اغنية ليه بتسأل عني تاني كلمات محجوب سراج فيها كمية من الأسي يناسب الوضع الحالي ونحن نحب الحزن او فرحنا نفسه من خلال الحزن الاغنية لابراهيم عوض لكني احبها جدا بأداء هاني عابدين خريج معهد الموسيقي وله مشاركات كثيرة في برنامج أغاني وأغاني وأظنه ظهر في أول عمل كبير في كورال ارض الطيبين بصوته المميز وكذلك اتمني المساعدة في كيفية مشاركة فيديوهات اليوتيوب بالمنبر لانه يبدو قد تغيرت الاعدادات القديمة لك كل الود والإحترام مقدما
Post: #2 Title: Re: حيدر حسن علي ... Author: حيدر حسن ميرغني Date: 04-24-2025, 07:14 PM Parent: #1
اهلين تيفا لو عاوز تنزل فيديوهات من موقع اليوتيوب دي الطريقة الساهلة اسفل الفيديو تجد share (عليها علامة بالاحمر) تضغط عليها ح تفتح ليك هذه النافذة .. تضغط على Embed (عليها علامة بالاحمر) ح تظهر ليك بالصورة دي .. طوالي تضغط على copy وتلصقها في البوست
Post: #3 Title: Re: حيدر حسن علي ... Author: طلحة عبدالله Date: 04-24-2025, 08:07 PM Parent: #2
شكرا حيدروف عبداللطيف دا اخوك واللا اسم على مسمى ؟
Post: #4 Title: Re: حيدر حسن علي ... Author: حيدر حسن ميرغني Date: 04-24-2025, 08:12 PM Parent: #3
- طلحة انا حيدر قاقرين B
Post: #5 Title: Re: حيدر حسن علي ... Author: حيدر حسن ميرغني Date: 04-24-2025, 10:17 PM Parent: #4
هناك ايضاً طريقة سهلة لرفع الفيديو من موقع يوتيوب تضغط يمين الماوس في الفيديو نفسه تظهر ليك عدة خيارات تختار copy embed code (عليها علامة بالاحمر) تضغط عليها بيسار الماوس ( المؤشر اذا كنت لا تستخدم ماوس) وتلصقها في البوست
Post: #6 Title: Re: حيدر حسن علي ... Author: Zein Abdalla Date: 04-25-2025, 02:54 AM Parent: #4
سلام حيدر الطريقة الثانية دي ساهلة وسريعة. ببساطة تعمل (كوبي) ثم تمشي تلصق.
Post: #7 Title: Re: حيدر حسن علي ... Author: عبداللطيف حسن علي Date: 04-25-2025, 05:01 AM Parent: #6
شكرا حيدر وزوار البوست حيدر حسن ميرغني انا كتبتها علي اسمي بدون اراجع الاسم ثلاثيا الفيديو بأداء هاني عابدين لم يظبط معي..ماضروري المهم الكلمات في الاغنية
Post: #8 Title: Re: حيدر حسن علي ... Author: Zakaria Fadel Date: 04-25-2025, 05:16 AM Parent: #7
تحياتي الأخ عبد اللطيف و زوار البوست صدقت في الأغنية ولكن ما ( عصرت) علينا شوية في حكاية هاني عابدين دي ههههههه صحيح حب الناس مذاهب لكن معقولة ما تحبها ( بصوت) ابراهيم عوض و تحبها بصوت هاني
نعم قد يكون صوت هاني ( رايقا) مع هذا اللحن بالمناسبة أداء هاني لها يذكرني بأغنية Sade المغنية الانجليزية ف ثمانينات القرن الماضى عندما تتهني باغنيتها الشهيرة Smooth aspirator
اضافة اخيرة
الأغنية من الحان الراحل المقيم و احظ أروع المواهب اللحنية في السودان الذي كان السني الضوي
Post: #9 Title: Re: حيدر حسن علي ... Author: طلحة عبدالله Date: 04-25-2025, 05:19 AM Parent: #8
صباح الخير البوست دا حبيتو ياخ الله يستر بس ما يطب عليهو بتاع الذكاء الصناعي يبهدلو بورد الصانعين خخخخخخخخخ
Post: #10 Title: Re: حيدر حسن علي ... Author: طلحة عبدالله Date: 04-25-2025, 05:24 AM Parent: #9
جعل دنياكم ربيع في ربيع في ربيع
Post: #11 Title: Re: حيدر حسن علي ... Author: عبداللطيف حسن علي Date: 04-25-2025, 08:13 AM Parent: #10
