Post: #2 Title: Re: تأسيس تعلن عن: بنك المستقبل .. باى باى بنكك! Author: walid taha Date: 01-12-2026, 09:31 AM Parent: #1
و لماذا "باي باي بنكك " ؟!! أليس من "الديمغراتية" عدم الإقصاء ! لو أثبت "بنك المستقبل" جدارته ،فليذهب الى المنافسة الشريفة إذن !
Post: #3 Title: Re: تأسيس تعلن عن: بنك المستقبل .. باى باى بنكك! Author: Biraima M Adam Date: 01-12-2026, 11:11 AM Parent: #2
أي قروش تنزل فى حساب بنكك تذهب لبناء دولة 56م .. وهى قابلة للمصادرة بأبسط الأسباب مثل الوشاية.
ثم أن الأبتزاز المالى فيها يصل إلى نسبة 30% من المبلغ المرسل. البنك رسمياً يأخذ عمولة 10% من التحويل ... صاحب حساب بنكك يأخذ مثلها .. ثم لا تجد سيولة أو هكذا يقولوا ليك .. فيأخذوا 10% لزوم أفضلية فى السيولة.
كل إنسان موالى لتأسيس وهذا أمر سياسى، يحرم من حساب بنكك والأوراق الثبوتية.
نحن الذين نوجد فى مناطق حواضن تأسيس ما عايزين ريحة بنكك .. وإذا بنك المستقبل عايز يتعامل مع بنكك .. داك شيئ تقرره تأسيس .. لكن كشعب ما عايزين بنكك.
بريمة
Post: #4 Title: Re: تأسيس تعلن عن: بنك المستقبل .. باى باى بنكك! Author: Biraima M Adam Date: 01-12-2026, 11:31 AM Parent: #3
ومن أهم المعاملات البنكية .. فكرة التعامل فى العملات الرقمية .. هذا يعنى إنشاء بورصة رقيمة تتم إجراءات التحويل فيها من خلال بنك المستقبل.
عيييك .. والله فى غاية الروعة، تأسيس تدخلنا فى الأقتصاد الرقمى الحديث من أوسع باب. ودا فى حد ذاته أنجاز وتطور خطير.
عارفين يعنى شنو يكون عندى حساب رقمى .. يعنى بأمكانى أسافر أي بلد وأستلم قروشي فيها عن طريق العملة المحلية أو الدولار أى عملة أخرى ..
لا تعب تحويل ولا أجراءات ولا يحزنون ..
بريمة
Post: #5 Title: Re: تأسيس تعلن عن: بنك المستقبل .. باى باى بنكك! Author: Arif Nashed Date: 01-12-2026, 05:40 PM Parent: #4
ول ابا بريمة ممكن صورة للتطبيق للعلم بالشيء
Post: #6 Title: Re: تأسيس تعلن عن: بنك المستقبل .. باى باى بنكك! Author: Biraima M Adam Date: 01-13-2026, 00:37 AM Parent: #5
ول أبا يبدو التطبيق متداول فى دائرة ضيقة ..
بريمة
Post: #7 Title: Re: تأسيس تعلن عن: بنك المستقبل .. باى باى بنكك! Author: Arif Nashed Date: 01-13-2026, 03:21 AM Parent: #6
Quote: يبدو التطبيق متداول فى دائرة ضيقة ...
ول ابا يبدو أن الموضوع طلس وضنب ككو حكومة تأسيس ذاته وينه وانجزت شنو علي المستوي المحلي والخارجي.
