نفــــــســــي .. فـــــي ..!

Post: #1
Title: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 05:23 PM

حفلة كاربة بالجمري حامد!

Post: #2
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 05:24 PM
Parent: #1

والنفسيات مفتوحة للجميع!
تنفسوا الصعداء

Post: #3
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 05:24 PM
Parent: #1

ونسة عصرية في الكرين!
بالجبنة والشيشة .. والبزيانوس!

Post: #8
Title: Re: نفــــــســــي .. فـــــي ..!
Author: خالد عبد الله محمود
Date: 04-29-2010, 05:26 PM
Parent: #3

خلاص قريت بوست جني ده و بقيت تتشهي يا عمكـ ..

Post: #12
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 05:30 PM
Parent: #8

وين الكلام دا يا خالد يا عمكـ!
يمين ما شفتو .. لكن نفيستي قايمة ليها كم يوم!

Post: #11
Title: Re: نفــــــســــي .. فـــــي ..!
Author: بكري عباس علي
Date: 04-29-2010, 05:30 PM
Parent: #3

Quote: بالجمري حامد!

الباقي عرفناه الجمري دا منو ؟

Post: #19
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 05:32 PM
Parent: #11

بكري يا عمكـ .. بالغت ياخ!
الجمري .. الجمري يا عمكـ

أهو عاينو ليهو تحت جابو ليكـ أبو حسين!

Post: #4
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 05:25 PM
Parent: #1

وحفلة كاربة برضو بعقد الجلاد
بكامل نجومها .. ومن غير المتلصقين فيها!

Post: #5
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 05:25 PM
Parent: #1

حسي دي نفسي في فانيلا ميلكـ شيكـ!

Post: #82
Title: Re: نفــــــســــي .. فـــــي ..!
Author: د.محمد حسن
Date: 04-29-2010, 11:31 PM
Parent: #5

ود الصايم
Quote: حسي دي نفسي في فانيلا ميلكـ شيكـ! !

شكلو طلع بوزيتيف

الف مبروك

Post: #110
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-01-2010, 08:25 AM
Parent: #82

Quote: شكلو طلع بوزيتيف
الف مبروك

لا حولاااا
ياخ حاشروا لي في نص الكلام

الله يباركـ فيكـ يا حبيب
عقبال عندكم قريب ياخ

Post: #121
Title: Re: نفــــــســــي .. فـــــي ..!
Author: أبو عبيدة البصاص
Date: 05-01-2010, 10:27 AM
Parent: #110

Quote: شكلو طلع بوزيتيف

ههههههههههههههههههههههههههههههههههههههههههه

هسي في داعي

Post: #6
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 05:26 PM
Parent: #1

أخلص البيت واتخارج من البلد دي!

Post: #139
Title: Re: نفــــــســــي .. فـــــي ..!
Author: الشاذلى خيرى عبد الله
Date: 05-01-2010, 01:31 PM
Parent: #6

Quote: أخلص البيت واتخارج من البلد دي!

ده المهم ..

باقى النفسيات كلها سااااااااااااهلة ..

ربنا يديك الفى مرادك يا راجل يا طيب ..

قول أمين .

الشاذلى

Post: #140
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-01-2010, 06:32 PM
Parent: #139

الشاذلي يا عمكـ
لقيتكـ ختير لكن!!
باللاي لافي ساعة أفتش في مداخلتكـ دي
تاريكـ جيت باركـ وسط الصالون طوالي!

ربنا يسهّل للجميع ياخ!

Post: #7
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 05:26 PM
Parent: #1

وأعيش في السودان مع الناس .. بالحلوة والمرّة!

Post: #16
Title: Re: نفــــــســــي .. فـــــي ..!
Author: محمد كابيلا
Date: 04-29-2010, 05:31 PM
Parent: #7

Quote: وأعيش في السودان مع الناس .. بالحلوة والمرّة!

قـــــــــــــول الروب !!

هو قاليك الهجرة إلى الخارج زى الرجوع إلى الوطن ؟

دى جرسات مغترب ولا شنو يا ودالصايم .!!كااااااااااااك

Post: #23
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 05:38 PM
Parent: #16

كابيلا يا عمكـ
ياها الجرسة ظااااطا!

