هاك الكوزة البلبوسية دي

متأكد ما ذكاء صناعي يا حافظ ؟
هههههه

يا دوب ظهر الفيديو أنا حأبلع 😀

اما انكم كيزان ملاقيط الزمن دوار برجعكم تفرشوا قصب وخيار هههه

https://sudaneseonline.com/board/515/msg/1769828655.html

سلام مولانا حافظ والجميع ، ولا ننسى صديق أيضا😀
…اتبسطت جدا من آلاء (البلبوسة🤫) وثباتها على موقفها وعدم تحولها ضد رغبات الشعب السودانى ، لأنه للأسف الجماعات القلبت كثيرة وبحياء شديد يقولوا
… هم الجنجويد ولا حلوين ، صنعوهم الكيزان
…طيب وقت هم صناعة الكيزان ، إنتوا فاكرين حيجيبوا ليكم "الديمغراطية" (حقوق الكلمة الخطأ محفوظة لحميدتى طبعا)

الف مرحب زكريا فاضل

Quote: متأكد ما ذكاء صناعي يا حافظ ؟ هههههه

اخونا طارق عبد الله جاب ليك الاكيدة.
شوف جنس الطلام دا.
اول ما قالت كلام ما عجبهم طلعوها من من عدمي الوعي و الجاهلين.

Quote: يا دوب ظهر الفيديو أنا حأبلع 😀

بلعت شنو؟
هو كلو سطير، بالعو مالك؟

ازيك يا صديق مهدي

Quote: اما انكم كيزان ملاقيط الزمن دوار برجعكم تفرشوا قصب وخيار هههه

أنا ما كوز
لكن لو خيروني بين اكون كوز او اكون صديق مهدي، بختار اكون كوز.
العقل الكعب اخير من العدم.

مرحب طارق عبد الله
شايفك جبت رابط بوست لكلام كم آلاء صلاح
بترفض فيهو تصنيفها كبلبوسية
وبتأكد موقفها الداعم للثورة وموقفها ضد قحت.

بالمناسبة دي داير اسألك،
الزول القال لخالد سلك "إنت وسخان"
صنفتو بلبوسي على ياتو اساس؟
بتعرفو؟ ول بس عشان قال لخالد سلك "إنت وسخان"؟

سلام للعزيزة هدى ميرغني

Quote: اتبسطت جدا من آلاء (البلبوسة🤫) وثباتها على موقفها وعدم تحولها ضد رغبات الشعب السودانى

ابو بكر الصديق قال ليهم: "من كان يعبد محمد فإن محمد قد مات، ومن كان يعبد الله فإن الله حي لا يموت".
من كان يدعم قحت فقد فشلت وسقطت وتبعثرت قحت وانتهى دورها أما من كان يؤمن بفكرة الثورة السودانية وأهدافها الحقيقية، فالثورة باقية ومستمرة.

التحية لآلاء صلاح والتحية لملايين الثوار الذين استطاعوا الفصل بين فكرة الثورة وبين قحت كتنظيم عارض في مسيرة الثورة.

Quote: بلعت شنو؟ هو كلو سطير، بالعو مالك؟

فتحت البوست لقيت تعديلين والكلام عن الذكاء الإصطناعي قلت مولانا مسك ضنب وبلع وزي فرصة ما بتتفوت طلعت أنا الما عندي صبراً يبل الآبري 😅

Quote: والكلام عن الذكاء الإصطناعي

فرد زول جاب سيرة زهير هنا مافي.
كايس ليك مشاكل بس.

Quote: ابو بكر الصديق قال ليهم: "من كان يعبد محمد فإن محمد قد مات، ومن كان يعبد الله فإن الله حي لا يموت".من كان يدعم قحت فقد فشلت وسقطت وتبعثرت قحت وانتهى دورها أما من كان يؤمن بفكرة الثورة السودانية وأهدافها الحقيقية، فالثورة باقية ومستمرة.التحية لآلاء صلاح والتحية لملايين الثوار الذين استطاعوا الفصل بين فكرة الثورة وبين قحت كتنظيم عارض في مسيرة الثورة.