Post: #8 Title: Re: تأسيس تعلن عن: بنك المستقبل .. باى باى بنكك! Author: ترهاقا Date: 01-13-2026, 03:54 AM Parent: #7
في مثل بيقول ، اشترى الوتد قبل الحمار، ده حال ناس تأسيس اول ما يبدو كلمونا عشان نحول بيهو، خخخخخخخخخخخ
Post: #9 Title: Re: تأسيس تعلن عن: بنك المستقبل .. باى باى بنكك! Author: Hafiz Bashir Date: 01-13-2026, 04:11 AM Parent: #8
يا بريمة هل هو بنك ام تطبيق؟
إنشاء أي بنك يحتاج ترخيص من البنك المركزي للدولة. وبدون البنك المركزي البنك ما بيقدر يقدم أي ضمان للعملاء ولا بيقدر يتعامل مع بنوك خارجية عبر الSWIFT الأنظمة المالية العالمية مصممة لتعمل فقط مع كيانات تم فحصها واعتمادها من قبل سلطات مالية معترف بها مثل البنوك المركزية للدولة. البنك غير المرخص هو ببساطة غير موجود في عرف وشبكات النظام المالي العالمي.
هل أنشأت حكومة تأسيس بنك مركزي ليمنح التراخيص ويمنح غطاء عالمي للبنوك العاملة في مناطق سيطرتها؟ أم هل سيأخذ بنك المستقبل ترخيصه من بنك السودان المركزي؟
Post: #10 Title: Re: تأسيس تعلن عن: بنك المستقبل .. باى باى بنكك! Author: Biraima M Adam Date: 01-13-2026, 05:18 AM Parent: #9
Quote: ول ابا يبدو أن الموضوع طلس وضنب ككو حكومة تأسيس ذاته وينه وانجزت شنو علي المستوي المحلي والخارجي.
البنك جاهز .. وهناك بعض الأشخاص فتحوا حساب مثل ول أبا جدو موسى.
بريمة
Post: #11 Title: Re: تأسيس تعلن عن: بنك المستقبل .. باى باى بنكك! Author: Biraima M Adam Date: 01-13-2026, 05:21 AM Parent: #10
Quote: في مثل بيقول ، اشترى الوتد قبل الحمار، ده حال ناس تأسيس اول ما يبدو كلمونا عشان نحول بيهو،
حاجاتك دايماً مقلوبة .. الحمار فى .. لكن الوتد لسع ما جابوه.
بريمة
Post: #12 Title: Re: تأسيس تعلن عن: بنك المستقبل .. باى باى بنكك! Author: Biraima M Adam Date: 01-13-2026, 05:24 AM Parent: #11
Quote: هل هو بنك ام تطبيق؟
الأثنين .. بنك وتطبيق.
بريمة
Post: #13 Title: Re: تأسيس تعلن عن: بنك المستقبل .. باى باى بنكك! Author: Hafiz Bashir Date: 01-13-2026, 05:51 AM Parent: #12
Quote: الأثنين .. بنك وتطبيق.
طيب لو هو بنك حياخد ترخيص وضمان من ياتو بنك مركوي عشان المؤسسات الدولية تتعامل معاهو عبر الSWIFT ؟
Post: #14 Title: Re: تأسيس تعلن عن: بنك المستقبل .. باى باى بنكك! Author: ترهاقا Date: 01-13-2026, 10:03 AM Parent: #13
وعملة التداول شنو يا شيخ بريمة؟
Post: #15 Title: Re: تأسيس تعلن عن: بنك المستقبل .. باى باى بنكك! Author: Biraima M Adam Date: 01-13-2026, 12:07 PM Parent: #14
Quote: وعملة التداول شنو يا شيخ بريمة؟
كل العملات الرقمية ..
بما فيها العملة التى أخترعها شخصى الضعيف قبل عامين.
بريمة
Post: #16 Title: Re: تأسيس تعلن عن: بنك المستقبل .. باى باى بنكك! Author: Hafiz Bashir Date: 01-13-2026, 05:38 PM Parent: #15
يا بريمة حسب ما هو متاح من معلومات عنك إنك تخرجت في جامعة الخرطوم في وقت كانت جامعة الخرطوم مازالت منارة للعلم وبها نظام تعليمي صارم، وبعدها سافرت للدراسة في اليونان ومن ثم سافرت إلى امريكا حيث تقيم وتعمل الآن في مجال الحوسبة والبرمجيات. وهذه مسيرة يجب أن تكون اورثتك تجارب ثرة وخبرة عملية في مجالات متعددة من الحياة.
