريب جدا في نظرو موقف أمثالي!!
لهذا الجلابة في هذا الفضاء وكما جد وعيهم كركساوي ولا الزبير ما يحدث لايعنيهم في شيء لدرجة بعضهم علنا بيايد تعذيب كهذا!!
ليه؟
مادايرم في الخرطوم!
لبه؟
حرامية!
مجرمين!
وهو من فرض عليهم هكذا أسلوب حياة!
رحمتك يارب!

Post: #9
Title: Re: حرام والله البيحصل للمواطنين ديل
Author: Bashasha
Date: 04-13-2026, 06:52 PM
Parent: #8

سلام ياترهاقا:
اثبتا كل شولة من كلامنا!
ولهذا ماشفتك تحتج علي خطاب اهلنا في المظاهرة ديك في دلقو!!
من الاساس هل ده وكت موضوع كهذا والأطفال بيقتلو في المستشفيات بالطائرات؟
لو جرو بيهم من المستشفيات للسكن العشوائي ده من باب النجاة، هل هذه جريمة؟
حياة بشر ابرياء اولوية، ام البناء؟
معقولة؟
للدرجة دي حياة بشر لايعنوك في شي مقارنة بالسمة القانونية للسكن؟
هل ده صدفة، مثل هكذا تبلد احساس ياترهاقا؟
ده ماوكت ترف كهذا اطلاقا!
غير انو هؤلاء الفسدة الفسقة المجرمين كايسين يعملو فكة من بعد الفتنة من الأراضي دي!!
حولا ولاقوة!!

Post: #10
Title: Re: حرام والله البيحصل للمواطنين ديل
Author: حيدر حسن ميرغني
Date: 04-13-2026, 07:01 PM
Parent: #9

Post: #11
Title: Re: حرام والله البيحصل للمواطنين ديل
Author: ترهاقا
Date: 04-13-2026, 07:04 PM
Parent: #8

بلدينا حيدر
Quote: قبل ايام عملت بوست عن عسكري جاء يعيد على اهل منزله في العيد
لقاه تمت إزالته. قال عندهم اوراق تثبت ملكيتهم للارض وان السلطات لم تخطرهم مسبقا بقرارات الإزالة.

بالنسبة للعسكري ده ده وضعه قانوني وعنده ما يثبت وليس لاحد حق في إزالة بيته وممكن ياخد حقه ، ولكن أنا بتكلم بصفة خاصة
عن السكن العشوائي الما قانوني والي انتشر انتشار الهشيم في معظم ضواحي العاصمة، والسكن العشوائي ليس محصور في فئة معينة،
مرة سافرت بالعربية من الخرطوم للشمالية ومن طلعت من امدرمان شفت العجب ناس عاملين سياج لمساحات تقارب الفدان وضع يد كدة
،

Post: #12
Title: Re: حرام والله البيحصل للمواطنين ديل
Author: حيدر حسن ميرغني
Date: 04-13-2026, 07:09 PM
Parent: #11

العسكري يا ترهاقا وجه رسالة للبرهان من شدة فوق ركام بيته
-
المهم انك كحكومة توفر ليهم مكان بدل رميهم في العراء

Post: #13
Title: Re: حرام والله البيحصل للمواطنين ديل
Author: حيدر حسن ميرغني
Date: 04-13-2026, 07:11 PM
Parent: #12

اسمع كلام عمنا ده كويس عشان تعرف كيف هم مستهدفين ليس فقط منازلهم

Post: #14
Title: Re: حرام والله البيحصل للمواطنين ديل
Author: ترهاقا
Date: 04-13-2026, 08:11 PM
Parent: #13

Quote: من الاساس هل ده وكت موضوع كهذا والأطفال بيقتلو في المستشفيات بالطائرات؟
لو جرو بيهم من المستشفيات للسكن العشوائي ده من باب النجاة، هل هذه جريمة؟
حياة بشر ابرياء اولوية، ام البناء؟
معقولة؟

ما عرفت علاقة المداخلة دي بالموضوع ، وما في سكان عشان الناس تجري للسكن العشوائي؟
ام المشتشفى برضو مستشفى عشوائي؟
كلام هردبيس

