بلكوني القامات .. شكرا شكرا

09:54 AM January, 10 2026

سودانيز اون لاين
طلحة عبدالله-
مكتبتى
رابط مختصر

في الفيس بوك عندي فوبيا عدم التبليك
اذا مر أسبوع وما في واحد من الاساتذة الكبار جدا بلكني بمرض عديل
عشان كدا عايز أشكر الاستاذ الكبير جدا عزمي عبد الرازق الذي انعم
علي بواحد بلوك من النوع أبو كديس
عزمي عبد الرازق هو استاذ كبير عاني من أزمة ثقة في نفسو خلال الفترة التى
تلت اختيار أخونا محمد عبد القادر مستشارا صحفيا لرئيس الوزراء فجن جنون
كيبورده لينتج يوميا الكثير من مفردات التحقير والاستصغار لرئيس الوزراء
ومخاطبته وكأنه يخاطب تلميذ ابتدائي خايف من الدرس وكنت دائما أنصحه
بعدم الكتابة تحت تأثير المواجد والأجندة الشخصية خصوصا وهو يتكلم عن
رئيس الوزراء ولا أنكر أنني صريح وواضح ودغري ما يجعل كلامي حامضا
لا يقو حلقوم على بلعه ختى لو كان حلقوم استاذ كبير مثل عزمي عبد الرازق وقبله
الاستاذ الكبير فوزي بشرى بتاع قناة الجزيرة وآخرون هم في الحقيقة اساتذة كبار
في كل شىء إلا في مواجهة الحقائق لأن الجمل كما قال منظرين زمان
ما بشوف عوجة رقبتو خخخ..
ع العموم
أبارك لنفسي البلوك الغليد من الاستاذ الغليد وأبارك له كونه سينام مرتاحا من
الحموضة وأتمنى أن لا يعتقد نفسه جبانا في مواجهة الرأي الآخر فالبلوك أسلوب
من أساليب الدفاع عن النفس خخخخخخ
ملحوظة
اتحدى أي مبلك من المبلكين العظام ديل أن يأتى بعبارة واحدة لي تعتبر اساءة
أو حتى تلميح بالإساءة الشخصية له .. كل ذنبي انني نصحتهم والله على ما أقول شهيد خخخخخ

لن أقول أن سبب استحقار واستصغار الاستاذ الكبير
عزمي عبد الرازق لرئيس الوزراء هو الحقد
لكن ممكن أقول غيرة طفولية خخخخخخ
محمد عبد القادر صحفي قديم عندو خبرة
ومتمكن من اداتو
لكن عزمي دا سمعت بيهو أول أمس وبصراحة
المقارنة معدومة بينو وبين محمد عبد القادر
عشان كدا مستغرب كيف يغير تلميذ ابتدائي
من استاذ جامعة خخخخخخ

الصحفيين المحسوبين على النظام المقبور معظمهم نالوا القيد الصحفي كوسة على قول المصريين
.تخيل بقال والهندي عز الدين عندهم قيد صحفي ..
-ياخي التبليك ده احسن حاجة 😀
يا ريت بكري ينجدنا به برضو

-
التعديل لتصحيح " المقبور"

تحياتي وتقديري، لك وللمبلكك،

Quote: عشان كدا عايز أشكر الاستاذ الكبير جدا عزمي عبد الرازق الذي انعمعلي بواحد بلوك من النوع أبو كديس

خذها قادة وقرض عليها:باب النقاش مفتوح على مصراعيه ،،مالم تهان البني آدمية، يقفل وقتيا!
والبقفل منك الباب، ما تحاول تصل ليه عبر النافذة، وبس،
وقديما قيل:
ما تتشعبط في زول، لا انت قرد ولا هو شجرة.
ولا جايين تدوروها هنا،حيث لا أبواب توصد ولا نوافذ تسد،، ههه!

سلام اخونا طلحة
احسن شيء انك تردد العبارة الماثورة
الحمد الله الذي عافاني واذهب عني الاذي
اما الصحفي دا اسمو ما غريب علي

حيدروق مساء الخوازيق والكوارث

Quote: بقال والهندي عز الدين عندهم قيد صحفي ..

وعشة الجبالي وهادية جبرة ونادية القلعة وشادية جلكسات
عندهن عضوية في اتحاد المحن الموسيقية
اللهم أخرجنا منها سالمين وانت أرحم الراحمين

مساء سعيد يا قصى
غرضى انو الشمار دا ينتشر ويصل الفرارين ديل
في صفحاتم وجرايدم حيث لا أحد يستطيع أن يقول بغم غير
البغم العايزنها هم مستأسدين ومتعنترين على المساكين
وأول ما يجىء شليق زيي كدا يوريهم السماء بضربوه بوهية
كيف يقفلوا عليهم الباب .. وما ألذ جبنة الدويم خخخخخخ

Quote: ولا جايين تدوروها هنا،حيث لا أبواب توصد ولا نوافذ تسد،، ههه!

ما يقدر يجيءويمارس ورجغتو العنترية دي هنا
وانت قايل كل أو جل العاملين فيها صحفيين كبوا الزوغة
من المنبر دا لشنو يعنى ؟؟

مساء الأنوار أخونا الدقم

Quote: اما الصحفي دا اسمو ما غريب علي

دا صحفي استاذ كبير جدا على المساكين
من عينة البتلقاهو شغال يومية يعتل في قدخ المونة
يطلع بيهو سابع دور اليوم كلو شغال كدا عشان
بالليل يسمع حس كواريك بتاعت قونات من لدن
عشة الجبالي ونادين القلعة ويمشي ينطط قدامن ويشتت
ليهن حق اليومية في بواريكن وآخر الليل يجي حيلو مهدود
وينوم بلا عشاء والقونات يمشن ياكلن المحمر والمجمر
ويشترن آخر صيحة بواريك خخخخخخخخ
اللهم رزق الهبل على المواهيم

https://cityupload.io/

طلحكوف انزيك
😂😂