قد اجد العذر لود ملاح ولجدو موسى في تناولهم البسيط لمسألة انشاء بنك المستقبل بحكم تجاربهم وخبرتهم البسيطة. ولكن مؤسف جداً يا بريمة زول زيك اتيحت له تجارب واسعة في التعلم واكتساب الخبرة يسوقوهو ودملاح وجدو موسى من اضانو.
Post: #17 Title: Re: تأسيس تعلن عن: بنك المستقبل .. باى باى بنكك! Author: Biraima M Adam Date: 01-13-2026, 09:32 PM Parent: #16
مولانا حافظ
Quote: ولكن مؤسف جداً يا بريمة زول زيك اتيحت له تجارب واسعة في التعلم واكتساب الخبرة يسوقوهو ودملاح وجدو موسى من اضانو.
هون على نفسك .. !!
واحد سأل الشيح قال ليهو أنتم قلتم "مَّا فَرَّطْنَا فِي الْكِتَابِ مِن شَيْءٍ" ثم قال، كم سعر الرغيفة اليوم .. نادى الشيخ صاحب الفرن .. يا فلان الرغيفة بكم؟ قال له 25 قرش ..رد الشيخ .. "فَاسْأَلُوا أَهْلَ الذِّكْرِ إِن كُنتُمْ لَا تَعْلَمُونَ"
ول أبا جدو موسى و ود ملاح من أهل الذكر فى الأعلام الحربى.
بريمة
Post: #18 Title: Re: تأسيس تعلن عن: بنك المستقبل .. باى باى بنكك! Author: Arif Nashed Date: 01-13-2026, 10:38 PM Parent: #17
https://cityupload.io/
😂😂😂
Post: #19 Title: Re: تأسيس تعلن عن: بنك المستقبل .. باى باى بنكك! Author: wedzayneb Date: 01-14-2026, 03:29 AM Parent: #8
تعرف ياةموسيقارنا الكبير:أحمد ساطور " ترهاقا ": حكاية شرائهم للوتد و " باقي لهم " الحمار دي ذكرتني مثل مشابه له، بطله شاب سوداني بسيط، حينما كانت أم دوم قرية متوسطة الحجم، لم يدخلها شارع الاسفلت بعد. هو يكبرني بحوالي سبعة سنوات. أنا الآن عمري ينيف قليلا على 71 عاما. هو الآن شيخ كبير له أحفاد. في شبابه كان مكافحا، قطع تعليمه الدراسي عقب إكماله المرحلة الاولية، و لعله لم يكملها. و في مقتبل شبابه كان بيلعب كورة مع أقرانه. و هو زول ظريف و بسيط، " و كورته فاكة "، و حينما يشوف الكورة بشتارة، يقول لزملائه البيلعب معاهم في قسمة الكورة معتذرا: " معليش، بحوت"؛ يقصد أن الكورة " بحوت" ( بفتحة على حرف الباء، فتحة و شدة على حرف الحاء، و سكون على حرف التاء ). و يقصد بذلك أن الكرة " صرجت ". و الناس يضحكون على قفشاته البدوية. هو كان بيشتغل " طلبة يومية،. و كان في شبابه و بعض أقرانه مهووسين بمشاهدة الأفلام الهندية في سينما " حلفاية "، في مدينة كوبر. هكذا يسمونها رغم وقوعها في مدينة كوبر، و ليس حلفاية الملوك. ءات بوم ما، حضر هو و شلته الفيلم الهندي، و تأكد لهم من سائق بص الجريف شرق بالنص أن آخر بص من أم دوم قد قد غادر الخرطوم قبل مغادرته هو ببصه لها. يعني بص أم دوم فاتهم. فتوكلوا على الله و ركبوا بص الجريف شرق، و نزلوا في آخر محطة بالجريف كركوج ، يعني في آخر محطة في كركوج؛ القرية الملتحمة بالجريف شرق،و كملوا باقي المشوار " كداري " لأم دوم. و