Post: #15
Title: Re: حرام والله البيحصل للمواطنين ديل
Author: Mohamed Adam
Date: 04-13-2026, 09:50 PM
Parent: #14

سلام يا أستاذ حيدر، تحياتي ليك ولضيوفك الكرام.
بالمناسبة: الحاصل من إزالة وتدمير بيوت المواطنين، والشايفنو صوت وصورة في العلن، ده تمهيد لخطوة أكبر.. عايزين يمشوا بيها لفصل كيان لقيط سموه “دولة النهر والبحر”، يعني عمليًا يقطعوه قسريا من جسد السودان.
المرة دي فكرة الانفصال جاية أوضح من قبل، ما فيها لف ودوران زي الحصل زمن فصل الجنوب تحت شعارات كبيرة ومضللة زى شعار "الوحدة الجاذبة"!.
الآن الكلام بقى مباشر مفروش فى سوق الله أكبر، وقرار الانفصال حسب مانراهو طالع من داخل مركز سلطة الأمر الواقع ببورتكيزان، والتنفيذ ماشي عبر مؤسسات الدولة، من رأسها عبد الفتاح البرهان، ومعاهو دوائر إقليمية، عسكرية، سياسية وإعلامية،إدارات أهلية، وكمان أصوات في الصوشيال ميديا بتدفع في نفس الاتجاه.

لكن المرة دي هم ناسين الوضع مختلف…ناسين ان الناس ما حتجلس وتعاين لتكرار سياسات البصيرة أم حمد...!! وهذة المرًه الإرادة السودانية ما حتترك “الثور الأسود عشان يذبحه معتوه زي زمان...
في ناس كتار من أهل السودان، الإتحملوا، القتل، التشريد، التهميش والمعاناة لسنين طويلة، بقوا واعين وحاضرين في المشهد، ومؤكد يكونوا العامل الحاسم في النهاية لهذة الخطط التعيسة.

نسأل الله أن يحفظ السودان وأهلو، وأنو أي تحولات تحصل تكون في صالح الأمن والسلام، وما تزيد وجع الناس.

Post: #16
Title: Re: حرام والله البيحصل للمواطنين ديل
Author: Mohamed Adam
Date: 04-13-2026, 09:58 PM
Parent: #15

بالله فى سكن عشوائي أكثر من احياء ولاية الخرطوم "العريقة"!
لو بنفس فهمكم ده،الخرطوم يحتاج لإزاله قبل غيره لأنه كله سكن عشوائي!

Post: #17
Title: Re: حرام والله البيحصل للمواطنين ديل
Author: Bashasha
Date: 04-13-2026, 11:17 PM
Parent: #16

ياترهاقا،
كونو كلام بشاشا "هردبيس" لامعني له لدي جلابة بشاشا فهذا مفروغ منه، والا ده ماكان حالنا!

موضوعي في وكت زي ده موضوع سكن عشوائي أو سكن قانوني فهذا ترف فكري انصرافي من زول ماعندو ذرة احساس بالجحيم العايشين فيهو الملايين لانو فعلا لاقول اي مشارك في منظومة الفلول الانقلابية دي، انسان فاسد!
مجرم،
قبلي!
جهوي!
حرامي!
باختصار ده ما وكت طيش شطحي، تهور كهذا اطلاقا، من نصابين، حرامية، فسدة فسقة!

اذا النجا من المتفجرات الكيماوية دي قدر يلقي ليهو مبني بيت يتلمي فيهو فاري من الجحيم بعد مانجي من الموت يقوم جهاز الدويلة الانقلابية دي يفجر المبني ده أو يرمي سكان المبني في الشارع، لانو عشوائي المبني أو ماقانوني؟
ما هذا؟
هل الانقلابي ده نظامو قانوني؟
في عشوائية أكثر من منظومة شبكات الجريمة المنظمة للمنظومة الانقلابية دي، الفلولية الحاكمة بالحديد والنار من أجل الفكة؟
باي حق عسكري انقلابي فلولي يتحدث عن "قانون" أو "فانون"؟
ما هذا ؟