يوميات الرجل البرتقالي

01:08 PM March, 02 2026

سودانيز اون لاين
أبوبكر عباس-الإمارات
مكتبتى
رابط مختصر

متابعة يوميات كوميديا الرجل البرتقالي

واحدين يقولوا ليك مشينا الذكاء الاصطناعي وعمل لينا تحليل وبطيخ للحرب الإيرانية وشنو كدا!!!
ما في أي تحليل ولا بطيخ
زول مجنون مصاحب ليهو واحد مهووس بفتشوا ليهم في هيكل وهمي ومنتظرين نزول المسيح،
لا في هيكل ولا موسى ولا المسيح ذاتو كان موجود ولا إمام غائب ولا مُحمد ذاتو كان موجود

المهم الرجل البرتقالي في محنة
والمهووس داك ولا يهمه شيء لو حرقت كلها

الحرب دي بامتياز هي حرب الهوس الديني اليهودي المسيحي الاسلامي،

القصّة دي بدت بزول كان بونس في الناس بقصّة خيالية عن نبي اسم موسى وسليمان وهيكل ومنو داك الوقفت ليهو الشمس من الغروب،
وتوالت القصص مريم ومحراب وتحمل من غير زوج ويوشا ونجار وكرسي ورومان ومجدلية وصلب وقيامة وعبد الملك بن مروان وعبد الله بن الزبير وكعبة ومسجد أقصى ومحمّد وحسين وكربلاء وعباسيين،

ورب المجرات، يا أخوانا، القصص دي عملناها نحن الوناسبن من خيالنا،
ورب المجرات دي قصص عملناها ساي للونسة
عليكم منو داك، ما تصدقوها
كلو كوم وقصّة جوعكم وعطشكم دا كوم
دي خيانة لأمانة الجسد

الكيزان في السودان أحسن من اليهود والمسيحيين الصهاينة الأمريكان،
الترابي من زمان قال ليهم صلوا بدون وضوء وسوقوا الناس الجامع وامرقوا من الباب التاني أمشوا السوق خلوهم في الجامع،

لكن اليهود والمسيحيين الصهاينة صادقين وجد جد مصدقين قصّة الميعاد والهيكل وديك مصدقين قصّة المسيح دا

حيّ الله الكيزان الناقشين

والشيعة ديك كمان أخير منهم اليهود والمسيحيين،

لمان يقولوا ليك؛ قُم ضربت وموسى الكاظم جاي

تفتش ليك مكان تاني تمشي ليهو
وبعدين ببكوا سريع خلاص!!

حيّ الله السنة ناقشين الموضوع

قمّة قمّة كوميديا الدين؛
تلاقح الجنجويد الكيزان والأخوان الجمهوريين،
حميدتي قال الجمهوريين ديل أحسن ناس ونحنا علمانيين،
واتنين بس يا نصر يا شهادة
وطاخ يديك طلقة في نص رأسك

حيّ الله أسماء محمود محمد طه

ابوبكر عباس
سلامات وكيف الاحوال ومشتاقين..

ورحم الله المستنير الاخير "وهبه" !!
قفزت لبالي العبارة وأنا اقرأ هذا التناول الفطير لظاهرة الرجل البرتقالي من خلال مشهدية هذه الحرب كما تترائى للعموم من خلال الشاشات وسطوة الاعلام على "العقل التلفزيوني" ..