كانت المطرة " رشاش "، يعني داقاهم المطرة, و هم يحثون السير في الغابة الفاصلة بين الجريف كركوج و أم دوم، و يسلون أنفسهم بالونسة، و ربما الغناء بصوت عالي. فجأة وقعت عينا صاحبنا، الشاب البسيط و الظريف على " منفلة "، فرفعها بيده اليمنى من الأرض،و صار يهزها و يهتف فرحا: " ااحمد لله، لقيت المنفلة، الباقي لي العربية ". فانقع رفقاؤه بالضحك, و بينهم أحد اقربائي الذي تلقى القصة و حكاها لي. و ابن قريتنا الشاب الظريف بعد مصادفتي له، و انهماكي معه في ونسة خفيفة الظل، أمن لي على صحة الرواية, و كانت تشع من فمه بسمة بربئة و جميلة. مع الإعتذار لزميلي ول` أبا بريمة: حكومة تأسيس التي يناصرها، بتعرض الآن بالمنفلة فرحا، و بتقول: ' و هي تظنها العربة نفسها. لكن منفلتهم هذه ما بتدور عربيتهم لأنها " مسيحة ". ، فوق فإنها، أعني حكومتهم/ عربتهم المسيحة فاقدة الإعتراف الولي و القانوني للعمل ، و لا تملك صلاحية تشييد بنك مركزي تمرر من خلاله صلاحية عمل تطبيقات تحويلات بنكية معترف بها.
طارق الفزاري ود زينب
Post: #20 Title: Re: تأسيس تعلن عن: بنك المستقبل .. باى باى بنكك! Author: Hasheem Karouri Date: 01-14-2026, 05:06 AM Parent: #19
بريمه ود العزباء . لعنك الله
بنك شنو ، وتاسيس شنو ، ومستقبل شنو ؟؟!!!
انتو مواهيم ، وبتحلموا ساي .
ليه ماعملتوا بنك من زمان في نيالا او الضعين .؟ اعملوا " ماي كاشي " 😄😄.
ياخ انتو اكل مالاقين تاكلوا ، تعملوا بنك ؟ هسي الزول الفي المقطع ده . شبه بنوك ؟؟
Post: #21 Title: Re: تأسيس تعلن عن: بنك المستقبل .. باى باى بنكك! Author: Biraima M Adam Date: 01-14-2026, 08:10 AM Parent: #20
ول أبا ود زينب سلام
Quote: مع الإعتذار لزميلي ول` أبا بريمة: حكومة تأسيس التي يناصرها، بتعرض الآن بالمنفلة فرحا،
الناس قالوا الرزق تلاقيط .. الأن المنفلة بكرة بنجيب اللساتك .. وطوبة طوبة نبنى بنك المستقبل.
عشان تعرفوا أنكم لا تعرفون كيف تفكر قيادات الهامش عليك الأتى:
"بنك الجبال" (Mountain Trade and Development Bank) هو بنك تجاري خاص في جنوب السودان الجديد، تأسس من قبل أثرياء جبال النوبا ومرخص من بنك جنوب السودان.
------------------------ أوعى مولانا حافظ أموره تكون جاطت بهذا الكشف ...
بريمة
Post: #22 Title: Re: تأسيس تعلن عن: بنك المستقبل .. باى باى بنكك! Author: Arif Nashed Date: 01-14-2026, 12:24 PM Parent: #21
https://cityupload.io/
ول ابا ود ملاح قدم احتجاج رسمي باحقيته في اضانك التانية الحبرتجية الاثنين ساقوك بالخلا يا ول ابا 😂😂😂
Post: #23 Title: Re: تأسيس تعلن عن: بنك المستقبل .. باى باى بنكك! Author: Biraima M Adam Date: 01-14-2026, 01:35 PM Parent: #22
هههههاى بالغت جنس بوليغ!!
ول أبا هون على نفسك ..