قِرفنا

Post: #31
Title: Re: نفــــــســــي .. فـــــي ..!
Author: Hadeer Alzain
Date: 04-29-2010, 05:45 PM
Parent: #7

Quote: وأعيش في السودان مع الناس .. بالحلوة والمرّة!

والله يا ود الصايم جيت أكتب ليك
نفــــــســــي نرجع السودان كلللنا نهائي!
لقيتك سبقتني عليها!!

غايتو يا شغيغ الجابك يوم خميس وكمان مساء دا شديييييد وقوي !
نسميها غزوة ذات الأشواق؟!

Post: #35
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 05:52 PM
Parent: #31

ياااا شغيغة .. باللاي برضو متعذبة زيّنا واحد!

يوم الخميس دا قصتو جاطت عديل!
المرة عازما ليها دشلومية مرة زيها!
أدوني لابتوبي وقالوا لي اتسهّل!

هسي عامل لجوء

Post: #9
Title: Re: نفــــــســــي .. فـــــي ..!
Author: ABUHUSSEIN
Date: 04-29-2010, 05:26 PM
Parent: #1

" target="_blank">

Post: #13
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 05:30 PM
Parent: #9

أبو حسين يا عمكـ ..
بس .. حاجة زي دي
لكن لايف .. لايف عدييييييييييل!

Post: #10
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 05:27 PM
Parent: #1

ونسة كلام دُقااااق!

Post: #14
Title: Re: نفــــــســــي .. فـــــي ..!
Author: طارق جبريل
Date: 04-29-2010, 05:31 PM
Parent: #10

ابو شنب
طيب فضلت لينا شنو

Post: #20
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 05:32 PM
Parent: #14

ياااا طلبة
أنا عارف نفسيتكـ في شنو
قطع شكـ ما بتمرق من (رقشة)!

Post: #15
Title: Re: نفــــــســــي .. فـــــي ..!
Author: عمران حسن صالح
Date: 04-29-2010, 05:31 PM
Parent: #10

Quote: أخلص البيت واتخارج من البلد دي!
يا عبااااااااااااااس الناس دي كلها راجيا شنو غير تمة البيت ياخي ؟؟
بتبالغ يا ود الصايم
يعني عاجبانا حجارة الثمامة ؟؟

Post: #22
Title: Re: نفــــــســــي .. فـــــي ..!
Author: ABUHUSSEIN
Date: 04-29-2010, 05:34 PM
Parent: #15

طيب دي كيف يا ود الصائم ؟؟؟؟؟؟؟؟؟؟؟؟؟؟؟؟

" target="_blank">

Post: #36
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 05:55 PM
Parent: #22

Quote: طيب دي كيف يا ود الصائم

أبو حسين يا عمكـ
هسي وينو الجمري في ديل؟
ولا ديل عقد الجلاد؟

عمر الفاروق دا مالو عامل زي طارق جويلي؟

Post: #26
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 05:39 PM
Parent: #15

عمران .. ممكون وصابر
خلي بالكـ إنتو بتكونو منتظرين تتطهرو الأولاد

Post: #17
Title: Re: نفــــــســــي .. فـــــي ..!
Author: سيف الدولة كامل
Date: 04-29-2010, 05:31 PM
Parent: #10

ان شاء الله ربنا يحقق ليك الفي مرادك وترجع بالسلامة .

Post: #27
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 05:39 PM
Parent: #17

سيف يا عمنا وحبيبنا
ربنا يسمع منكـ ياخ!
ويحقق أماني الجميع!

شايفة صعبة بالحييييل!

Post: #18
Title: Re: نفــــــســــي .. فـــــي ..!
Author: منال
Date: 04-29-2010, 05:32 PM
Parent: #10

نفسى فى وفى وفى وحاجات تانيه حاميانى

مساك الله بالخير ود الصايم ..

Post: #28
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 05:40 PM
Parent: #18

منال ..

Post: #21
Title: Re: نفــــــســــي .. فـــــي ..!
Author: عصام دقداق
Date: 04-29-2010, 05:33 PM
Parent: #10

Quote: ونسة كلام دُقااااق!