تاني قحت؟ ماشايفها قالت الكيزان راس البلاء 😂 عموما متفهم تعليقك، بالنسبة للكيزان ناس الاء صلاح ديل بصرف النظر عن حسن نيتها امرهم هين بسبب نقص الخبرة في دهاليز السياسة وحدها الكلمتين ديل وبترجع لحياتها العادية مع تقديرنا لمساهمتها في الثورة، لكن قحت وصمود هم الشايلين التقيلة مع الدول والمنظمات لايقاف الحرب وكشف وتوثيق انتهاكات الطرفين مما يشكل خطرا على خطط الكيزان للعودة وبرضو بقاءها بعيدا عن التجاذبات من طرفي الحرب والقبول الدولي لها باعتبارها الكيان السياسي الممثل للثورة السودانية عشان كده مركزين معاهم اكتر من الجنجويد زاتو!

ما جاوبت سؤالي يا طارق

الزول القال لخالد سلك "إنت وسخان"
صنفتو بلبوسي على ياتو اساس؟
بتعرفو؟ ول بس عشان قال لخالد سلك "إنت وسخان"؟

سلام تانى~
على سيرة خالد سلك ، شفت ليه لقاء ما قدرت أنزله مذيعة اسكاى نيوز سألته عن جبريل إبراهيم ، كان حديثه واضحا صريحا
…لما سألته عن "دقلو" تلعثم ثم تلعثم وتلعثم ثم تلعثم بطريقة بائسة
…وقال مرددا المعلوم منهم ، فى ما معناه "الدعم السريع" ولا حلوين لكن جابوهم الكيزان🤑
…لو سمحتوا نزلوا اللقاء فى اسكاى نيوز ، كان السنة الفاتت

Quote: اني قحت؟ ماشايفها قالت الكيزان راس البلاء 😂 عموما متفهم تعليقك، بالنسبة للكيزان ناس الاء صلاح ديل بصرف النظر عن حسن نيتها امرهم هين بسبب نقص الخبرة في دهاليز السياسة وحدها الكلمتين ديل وبترجع لحياتها العادية مع تقديرنا لمساهمتها في الثورة، لكن قحت وصمود هم الشايلين التقيلة مع الدول والمنظمات لايقاف الحرب وكشف وتوثيق انتهاكات الطرفين مما يشكل خطرا على خطط الكيزان للعودة وبرضو بقاءها بعيدا عن التجاذبات من طرفي الحرب والقبول الدولي لها باعتبارها الكيان السياسي الممثل للثورة السودانية عشان كده مركزين معاهم اكتر من الجنجويد زاتو!

سلام أخ طارق~
قريت عباراتك دى تحديدا كم مرة وما صدقت انه ممكن انت أو قحت(أو اياً كانت مسمياتها يكون لسه نظرتهم للديسمرين مشابه لكلام مريم الصادق وهى تتجارى مع عمر الدقير للقاء البرهان وغيرهم والثوار معتصمين فى الحر والهجير بعد سنوات وشهور من النضال
مريم الصادق فى تلك الأيام قالت " والشباب بنشوف ليهم حاجة…"
…يعنى يا طارق الديسمبريون يقيفوا صف عشان إنتوا تشكروهم أو لا !
… يا طارق أخوى معناها إنتوا شايفين الثوار والثائرات محرقة لا غير والرؤساء والوزراء يأتوا من الخارج ملمعين للحكم و "الإطاحة" بالثورة ثم المغادرة مستعجل
#ثم المهم جدا: قحت او اياً كانت مسمياتها ، ما شايلين اى ثقيلة إلا الكوتات بتاعت البرد، ما شفتهم بمجرد الحرب اللعينة بدأت هم اول المغادرين - الإسمه الرشيد كان جارى على الطيارة الفرنسية أسرع من الريح
…الشايلين الثقيلة هم المدنين داخل السودان مثالا وليس حصرا مثال أهالى وشهداء - ود النورة، الفاشر ، الدلنج وغيرهم كثيرون

سلام يا هدى
تكوني قاصدة الفيديو دا 👇 بتاريخ 12 نوفمبر 2025
البغبغة بعد الدقيقة 9:30