الحضور اللاهوتي, ليس فقط في مشهدية هذه الحرب, وانما هو عبر التاريخ, كان ولا زال, قشرة ديكورية لما تحتها من طبقات كثيفة من الدوافع والنزعات والقوى المادية التي تعمل على الهيمنة والسيطرة على التاريخ البشري .. ومن ذلك جاءت مقولة "الدين أفيون الشعوب", بمعنى مجرد وسيلة ناجعة لتغييب الوعي العام من اخلال ابراز التفسيرات الدينية للظواهر السياسية والاجتماعية والاقتصادية .. وهذه بالضبط لعبة الاديان المفضلة, اي تقديم التفسير الديني للعامة وبحيث يتم تجاهل الاسباب المادية الجذرية للظواهر وتناقضاتها. بمجرد تقديم هذا التفسير المريح للعقل بصورة ساخنة ومتبلة جيدا بالبهار, يقع العقل في سطوتها سواء تعاطاها بالسلب والايجاب, وفي غالب احوال البشر يتلقونها بالايجاب وبهم تكتمل الخديعة وتتحقق تماما وبحيث لا يمثل الذين يؤمنون بهذا التفسير اللاهوتي من واقع رفضهم (بمعنى قناعتهم بان التفسير الديني للظواهر صحيح في ذاته, مع موقف كلي رافض للدين) .. لا يمثل هؤلاء الا وقودا للصراع الثانوي الضروري بين الدين واللادين او الالحاد الخ. صراع ثانوي ضرورة لابقاء جذوة الدين حية وحمية في نفوس المؤمنين .. يعلمنا التاريخ انك اذا اردت لفكرة أن تنتصر فقدم للمؤمنين بها صراعا على طبق من البورسلين المقدس.

هذه الحرب, وهذا الرجل البرتقالي, ليسا مجرد مشهد تلفزيوني كما يتم ابرازهما للناس.. ما يحدث في هذا العالم اكثر خطورة من مجرد تفسير ديني بسيط وانما تحولات عميقة وجذرية في مجرى التأريخ. يدور الزمان دورته الآن, انتهاء حقبة النيوكولونيالية واستشراف حقبة جديدة بمعادلات و وسائل هيمنة وسيطرة جديدة بعد استنزاف النمط الحالي السائد ما بعد الحرب العالمية الثانية. اعادة ضبط جديد لهذه الكرة الارضية, بصيغ جديدة للهيمنة والتحكم في مصير البشرية. والمجد هنا للترامبية و للشريحة الالكترونية والذكاء الاصطناعي والعملة المشفرة وليس للبترودولار ونظام السويفت البالي.

هلا سيد المشرف،
عندنا نحن السنة عبر التاريخ وإلى اليوم يتم استغلال الدين من أجل تحقيق مكاسب دنيوية،

الكلام دا واضح في تجربة الإنقاذ.

الموضوع لدى اليهود والمسيحيين الصهاينة (الذين يترقبون عودة المسيح)الموضوع مختلف؛
فهم يستغلون إمكانياتهم المادية المهولة لتحقيق نبوءات الدين
طبعاً القصّة دي لرجل مثلك يعيش في الشرق ومنبهر بالحضارة الغربية لا يمكن أن يصدقها، طبعاً أنا بعذرك فقد مررت بهذه المرحلة وكنت أعتقد أن الموضوع لا يمكن أن يكون بهذه "الفطارة"

الكلام دا واضح في تجربة غزو العراق، الناس ديل خسروا مبالغ مهولة لا يعوضها كامل المخزون النفطي العراقي والسعودي،
فعلوا ذلك من أجل حلم اليهود الديني والمسيحيين الصهاينة،

كنت داير أدخل في موضوع صدق الشيعة الديني لكن فترت وخايفك تكون متعنت في الخروج من قشرة العمق الوهمية وأكون تعبت ساكت

هههه اخونا ود المشرّف حايم بي هنا
بركاتك يا شيخي ود حسونة
قال ليك يا مستنيرنا مرة مرقت من زيارة ود حسونة و ماشا تزور ود بدر
في السكّة مسكوها رباطة
رفعت ايديها و ندهت ,, يا الجاية منك و يا الماشية عليك تلحقوني و تنجدوني ..
وحدث ما حدث
هسي انت ماسك في الهيكل ليه و ناس العصاية
خايف منها تلقفك

طبعاً يا جلالدونا، أنا عندي رأي ممتاز في ود المشرف بخصوص تحاليلو السياسية في الداخل السوداني وهو بالنسبة لي بعد الصادق المهدي مباشرة،
لكن السياسة العالمية دي أحسن ليهو يخطأ جات جي بي تي ويستغل وجودي ومولانا حافظ بالمنبر للفائدة