المريخابي العزيز طلحة قالوا في اتنين كسلانين جدا راقدين تحت شجرة نبق الاول فاتح خشمو عشان النبقة تقع فيهو ويحرك راسو في اتجاه سقوط النبقة التاني فاتح خشمو بس الا تقع مباشرة جوة خشمو بس دا ياهو الحاصل مع الذكاء الاصطناعي وبقي موجود بكثافة في كل المواقع ونشرات الاخبار بالخصوص يعني لو الجيش دخل صالحة يكون الخبر هكذا: ذكر مصدر عسكري بتمكن الجيش من دخول صالحة(انتهي) باقي الكلام ذكاء اصطناعي يكرر المعارك السابقة لغة الكلام الالي واضحة ماعندها طعم
Post: #12 Title: Re: حيدر حسن علي ... Author: طلحة عبدالله Date: 04-25-2025, 08:58 AM Parent: #11
حبابك يا عبد اللطيف عليهم الطلاق كرهونا بالذكاء الصناعي في المنبر دا ياخ ديل فظيعين عديل كدا
Post: #13 Title: Re: حيدر حسن علي ... Author: عبداللطيف حسن علي Date: 04-25-2025, 11:15 AM Parent: #12
تحياتي المحترم استاذ زكريا..منذ فترة ليست بالقصيرة وجدت نفسي(معلق) مع هاني عابدين واتابعه الفنان الذري ابراهيم عوض لايوضع مكانه احد بس مرات الواحد عايز تغيير
Post: #14 Title: Re: حيدر حسن علي ... Author: عبداللطيف حسن علي Date: 04-25-2025, 12:49 PM Parent: #13
الجزء من الحياة الذي لايتكلم لغة مثل الموسيقي،الرسم والتشكيل والمعاناة والالام..والتعابير الوجهية والجسدية اضافة الي الشعر العميق وكلمات الحزن النبيل هي اصدق مافي الوجود
Post: #15 Title: Re: حيدر حسن علي ... Author: نصر الدين عشر Date: 04-25-2025, 03:23 PM Parent: #14
بوست مخيب للامال :(
انا جيت اتاوق الدواس والجغم ...
Post: #16 Title: Re: حيدر حسن علي ... Author: طلحة عبدالله Date: 04-25-2025, 07:20 PM Parent: #15
يا حبيب هذا بوست لنقاهة الذوق العام وترقية المشاعر أمسك
Post: #17 Title: Re: حيدر حسن علي ... Author: عبداللطيف حسن علي Date: 04-26-2025, 06:10 PM Parent: #16
فرفور بسبب كثرة تواجده في الاستديوهات تجده غير مهتم بالكاميرات ويكون علي سجيته كانه بالبيت او مع اصدقائه في جلسة سمر لاحواجز فيها .. في اغنية المصير - علي سبيل المثال - ابدع عازف الاكورديون في انفراد موسيقي غاية في الروعة..لم يتمالك فرفور نفسه واطلق صرخة تأوه لايفعلها غير في جو من الرقابة الاجتماعية والمنع الذاتي وحضور الكاميرات الا فرفور هذا ههه الاغنية بأداء هاني عابدين وكلمات سيف الدسوقي والحان ود الحاوي(عبداللطيف خضر) اجمل ملحن علي الاطلاق حيدر جات حوبتك مرة اخري لنشر الفيديو بأداء هاني عابدين شايفك المرة الفاتت (جليتو)
Post: #18 Title: Re: حيدر حسن علي ... Author: عبداللطيف حسن علي Date: 04-26-2025, 06:17 PM Parent: #17
ال embed لاوجود له ماعارف ليه رغم اني ضغطت علي زر مشاركة..الخيارات ليس من بينها embed
Post: #19 Title: Re: حيدر حسن علي ... Author: عبداللطيف حسن علي Date: 04-26-2025, 06:21 PM Parent: #18
عذرا الاخ نصرالدين لم ار مساهمتك اللطيفة اكيد حيدر كان مثار بوستات الجغم رغم انه زول اديب في الاصل ومهتم بالشأن الادبي اكثر
Post: #20 Title: Re: حيدر حسن علي ... Author: عبداللطيف حسن علي Date: 05-27-2026, 04:17 PM Parent: #19