برىمة
Post: #24 Title: Re: تأسيس تعلن عن: بنك المستقبل .. باى باى بنكك! Author: Arif Nashed Date: 01-14-2026, 03:26 PM Parent: #23
ول ابا لسه باقي رسم غرفة التحقيق الزاريك فيها المحقق "حافظ" بس ما تقول وااااااي وتجري لسيد الحوش وتقول ليهو احذف الصور زي واحدين كده. ههههههههاي
Post: #25 Title: Re: تأسيس تعلن عن: بنك المستقبل .. باى باى بنكك! Author: Biraima M Adam Date: 01-14-2026, 03:47 PM Parent: #24
Quote: ول ابا لسه باقي رسم غرفة التحقيق الزاريك فيها المحقق "حافظ" بس ما تقول وااااااي وتجري لسيد الحوش وتقول ليهو احذف الصور زي واحدين كده. ههههههههاي
حافظ لا يستطيع أن يزر فارة .. بنك الجبال، تأسس منذ عام 2008م
برىمة
Post: #26 Title: Re: تأسيس تعلن عن: بنك المستقبل .. باى باى بنكك! Author: Arif Nashed Date: 01-14-2026, 04:04 PM Parent: #25
https://cityupload.io/
ول ابا الكلام عن بنك المستقبل وليس الجبال هل توجد صورة لبنك المستقبل في نيالا خلينا في ضنب الككو ده. اختم البوست وقرض عليهو 😂😂😂
Post: #27 Title: Re: تأسيس تعلن عن: بنك المستقبل .. باى باى بنكك! Author: Hasheem Karouri Date: 01-14-2026, 11:35 PM Parent: #26
https://top4top.io/
احلام ظلوط
نصر من الله وفتح قريب .
Post: #28 Title: Re: تأسيس تعلن عن: بنك المستقبل .. باى باى بنكك! Author: Hafiz Bashir Date: 01-14-2026, 11:56 PM Parent: #27
غايتو يا عارف اصلو المرة دي ما راعيت لزمالة ول أبا بريمة في رابطة ضنب الككو. 🤣🤣🤣
ول ابا بريمة ارخي جسمك خلي البنسلين يمشي. 😝😝😝
Post: #29 Title: Re: تأسيس تعلن عن: بنك المستقبل .. باى باى بنكك! Author: Biraima M Adam Date: 01-15-2026, 00:34 AM Parent: #26
ول أبا عارف
Quote: هل توجد صورة لبنك المستقبل في نيالا خلينا في ضنب الككو ده. اختم البوست وقرض عليهو 😂😂😂
المرة دى، لما البنك تجرى فيه المعاملات التجارية ح أختم .. "تم" فى مؤخرة هاشم كرور ... مثل ختم الكو كو عادل أمين بتاع نتنياهو ..
ماسكين أجهزة الدولة وعايزين تقهروا بيها الهامش ..
ول أبا عارف، هذا الصراع صراع سياسى لقهر محبى الحرية والديمقراطية .. أنتبه.
برىمة
Post: #30 Title: Re: تأسيس تعلن عن: بنك المستقبل .. باى باى بنكك! Author: Biraima M Adam Date: 01-15-2026, 00:41 AM Parent: #29
Quote: غايتو يا عارف اصلو المرة دي ما راعيت لزمالة ول أبا بريمة في رابطة ضنب الككو. 🤣🤣🤣
Post: #31 Title: Re: تأسيس تعلن عن: بنك المستقبل .. باى باى بنكك! Author: محمود الدقم Date: 01-15-2026, 02:56 PM Parent: #30
سلام ود ابا اعتقد ستكون هناك مشكلة لوجستية وقانونية وفنية كبيرة ستواجه فكرة انشاء بنك. بشكل عام من الصعوبة بمكان فتح بنك مستقل بمعزل عن البنك المركزي الام فانت لا تحتاج اذن من البنك المركزي فحسب، بل المركزي سيكون الضامن لك علي الصعيد الاقليمي والدولي امام اي خروقات مالية او ائتمانية تحدث فاذا كانت هناك مثلا اتهامات بموضوع غسيل اموال فان المحاكم الدولية اول خطوة تقدم عليها هي مخاطبة البنك المركزي والطلب منه فتح تحقيق في تجاوزات مالية حدثيت في فرعه في المنطقة اكس مثلا بنك المستقبل. وغيرها من المشاكل الاخري اما اذا انفصلت دارفور وكردفان والنيل الازرق واصبحت دولة قائمة بذاتها وتم الاعتراف بها من قبل الامم المتحدة واصبحت دولة مثل جنوب السودان لها كيان المستقل فساعتئذ ممكن ان يكون هناك بنك مستقبل مركزي الخ، علي ان تتحمل وزارة المالية اي مسؤولية قانونية محليا واقليميا جنبا لجنب مع رئاسة الوزارة . البديل هو انشاء نظام مالي شبكة مالية محمية بانظمة قانونية وفنية تتعامل بالدولار الامريكي والعملات الاخري الحرة.
