يا هلا ومرحب بعودة "الأمير الكوشي" بشاشا، الرجل الذي لا يهدأ له بال إلا إذا أشعل الحروف ناراً وسجالاً. عاد إلينا صاحب القلم الذي لا يعرف الحلول الوسطى فإما أن تكون نوبياً من "رماة الحدق" الخلّص، وإما أنك في ورطة حقيقية أمام "عنفه" الفكري الذي لا يرحم مرحباً بعودة هذا الفارس السجالي الذي يقتحم العبارات وكأنها معارك مصيرية، ويصنف البشر بمسطرته الكوشية الصارمة. وعودة ميمونة لرجل يرى التاريخ بعين لا تغفل عن شاردة ولا واردة تخص المجد النوبي، بينما يوزع "لكماته" النقدية على غير المنتمين لعرين الأسود يميناً وشمالاً.
نتحسس رؤوسنا ونحن نستقبلك، وعسى ربي أن يرزقنا "طول البال" ويسلّمنا من شظايا هذا السجال العنيف الذي لا يُبقي ولا يذر وحبابك ألف ايها الامير الكوشي ومتعك ربي بالعافية ، واليوم يوم السجال بامتياز!
Post: #2 Title: Re: عودة الامير الكوشي بعد غياب منو خوف# Author: Bashasha Date: 04-13-2026, 04:56 AM Parent: #1
Post: #3 Title: Re: عودة الامير الكوشي بعد غياب منو خوف# Author: عبداللطيف حسن علي Date: 04-13-2026, 06:24 AM Parent: #2
نعم مرحب بكل العائدين الي المنبر والعودة بوعي حقيقي ، ما مجرد تصلب لادليل عليه اطلاقا حتي الان لم يحاول علي السؤال الاساسي : متي تحدث الكمتيون بلغة الكليات الفلسفية بلغة التجريد الفلسفي والمقولات؟ ماتبقي زي فلان وتابعه قفة
Post: #4 Title: Re: عودة الامير الكوشي بعد غياب منو خوف# Author: عبداللطيف حسن علي Date: 04-13-2026, 06:26 AM Parent: #3
لمم يجاوب. ظهرت لم يحاول
Post: #5 Title: Re: عودة الامير الكوشي بعد غياب منو خوف# Author: Bashasha Date: 04-13-2026, 02:36 PM Parent: #4
قرقرقرقر!!! ع اللطيف، مجند لواء مكدونالد، من مستعبدي النخاس الزبير "باشا" الحسمو معركة كرري اكبر معركة في القرن ال19 ضد ثورتنا الام، لصالح جيش كتشنر، اكبر ثورة علي نطاق العالم في القرن ال19 الهزمت مايعادل اوربا وامريكا معا، بي حبة سيوف عشر، رغم انف قرون العبودية، واعادو من المقابر مايسمي الان سودان، في سويعات، الان ع اللطيف بتكلم عن ما اسماه "وعي" او كمان "حقيقي" او هو مستلب احتلال ثنائي، راكع ساجد، عابد للخواجات، يري كل شئ بي عيون مستعبديه، وانا لا اختلف عنه في شئ اطلاقا، غير اني وعيت وبالتالي بحاول اعمل حاجة!!
شوفو سودان نموذج عقلية ع اللطيف ده، طمباري هكس، مولع كيف بالوكالة، بواسطة امثالنا، نعم الجلابة، سفرجية، بوابين، "هاوس نقا" بدو الاعراب من بعد مماليك العرب، نعم الارناؤؤط، احفاد الهكسوس اي المصريين!!
Post: #6 Title: Re: عودة الامير الكوشي بعد غياب منو خوف# Author: Bashasha Date: 04-13-2026, 03:43 PM Parent: #5
عيييييييك!! يا ع اللطيف: زي ماقال لي دالي، أنا العنقالي بشاشا حوار المركزية الأوروبية خريج كلية غردون، أمر اجدادنا ده ما كان فلسفة ياخي!! حولا ولاقوة !! ياخي ماممكن تصر علي ترديد ترهات حيرانا، اجداد الطرمبة، بي صورة ببغاوية مملة كهذه ياخي!!
ده، اي "فلسفة" هو فهم اجداد مخدميك، مستعبدي وعيك، الخواجات، أو مش فهم اجدادنا ياخي!!
