ليلة في بيت سفير السودان في القاهرة هي من عجايب بزمن الحرب وسفرقادة حكومة الامل بالجملة للقاهرة

04:14 PM February, 28 2026 سودانيز اون لاين
زهير ابو الزهراء-السودان
مكتبتى
رابط مختصر

(adsbygoogle = window.adsbygoogle || []).push({}); .




الليلة التي شهدها حوش بيت السفير في المعادي بالقاهرة لم تكن مجرد قعدة شاي ولا لمة سحور بلمسة شتوية، بل كانت عرضاً مسرحياً سوبر لوكس" الجماعة قرروا بيعنا بضاعة الشرعية لحكومة من داخل الرعاية المصرية
و العودة الطوعية والتنسيق المشترك
وهم في الحقيقة بحاولون إقناعنا بأن الدولة في السودان تمام وخاصة بورسودان والحكومة متماسكة لدرجة أنها لا تحتاج حتى للتواجد داخل حدود السودان!
السؤال المليون ليه القاهرة؟ والاقاليم التانية مالا؟
ببساطة، لأن العاصمة انتقلت من الخرطوم إلى ضاحية في القاهرة الكبري زي الزمالك أو المهندسين الغريبة ما شوا الشيخ زايد ولا مدنية الرحاب الجديدة
و عندما يجتمع رئيس الوزراء والوزراء السياديون في الحوش البرا البلد، فهذا ليس بروتوكولاً دا بث مباشر من واقع يقول إن مركز القرار أصبح يحتاج إلى تأشيرة دخول
و الخرطوم في قلب النار، وبورتسودان مجرد استراحة محارب ، أما القاهرة فهي الرئة الاصطناعية التي تتنفس بها حكومة الامل اللي بتعيش على أجهزة الإنعاش الدبلوماسي
من حضر ومن قام عمل زوغبير واللي سامع ما عايز يظهر للاعلام انو معهم وعامل فيها ثوري
القعدة كانت عبارة عن صورة سيلفي كبيرة يجمع رجال الأعمال، والوجاهات الكضابة ، والإعلاميين الذين يجيدون التصفيق بـ الشوكة والسكينة و أما أصحاب المصلحة الحقيقيين، فكانوا غائبين كالعادة
لجان المقاومة؟ (الشبكة كانت كعبة ما وصلهم اللوكيشن حق الللمة دي )
النازحين؟ (مشغولين بالبحث عن شوية بليله أو خيمة، ما فاضيين للبوفيه المفتوح)
أسر الضحايا؟ (صوت وجعهم بِيخرب مود السهرة)
باختصار نخبة مغتربة، تتحدث مع نخبة مرفهة، وعن شعب غايب حتي في أونلاين نايم
حصانة بيت السفير ممنوع الاقتراب أو المحاسبة صا حبي الصحفي اللي كان في القعدة دي ونقل لي الحاصل فيها كان واقف برا البيت قام واحد من الامن المصري سالوا انت مالك واقف هنا عايز تتعشي ياله ادخل ودخل واكتشف
اختيار منزل السفير لم يكن صدفة؛ المكان محصن من الأسئلة المحرجة
لا صحافة حرة تعكر المزاج، ولا مواطن يسأل إنتو قاعدين بتعملوا شنو هنا؟
كانت جلسة تطمين متبادل الحكومة فاسدة تطمئن النخبة وسخانة أنها ما زالت حكومة شغالة ، والنخبة تطمئن الحكومة بأن الصور اللي طالعة سمحة اللعالم والاصدقاء
والموت لبني قحط
الفساد.. طاردوا بتاع السجلات ونسوا ديناصورات العقود
تحدثوا بفروسية عن فساد الموظفين الصغار والسجلات وبرافو! لكن ماذا عن الحيتان ؟ ماذا عن الشركات التي تسبح خارج ولاية المالية؟
وماذا عن الاقتصاد الموازي الذي يدار من غرف الفنادق؟
الحديث عن فساد موظف صغير في ظل سلطة غير خاضعة للمساءلة، يشبه محاولة تنظيف المحيط بمنديل ورق
والونسة اردول يستحق معاش ولا وكمان جنود كيكل الماهية حقة رمضان تكون كم
والتكامل مع مصر..شراكة ولا إيجار منتهي بالتمليك؟
كلام معسول عن تكامل زراعي ومستقبل وردي و لكن، كيف يتفق طرف لا يملك برلماناً، ولا تفويضاً شعبياً، ولا حتى عنواناً ثابتاً داخل بلده، مع دولة مؤسسات مستقرة؟
في علم المنطق، هذا ليس تكاملاً، بل هو وضع اليد على ميزان تفاوض مختل عندما توقع وأنت نازح سياسي فأنت لا توقع عقداً، بل تطلب لجوءاً اقتصادياً
الكذبة الأكبر كلو تمام يا سعادتك والغريبة انو الكبير مصدق الحاصل دا
أخطر ما في أوبريت القاهرة هو الرسالة المبطنة أن الحياة بمبي، وإعادة الإعمار مجرد مسألة وقت، والتحالفات الخارجية هي الحل السحري
بينما الحقيقة المرة هي الملايين من السودانيين حسي يمارسون رياضة النزوح القسري من فرية لمدنية ومن مدنية لخلا الله العريض
الجنيه السوداني انتحر من عمايل الناس ديل ولم يجد من يصلي عليه لو حتي من برفع راية الاصلاح
المؤسسات أصبحت ذكريات حقيقة اليوم في الوضع دا لو انت صديق لأحد كبار القادة العسكريين في معركة القيامة دي تعمل كل شيء وتصل لكل شيء بالحق ولا باطل
وأ نتو الان شايفيين محاولة تطبيع هذا الوضع الشاذ هو قمة التضليل السياسي والنقاق كمان
ليلة القاهرة ولا سحور ولا هي القاعدة في بيت السفير كانت محاولة عشان يسوقوا لينا أو لبيعنا عديل صوروا لدولة واقفة على رجليها، بينما الحقيقة أنها واقفة على أعصابها في حديقة الدنيا
السودان لا يحتاج إلى نخب توزع الابتسامات في القاهرة السودان يحتاج إلى وقف المحرقة االي بقت ليكم سوف سبب رزق يا سماسرة الموت
نحن محتاجين حقيقة لسلطة مدنية لا تخاف من الشارع و قرارنا ينبع من الخرطوم، لا من لوبي الفنادق وسفارة بلدنا في بلاد تانية

أي مشروع يُطبخ في الخارج، سيبقى نييء وما بيشبع جوع الشعب السوداني للحرية والانتقال الديمقراطي والكرامة
السودان لا يحتاج ليلة أنس في القاهرة... السودان محتاج صباح خير حقيقي من قلب الخرطوم.