Quote: سلام أخ طارق~ قريت عباراتك دى تحديدا كم مرة وما صدقت انه ممكن انت أو قحت(أو اياً كانت مسمياتها يكون لسه نظرتهم للديسمرين مشابه لكلام مريم الصادق وهى تتجارى مع عمر الدقير للقاء البرهان وغيرهم والثوار معتصمين فى الحر والهجير بعد سنوات وشهور من النضال مريم الصادق فى تلك الأيام قالت " والشباب بنشوف ليهم حاجة…" …يعنى يا طارق الديسمبريون يقيفوا صف عشان إنتوا تشكروهم أو لا ! … يا طارق أخوى معناها إنتوا شايفين الثوار والثائرات محرقة لا غير والرؤساء والوزراء يأتوا من الخارج ملمعين للحكم و "الإطاحة" بالثورة ثم المغادرة مستعجل #ثم المهم جدا: قحت او اياً كانت مسمياتها ، ما شايلين اى ثقيلة إلا الكوتات بتاعت البرد، ما شفتهم بمجرد الحرب اللعينة بدأت هم اول المغادرين - الإسمه الرشيد كان جارى على الطيارة الفرنسية أسرع من الريح …الشايلين الثقيلة هم المدنين داخل السودان مثالا وليس حصرا مثال أهالى وشهداء - ود النورة، الفاشر ، الدلنج وغيرهم كثيرون

هدى، شغل السواقة بالدرداق والدغمسة ده ما بنفع. الثورة قام بها الشعب السوداني والشباب جزء اصيل ومحوري فيها. طبيعي اي حراك يكون عنده قيادة مثلما قاد تجمع المهنيين الحراك على الأرض وقحت فترة الانتقال عن الجانب المدني وده طبيعي جداً لانو لابد يكون هناك ماعون سياسي يجمع الاطراف المؤمنة بتغيير نظام المؤتمر الوطني وكانت قوى الحرية والتغيير. نرجع للشباب الخطة كانت اعطاؤهم فرصة التمثيل في المجلس التشريعي الانتقالي منها يفيدوا بحكم احتكاكهم باطياف الشعب المختلفة على الأرض وانهم ممثلين لهم ومن ناحية تانية ياخدوا فرصة بناء خبراتهم السياسية مما يحعلهم رصيدا للاحزاب القائمة وتطوير التجربة السياسية برمتها، لكن انقلاب البرهان قضى على الفكرة، بالعكس هو الشايف الشباب مجرد محرقة وجسرا لطموحاته الشخصية غير المشروعة.

النقطة بتاعت ناس صمود طلعوا من السودان، وبغض النظر عن اسلوبك مافيهو حاجة وحق مشروع، ناس مدنيين وقامت حرب لا يأمن فيها المرء على نفسه وهم اساسا مستهدفين من الطرفين والبلد من يومها مافيها قانون البقعدهم شنو؟ على الأقل حركتهم البرة دي فتحت عيون العالم على المأساة في السودان ولا دايرة الانتهاكات البتحصل دي تروح ام غمتي ساي مافي زول يجيب خبرها؟ بعدين المعايرة بالخروج ده خليهو لناس كرتي وعبدالحي وصلاح قوش والاف ضباط الشرطة والجيش أصحاب الكروش والمبطحين في الخليج وتركيا ومصر وفالحين على المظاهرات السلمية بس!

آخر نقطة متفق معاك، أكثر ناس شايلين التقيلة هم المواطنين القاعدين جوة في الظروف دي لكنك زي كل البلابسة تردحي في العايز يساعدهم عن طريق السعي لايقاف الحرب وعاملة رايحة من سبب الحرب زاتو!

Quote: سلام يا هدى تكوني قاصدة الفيديو دا 👇 بتاريخ 12 نوفمبر 2025 البغبغة بعد الدقيقة 9:30

مولانا سلام وشكرا، ايوة ياهو الفيديو المقصود
#إبداع عديل 😀
# وكان بعد دا فى واحدين راجينه يلف على المنظمات ويجيب ليهم المدنية ، ما عندهم فرق منه

Quote: آخر نقطة متفق معاك، أكثر ناس شايلين التقيلة هم المواطنين القاعدين جوة في الظروف دي لكنك زي كل البلابسة تردحي في العايز يساعدهم عن طريق السعي لايقاف الحرب وعاملة رايحة من سبب الحرب زاتو!