تعال طالع لينا علي الزلط

شاي حياة مبااااااااااااالغ

وونستو الدقاق مباااااااااااااااالغ

بس كتر الجنيهات ام حديد

Post: #25
Title: Re: نفــــــســــي .. فـــــي ..!
Author: احلام وهبي
Date: 04-29-2010, 05:38 PM
Parent: #21

يا ود الصايم
انشاءالله تحقق كل الفي مرادك وترجع بالسلامة
ولناس الونسة الدقاق

Post: #33
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 05:47 PM
Parent: #25

أحــلام .. يسمع منكـ ربنا ياخ!
ركزي لينا على الونسة الدقاقة باللاي!

Post: #29
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 05:41 PM
Parent: #21

دقداق يا عمكـ!
ونسة دقاق معاكم؟

Post: #24
Title: Re: نفــــــســــي .. فـــــي ..!
Author: HAIDER ALZAIN
Date: 04-29-2010, 05:38 PM
Parent: #10

Quote: حسي دي نفسي في فانيلا ميلكـ شيكـ!

إنت نفسك تفتح دكان ازبيرات وإلا شنو ياعمك؟!

قال ملك شيك هههه

يآخ جارنا بتاع البقالة في كنور وقت قلت ليهو جبنة لبشكري وسفن اب و ليييز شيبس
قال الاسبيرات دي تلقاها عند ولاد المطبعجي في المنطقة الصناعية ...
تقول لي فانيلا شيك !!

نموت نحن يعني والا نموت

Post: #30
Title: Re: نفــــــســــي .. فـــــي ..!
Author: Amira Elsheikh
Date: 04-29-2010, 05:42 PM
Parent: #24

ياشباب,,,البوست دا اون بهاف اوف مى,,,

تشكر ياعمك

Post: #32
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 05:46 PM
Parent: #30

أميرة الشيكـ
الترجمة ياخ!
بتخافي من منو؟

Post: #37
Title: Re: نفــــــســــي .. فـــــي ..!
Author: Balla Musa
Date: 04-29-2010, 05:58 PM
Parent: #30

الزول البغنى فى الفديو التانى دا صديق الموج ول واحد تانى؟

Post: #41
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 07:16 PM
Parent: #37

بلة يا دكتورنا
هو بذات نفسو!

وأب صلعة التاني القاعد يهابش
في المكرفون دا عمر الفاروق!

Post: #34
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 05:48 PM
Parent: #24

Quote: يآخ جارنا بتاع البقالة في كنور وقت قلت ليهو جبنة لبشكري وسفن اب و ليييز شيبس
قال الاسبيرات دي تلقاها عند ولاد المطبعجي في المنطقة الصناعية ...

خلعت الزول يا عمكـ!
عشان كــدا قلنا حاليا!

حاليا يعني هسسسسسي ناو!
سيم سيم نوامة

Post: #38
Title: Re: نفــــــســــي .. فـــــي ..!
Author: عبدالعزيز الفاضلابى
Date: 04-29-2010, 06:00 PM
Parent: #34

Quote: وأعيش في السودان مع الناس .. بالحلوة والمرّة!

وأكل الحمص

Post: #42
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 07:24 PM
Parent: #38

فاضلابي يا عمنا .. أخباركـ وأموركـ
الحمص دا ح نهرسوا هرس!
بعدين ما تجي تغمّس معانا!

Post: #39
Title: Re: نفــــــســــي .. فـــــي ..!
Author: وليد عبد اللطيف
Date: 04-29-2010, 06:16 PM
Parent: #24

ود الصايم
ياخي ابوحسين ريحيني راحة وصلح نفسياتي
ياسلام يالزان جمالك == الكساك اسباب كمالك
خدك البنريدو مالك == خاتو في كفك شمالك
ديمة في فكرك سهودي == ديمة غارق من رهودي
انتي اظن عاجبك سهودي== مسلمة وقلبك يهودي
ديسك للمشاطه قلك == يسترك لو كان مكلك
ريدي لغيرك مغلك == مالي والخط المعلك

---------
ودالصايم نفس في قراصة بالتركين (ملوحه)

Post: #40
Title: Re: نفــــــســــي .. فـــــي ..!
Author: د.يوسف محمد طاهر
Date: 04-29-2010, 06:52 PM
Parent: #39

سلام - ود الصايم
كويس إنو نفسك مفتوحة . في ناس نفسها مقفولة من أي حاجة ...