طبعاً يا جلالدونا، أنا عندي رأي ممتاز في ود المشرف بخصوص تحاليلو السياسية في الداخل السوداني وهو بالنسبة لي بعد الصادق المهدي مباشرة،
لكن السياسة العالمية دي أحسن ليهو يخطأ جات جي بي تي ويستغل وجودي ومولانا حافظ بالمنبر للفائدة

يختأ

الرجل البرتقالي اليوم يحنن!
وبقى مسكييييين
عيونو منططان
حتى العنصرية ديك الناطقة باسم البيت الأبيض بقت مهذّبة وتحترم الناس في الردود

الحمد الله الذى ينصر الدين بفاجر،

التجربة الإيرانية فى ولاية الفقيه تجربة أشبه بالتجربة المسيحية الأرثوذكية فى ولاية البابا، حولت الدين إلي طقوس، ومن ثم تم تحنيط الدين فى المسألة الطقسية والأيمان اللاهوتى.

فى المقابل تجربة الأخوان فى الأسلام السياسى الحركى تجربة ثرة كادت أن تؤدى إلي بعث دينى، لكن فشل الأخوان فى ثلاثة محاور: مسألة أدخلوا الناس المسجد وأخرجوا من الباب الأخر وأتركوهم داخل المسجد هزمت التجربة من داخل الفئات التى خُدعت بالتجربة (كم منا فى السودان أكلوا هذا المقلب!)،

المسألة الثانية فشل التجربة فى عقيدة الجهاد: أصبح الجهاد ذو وجوه عدة، جهاد النفس (بالعلم والعمل)، وجهاد الشيطان (بدفع الشبهات والشهوات)، والجهاد باليد (القتال)، والذي ينقسم بدوره إلى نوعين رئيسيين: جهاد الدفع (فرض عين عند هجوم العدو) وجهاد الطلب (فرض كفاية لنشر الإسلام). الكيزان لليوم ماسكين فى جهاد الطلب، وخيبر خيبر يا يهود جيش محمد سوف يعود، كذب! سوف نعود بجيش محمد ص بصور أخرى أكثر ذكاءً وتماشياً مع نمط الأنسانية اليوم فى مسعاها للخلاص الألهى،

والفشل الثالث فى تجديد الدعوة، عندهم الدعوة تنحصر فى عقيدة الولاء والبراء، لكن أبرز أنواع الدعوة الأن هى: الدعوة الفردية المباشرة (تعهد الفرد بالفهم والتربية)، والدعوة الجماعية (المحاضرات والدروس)، بالإضافة إلى أساليب القرآن الكريم كالحكمة، الموعظة الحسنة، المجادلة بالتي هي أحسن، والقدوة الحسنة والترغيب والترهيب.

عقيدة الولاء والبراء معناها محبة المؤمنين وموالاتهم وبغض الكافرين ومعاداتهم والبراءة منهم ومن دينهم هذا هو الولاء والبراء. عقيدة الولاء والبراء بهذه الصورة تؤدى إلي تنفير غير المسلمين من الدين .. مسألة أمريكا وروسيا دنا عذابهما، الموت لأسرائيل وغيرها، ليس فيها أى نوع من الدعوة إلي الله، مما يجعل الأخوان محصورين فى جهاد الطلب (هو ملاحقة الأنسان اللادينى وقتاله أينما كان لإدخاله الأسلام بحد السيف وفرض الجزية عليه وهو صاغر. ومن أرتد عن الدين يقتل، ومن يقبل ديننا بهذه الطريقة وفى هذا العصر!).

أتمنى لم أطيل على المستنيرين بكور (حليف المصارى) وول أبا ود المشرف وجلطونا.

بريمة

وقع خطأ سهواً

Quote: بالتجربة المسيحية الأرثوذكسية فى ولاية البابا

وليس الأرثوذكية ما ورد خطءاً.