تركيز اجدادنا كان علي السلوك، مش آلورجغة النصوصية التسميعية هولة المتاسلمين اللي لاعلاقة لها بالسلوك اطلاقا وكنتيجة ماصدفة كيف هؤلاء بمثلو أفسد من مشي علي قدمين في ارض "الآلهة"! عبقرية انجاز اجدادنا هنا!! نعم كنتيجة نموذج انسانم كان "الهة" ثم "اله" معبود طوعا في كل قارات عالم اليوم، من دون غزو احتلال أو استعباد للآخرين!! الكلام ده قالو واحد من ملوكنا لاجداد مهاويس ايران اليوم لما رسولو جاسوس بكل غباء محمل يالجواهر كمبعوث ملكي السذج لي ملوكنا في مروي كايسين يزحفو علي السودان بغرض احتلالو من بعد احتلالم لي كمت! نعم قالو للجاسوس الإيراني ده: شيل عفنك ده، قوم فحط، واحمد ربك انو ما جعل في قلوبنا نزعة الغزو الاحتلال واستعباد الآخرين!! شوف عالم ناس "فلسفة" ديل مولع الي اليوم كيف!! يالعبقرية اجدادنا "الزرقة" اللي ما أنجزوهو عالم اليوم بما حمل، ملك، بالغزو بالاحتلال ماقادر يفهمو زاتو دعك من يجاري!! وما انجزوهو جا مارق من برش الصلاة مش من معامل!!
Post: #7 Title: Re: عودة الامير الكوشي بعد غياب منو خوف# Author: عبداللطيف حسن علي Date: 04-13-2026, 05:12 PM Parent: #6
كلام الطير في الباقير مش انت بعضمة لسانك قلت الفلسفة مسروقة من كمت...مالك نطيت ياتو فلسفة كانت في كيمت كي يتم سرقتها بس دا موضوعي ... ماتلف كتير
Post: #8 Title: Re: عودة الامير الكوشي بعد غياب منو خوف# Author: Bashasha Date: 04-13-2026, 05:49 PM Parent: #7
يا هذا: هو شنو نطيت؟ نعم ما أسموه فلسفة اصلها سوداني! نعم ملاك وعيك مخدميك، قدر الطشاش الخمشو من اجدادنا أسموه "فلسفة"!! انتا فاقع مرارتك يا للهول بالوكالة اي كلام عن الأصل السوداني للموضوع ده!!
عجيب، غريب، يموخل، سوداني بمثل هكذا استماتة يرفض بالوكالة بحكم البرمجة لي حاسوب الدماغ أن يكون اصل الفلسفة سوداني!!! أفهم موقف كهذا من واحد زي ااطرمبة، البنظر لامثالك ك"قرود" كما نمط الرئيس أوباما!
ولكن "القرد" نفسو اي ع اللطيف وبمثل هكذا إصرار يدافع عن ترهات مالكو، فهذا عجيب!! هي ذات عقلية ال"هاوس نقا" اللي بمرض لو سيدو مرض، بضحك لو ضحك، يبكي لو بكا"!
ارجوك ماتفهم كلامنا ده بي صورة شخصية!!
أنا لا أختلف عنك في شئ غير اني وعيت وبالتالي أنا الآن "فييلد نقا" نعم متمرد!! حسبي امون ونعم الوكيل!!
Post: #9 Title: Re: عودة الامير الكوشي بعد غياب منو خوف# Author: عبداللطيف حسن علي Date: 04-13-2026, 08:11 PM Parent: #8
لن ارد هنا ، ينحصر النقاس في بوست التصلب الايدولوجي
Post: #10 Title: Re: عودة الامير الكوشي بعد غياب منو خوف# Author: Ali Alkanzi Date: 04-14-2026, 06:26 AM Parent: #9
بش بش له نكهة خاصة وتميز في المنبر يا ابو الزهراء بس هو امير ولا كاهن ؟ بعدين صاحبك اعلن قبل فترة عودته للسودان لكن جر واطي اركز يا كاهن يا كوشي
Post: #11 Title: Re: عودة الامير الكوشي بعد غياب منو خوف# Author: Bashasha Date: 04-14-2026, 10:43 PM Parent: #10
ياعلي، مالك علي ياخي؟ نعم فاقع مرارتي اني ماقادر احقق مناي، معا الحرب العبثية دي بالعودة والعيش في دنقلا حصريا، ثم بقية ارياف السودان ابتداءا بي كردفان، مكتول هواك، أنا يا كردفان!!
يا الهي ياخي!
كان مناي اقضي باقي العمر حايم بي مواقع اجدادي، من عبري والي البجراوية في النيل الخالد اعيش في بيت معمول في باخرة يكونو فيها معاي حماري، بقرتي، غنمايتي من بعد الكلبة حقتي والكديسة!