طارق ~
و كما قال درويش عليه السلام
"كل هذا الليل لى"
ليه الصفات الكبيتها لى دى من نوع تردحى وزى كل البلابسة وخلافه (بالله دا مش غلط منك واضح؛) ، سأتجاوزه !
……
حصل شنو ، ما كنت ماشى كويس وآخر "براءة" سياسية والمهنيين وشنو وشنو ولحست نضال الشعب السودانى على مر السنين ،
…المهنيين كانوا يتجاروا عشان يحصلوا حركة الجماهير المتسارعة ، يقيفوا فى الصف أكيد لهم منا الشكر والتقدير
…قلت لو ما ناس بُغ بُغ بُغ 🤑كان حق الشعب السودانى راح شمار فى مرقة
لا لا يا طارق صوت الشعوب أعلى من أى صوت
…كل المجازر الحصلت فى السودان لم ينشرها الجماعات المعمول لهم عمل ديل ( الحقوق محفوظة لمولانا).
# هسه هم شغالين كما الجلبى (من جهات العراق) لإقناع العالم انه الحرب تم فيها إستخدام أسلحة كيماوية ضد الجنجويد
#يلا كلمنا أسباب الحرب شنو ، نحن فى إنتظارك قريب ثلاثة سنة تجئ تنورنا ، زى تنويرك لمولانا أنه يجففوا مالية الكيزان زى ما جففوا مالية الحزب الشيوعى الروسى😀 وبردرب وقع
…كنا فاكرينه شغل الإمبريالية العالمية ل ٤٠ عاما لحدى ما لقوا واحد ينفذ ليهم برنامج الهبوط الناعم (البرويستروكيا)، ياهو زاته الكان عايزنه ناس النور حمد وخالد سلك وغيرهم عن طريق إنتخابات ٢٠٢٠ ، زمن خالد وقف وقال ما فى حاجة اسمها "الجماهير"😀
#ولما الجماهير ورتهم انها عندها المقدرة على تغيير الأنظمة من غير هبوط ناعم ، طوالى استلموا الثورة وجابوا عليهم كل الجماعات ناس حمدوك، هبة، والبدوي لتنفيذ الهبوط الناعم (النيوليبرالية) بتاعت صبيان شيكاغو ( Chicago Boys)
#وبعد الرأسمالية كسرت المعسكر المخالف وواقف ليهم شوكة فى حلقهم ، وجّهوا الأموال وعدة الشغل على المنظمات الموجهة امكانياتها للجماعة النازلين بلد وطالعين من بلد
#واحد من كثير ، تكون سمعت بمعهد كرنيغى وجلسة خالد سلك وآخرين (تحت التدريب) مع دحلان فى لندن
#والمُحير خالد سلك الآن عادى يردد الجماهير، الجماهير ، كأنهم جماهير شعب غير النكر وجوده داك .

#أخيرا بما انى بالى ما طويل زى حالات مولانا ، قنعت منك ، لكن ما تتوصى لازم تثقف المعانا فى المنبر وغيرهم وتوريهم سبب الحرب شنو، لأنهم ما مثقفين زى حالاتى وآخرين كثيرين، وما تنسى تكلم الشعب السودانى أيضا😀

Quote: # هسه هم شغالين كما الجلبى (من جهات العراق) لإقناع العالم انه الحرب تم فيها إستخدام أسلحة كيماوية ضد الجنجويد #يلا كلمنا أسباب الحرب شنو ، نحن فى إنتظارك قريب ثلاثة سنة تجئ تنورنا ، زى تنويرك لمولانا أنه يجففوا مالية الكيزان زى ما جففوا مالية الحزب الشيوعى الروسى😀 وبردرب وقع