Post: #32 Title: Re: تأسيس تعلن عن: بنك المستقبل .. باى باى بنكك! Author: Biraima M Adam Date: 01-16-2026, 00:17 AM Parent: #31
ول أبا الدقم
ممكن يتأسس البنك فى أى من الدول الصديقة مثل جنوب السودان .. لقد تأسس بنك الجبال هناك والأمر صار فى الجبال.
برىمة
Post: #33 Title: Re: تأسيس تعلن عن: بنك المستقبل .. باى باى بنكك! Author: Hafiz Bashir Date: 01-16-2026, 01:59 AM Parent: #32
يا بريمة ممكن تورينا بنك الجبال دا الرئاسة بتاعو وين وفروعو وين؟ وهل عندو فرع داخل حدود السودان؟
Post: #34 Title: Re: تأسيس تعلن عن: بنك المستقبل .. باى باى بنكك! Author: wedzayneb Date: 01-16-2026, 04:14 AM Parent: #33
يا أستاذ حافظ قوقل بترد بأنه بنك الجبال الرئيس بوحد.في مدينة جوبا, و له فرع واحد في مدينة نمولي. كلا المدينتان تقعان داخل حدود دولة جنوب السودان و لا يوجد فرع لبنك الجبال خارج نطاق دولة جنوب السودان.
Post: #35 Title: Re: تأسيس تعلن عن: بنك المستقبل .. باى باى بنكك! Author: Arif Nashed Date: 01-17-2026, 06:10 PM Parent: #34
ول ابا كثرة الضرب خلتك تكابس في الهواء وتقبض في الحجر والشجر بنك الجبال حتة واحدة يا مان، وما ليهو علاقة بجبال النوبة حافظ وود زينب بحفروا بالابرة 😂😂😂
Post: #36 Title: Re: تأسيس تعلن عن: بنك المستقبل .. باى باى بنكك! Author: Biraima M Adam Date: 01-17-2026, 08:01 PM Parent: #35
ول أبا عارف
متى كان الفلول لديهم مصداقية ..؟ .. نحن منتظرين البنك يعلن ضربة البداية.
شوية صبر ..
بريمة
Post: #37 Title: Re: تأسيس تعلن عن: بنك المستقبل .. باى باى بنكك! Author: Biraima M Adam Date: 01-17-2026, 08:11 PM Parent: #36
الخبر اليقين ..
الدقيقة 3:37
بريمة
Post: #38 Title: Re: تأسيس تعلن عن: بنك المستقبل .. باى باى بنكك! Author: Arif Nashed Date: 01-17-2026, 09:22 PM Parent: #37
ول ابا بريمة اختم البوست وقرض عليه
Post: #39 Title: Re: تأسيس تعلن عن: بنك المستقبل .. باى باى بنكك! Author: Arif Nashed Date: 01-17-2026, 09:37 PM Parent: #37
https://cityupload.io/
https://cityupload.io/
https://cityupload.io/
Post: #40 Title: Re: تأسيس تعلن عن: بنك المستقبل .. باى باى بنكك! Author: Biraima M Adam Date: 01-17-2026, 09:43 PM Parent: #39
ول ابا عارف
البنك والتطبيق حاجتين منفصلتين ...
