الأخ علي الكنزي ، ما جواب هذا الإستفهام ؟!

07:35 AM December, 09 2025

سودانيز اون لاين
الصديق الزبير-السودان
مكتبتى
رابط مختصر

" اسألوني قبل أن تفقدوني؟ ماذا كان يفعل الاستاذ محمود محمد طه عند صلاة المغرب وامام حواريه فعل تكرر!! "

اسألوني قبل أن تفقدوني؟ ماذا كان يفعل الاستاذ محمود محمد طه عند صلاة المغرب و...ه فعل تكرر!!اسألوني قبل أن تفقدوني؟ ماذا كان يفعل الاستاذ محمود محمد طه عند صلاة المغرب و...ه فعل تكرر!!

اخ صديق
والله لو لم يكن في طرحك هذا الا هذه لكفتني
و لاحظ المداخلة كانت في ٢٧ اكتوبر ٢٠١٧
والتي جاء فيها على لساني :

Quote: فعودوا لرشدكم واقتدوا برسول الله في كل احواله وانشروا دين الله السمح الذي عجز عن كشف خزائنه الوهابيون والاخوان ومن سعى سعيهم فهم يجعلون من الدين مطية للحياة الدنيا لهذا قدموا لنا نموذجاً مغايراً لدين محمد صلى الله عليه وآله وسلم دين الرحمة والمحبة والتعاضد والتسامح والالفه اسأل الله أن يؤلف بين قلوبنا كماالف بين قلوب اصحاب محمد صلى الله عليه وآله وسلم

فما زال في يومنا هذا ومنبرنا هذا من يحسبني من هؤلاء الذين اشرت اليهم في ما جاء عني اعلاه
اين الله السمح
الذي عجز عن كشف خزائنه الوهابيون والاخوان ومن سعى سعيهم
فهم يجعلون من الدين مطية للحياة الدنيا
لهذا قدموا لنا نموذجاً مغايراً لدين محمد صلى الله عليه وآله وسلم دين الرحمة والمحبة والتعاضد والتسامح والالفه

يا أخ الكنزي
إنت قلت : الأستاذ محمود يفعل شيء ، وبشكل متكرر ، وأمام حواريه - عند صلاة المغرب .
فـ يا أخي رجاءً ، ما هو هذا الفعل المتكرر ؟!
* بس عاوز منك إجابة السؤال دا - حسب ما إنت طلبت وقلت - بعضمة لسانك ، وحسب الشيء ال إنت شفتو منه بعينك .

الأخ صديق تحياتي
لن تجد اي إجابة من الكنزي بالذات في هذا الموضوع

سلام للجميع~
أخى أستاذنا على لو سمحت تبعد تماما عن هذا الخيط الذى يماثل
"الناس فى شنو والحسانية فى شنو"
…الشعب السودانى يلملم فى وطنه يا الله يا الله

يا أخ صديق دى مساككة غريبة تفتح بوستات بالأسم وتانى لما تكون عايز مطاردة الشخص المعنى تعود تفتح نفس الخيط
…ما هو انت بتكتب كلام عن وطن كامل وأحزاب ما فى زول طاردك

يا أخت ، هدى

* مش أي زول في همه ؟!
* أنا ، الموضوع دا بيهمني - إنتي مالِك ؟!
* إذا ما عجبِك - اتجاوزي بس .

أسمع صديق - ما عجبنى طبعا ولن أتجاوز ، ليه كاتبه فى بيتك ولا دى مدونتك
…تطارد فى الأعضاء وعايز الناس تتجاوز
… همك شنو ، صحى لا يهمك الوطن بحسب كلامك السابق ومتابع سباق القلبة كما الحسانية
…بمجرد ما طلعت من السودان قلت تقرب من المجموعات التى تضمن لك ملجأ
…ثم ما كلمتنا - الأستاذ محمود محمد طه إنت أحن وأقرب عليه من ناس هنا لا يسعنى ألا إن أخاطبهم بقدر إنسانيتهم التى تتجاوز وتترفع على كل الصغائر وأعنى تحديدا
***الأخ الإنسان، دكتور ياسر الشريف

يا أخت ، هدى

* إنتي عاوزة تخلقي معركة من مافي .
* ياخي السؤال موجَّه للكنزي ، ما ليك .