أما الطيور فبعرف ادودرم كيف ساعة المغيب عشان يجو نازلين خاشين جو الباخرة، زي ماكانو بحقرو بي وأنا طفل يقلعو الاكل من يدي، بعد مايجو نازلين من السما أو يجو توش خاشين في البيت باطمئنان يزاحموني في الاكل، وهذا عجيب لما افكر فيهو!!
علاقتي ككوشي كانت حميمة بالطيور والحيوانات، بل الأشجار!!
نعم كانت هناك شجرة في شاطئ النيل جمب البيت لما اهبش فرع محدد في الشدرة دي، وقسما الفرع ده اغصانو كانت بتتحرك، نعم تنكمش!! ولما الم يدي كان برجع يتفرا!! الي اليوم ما بحثتا الظاهرة دي!!
Post: #12 Title: Re: عودة الامير الكوشي بعد غياب منو خوف# Author: Bashasha Date: 04-14-2026, 10:53 PM Parent: #11
نعم الحمير كانت أكثر الحيوانات انضباط، اطول بال، صبر! السخلان كانو الاكثر حنين كاطفال! الكباش كانو الاصعب والاكثر عنف!! والأغرب التييران كانو في منتهي السلمية ولا ادري لماذا!! التماسيح كانو شئ مخيف أو مرعب لما اودي البهايم لي شراب الموية! والاعجب مقاومة التماسيح كانت جماعية بواسطة الخرفان تحديدا!!
Post: #13 Title: Re: عودة الامير الكوشي بعد غياب منو خوف# Author: Bashasha Date: 04-14-2026, 11:00 PM Parent: #12
الطيور رقم واحد والاكثر شعبية كانو القماري! الحشرات كنتا بحب الكدندارا، وهناك اسطورة شعبية عن علاقة حب بين الكدندارة والقمرة! نعم القمر قالو عشان توافق علي الزواج من الكدندارة اشترطت الكدندارة يومي تغسل تنضف المنطقة أوه كان شغلا الكدندارة وهي من انظف الحشرات رقم الانطباع العام الخاطئ عنها!!
Post: #14 Title: Re: عودة الامير الكوشي بعد غياب منو خوف# Author: Bashasha Date: 04-15-2026, 03:13 AM Parent: #13
من العجائب، معظم اغانينا تخاطب الطيور اولا ثم بقية الحيوانات وايضا الارض نعم التربة، وهذا يعبر عن الذاكرة الجينية الكوشية، الجوانا، كشعب وثقافة متصالحة معا، مدافعة عن، حامية ل"البيئة" وهذا مفصلي لو نعلم او شئ متقدم جدا جدا لونعلم! تاملو هذه الاغنية لي فنانا العبقري الكاشف او شوفو شاعرا كيف بتوسل، بشتكي، مشاكل ريدتو لي طيرة، او بقول للطيرة ياريت كنتا زيك!!!
نعم الطيرة اضحت مثال اعلي يحتذي!
غنية انا يا طير - ابراهيم الكاشف
أنا يا طير.. أنا ياطير بشوفك أنا يا طير.. محل ما تطير بشوفك فرحان وبتغني وحبيبك معاك وحبيبي غاب عني أنا ياطير موله محزون لأني وحيد حبيبي غايب و آه يا طير و تاني علي مصايب من ادهى الغرايب لي أقرب حبايب صدوا .. وراحو مني أنا ياطير حبيبي للآلام تركني وبدلل عليّ وبالهجران هلكني زعلان مني صدّا وبرايه استبد اتناسى المودة واعتاد التجني ياريت يا ريت يا ريت يا ريت كنت زيك لو يجدي التمني حبيبي يكون معاي وفي الاشجار نقيل وفي الأغصان نميل بخفة جناحك وحرية سراحك في الافنان نغني انا يا طير.. انا يا طير بشوفك أنا يا طير.. محل ما تطير بشوفك
Post: #15 Title: Re: عودة الامير الكوشي بعد غياب منو خوف# Author: Bashasha Date: 04-15-2026, 03:14 AM Parent: #14
Post: #16 Title: Re: عودة الامير الكوشي بعد غياب منو خوف# Author: Bashasha Date: 04-15-2026, 03:33 AM Parent: #15
في الاغنية دي، رمال نعم رمال حلتو بكت او هي بتاعتب في "ودالحلة" اي الشاعر، او بي مغسة قالت ليهو: ليه خليتني فتا؟