أنت شايف التطبيق، المعاملات البنكية خلف التطبيق تتم فى بنك المستقبل.
بالضبط كما فى حالة بنكك تطبيق، وبنك السودان هو البنك المنفذ.
بريمة
Post: #41 Title: Re: تأسيس تعلن عن: بنك المستقبل .. باى باى بنكك! Author: Hafiz Bashir Date: 01-17-2026, 09:54 PM Parent: #40
Quote: يا أستاذ حافظ قوقل بترد بأنه بنك الجبال الرئيس بوحد.في مدينة جوبا, و له فرع واحد في مدينة نمولي. كلا المدينتان تقعان داخل حدود دولة جنوب السودان و لا يوجد فرع لبنك الجبال خارج نطاق دولة جنوب السودان.
شكراً جزيلاً أخي العزيز طارق فزاري على المعلومات عن بنك الجبال. وشكراً على تأكيدك أن البنك وفروعه تعمل فقط داخل جنوب السودان.
بنك الجبال تأسس قبل انفصال الجنوب وساهم فيه عدد من ابناء جنوب كردفان. وبعد الانفصال فقدوا القدرة على التواصل مع البنك وضاعت عليهم اسهمهم وودائعهم في البنك.
ارجو مشاهدة الفيديو
Post: #42 Title: Re: تأسيس تعلن عن: بنك المستقبل .. باى باى بنكك! Author: Biraima M Adam Date: 01-18-2026, 00:15 AM Parent: #41
سوء إدارة بنك الجبال لا يلغى صحة قييام البنك .. وال swift بتاع البنك المركزى تبلوه وتشربوا مويته.
بنك المستقبل قايم قايم ..
بريمة
Post: #43 Title: Re: تأسيس تعلن عن: بنك المستقبل .. باى باى بنكك! Author: Hafiz Bashir Date: 01-18-2026, 05:43 AM Parent: #42
Quote: سوء إدارة بنك الجبال لا يلغى صحة قييام البنك .. وال swift بتاع البنك المركزى تبلوه وتشربوا مويته.
بنك الجبال تأسس بوجود ترخيص وضامن وهو البنك المركزي لحكومة جنوب السودان. ودا معناهو لا يمكن بل وشراب موية البنك المركزي. الشي التاني ما ممكن تفتح بنك في السودان يكون تابع لبنك مركزي في دولة تانية. والشي التالت تجربة بنك الجبال انتهت بضياع اموال المساهمين والمودعين بسبب أن البنك قام على فكرة متمردة على الدولة. والشي الرابع عبد العزيز الحلو نائب رئيس حكومة تأسيس له سابقة في إنشاء بنك وأكل اموال الناس.
Post: #44 Title: Re: تأسيس تعلن عن: بنك المستقبل .. باى باى بنكك! Author: Hafiz Bashir Date: 01-18-2026, 02:42 PM Parent: #43
يعني يا عارف الشي دا طلع تطبيق وفي التطبيق عبارة عن منصة داخلية لتحويل الأموال بين الاعضاء المشتركين فقط. يعني ما ممكن تحول منه لحساب بنكي خارج المنصة.
Post: #45 Title: Re: تأسيس تعلن عن: بنك المستقبل .. باى باى بنكك! Author: Biraima M Adam Date: 01-21-2026, 02:26 AM Parent: #44
Post: #46 Title: Re: تأسيس تعلن عن: بنك المستقبل .. باى باى بنكك! Author: Biraima M Adam Date: 01-21-2026, 02:30 AM Parent: #45
أشربوا من البحر ... خخخخخخاخ!!
ول أبا فاضل الجبورى كسر الدش.