#يا صديق انت ما رسلت للاخ أستاذنا على الكنزى جواب مسجل فى بيته ومشينا "كسرنا" البيت وقرينا السؤال
دى للمرة الثانية تفتح هذا النداء فى هذا الموقع

………
…أخى ، أستاذنا على الكنزى ، لو مريت بهذا الخيط الذى يحمل اسمك مطاردة فى الفضاء ، لو سمحت لا تتداخل، لأن القصد هو صرف النظر عن حال السودان وعذابات أهلها.

يا هدى

* مداخلاتِك دي ، في إمكاني أرد عليها بالتفصيل ، لكن صراحة ما شايف أي داعي للتصعيد .
* فـ رجاءً ما نصنع معارِك جانبية ما ليها لزوم .
* خلي البوست يمشي في موضوعه الأساسي المفتوح من أجله .

Quote: * فـ رجاءً ما نصنع معارِك جانبية ما ليها لزوم . * خلي البوست يمشي في موضوعه الأساسي المفتوح من أجله .

ههههههههههههههههه
يا صديق الزبير يا اخي هو الموضوع الاساسي المفتوح البوست من اجلو شنو؟
اصلاً ذاتو سؤالك للكنزي في بوست مدينة الأبيض الآن وموضوع البوست الحالي ما هو إلا معركة جانبية ما ليها لزوم.

حافظ

لك مطلق الحق أن ترى الأشياء كما تشاء .

سلام واحترام اخي الصديق
ليس بعيدا عن هذا الجدل وقريبا منه ايضا
داىما في حياتنا السياسية هناك كثير المكتوم او اامسكوت عنه
ويصيب ذلك دائما علية القوم من السياسيين اولا واامتعلمين والقادة من كل نوع..
انا لست قريبا من الجمهوريين ولا اعرف الكثير من تفاصيل حياتهم سوى ااخطوط العامة لما طرحه محمود محمد طه
ولكن هناك قصة سمعتها من صديق ولم اصدقها ولم اكذبها لاني بعيد
كما بلت من كل ذلك..
حكى لي الصديق انه عندما تحبن صلاة المغرب وجميع ااحواريون منتظمون للصلاة
يغيب عنهم الاستاذ محمود في بيت الادب اكرم الله القراء واامتابعين..ولا يخرج الا بعد انتهاء
الصلاة ولا يصلي معهم او بعدهم.

شكراً ، أخ محمد عبد الله الحسين

* نعم ، قِيل الكثير عن الأستاذ محمود .
* ونرجو من الأخ الكنزي أن يخبرنا عن ماهية الفعل المُتكرر من الأستاذ محمود ، والذي كتب فيه عنوان عريض - يوماً ما هنا ، في سودانيزاونلاين ، وطلب بنفسه أن يُسأل عنه .

والله مع حبي وتقديري للأخ الكنزي أطال الله بقائه
لكن ما شايف انو الأخ صديق دا بطارد فيهو
هو بسأله سؤال عايز أجابة عليهو والأخ الكنزي
لأسباب يعلمها هو ما عايز يجاوب
من حق صديق يسأل عن أمر قال إنو بهمو
ومن حق الكنزي ما يجاوب وهكذا وهكذا
اي معارضة للبوست دا تعتبر استقصاد ومحاولة للإستعداء
وتحيز في غير محلو
اعتقد والله أعلم
الكنزي قادر على حسم الموضوع بأكثر من طريقة

شكراً ، أخ طلحة

* نعم ، مافي مطاردة ولا أي شيء من النوع دا .
* كل ما في الأمر ، سؤال مطروح بوضوح ، والكنزي بنفسه هو من طلبه .