يا هدى، شغالة لينا نيو ليبرالية وامبريالية وهبوط ناعم وسرقة ثورة وقصص ماأنزل الله بها من سلطان اي كلام والسلام المهم عندك اثبات انو الكيزان برة القصة ومال قلنا بلابسة على شنو؟ نجي لسؤالك، سبب الحرب ببساطة شديدة انو لما لجنة الكيزان الأمنية قررت الإطاحة بالبشير والصف الأول من المشهد لامتصاص حماسة جماهير الشعب السوداني، بدأت في تنفيذ خطة (ب) وهي ابقاء السيطرة على الاجهزة الامنية وفتح مجال محدود للمدنيين وفي نفس الوقت منع اي محاولات جادة لمحاكمة رموز النظام السابق وكشف ملفات الفساد وبالتوازي عمل حالة السيولة الأمنية وتسعة طويلة واغلاق ميناء بورتسودان عن طريق المخبول ترك وكله عشان تصل رسالة دي المدنية العايزنها، لكن المخطط فشل لايمان الشعب السوداني بثورته وادراكه للمخططات الكيزانية وكمان نجاح الاصلاح الاقتصادي لحكومة الثورة وتجفيف السوق الاسود ومراتع القطط السمان وكمان جهود لجنة إزالة التمكين رغم المكايدات، دفعت الكيزان للانقلاب الصريح للتملص من استحقاق رئاسة المدنيين للسيادي ومايتبعه من خطوات انشاء المحكمة الدستورية والمجلس التشريعي، يلا قرار الحرب جاء مع الاطاري وقرار الدعم السريع الخروج من طوع الكيزان وتردد البرهان الذي وضع امام الأمر الواقع، فلذلك كان لابد من الاسراع في اشعالها لان الكيزان بدون السيطرة على الاجهزة الامنية والعسكرية لاشي وهم عارفين كده كويس وفيها نهايتهم فعليا اذا خسروها، يعني معركة وجودية!

نجي نقطة الأسلحة الكيماوية، كشف الموضوع اكبر من امكانيات صمود، تقارير كثيرة جدا من جهات استقصائية واجهزة مخابرات دولية تناولت الموضوع، وبعدين انت مشكلتك اثارة الموضوع ولا هل فعلا استخدمت؟ يعني عادي يستخدموها ومافي زول يتكلم ولا كيف؟

آخر نقطة، ورينا سرديتك لسبب الحرب؟

Quote: يا هدى، شغالة لينا نيو ليبرالية

عملت فاصل فى الكلمة ، وبكدا عملتها خطأ، وغيرت المعنى
#قصة حقيقية ،:
طالب من الفنون الجميلة أظنه قريب الشيخ مصطفى ، الشيخ مصطفى كتب ليه شيك وطبعا عمل الإمضاء تبعه
#الطالب شاف الإمضاء لقى الإسم مكتوب خطأ واظنه فاهم او عارف قريبه غير "مثقف" زى حالتى دى😀
#صلح الإمضاء وبما انه طالب فنون (حريف فى الخط) كتب الإسم مشابه لكن صحيح
#رفضوه فى البنك ، لأنه قريبه لا يمضى إسمه كدا
#رجع لقريبه قال ليه صلحته يا الشاطر😀
………
وشرحه:
النيوليبرالية (Neoliberalism) كلمة واحدة أو ممكن بفاصل Neo-liberalism ودى نظرية أقتصادية مجحفة ناس حمدوك ، البدوى وهبة محمد على جو شالينها فى شنطهم وهبة قالت كانوا شغالين من وراء الكواليس
#وبدوا فى تخريب الإقتصاد السودانى من النقطة الوقف فيها المخلوع البشير وحمدوك كرر نفس كلام المخلوع حول أسباب رفع الدعم عن السلع وانه البنزين بيتهرب وكمان حمدوك حقارة زيادة قال للشباب بدل الواحد يمشى يشرب شاى فى الصحافة مع صاحبه يشربه فى مكان سكنه !
#الفيديو المرفق يشرح الهبوط الناعم

تصحيح بدل كلمة -…بدأوا ، الصحيح واصلوا من النقطة الوقف فيها المخلوع

كدي يا هدى، عشان يبقى الكلام واضح، أنا قلت ان الكيزان لهم القدح المعلى في المأساة التي يعيشها السودان، عندك وجهة نظر اخرى او شايفة انو في طرف ساهم في الخراب ده اكثر منهم او على الأقل مثلهم؟