Post: #43
Title: Re: نفــــــســــي .. فـــــي ..!
Author: Sidgi mattar
Date: 04-29-2010, 07:46 PM
Parent: #40

ود الصايم

تحياتى

Quote: أدوني لابتوبي وقالوا لي اتسهّل!

والله ما قصروا

----------------

نفسى والله سرير فى حوشنا واعد النجوم..... ومعاها صحن بوش كارب وبزيانوس

مودتى

Post: #48
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 08:01 PM
Parent: #43

Quote: نفسى والله سرير فى حوشنا واعد النجوم..... ومعاها صحن بوش كارب وبزيانوس

صدقي يا عمكـ
كلام والله!
لا يسعنا إلا أن نشارككم هذه النفيسة!
البزيانوس دا جبت معاي كرتونة منو!
خلّصت في تلاتة يوم!
المرة سقتا للضيوف!

Post: #45
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 07:51 PM
Parent: #40

Quote: كويس إنو نفسك مفتوحة . في ناس نفسها مقفولة من أي حاجة ...

دكتور يوسف يا حبيب
كلام نجيض والله!

إن شاء الله الناس دي كلها نفسها تفتح!

Post: #46
Title: Re: نفــــــســــي .. فـــــي ..!
Author: ALGARADABI
Date: 04-29-2010, 07:52 PM
Parent: #40

Quote: نفــــــســــي .. فـــــي ..!

نفسي في داخلك أعاين

أروي روحي واشوف منابعك
الصحراء في عيني تتواثب جناين
ماخدة صوتك من جداول
وشايلة صورتك من كهارب
مولداً ميدانه حافل
كل ما يصبح تجيهو الناس جحافل
يا سلام

لما تعبري في الشوارع
شوفي كيف الناس تصارع
ناس تطفر وناس تدفر
في البشابي على نجومك
وفى البخب كايس تخومك
وكل زول من عند سلافك
لا لا قال دايرلو كاس

مره طربان شلت صوتك شان اغني
قلت آه ياليل وأه
انت أول.. انت تاني..انت تالت.. انت رابع
نافره زي صيد الخلا
وصافية زي نبع المنابع
وقلتلي غناي خلاص

حلوه عينيك زي صحابي
عنيدة كيف تشبه شريحتين من شبابي
زي عنب طول معتق في الخوابئ
وسمحة زي ما تقول ضيوفا دقو بابي
فرحي بيهم سال ملا حتى الكبابي

ود الصايم
الله يديك الفي مرادك (على رأي مزمز)
وتحياتي لشاعر القصيدة المرهف بشري الفاضل

Post: #49
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 08:02 PM
Parent: #46

القرضابي يا حبيبنا
الله يدي الناس كلها الفي مرادها
لحدي مزمز زاتو!

وتحياتنا معاكـ للدكتور بشرى!!

نفسي مزمز دا يقفل ##### من الهلال!

Post: #47
Title: Re: نفــــــســــي .. فـــــي ..!
Author: Balla Musa
Date: 04-29-2010, 07:57 PM
Parent: #40

الفنان البغنى دا منو يا ود الصايم؟

الزول دا غناى شديد

Post: #50
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 08:06 PM
Parent: #47

Quote: الفنان البغنى دا منو يا ود الصايم؟

يا دكتور .. اسمو مرزوق
من أولاد الحاج يوسف
وفنان بورضاب الرياض المعتمد!

ومن هنا نرسل ليهو الشكر
ما قاعد يقصر معانا تب!

Post: #44
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 07:50 PM
Parent: #39

Quote: ودالصايم نفس في قراصة بالتركين (ملوحه)

وليد البرلوم
حمّتكـ خفيفة يا حبيب
أصلنا البيت تطلع بقراصة خمسة بوصة
وتركين من النوع العجيب داكـ!