Quote: ههههههههههههههههه يا صديق الزبير يا اخي هو الموضوع الاساسي المفتوح البوست من اجلو شنو؟ اصلاً ذاتو سؤالك للكنزي في بوست مدينة الأبيض الآن وموضوع البوست الحالي ما هو إلا معركة جانبية ما ليها لزوم.

شكرا مولانا حافظ على هذه الإشارة، ما شفت الخيط المرفق قبلها
…ياهو سباق الحسانية تماما
كويس أنه صديق إفترع الخيط عشان ود الحسين يكتب ما رواه صديقه، وصديق يرد عليه انه فى كلام كثير إتقال عن محمود محمد طه وهكذا …
…………………
#عاش كفاح الشعب السودانى وخاصة داخل أرضه
# والبيزدريك يا ويله من غضبك عليه ومن مشيك يا ويله من أجله الوشيك …(صديق تكون فهمت سبب هذين السطرين ، ردا على تعليقا سابقا لك عن السودان بعد مرقتك منه)

نعم طلحة
هذا منبر تفاعلي يحق لاي شخص يكتب ما يريد ويحق للاخرين
الطلب منه ان يوضح بشكل حاسم بقصد شنو من طرحه ذاك او هذا؟
اي عضو هنا عندو اهتمام معين بحب يكتب فيه، في ناس بتحب تكتب في الشعر فقط واخرون بحب يكتبوا عن الاخونج
واخرون بحب يكتبوا عن الدعامة وام قرون.
يبقي صاحب البوست المقصود يحق له ان يرد ويعقب او يحق له ان يطنش ويتجاهل وما يرد
لكن الحرية للجميع.

يا هدى

* كلمي أستاذِك ال حرَّضتيهو دا ، يجيب على السؤال المطروح .
* بعد كلامِك ، تاني ما جا حايم بجاي كلو كلو (طار طيرة ابريش) ، وهسي - ما مُستبعَد يكون بيقرأ في المداخلات دي .

الاخ الصديق الصديق
اترك الرجل ياخ..لربما راى انه ما سيقوله سؤدخله في مساءلات ومتاهات وانت
عارف في نلس هنا ما عندها غير الترصد لاي خطا..
احيانا اىواحد بعد يكتب شيء يرجع يلقى نفسه انه اتسرع ويندم.
نحن لا نعرف ظروفه ولا مبراراته...رافة به وبنا اتركه .
انت باصرارك واهتمامك بالموضوع اامتروك يا اخ الصديق كانه لديك الرد مسبقا على ما سيقوله..
خلاص اعتبر ما كان سيقوله الكنزي ضمن الكلامات الكثيرة التي قيلت حول الاستاذ كما علقت على كلامي المنقول.
تحياتي واحترامي

شُكراً ، أخ محمد عبد الله

* المتاهات والمُساءَلات ، ال أدخله فيها منو ؟!
* هو براهو بنفسه - جاء هنا في المنتدى العام دا ، وقال " اسألوني " .
* فإذا أدرك ، أو رأى أنه تسرَّع أو ندم على ما كتبه ، أو أنه أخطأ ، أو لن يجيب - لأي ظرف أو مُبرر يخصه - باب الإعتذار مفتوح ، فليعتذِر ، ويحترِم عقول القراء .

ونجحتي لحد كبير في مُبتغاك يا هدى

* أستاذِك دا ، كنتَ عايزو يجيب بوضوح عن إستفهام هو بنفسه طلب أن يُسأل عنه هنا .
* هو - أساساً ، ما كان مُحتاج كتير للهرَب ، لكن بعد تحريضِك ، ما أظن يجيب ، أو يعتذِر - من فعلته ، لأنو أصلاً طبيعته الشخصنة ، والمُراوغة ، وافتعال المعارِك - بدون سبب .. وما أظن بيملِك الشجاعة الكافية للإعتذار .
* على كل - كوني شريكة معاهو في الإثم .. في أي فهم أو صورة شائهة تُرسَم للناس في أذهانهم - عن الأستاذ محمود محمد طه .