يا رمال حلتنا يا رمال حلتنا زولاً.. كان بآنسك ياحليلو فات رحل من بلدو روح.. وفاتلو لى دار ماها هيلو الليلة يبكي دموعو سايلة.. نازلي ما بسرك حويلو يبكي مطَّرطش مودر.. متلفت فاقد دليلو يا حليلو الكان بيطلع.. ينزل.. ومرة يشرب من سبيلو ومرة يترنم يحاكي.. حسو يرزم فوق نخيلو الرمال تشكي وتعاتبو.. تبكي منو وتشتكيلو تقولو ليه خليتني فتَّ.. والسمر فتش بديلو فاقد اللى إيدو يمسك.. يوري لى ضلو ومقيلو وفاقد اللى دموعو يمسح.. يرتى ليهو وكت يسيلو ينظر القمر المنور.. راح شعاعو مغطي نيلو ينتشي ويعزف ربابتو.. لحنِ ما موجود مثيلو يا سلام لو كان رجعلك.. يا بلدنا الهم يزيلو يسمع القمري المغرد.. ينسى حزنو مع هديلو
Post: #17 Title: Re: عودة الامير الكوشي بعد غياب منو خوف# Author: Bashasha Date: 04-15-2026, 03:34 AM Parent: #16
Post: #18 Title: Re: عودة الامير الكوشي بعد غياب منو خوف# Author: Bashasha Date: 04-15-2026, 03:39 AM Parent: #17
كان العشم يكون عندنا وكت نفتح بوست يتناول هذا البعد في ارثنا الحضاري، الكوشي!
الغنا بصفة عامة حقيقة كنز، نعم منجم دهب لي ارثنا الحضاري، كذاكرة جينية او بي صورة غريزية، من دون قصد، والروعة هنا!!
فتناكم بي عافية، الزمن انتهي، ولو حيينا سنعود للمنبر.
Post: #19 Title: Re: عودة الامير الكوشي بعد غياب منو خوف# Author: Hafiz Bashir Date: 04-15-2026, 11:20 AM Parent: #18
Quote: الحشرات كنتا بحب الكدندارا، وهناك اسطورة شعبية عن علاقة حب بين الكدندارة والقمرة!
امير كوشي بتاع شنو يا زهير؟ شوفت ليك امير كوشي ما بيعرف الفرق بين الكدندارة وابو الدرداق؟
الزول دا كلفورنيا ساي.
Post: #20 Title: Re: عودة الامير الكوشي بعد غياب منو خوف# Author: محمد محمد قاضي Date: 04-15-2026, 04:58 PM Parent: #1
Quote: نعم كانت هناك شجرة في شاطئ النيل جمب البيت لما اهبش فرع محدد في الشدرة دي، وقسما الفرع ده اغصانو كانت بتتحرك، نعم تنكمش!! ولما الم يدي كان برجع يتفرا!! الي اليوم ما بحثتا الظاهرة دي!!
وإلي يومنا هذا أيها الأمير الكوشي ما زالت هذه الأشجار تنمو وتخضر في جروفنا وسواقينا دون تدخل من أي إنسان وسبحان الله إسم الشجرة بلسانا الكوشي هي (ديوس آنجوس) بمعني الميت الحي أو الذي يومت ويحي . وتجد بجوارها أشجار الجري بفتح الجيم والراء - وهي شجرة التين البري والإسم الكوشي يتوافق مع الأسم الإنجليزي cherry وبنفس المعني. لغتنا ولسانننا الكوشي النوبي السوداني فيها أسرار وألغاز وعجائب لم تكتشف بعد.
Quote: الفرق بين الكدندارة وابو الدرداق
نعم يا حافظ يا مولانا كلامك صحيح ، كوكندارة هي الخنفسانة أما أبو الدرداق وبلسلنا الكوشي هي آبدورانج والتي أضحت أبو الجعران هههههههه والأمير بشاشا طول من البلد وإن شاء الله يعود ونتلاقنا في أرض الأجداد لنعيد ونرجع ذكريات الطفولة والحياة الصافية النقية .
Quote: من العجائب، معظم اغانينا تخاطب الطيور اولا ثم بقية الحيوانات وايضا الارض نعم التربة
وليس هناك أفضل من يجسد هذه العجائب من الشاعر الكوشي السوداني إسماعيل حسن عليه الرحمة وكذلك الفنان الهرم محمد وردي خاصة في أغانيه باللغة النوبية. نهديك يا بشاشا أغنية دار ود قمر - فيها الطيور والحيوانات وحتي التراب .... ياالله
Post: #21 Title: Re: عودة الامير الكوشي بعد غياب منو خوف# Author: محمد محمد قاضي Date: 04-15-2026, 05:00 PM Parent: #1