Post: #51
Title: Re: نفــــــســــي .. فـــــي ..!
Author: جلال جبريل
Date: 04-29-2010, 08:11 PM
Parent: #44

Quote: الجمري .. الجمري يا عمكـ

دي على وزن

كِبدة...كِبدة ياخ

فقعو لي بيض؟

Post: #53
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 08:16 PM
Parent: #51

جلال ود جبرين يا عمكـ
ياها ذاااااتا!

بالنسبة للبيض
شايفكـ قاعد تفقع في البرالمة
أديهم فرصة يطلعوا النجيضة ياخ!

وتحياتي للبيض!

Post: #52
Title: Re: نفــــــســــي .. فـــــي ..!
Author: Hassan Makkawi
Date: 04-29-2010, 08:14 PM
Parent: #44

Quote: حسي دي نفسي في فانيلا ميلكـ شيكـ!

ود الصايم هاك
شيل...... ثم إنعكس... الدنيا قبايل جمعة ياخ!!!

Post: #54
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 08:17 PM
Parent: #52

هسان مكاوي .. أو كما يقولها أخينا في الله داكـ!
قبايل جمعة شنو ياخ مع كورجة الحروم القاعدين في البيت ديل!

غايتو الليلة الواحد حرق بدري بدري!
هبابتين وخمسين .. وتتخارج طوالي!

Post: #55
Title: Re: نفــــــســــي .. فـــــي ..!
Author: عبداللطيف خليل محمد على
Date: 04-29-2010, 08:25 PM
Parent: #54

كنت قايلك ( بتتوحم ) !!

------------------------------
وش مكشر ..

Post: #56
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 08:29 PM
Parent: #55

عبد اللطيف يا عمكـ
هسي الحالة دي من أخير منها الوحم؟

لقيتكـ خبرة في الوحم!

بعدين الوش دا مكشر ولا مكسر؟

Post: #60
Title: Re: نفــــــســــي .. فـــــي ..!
Author: Abd Alla Elhabib
Date: 04-29-2010, 08:47 PM
Parent: #56

Quote: حسي دي نفسي في فانيلا ميلكـ شيكـ!
سعـودي ولا هــولندي يا رمــزي ?!

Post: #63
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 08:53 PM
Parent: #60

ود الحبيب !
وينكـ يا زول!
ناتاشا وين ياخ!
أووووع يكون نقلوها
تبقى عليكم قصة تنقلوا الثروة وتخلو الحاجات التانية!

هولندي يا عمكـ!

Post: #57
Title: Re: نفــــــســــي .. فـــــي ..!
Author: Hassan Makkawi
Date: 04-29-2010, 08:34 PM
Parent: #54

Quote: قبايل جمعة شنو ياخ مع كورجة الحروم القاعدين في البيت ديل!

ود الصايم
دام الموضوع كدة ....اكل ليك دستة لقيمات مع ( المشكليب فانيلا دة )
ثم أخلد إلى النوم وابتسامة الرضى ترفرف حول اذنك اليسرى....

Post: #58
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 08:39 PM
Parent: #57

يا عمكـ
كان لقينا محل للنوم برضو ما بطّال!

Post: #59
Title: Re: نفــــــســــي .. فـــــي ..!
Author: amir jabir
Date: 04-29-2010, 08:43 PM
Parent: #58

نفسك ابيه فيك جازبية ولا شنوا

-----------
دى فلسه بس والله نفس الشعور بتقرش وتعمل ميت

ممكن نستعين بى

مكتبة الاغانى السودانية

عامر جابر
ما رجع السودان ابدااااااااااااا

Post: #61
Title: Re: نفــــــســــي .. فـــــي ..!
Author: Hassan Makkawi
Date: 04-29-2010, 08:49 PM
Parent: #59

Quote: كان لقينا محل للنوم برضو ما بطّال!

يا حبيب
نوم لينا فى المنبر دة...
دحين ما فاتح اربعة وعشرين ساعة؟؟؟؟

______________________

غايتو حدنا معاك نص الليل

Post: #64
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 08:54 PM
Parent: #61

مكاوي يا عمكـ
ما قصرّت برضو
نص الليل بياتو توقيت يا حبيب؟

Post: #62
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 08:51 PM
Parent: #59

عامر يا عمكـ
والله ما بكضب عليكـ
الفلسة كماان حاصلة!!
فلسة وخج شديد!