بريمة

الرجل البرتقالي البلاستيكي جاب للبيت الأبيض مجموعة كبيرة من الزعماء الدينيين والروحانيين الأمريكان المسيحيين واليهود،
وعمل ليهم لقيمات وشاي وقال ليهم أدعوا لينا طلباً للنصر في حربنا المقدسة.

البرتقالي البلاستيكي هاري وخائف كيف يطلع من المحنة دي،
قام قال ليهم لا بد أن أشارك في تعيين المرشد الإيراني الجديد كما فعلت فنزويلا،
الإيرانيين قالوا ليهو؛ يا حمار انت عمدة نيويورك ما عندك سلطة في تعيينه، داير تعيّن المرشد بجلالة قدره،
إنطم يا غبي

https://www.facebook.com/share/v/1HYhgHCQjE/؟mibextid=wwXIfr

الحمد لله أنا ما مت
وحضرت مشهد مباركة رجال الدين المسيحيين ودعواتهم للرجل البرتقالي داخل البيت الأبيض.

دا أكتر منظر وموقف مدهش شفته في حياتي

خلي تاني واحد علماني زي ود المشرف دا يجي يقول لي؛
جدك جعفر الطيار ما طار

دا البحصل فى السودان وإيران، ناس ما عندهم علاقة بالدين مثل الرجل البرتقالى الذى يعتبر نفسه الحاكم بأمر الله.

أنا ذاتى عشت وشفت!

بريمة

شوفوا الزول بيتكلم في شنو والمستنير الدجال بقول شنو (المستنير الدجال لافقه مع المسيح الدجال وليس اساءة للعزيز ابوبكر)

يا ابوبكر
فكرة الدين في عضمها جوه .. بل وفي مزيجها الحسائي الاولي داك ذاتو .. فكرة ديكورية للنوازع المادية في الهيمنة حتى العالم
تقول لي انبهار بالحضارة الغربية ؟

فكرة الدين يا مشرف يا ولدي، فكرة ديكورية عندنا نحن السنة،
يعني ديكورية عند الكيزان
ديكورية في السعودية،
لكن في أمريكا، لندن، اسرائيل وايران ما ديكورية،
الدول دي دول دينية متشددة يؤمنون بعودة مسيح أو إمام غائب، أو وعد.

المثقفين والمفكرين الغربيين ديل لمان تسمع ليهم في أي موضوع بفكروا بطريقة متماسكة علمية،
أول ما يجي الكلام عن اسرائيل وفلسطين بتحولوا لناس تانيين بتكلموا بغباء شديد، بطريقة مختلفة عن المنطق العلمي،
أنت في البداية تظن أنهم يخافون على أوضاعهم أو أرواحهم،
لكن أبداً ما خايفين لأنو ما ممكن كل الناس دي تخاف،
الموضوع إيمان ديني عميق بعودة المسيح وارتباط ذلك بسيادة اسرائيل

معاً لمحاربة الهوس الديني في اسرائيل، أمريكا، لندن وطهران

معركة هرمجدون

ورطة الفتى البرتقالي البلاستيكي المدلل؛
ما عندو أي حل للحرب دي،
لا بقدر ينسحب ولا بقدر يفوض ولا بقدر يواصل الحرب،
ورطة بت أبوها

والله، كمحلل استراتيجي عميق ما لقيت أي حل ممكن يمرق العالم من الورطة الدخل فيها العالم هذا البرتقالي البلاستيكي الغبي دا.

حاجة أنا ما ألقى ليها مخرج؛
والله موش لو مشيتو للذكاء الاصطناعي
لو مشيتوا أبحراز وضبحتوا للشيخ العليش
برضو ما في حل.

المهم أحسن حاجة عملتها الحرب دي إنو الهوس الديني اليهودي والمسيحي ذهب إلى غير رجعة

زمان بروفايلي كان
لاديمقراطية دون علمانية
كلو طلع تبش بالشطة