الخليل

03:06 AM January, 31 2026

سودانيز اون لاين
أبوبكر عباس-الإمارات
مكتبتى
رابط مختصر

محاولة يائسة لإتمام بوست قديم…

الخليل:لداير أحكي ليكم قصّة تلاتة أخوان مولودين على ضفة خور رهيد البردي؛
أخ ذكي يدعى عبد الله،أخ تقي يدعى أحمد وأخ غير شقيق شين يدعى يعقوب ومعهم أمهم.
كانوا يرعون أبقارهم ولهم مع هذه الأبقار حصانين وحمار، نادراً ما كانوا يتحدثون مع بعض، وفي نفس الوقت كانوا يتفاهمون فيما بينهم بشكل دقيق، حتى أنني ظنت أن اللغة مفسدة وترف.
أحمد تزوج وأنجب محمود والخليل، قبل يموت بلحظات قال ليعقوب وكنت أظنه يوصيه على زوجته وعياله، لكنه لم يفعل إنما قال له:
ما كنت قايل في الجنّة ليس لنا أجساد!
وواصل:
طلبوا مني أن أنام في عُش ذلك الطائر الطنان، فنظرت للأسفل لأرى كيف لجسمي الثقيل أن ينام في ذلك العش الصغير، فوجدت أن لا جسد لي وأنني أخفّ من أنثى الطائر الطنان،
قام يعقوب بسرعة بقفل عيون أخيه وتمتم له بالشهادة، وكان في هذه اللحظة أن أجتمع حوله عبد الله وأمه ومحمود والخليل.
هذه القصّة تبدو للقارئ العابر بأنها تحكي قصّة بطل المهدية عبد الله التعايشي، لكنها ليست كذلك وإن تشابهت الأسماء وبعض الأحداث؛ فداخل كلٍ منا حيوات كثيرة منها من قصصنا عليك ومنها من لم نقصص.

في الخريف بتحركوا شمالاً تماماً زي ما بقول كتاب الجغرافية بتاع المتوسطة؛
رسم يوضح رحلة البقارة في الخريف.
عبد الله مع ذكاءه كان قوياً كجاسوس الخلا، لم تشهد ولن تشهد ديار البقارة رجلاً في صلابته وقوته،
كان يتحرك راجلاً ويقود الحمار ويضع سامانه عليه ويتقدم القطيع والخيل،
مدردم يشبه قدرة الفول، ذو وجه دايري جميل، يستطيع سحق عضام يد من يصافحه إذا أراد!
في واحدة من استراحات الرحيل، الخليل ود أحمد وكان أكثر ذكاءً من الجاموس، كان بتطعمج على عمه مع أخيه محمود،
قال ليهو:
أقوى رجل الحصان دا ولّ كراع عمك التور دا؟
محمود لم يبتسم ولم يرد، لكنه في مناسبة ثانية قال للخليل:
عمك الجاموس دا بتحرك بالشم، إنه خليط من جواميس الخلا والذئاب والبشر،
الخليل قعقع لحدي ما طرش روب ملخبط مع بطيخ

في الرحيل أمهم قاعدة تركب تور وهي امرأة صامدة وكغير عادة النساء صامتة، قد يمر شهر دون ان تتحدث مع أحد، ما بقدر أوصف شكلهاا لأنو معاي صحبات كتار في الفيسبوك ناشطات في مجال حقوق المرأة، لو قلت أي شيء في المرأة بنطن لي في رقبتي، لكن لو كان على سودانيزاولاين كنت قلت أي حاجة،
المهم أنا كخالق للشخصيات أراها جميلة بطريقة مختلفة، كانت متزوجة من رجل دين تونسي في غاية الوسامة، توفى عنها وترك عبد الله وأحمد صغار، أبوها ساقها مع الطفلين وظلوا كل هذه السنين وراء الأبقار.
المرأة الثانية أم الخليل ومحمود سوف أسقطها من الحكي بدون أسباب واضحة وحتى ما داير ذاتو أتعب وأدبها اسم

مرّة بعد محمود والخليل جوا راجعين للتايه والحصان ملان أرانب،
وأثناء ما الأولاد الثلاثة الشغالين معاهم يعدون في الطعام،
محمود بعد سلم من صلاة المغرب، ألتفت للخليل وقال ليهو؛
كيف أنت وجاموس الخلا دا حافظين القرآن وما قاعدين تصلوا؟
وأنا وعمك يعقوب أبداقوسة دا الحمدو ما حافظنها كويس وترانا الصلاة دي بنعافرها؟
الخليل قال ليهو؛ لو درت شوري الصلاة أتركها وخليك في فروسيتك وصيدك ديل، راجيك دواس كتير،
والجاموس دا الله بكفينا شرو.

أمّا إنك راجل كتّاب..
"أكتـَبْ" مما تتصوّر
......
أسمع كلامي

مصداقاً لكلامك دا يا حبيبنا البيلي،
قبل شهر لاقاني مثقف كبير زيك كدا اسمو عباس الأمين بدبي،
قال لي؛ عليك الله، يا مستنير، ترجع تكتب في سودانيزاونلاين، يا أخي، المنبر ما فيهو أي حاجة تستحق القراءة، عليك الله، أرجع

الحمد لله السمعت كلامو
بالجد راحة فى زمن التعب
واصل لو ممكن
متابعين

مرّة عبد الله مِرض مرض شديد، جاء يعقوب وقف في راسو وقال لمحمود جيب لي دم غزال،
طلع محمود والخليل راكبين حصان واحد،
محمود قال للخليل:
يمكن جاموس الخلا دا ماشي يحصل أبوي؟
الخليل قال ليهو: لا ما بموت هسّ، لسّ عندو جولات وصولات كبيرة.
جولات وصولات دي أكلت مع محمود جنبّة فهو قليل الثقافة خارج الفروسية والصيد.
محمود قال للخليل: تلب من ضهري، شايف الغزال داك؟
بجيبو ليكم حي.
الخليل نزل من ضهر الحصان ومحمود انطلق وراء الغزال بسرعة خيالية جنونية لحدي ما حادى الغزال ودنقر وهو جاري بالفرس وألتقط الغزال.
الخليل ختّ يدينو في راسو وبدأ يضرب برجلينو الاتنين الواطة ويقول:
الله يكفينا شركم انتوا التلاتة ديل
الله يكفينا شركم
خيركم ما بنلقاهو

Quote: أحمد تزوج وأنجب محمود والخليل، قبل يموت بلحظات قال ليعقوب وكنت أظنه يوصيه على زوجته وعياله، لكنه لم يفعل إنما قال له: ما كنت قايل في الجنّة ليس لنا أجساد!

ذكرتنى عمنا "أبد الهميد " لمن أبوهو كان على فراش الموت و الناس بتنظرون من حوله وفجأة قال للناس " نادو لى أبد الهميد" فجاء عمنا عبد الحميد مسرعا وقال ليهو " أيوا يا أبوي " فرد عليه فى جمع من الناس " يا أبد الهميد أنا داير بطيخ"
فرفع عمنا أبد الهميد رأسه مبتسما ثم أعاد النظر وقال له " Ogol jo kal"
:)

Ⲟ̄ⲅⲟⲗⲅⲓⲣ ⳝⲟⲩ ⲕⲁⲗ
ترجمة
أُكل البطيخ لي قدام في الآخرة

يعلم الله ..كتاباتك ..تريح ..
ياخ ماطول ززلك متابعين
في سيرتك مع الوسيلة دايما ..تحياتي لك