بالنسبة لـ ما راجع أبدا دي
غير رايكـ ياخ!
صدقني .. السودان مكسب!

Post: #65
Title: Re: نفــــــســــي .. فـــــي ..!
Author: amir jabir
Date: 04-29-2010, 08:56 PM
Parent: #62

Quote: بالنسبة لـ ما راجع أبدا دي
غير رايكـ ياخ!
صدقني .. السودان مكسب!

كدى قول عمر البشير غسل او اتربط كلبش كرج رج الجاى دة بديكم قروش للشفع بديكم بدل عطاله بكون مافى طاخ تل فى الوش يا زول اعمل ميت ساى

--------
والله الزول دة ادوه ست طلقات قدهم واحد ((على راى الصديق حسن ابودية )) مافى فائدة

احضر برنامج منقوا ماعرف كم واعمل ميت

Post: #68
Title: Re: نفــــــســــي .. فـــــي ..!
Author: عبد الفتاح زوما
Date: 04-29-2010, 09:18 PM
Parent: #65

حبيبنا ود الصايم
سلامات وكفارة من الحصل ليك بهرشة الحريم
كل العالم دى مدبرسة لكين ما قادرة تفضفض
فى اللحظة دى دبرستنا فكت مع شاب من نجوم الغد
اطربنا باغنية لعندليب الابداع = المرحوم / مصطفى سيد احمد

====================
ربنا يحقق الامانى ويكمل المراد للجميع

Post: #70
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 09:26 PM
Parent: #68

زوما يا عمنا وحبيبنا
أخباركـ ياخ والأمــور
كويس والله القدرتو تحضروا نجوم الغد!
والله أنا مرمي في الحوش
في الحووووش بتاع البيت التاني!

Post: #69
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 09:25 PM
Parent: #65

Quote: احضر برنامج منقوا ماعرف كم واعمل ميت

عامر يا عمكـ
أحضر براحتكـ
نحن غايتو كان لقينا طريقة بنرجع

Post: #66
Title: Re: نفــــــســــي .. فـــــي ..!
Author: داليا الكباشى
Date: 04-29-2010, 08:58 PM
Parent: #62

فـي حـاجه نفسكـ فيها شديييييييد
حاتصلك يوم الاحـد ..!!
واوعك تدي اي زول معاك .. أيا كان

Post: #71
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 09:27 PM
Parent: #66

دلوووووووووووووووووش يا
النجيضة النجيضة النجيضة
عليييييكـ الله جد؟

___
رسلي معاو مصاريف

Post: #67
Title: Re: نفــــــســــي .. فـــــي ..!
Author: Hassan Makkawi
Date: 04-29-2010, 08:59 PM
Parent: #62

Quote: نص الليل بياتو توقيت يا حبيب؟

حبيبنا

بتوقيت ساحل العاج...هسة بكونوا فى الغدا.....

Post: #72
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 09:28 PM
Parent: #67

Quote: بتوقيت ساحل العاج...هسة بكونوا فى الغدا.....

كويس يا عمكـ
الواحد ضمن زول يصلي معاو الجمعة في البورض!

Post: #73
Title: Re: نفــــــســــي .. فـــــي ..!
Author: القلب النابض
Date: 04-29-2010, 09:34 PM
Parent: #72

لا حولا ةلا قوة إلا بالله

ود الصايم شربت الروووووووووووووب كلو بي حاي

غايتو قلنا الرووووب نقول شنو يا ود امي

قعونجة لا تحتمل المي حارررررر

Post: #74
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 09:40 PM
Parent: #73

والله يا قلب
كمّلنا الروووووب والزباااادي
وماشين على الشامبيون هسي

الله في!

Post: #75
Title: Re: نفــــــســــي .. فـــــي ..!
Author: عماد الشبلي
Date: 04-29-2010, 09:42 PM
Parent: #72

ود الصايم .. سلام

انا عارف نفسك منتظرة تشوف العدد الثاني من كلام الصور ..

عدد مايو حا يصدر بعد يومين .. ترقبهو ,,

عشان خاطر نفيستك بس ,,

وما تحرم نفسك منو ..

