افضل كلام قيل عن ترحيل النازحين السودانيين من مصر

09:03 PM January, 31 2026

سودانيز اون لاين
حيدر حسن ميرغني-Colombo -Srilanka
مكتبتى
رابط مختصر

الشيخ/ اسامة ختم

نفس الفيديو

اخى الغالى حيدر حسن ميرغنى
تحياتى لشخصك الكريم
اخى والله لو رايت ما ال اليه الحال المائل للكثير من افراد الجاليه المحسوبه علينا انهم سودانين وهم يتسعكون فى الملاهى وفى المراقص وفى الحانات وفى شرب النبيذ والخمور لطمت بطنك واصبت باغثيان وتمنيت ان لاتكون سودانى بعد ان كنا فى تعداد الشعوب المحترمه اين ماحل السودانى اصبحنا فى القاغ نرى بعضنا البعض ونتهرب من بعض ولا نلقى حتى السلام وصل بنا الحال ان سلمت على شرزام الشباب فانت صيده ثمينه تنهب وتسرق وتضرب والمشاكل بيننا لاحصر لها حتى اطفالنا يتعرضون للسرقه والنهب من قبل عصابات منظمه متخصصه فى نهب وسرقه اموال الاطفال والموبيلات والله واسال ان يتم تنظيف كل العفن وتنضيب كل مناطق الجريمه المنظمه نحن من المفترض ان نكون ضيوف محترمين وخاصه اننا فى حاله حرب لعينه وكثير من ومن الاباء ضحوا بكل غالى واخرجوا البنات والنساء حتى لايكونوا عرضه للاغتصاب ولكن حدث ولاحرج عن الكثير من السلوكيات التى فى غايه الاحراج ان ترى تسمع عن فتيات فى محلات الشيشه والمراقص وفى المقاهى المشبوه والحال يغنى عن السوال اين الضماير اين الشرف اين الحياء اين العفه اين الامهات والاخوان والاباء طبعا انا لا اعمم رغم ذلك هنا بقيه اسر فى غايه الاحترام والرقى والتعامل الحسن والالتزام بقوانين مصر التى لم تبخل علينا وفتحت القلوب قبل الحدود وتعاملنا معامله المواطن المصرى بدون اى فرق ولكن بلغ السيل الزبى ونحن كثيرين مثل غثاء السيل بلا فائده وبلا مساعده بعضنا البعض واستغل الكثير من افراد الجاليه بعضهم البعض فى شتى الاشياء ابتدا من ايجار الشقق حتى المطاعم اتخيل معاى صحن بوش بى 300 جنيه مصرى واتخيل طرقه حلومر بى 100 جنيه واتخيل بلح ناشف الكليو بى 150 جنيه واتخيل معاى كليو لحمه ضان بى 600 جنيه اتخيل معاى كليو طحنيه بى 180 جنيه واتخيل معاى شندونش طعميه بى 40 جنيه وطلب كسره بملاح مفروك بدون لحم بى 90 جنيه وتعال شوف البسبوسه والكنافه والباسطه الكليو السودانى بزيت قد يصل الى 300 جنيه وحلوانى العبد ولاغبور بى نصف السعر اخى حيدر بلغ السيل وطفح ونحن نريد اعاده تاهيل وتهذيب للكثير من افراد المجتمع السودانى واتمنى قبل اعاده بناء البيوت والمدراس والطرق اتمنى اعاده بناء الانسان وخاصه الشباب السودانى واعاده التربيه الوطنيه واعاده الجمعيات الادبيه فى المدراس واعاده الرياضه العسكريه لان الجيل الان لايسر العين لا القلب وجيل منحل بايظ خالى من كل شى من التربيه والتعليم والادب والاخلاق الا من رحم الله ربى

سلام الاستاذ مصطفى نوري.
ياخي انا شايف الكلام بتاعك دا تبرير وموافقة للمعاملة السيئة التي يوا جهها السوداني بمصر.
التسكع في الحانات وشراب الخمر والرقص بالرقبة او الجعبات مسموح به في مصر ولم يخالف اي سوداني القانون. يعني لم يرتكب السودان جريمة بشربه للخمر في المكان المسموح به.
اذا (سلمت) على سوداني وتعرضت للنهب والسرقة فما عليك الا اخطار الشرطة مثل أي مواطن مصري او سوداني.
نفس الكلام ممكن ان يقال بالنسبة للبنات في المحلات المشبوهة ومحلات الشيشة. لا يوجد اي جريمة اذا بتدخن شيشة في مصر او في السودان. بناتنا اتعلمآ الشيشة و السجاير في السودان
مكان ( التوجه الحضاري الاسلامي الذي اوصلنا له علي عثمان)
استغلال الانسان في ايجار الشقق وعدم مساعدة بعضهم البعض شيء طبيعي وهي وظيفة السمسار وموجودة في معظم انحاء العالم. يعني هل تريد السوداني الذي يساعدك في ايجار الشقة ان يخدمك دون مقابل بس عشان انت سوداني😲.
شنو المشكلة في انك عايز تاكل صحن فتة فول ب ٣٠٠ جنيه او ٣٠٠ دولار..، اذا شايفه غالي وما باستطاعتك ممكن تمشي لمطعم (جاد) الراقي وتعزم معاك ٥ اشخاص وتاكل فول وطعمية ب ٣٠٠ جنيه.
ونفس الكلام يقال عن الباسطة ام زيت والكنافة والطعمية والطحنية.. الخ. هنا دورك كسوداني تفهم السودانيين ان الطحنية والكنافة في المحلات الراقية احسن وارخص من محلات السودانية.
عدم الفهم والاخلاق الوضيعة والكذب والسرقة والنهب الذي تراه هو نتاج ٣٥ سنة من الحكم الكيزان بالسودان.
لكن معظم السودانيين بمصر اخلاقهم جيدة ويحترمون القانون وساترين حالهم رغم الصعوبات ااتي تواجههم.
الحل ليس في اعادة الرياضة العسكرية انما في اعادة انشاء زول سوداني جديد بعد ازالة الحكم الكيزاني.