بريمة
Post: #47 Title: Re: تأسيس تعلن عن: بنك المستقبل .. باى باى بنكك! Author: muntasir Date: 01-22-2026, 00:55 AM Parent: #46
أين الحبرتجي حيدر المعمدان ساهم في بنك جنجستان وأصرف بعملة دولة تعيس الدوقلار وسلمنا بنكك مع جوازنا ، الجنجاكوزي بريمة زنقة كلب في عبدالرحيم طاحونة 😅
Post: #48 Title: Re: تأسيس تعلن عن: بنك المستقبل .. باى باى بنكك! Author: Biraima M Adam Date: 01-22-2026, 06:42 AM Parent: #47
مولانا حافظ
Quote: يعني ما ممكن تحول منه لحساب بنكي خارج المنصة.
خخخخخخاخ!! عوجة شديدة!
عجلة الولدت جناحها :طراح" ليك شنو يا مولانا؟؟
بريمة
Post: #49 Title: Re: تأسيس تعلن عن: بنك المستقبل .. باى باى بنكك! Author: Deng Date: 01-22-2026, 10:22 AM Parent: #48
يا عبار
الشي ده تطبيق ولا بنك؟
Post: #50 Title: Re: تأسيس تعلن عن: بنك المستقبل .. باى باى بنكك! Author: Biraima M Adam Date: 01-22-2026, 03:01 PM Parent: #49
Quote: الشي ده تطبيق ولا بنك؟
حتى الأن لم تظهر كل التكنلوجى المرتبطة ببنك المستقل .. لكن منتظر أول ما يفتح البنك للتداول الخارجى .. ح أفتح حساب وأقوم بتنوير الناس.
بريمة
Post: #51 Title: Re: تأسيس تعلن عن: بنك المستقبل .. باى باى بنكك! Author: محمود الدقم Date: 01-30-2026, 12:25 PM Parent: #50
البنك فتح 👇👇👇👇👇👇👇👇👇👇👇👇👇👇👇👇 https://x.com/i/status/2017102722894311760https://x.com/i/status/2017102722894311760
Post: #52 Title: Re: تأسيس تعلن عن: بنك المستقبل .. باى باى بنكك! Author: ترهاقا Date: 01-31-2026, 09:25 AM Parent: #51
Quote: البنك فتح
الشفشفة حتبدا متين ؟ يا ساتر منكم ، حياة كلها قلع وحلال بلال واشوسة،
Post: #53 Title: Re: تأسيس تعلن عن: بنك المستقبل .. باى باى بنكك! Author: Deng Date: 02-01-2026, 07:20 AM Parent: #52
واضح جداً أن العبار بريمة بلل بدأ يمارس ألاختيال والشفشفة في هذا المنبر.
Post: #54 Title: Re: تأسيس تعلن عن: بنك المستقبل .. باى باى بنكك! Author: Biraima M Adam Date: 02-01-2026, 08:40 AM Parent: #53
ول أبا الدقم
ألف شكر للخبر. شايف الجماعة أتكسر ليهم الدش فى أيديهم قالوا أفضل يبدأوا مشوار التشويه.
قال شفشفة قال .. فاكرين دا أقتصاد الكيزان الطفيلى، هنا القوانين واللوائح تحدث عن نفسها .. وكل زبون عارف حقه ومستحقه.
اللهم أنصر الحق.
بريمة
Post: #55 Title: Re: تأسيس تعلن عن: بنك المستقبل .. باى باى بنكك! Author: Hafiz Bashir Date: 02-02-2026, 03:23 AM Parent: #54
حسب الرابظ بتاع الدقم فهي شركة للخدمات المالية والمصرفية وليست بنك. شركة المستقبل للخدمات المالية والمصرفية.
Post: #56 Title: Re: تأسيس تعلن عن: بنك المستقبل .. باى باى بنكك! Author: قصي محمد عبدالله Date: 02-02-2026, 06:54 AM Parent: #1
قالوا البنك لدرجة ما آمن، غير قابل للتهكير لأنه غير متصل بالنت، حفرة القروش مؤمنة ضد السرقة والحريق والتلف، وأكثر شيئ أمانا أن مافي واحد بقدر يسحب منو، ولا حتى صاحب القروش،
إدخال المال متاح للجميع، والسحب يقتصر على أشخاص معينين، ولهم كامل التصريف في ممتلكات الآخرين المالية.
