دولة الهوية؟ توجد جائزة مليون دولار ومعاها اعتذار🔥

04:49 AM January, 21 2026

سودانيز اون لاين
محمد جمال الدين-The Netherlands
مكتبتى
رابط مختصر

دولة الهوية (دولة بلا هوية ومجتمع متعدد الهويات = دولة المواطنة) مصطلح سوداني حصري!

توجد جائزة مليون دولار🔥

عشان ما في زول من صحابي يبكي تاني!
(وطبعًا ما ببكي إلا المخلصين.. والناس الساي يظلو ناس محترمين ساي). بالمناسبة الصاحب دا ما سوداني المرجعية.. اصحابي ذوي المرجعية السودانية اغفل!

الليلة اتصل بي صديق متفرد وقديم، قال لي: بعد تعب قريت ورقة
(مشروع دولة المواطنة vs دولة الهوية)،
ووقف معاهو موضوع إن مصطلح (دولة الهوية) مصطلح جديد تمامًا؛
بعبارة أدق: تركيب جديد غير مستخدم من قبل بهذا الشكل.
قال لي: تخيل… كلمتين بس،
لكن ما التقن بدون حرف عطف
عبر تاريخ البشرية!
حاجة غريبة شديد.
والموضوع دا ما في العربية بس،
بل – حسب المتاح والمفحوص –
في جميع لغات الأرض.
والسبب الخلّى القصة البسيطة (ليست بسطة)،
إنو أخوكم، لأسبابه الموضوعية،
تحدّى قبل كم سنة – وما يزال –
أي زول يجد هذا المصطلح (العبارة)
قبل شخصي الضعيف
(الشي دا عنده أهمية عملية)،
مش مجرد تكبر علماء😅!
أخونا دا فتش الذكاءات الصناعية وغير الصناعية كلها.. كان مغالط حقارة منه..
وهسا أي زول أو ما زول،
يقدر يلقى عبارة بسيطة (دولة الهوية)
البين قوسين دي بس،
بالتركيب البسيط دا في أي مكان سابق بدون ادوات عطف،
وعلى وجه الإطلاق،
ليهو جائزة بسيطة معتبرة.. مليون دولار بس،
ومعاها اعتذار رسمي وشعبي.
توجد صور مرفقة.
والكلام دا أهميته عندي إنك، إن لم تفهم أن هذا المصطلح
ليس مصطلحًا، وإنما (نجرة) جديدة بحكم الضرورة
التي تخص السودان، هذه الأزمة الكونية الكبرى،
والسودان هو بلاد اللا معقول،
واللا معقول هو الله…
وإن لم تفهم العبارة الجديدة وحمولتها المعنية،
لن تفهم (أظنك) تسلسل المراحل المأمولة
بين دولة الهوية ودولة المواطنة
في طريقة دولة الإنسانية.
هذا هو محتوى هذا الكلام
لمن ألقى السمع وهو شهيد!
لكن… المهم الآن،
لو قبلت التحدي وما لقيتها (دولة الهوية) نهائي،
عليك واحد من اتنين:
يا إمّا تصوم تلاتة أيام،
يا إما تقرأ الورقة دي كاملة (مشروع دولة المواطنة vs دولة الهوية) .

مشروع دولة المواطنة
في مواجهة دولة الهوية
ورقة بحثية ورؤية سياسية نحو مشروع وطني جامع، صالح للوحدة أو الانقسام أو الاندماج، بحسب ما تختاره المجتمعات نفسها.

https://www.facebook.com/share/p/1E3wXZ4BMd/


https://www.facebook.com/Md.Gamaleldin/

الورقة أيضاً منشورة في منبر سودانيز أونلاين لمن قد يتعثر عنده الفيسبوك:
https://sudaneseonline.com/board/515/msg/1753976013.html


دولة الهوية vs دولة المواطنة (دولة بلا هوية ومجتمع متعدد الهويات = دولة المواطنة) مصطلح حصري!

شوف الصور المرفقة.. وماتنسى (روابط الورقة فوق) أعني الناس الفيهم أمل!

---وهناك لقدام المزيد في الحتة دي عشان الفهم المشترك لمن شاء---
تحذير ختامي: زمان الباحثين الحقيقيين أو المدعين (المساكين) الغنماية تأكل عشاهم إنتهى.. لأنه أصلاً غلط أو صلاحيته إنتهت.. لا تحلمو بإبتزاز تاني “اللعنة”.. وهذا إعلان من واحد منهم!