في ذلك التسجيل المشهود والمؤثر لأغنية "بتتعلم من الأيام"، والذي غلب فيه الشجن والأمل الموسيقار الراحل المقيم محمد الأمين فاسترسلت دموعه، كانت الفرقة الموسيقية في قمة تجليها وانضباطها الحسي والموسيقي. في الصف الأمامي لعازفي الكمان، وجوار العازفين المميزين لؤي عبد العزيز وزرياب، كان يجلس عازفا الكمان المخضرمان: الأستاذ ميرغني الزين الأستاذ ميكائيل الضو يُذكر أن فرقة الأستاذ محمد الأمين تميزت تاريخياً بضم صفوة من عباقرة العزف في السودان، حيث شكل هؤلاء الأساتذة بأوتارهم الخلفية الوجدانية ذلك البكاء الشجي لآلة الكمان الذي تناغم بدقة مع دمعات ود الأمين وصوته المعبر وهو يشدو بكلمات الشاعر إسحق الحلنقي. ------- حيدر خلي الغتاتة علمني اليوتيوب غير اعداداته ول ياها ذاتا عندي فيديو لابو اللمين
Post: #21 Title: Re: حيدر حسن علي ... Author: عبداللطيف حسن علي Date: 05-27-2026, 04:24 PM Parent: #20
مافي embed لايظهر الشير يؤدي لخيارات اخري سخيفة
Post: #22 Title: Re: حيدر حسن علي ... Author: حيدر حسن ميرغني Date: 05-27-2026, 05:18 PM Parent: #21
اسمع الشغل ده قالوا ذكاء اصطناعي استمع لعزف العود الممتع جدا
Post: #23 Title: Re: حيدر حسن علي ... Author: عبداللطيف حسن علي Date: 05-27-2026, 05:35 PM Parent: #22
كل سنة وانت طيب هل يوجد رابط باليوتيوب
Post: #24 Title: Re: حيدر حسن علي ... Author: حيدر حسن ميرغني Date: 05-27-2026, 05:53 PM Parent: #22
نعم اليوتيوب ربما هناك تغيير من الشرح السابق هاك دي طريقة طويلة شوية في اليوتيوب نفسه تضغط على share تجيك الخيارات دي تمشي ل copy بمجرد الصغط عليها بكون اللنك اتنسخ عندك تلصقه في أي موقع تحميل فيديوهات ادناه موقع يحمل اي نوع فيديو .savefrom.net تلصق اللنك هنا وتضغط download ستجد الفيديو نزل في محفظة الصور والفيديوهات عندك ثم تبحث عن موقع لرفع الفيديو في البوست مثلا ده موقع جيد تضغط على upload video بمجرد الضغط سيحولك تلقائيا لمكان الفيديو مجرد ما اتحمل تضغط على Embed ح تتحول الصفحة دي. تضغط على copy وطزالي تلصق في البوست
Post: #25 Title: Re: حيدر حسن علي ... Author: عبداللطيف حسن علي Date: 05-27-2026, 06:08 PM Parent: #24
كل الخطوات ظهرت لكن في اعلانات وصفحات منبثقة تمنع ظهور خيار embed وزهجت وخليتو😃
Post: #26 Title: Re: حيدر حسن علي ... Author: عبداللطيف حسن علي Date: 05-28-2026, 10:16 AM Parent: #25
يقولو ليك دا حير البلي ذاتو معقول ولد احمد المصطفي ينشر اغنية ابوه بصوت مغير هو احمد المصطفي اجمل ماعندو صوته الرايق الهادئ الولد اسمه اكرم احمد المصطفي واحتمال يكون اسم صدفة
Post: #27 Title: Re: حيدر حسن علي ... Author: حيدر حسن ميرغني Date: 05-28-2026, 12:06 PM Parent: #26
لا ما ولد احمد المصطفى قالوا فنان يمني لكن الشغل واضح ذكاء اصطناعي والماسك العود جان 😄
Post: #28 Title: Re: حيدر حسن علي ... Author: ترهاقا Date: 05-28-2026, 12:36 PM Parent: #27
Quote: مافي embed لايظهر الشير يؤدي لخيارات اخري سخيفة
اضغط على اليمين في الفيديو نفسو عشان تلقى embed
Post: #29 Title: Re: حيدر حسن علي ... Author: عبداللطيف حسن علي Date: 05-28-2026, 01:49 PM Parent: #28
سلامات ترهاقا Aiقال الخيار موقوف عندي
Post: #30 Title: Re: حيدر حسن علي ... Author: حيدر حسن ميرغني Date: 05-28-2026, 01:59 PM Parent: #29
جرب فيديوهات عديدة مرات اصحاب بعض الفيديوهات بقغلوا هذه الخاصية لتحاشي النسخ
Post: #31 Title: Re: حيدر حسن علي ... Author: ahmad almalik Date: 05-28-2026, 02:04 PM Parent: #29