يا اللخو أخيرا فهمت مبتغاي ، أنه الأخ إستاذنا على ما يضيع وقته معاك وإنت تحاول تشتيت عذابات أهل السودان .
…حلوة شاركتى دى so what؟، كدى أمشى بالمرة أفتح ليك خيط كسباق الحسانية

Quote: نعم ، قِيل الكثير عن الأستاذ محمود

…جملتك دى أشد من إى كلام زى الطفلة الجات تبكى قالت قالوا ليها شينة حبوبتها قالت ليها "لو ما شعرك القصير دى وسنونك الملخبطات وعيونك المطيرات ما عندك اى نوع من القبح
…الطفلة بكت وقالت "كلامك دا، البت ما وصفتنى بيه"
…يعنى بجملتك ردا على ود الحسين و، ومعاها الكثير كمان ، أضفت معلومة عجيبة ما فى زول قالها ، بدل تضيع الوقت ، جيب اللستة🤑

* ال حشرِك شنو إنتي أصلاً ؟!
* هل السؤال موجَّه ليك إنتي ؟ وللا المنبر دا واقع ليك في ورثة ؟!
* والسودان ، أنا شايلو في جيبي ؟ - شابكاني ، السودان ، وعذابات أهل السودان !!

ههههها
يا اللخو ، انت كاتب الخيط فى ما ورثته هناك - ولا رسلته خاص ، ما تخلينى اعطف عليك
…انت عرفت قصدى من التداخل فى هذا الخيط وسأواصل، مش انت عايز ٤ صفحات ، ستجدها إذن
…سيرة السودان الكل مرة برددها ليك ، انت نسيت ولا شنو ، بعد مرقتك على الملجأ الآمن مش ورجغت كلام عن حال السودان ، دا أصلا المخلينى محتارة فيك
#سأواصل

أسمعي ، إنتي بعد كلامِك ال كتبتيهو في أول مداخلة ليك في البوست دا ، مش كان ممكن اختصرِك وأقول ليك " لو سمحتي غير مُرحَّب بيك هنا ، والموضوع أصلاً ما بيخصك ، وما عندِك فيهو دخل " ؟!
* هل كان غالبني اقول ليك كدا ، واخليك تورجغي زي ما عايزة ؟!

كدا الأستاذ فى عليائه لن يرضى عن أمثالك، فشنو خليك فالح شوية🤑
#كم مرة أكلمك دا ما بيتك ولا مدونتك الخاصة ولا كتبتّ خيطك دا سريا
#شايفة عندك خيط ساذج برضه قلت الناس خايفة أو حاجة كدا ما عايزة تلتحق حيث الملاجئ الآمنة وما تاتى به ، برضه خليك فالح كثير .

…سأواصل

Quote: ولكن هناك قصة سمعتها من صديق ولم اصدقها ولم اكذبها لاني بعيد كما بلت من كل ذلك.. حكى لي الصديق انه عندما تحبن صلاة المغرب وجميع ااحواريون منتظمون للصلاة يغيب عنهم الاستاذ محمود في بيت الادب اكرم الله القراء واامتابعين..ولا يخرج الا بعد انتهاء الصلاة ولا يصلي معهم او بعدهم.

سلام صديق
علي الكنزي عندما كتب البوست بتاعه لم يكن قصده نقد فكر محمود محمد طه بل كان قاصدآ ومتعمدآ الاساءة لمحمود في شخصه. طريقة كتابته توحي بانه يعرف سر معيب وخطير عن محمود وهذا السر الخطير هو شاهد عليه وعلى الناس ان يسألوه عنه قبل ان يفقدوه ( يعني قبل ان يموت ويلقى هلاكه دون كشف الأمر). لا ادري من الذي قال لدكتور محمد الحسن بان محمود يدخل الادبخانة عند صلاة المغرب، هل هو نفسه علي الكنزي ام شخص آخر. ما هو الشيء الغريب ان يدخل اي شخص الادبخانة او المستراح او يطلع الفضاء للتبول وقضاء الحاجة فهو شيء طبيعي يقوم به كل الناس والكثير من الناس بشيلوا اباريقهم ويدخلوا الحمام استعدادآ للوضوء والصلاة. دخول الادبخانة بما ان الكنزي او غيره شايفه غريب فالرسالة هي ان محمود محمد طه يفعل شيء فظيع داخل الادبخانة لا يعرفه غير الشخص الذي كان معه داخل الادبخانة وهو نفس الشخص االذي قال بان محمود دخل الادبخانة او الشخص الذي قال اسألوني قبل ان تفقدوني.
اظن علي الكنزي في النميمة والغيبة وافتراء الكذب كان يعتقد انه سيجد الدعم والتأييد من امثاله من الناس ولكنه فوجيء بردة الفعل التي تعري ادعاءه بالتدين والخلق الحسن.