طارق~
سمعت بالمفاصلة الكانت بين الكيزان ، مجموعة الترابى من جهة ومجموعة المخلوع البشير من جهة
#مفاصلة من أجل التحكم فى رقاب الشعب السودانى وسرقة موارد البلد
#الحرب اللعينة دى ياها مفاصلة بين الكيزان وجنجويدهم مع تدخل خارجى واضح وما بالدس
#الكيزان هم سبب الدمار وأسوأ فعائلهم ضد الشعب السودانى وضد الإنسانية هو تمكين الجنجويد من البلد فى كل أنحائه
#طبعا تكون عارف انه الجنجويد ديل ولا من اليوم ولا من أمس ، مجموعات مهددة للشعوب الأفريقية ومعروفة تماما
#الكيزان بعد سرقوا ونهبوا وهربوا وما قدروا على قمع الشعب السودانى ، جابوا الجنجويد وغيروا ليهم مسمياتهم وعملوهم حراسة ليهم وحماية
#ولكن الجنجويد معروف عنهم بندقية تحارب لمن يدفع أكثر ، فما بالك من تمكينهم، حيث كل الأماكن الإحتلوها أصلا دخلوها وصقيرها بارد جدا
#كل المؤسسات الحكومية، الإذاعة ، مصفاة الجيلى كانوا أصلا قاعدين فيها ، وللأسف حتى الشوارع، وأصبح عندهم قوة عسكرية أقوى من الجيش السودانى وبإمكانيات ومعدات لا حدود لها
#آخر أيام حمدوك الما "كوز " كان حضورا فى تخريج الدفعة الثامنة للدعم السريع
#أما الإطاري إو الإيطارى العاجبكم دا ، ياهو هبوط ناعم مدعوم دوليا ، والمضحك حميدتى قال الإيطارى سبب الحرب وإنه ولا قراه (طبعا ما قراه دى تكون جد جد😀)
………………
أخيرا :
الجيش ما جيش الكيزان ، الجيش جيش السودان
#العسكر للثكنات ليقوم بدوره وهو حماية البلاد مش يتركها مفتوحة للمرتزقة العالمية تدخل كما تشاء
#الجنجويد ينحل وما يشيل سلاح تانى عشان ما يكمل الشعب السودانى
……………………
‏# الدعم السريع (الجنجويد) صنعوهم الكيزان وكمان برلمان الكيزان شرعنهم والبرهان قال يا الجنجويد يا أغرق ، يبقى يأته خير ومدنية راجينها من الجنجاكيزان
#تاريخ قريب قبل هذه الحرب الضروس ، مجموعات سلام جوبا و"جبريل" "كله مسجل فى الموقع دا بكتابات الأخ محمد سليمان أنه حميدتى بقى فالح وعرف غلطته وبقوا أصحاب أصحاب ، ما فاتت شهور إلا حميدتى وجنجويده هجموا على غرب السودان ومعسكر كرينك وأبادوا الأخضر واليابس
#المضحك ، خروج ناس سلك فى الفضائيات وانه الجنجويد صناعة الكيزان ، يبدو انه الترند دا أدوهم ليه دقلو أخوان والدول الداعمة لهم لنهب موارد السودان بشرط ما يجيبوا سيرة الإخوة دقلو ، عارف ليه؟ عشان الجنجويد يعملوا تبييض لجماعاتهم تحت أسماء تأسيس وصمود ويتلموا تانى !

Quote: أنا قلت ان الكيزان لهم القدح المعلى في المأساة التي يعيشها السودان، عندك وجهة نظر اخرى او شايفة انو في طرف ساهم في الخراب ده اكثر منهم او على الأقل مثلهم؟

زمااااان جانا حرامي تلب البيت وشال البنزين والجاز (كل البترول) الفي المخزن،
قمنا سكيناهو، وهو جاري ونحن جارين وراهو، وناس يكوركوا لينا "ما تخلوهو، دا مجرم كبير، ما تخلوهو".
ونحن مركزين مع الحرامي، جوا حرامية تانين سرقوا الدهب الفي البيت.

الجكمة من القصة: ما تخلي تركيزك كلو مع حرامية الجاز والبنزين ويشفشفوك حرامية الدهب.
أكبر دقسة ممكن تدقسها هي إنك تفتكر إنو الدنيا دي كلها فيها حرامي واحد بس.

*حقوق تصنيف الحرامية إلى حرامية بترول وحرامية دهب محفزظة للزميلة هدى ميرغني.