تحياتي يا شباب
Post: #32 Title: Re: حيدر حسن علي ... Author: محمد عبد الله الحسين Date: 05-28-2026, 02:54 PM Parent: #31
حبيبنا عبد اللطيف وصحبه تحياتي لك ولحيدر متعدد المواهب( مرة مع دول ومرة مع دول)..ما تمشي بغيد وللمتابعين كلهم... الاغنية دي وغاية الامال ما بيحتاجوا لنسخ جديدة بعد وضع عليهم ابراهيم ختمه.. اداء عابدين ذكرني اداء معتز صباحي لاغاني الجابري وكفى.. تحياتي واحترامي
Post: #33 Title: Re: حيدر حسن علي ... Author: حيدر حسن ميرغني Date: 05-28-2026, 02:57 PM Parent: #32
حبيبنا محمد الحسن ياخي انت تقول الدايرو ولا تبالي وين امشي 😆
Post: #34 Title: Re: حيدر حسن علي ... Author: محمد عبد الله الحسين Date: 05-28-2026, 03:30 PM Parent: #33
هههههه..تسلم يا ظريف انت كمان زي ما قالوا في الدوبيت تقوم وتقعد على كيفك... بالمناسبة وانت زول عندك فنيات كتيرة ..بمناسبة الضحكة دي ..والله ما عارف استعمل الرموز والايموجي ظي كيف
Post: #35 Title: Re: حيدر حسن علي ... Author: محمد عبد الله الحسين Date: 05-28-2026, 03:33 PM Parent: #34
يا حيدر اشرح لينا براحة ما اقوم اتمقلب زي عبداللطيف ما القى Embed والا copy و الا share
عايز كوبي بيست طوالي
Post: #36 Title: Re: حيدر حسن علي ... Author: حيدر حسن ميرغني Date: 05-28-2026, 04:12 PM Parent: #35
أنا ما شغال بالنسخ من ال share بتبع الطريقة الذكرتها آنفا لاني بحتفظ بالفيديو في الاستديو بتاع الفيديوهات النسخ من share ووضع الفيديو طوالي في البوست يعني عدم الاحتفاظ بنسخة في جهازك اتبع هذه الخطوات اذن اذا كانت الفكرة رفع الفيديو في البوستات فقط.
Post: #37 Title: Re: حيدر حسن علي ... Author: حيدر حسن ميرغني Date: 05-28-2026, 04:22 PM Parent: #36
Post: #38 Title: Re: حيدر حسن علي ... Author: عبداللطيف حسن علي Date: 05-28-2026, 04:32 PM Parent: #37
احمد الشيخ ومحمد عبدالله سعدت بزيارتكم شكرا احد علي الفيديو المطلوب الاخ حيدر عندي خيار غير موجود وهو السبب الاساسي Youtube studio ولما حاولت انزله عن طريق تطبيق اخر برضو رفض انو في بلدك مافي
Post: #39 Title: Re: حيدر حسن علي ... Author: عبداللطيف حسن علي Date: 05-28-2026, 04:35 PM Parent: #38
عملت برضو delete طول المدة من يوم حفرو البحر الناس ديل تقول اكلت عشاهم
Post: #40 Title: Re: حيدر حسن علي ... Author: حيدر حسن ميرغني Date: 05-28-2026, 05:04 PM Parent: #39
Quote: ولما حاولت انزله عن طريق تطبيق اخر برضو رفض انو في بلدك مافي
Post: #41 Title: Re: حيدر حسن علي ... Author: محمد عبد الله الحسين Date: 05-28-2026, 05:24 PM Parent: #40
اليوم شكله يوم الأمية العالمي يا حيدر
Post: #42 Title: Re: حيدر حسن علي ... Author: عبداللطيف حسن علي Date: 05-28-2026, 06:09 PM Parent: #41
انت بتجيب الخيارات دي من وين ماعندي نهائي حاجاتك دي
Post: #43 Title: Re: حيدر حسن علي ... Author: عبداللطيف حسن علي Date: 05-30-2026, 03:12 PM Parent: #42
استمعت في لحظة صفاء نادرا ماتمر بي الي عزف الذكاء الاصطناعي للعود كل مرة يشيل مساحة مننا كبشر وهميين زي دينا خالد الامنجية انت بحات خطير ي حيدر
Post: #44 Title: Re: حيدر حسن علي ... Author: Ahmed Khalil Date: 06-04-2026, 07:22 PM Parent: #43