Quote: انت باصرارك واهتمامك بالموضوع اامتروك يا اخ الصديق كانه لديك الرد مسبقا على ما سيقوله.. خلاص اعتبر ما كان سيقوله الكنزي ضمن الكلامات الكثيرة التي قيلت حول الاستاذ كما علقت على كلامي المنقول. تحياتي واحترامي

هنا يا دكتور محمد، صديق بيرد ويسأل عن شيء علي الكنزي كتبه وطلب الناس يسألوه. الكلام بيسىء لمحمود طه واسرته والمؤيدين لفكرته من الاخوة الجمهوريين. انا شخصيآ لم اسمع اي شيء اخلاقي مسيء للجمهوريين أومحمود غير كلام الزول الكنزي
دا فانت بطلبك لصديق بان يتخلى عن اصراره فبترسل رسالة خاطئة لعلي الكنزي بان ما حدث منه شيء يمكن التغاضي عنه. لا حل للكنزي غير الطلب بسحب البوست بتاعه من الارشيف والاعتذار عنه.

Quote: فالرسالة هي ان محمود محمد طه يفعل شيء فظيع داخل الادبخانة لا يعرفه غير الشخص الذي كان معه داخل الادبخانة

يعمل حاجة في الأدبخانة دي
زي أن الرسول كان يطوف على نسائه التسع
في ساعة من ليل بغسل واحد
ولا أعرف من الذي كان يدخل مع الرسول إلى
غرف نسائه ليرى ما يفعله
اللهم إلا اذا كان الرسول عندما يخرج بقول
أنا كنت بعمل كيت وكيت
اللهم أهدى كتير جدا من المسلمين المغيبين
..........
قال تعالى (لا تكونوا كالذين آذوا موسى)
ناس العنعنة ما بسمعوا كلام ربنا سبحانه وتعالي

الأخ صديق ~
…لك التقدير على تبادل العبارات المهذبة فى الحوار بيننا
…رغما عن اختلافنا فى النظر لما يجرى فى السودان الآن لك منى كل الاحترام
…شلت بقجتى 😀(الحقوق محفوظة لعادل) وطلعت من هذا الخيط ، حيث إن النقاش أتى بعبارات لا أتداخل فى أجوائها
…العفو والعافية اخ صديق

يا اخ زين...
انا في راي انه الموضوع ينتهي على كده.. لانه التكويل ما عنده معنى.
انت شايف غير كده..ده رايك واخونا الصديق عنده رايه..اكان عايز يواصل يواصل..
اخونا علي مخير يرد والا ما ي د برضه الامر راجع ليه..
عايزينه يرد بالقوة اهو داك علي وديل انتو...ما في مشكلة.
يعني سحب البوست حل؟
خباص واصل يا اخ الصديق انت والمعاك...والزمن طويل.
احترامي

يا اخ زين...انا في راي انه الموضوع ينتهي على كده.. لانه التطويل ما عنده معنى.انت شايف غير كده..ده رايك واخونا الصديق عنده رايه..اكان عايز يواصل يواصل..اخونا علي مخير يرد والا ما ي د برضه الامر راجع ليه..عايزينه يرد بالقوة اهو داك علي وديل انتو...ما في مشكلة.يعني سحب البوست حل؟خلاص واصل يا اخ الصديق انت والمعاك...والزمن طويل اقصد الوقت .اول مرة اشوف زول بيطاردوه عشان ما قال كلام...طيب لو كان قالوا كانزحيحصل ليه شنو؟عشان كده ليه حق يسكت . مبالغة!احترامي

الأخ دكتور محمد عبدالله

* لا توجد مطاردة ، ولا إجبار على شيء ، بل سؤال ، المسؤول نفسه طلب أن يُوجَّه إليه .. فلماذا - بدلاً من أن يحترِم العقول ويجيب بوضوح ، أو يعتذِر - يدفع الناس لاستنطاقه ؟!
* لماذا ؟!
* في تقديرك - من كل النواحي ، هل هذا السلوك مقبول ؟!

الأخت هدى
الإحترام والتقدير محفوظ - إن شاء الله

* تأكدي أنه لا يوجد شيء من ناحيتي تجاهِك ، ومُرحَّب بكِ دوماً ، وعلى العين والرأس .
* لا يوجد شيء شخصي في كل هذا ، وأتمنى ما ورد من كلمات جافة في مداخلتي الأخيرة بخصوصك - ألَّا تكون قد أخذَت عندِك أكثر مما يجب - إذ ليس القصد أكثر من مجرد تذكير وتنبيه فقط لا غير .

* تعلمين ، وجودنا في هذا المنبر ، هو من أجل أن نستفيد ، ونفيد - ما استطعنا .. " أخذ وعطاء " .

* سوء الفهم ، والإختلاف ، والعبارات القاسية ، بل والجارحة - شيء طبيعي يحدث في النقاشات ، لكن الأهم حِرص الأطراف على عدم الإنزلاق إلى الشخصنة أو الأشياء الشخصية ، والحِفاظ - ما استطاعوا ، على روح الوداد بينهم مع اختلافهم ، كما قيل " اختلاف الرأي لا يُفسِد للود قضية " .


تحياتي

شكراً ، أخ زين

* نعم ، إن كان الكنزي يبتغي نقد فكر الأستاذ محمود محمد طه ومناقشة محتواه ، فلن يعييه الإتيان بأي نص أو فهم منقول عنه ، وفتح باب النقاش والتساؤلات حوله بوضوح ، دون غموض ، ولكن إستفهامه المُعنوَن بتلك الصيغة ، والمُفردات المُنتقاة بعناية ، ثم طبيعة ردوده على السائلين - في ذاك البوست ، كلها تُوحي بما لا يدع مجال للشك أن للرجل هدف مُحدد ومقصود - حيث صورة وسيرة وسُمعة الأستاذ .. وإن ادَّعى غير ذلك .. وإلَّا - كما تفضَّلت ، فليس أمامه - إن أراد حفظ ماء الوجه ، سِوى سحب البوست المَعني من الإرشيف والإعتذار عنه علناً ، أو كشف ما رآه بعينه من سلوك الأستاذ - للناس ، سيما وأنه يعلم قيمة ومكانة الأستاذ محمود عند الكثيرين .. وحقاً ، مما دفعني لإثارة هذا الأمر مُجدداً - رغم هذه السنوات ، أني قرأت لهذا الكنزي نفسه - قبل أيام ، هنا في هذا المنبر ، مداخلة في بوست للأخ زهير - يطالبه فيها بـ " إحترام عقول القُرَّاء " !!
فأين رجل بهذا السلوك - من إحترام العقول ؟؟!

الاخ الصديق
تحياتي واحترامي
انت بالجد رجل محترم ومهذب واخلاقك عالية..
فعلا اختلافاتنا يجب الا تفسد ما بيننا...
لك الود والتقدير

وللأخ زين أيضا كل الاحترام

ما اجمل ان تكون القلوب صافية والصدور..

ربنا يجعلنا دائما بعيدين عن الحزازات والحقد والتربص والغضب.

تحياتي لكم ولكل المتابعين.

على حسب المثل العراقى شيخ الكنزى "سرحنا بالقنافذ"!

بالسودانى "رحنا بالقنافيت".

بريمة