Post: #76
Title: Re: نفــــــســــي .. فـــــي ..!
Author: طلحة عبدالله
Date: 04-29-2010, 09:54 PM
Parent: #75

الوحم ماعندك
هههاهاهاهااى

Post: #79
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 10:04 PM
Parent: #76

أوووووووووووووووو
عمكـ كماين!
قلت لي الوحم عندنا؟
والعندكم دا شنو طيب؟

الضحكة ما عندكم

Post: #77
Title: Re: نفــــــســــي .. فـــــي ..!
Author: محمد عبد الماجد الصايم
Date: 04-29-2010, 10:03 PM
Parent: #75

Quote: انا عارف نفسك منتظرة تشوف العدد الثاني من كلام الصور ..

الشبلي يا عمكـ .. من ناحية منتظرين هو ذاكـ
إن شاء الله نفيستنا ترتاح فيهو!

تسلم يا حبيب

Post: #78
Title: Re: نفــــــســــي .. فـــــي ..!
Author: Abd Alla Elhabib
Date: 04-29-2010, 10:03 PM
Parent: #75

Quote: ناتاشا وين ياخ!
ده شـروع في التحـرش !!
--------
حالتك تحـنن القذافي :)

Post: #80
Title: Re: نفــــــســــي .. فـــــي ..!
Author: Amira Elsheikh
Date: 04-29-2010, 10:38 PM
Parent: #78

نفسى فى مطرة تصب نص الليل
نشيييل فرشاتنا وندخل.... بعد شوية تسكت
نشيل فرشاتنا ونطلع ..تاااااااااااانى..
نمرق وندخل زى عشرة مرات وبعدها نوووووووووم و يضربنا الهمبريب والسقط
ونشم ريحة القش ,,

الصباح نصحى على ريحة بخور التيمان والشاى بالقيمات وكل زول متلصق جنب التانى
وكووولنا متلصقين فى امى باابوى معانا...
ونتشاور فى موضوع الفطور
ناس دايرين عصيدة بتقلية وناس دايرين قراصة بدمعة وناس دايرين فسيخ
قبل مانتفق امى تكون عملتهم كووولهم ....

اها ...

Post: #81
Title: Re: نفــــــســــي .. فـــــي ..!
Author: عبدالله ود البوش
Date: 04-29-2010, 10:44 PM
Parent: #80

Quote: أخلص البيت واتخارج من البلد دي!

وبعدين تبيعوا وتتخارج من البلد ديك
شفت ليك حصان بقعد في حتة واحدة

Post: #83
Title: Re: نفــــــســــي .. فـــــي ..!
Author: سلمى الشيخ سلامة
Date: 04-29-2010, 11:46 PM
Parent: #81

العباسية ، يالتلك المدينة
ليل خاص لا ينقطع فيه سيل الحفلات أو ما كان جدى يسميه "اللعبات "
منذ وقت باكر تسمع من ينفخ الماكيرفونات ايذانا ببدء حفل ما ،
لم تكن الحفلات تنتهى عند ساعة محددة من الليل ، مرهونة كانت لليل بطوله ،
ويا له من ليل ، تستمع فيه الى عشرات الاصوات الغنائية من فنانين لهم سطوتهم وقوتهم الفنية فيصيبك الطرب وانت مستو على سريرك او ان تكون الحفلة "فى بيتنا " وهذه قصة احكيها لكم
كنت حينها ما ازال طالبة فى معهد الموسيقى والمسرح اوائل الثمانينات ، كان خالى ماضى حفيا بالحفلات والطرب يسعى اليه ولا يألوا جهدا فى بعثه كائنا بيننا ، يجئ الى الحوش عندنا
ـ اسمعى اصحابكم اولاد المعهد ديل ما بجوا الليلة ؟
ولا يستمر الجدل طويلا ، ياخذنى فى سيارته باتجاه داخلية بانت حيث كان يقيم الطلاب من ابناء المعهد ، ونعود رفقتنا من كان موجودا "بدر الدين الشين ، عثمان سنط ، قاسم نصر ، عوض الله بشير ، شمت محمد نور ، انور عبد الرحمن ، مجاهد عبدالله وعثمان سافر " ويمتلئ البيت فجأة بعدد من افراد اسرتنا واصدقاءنا الذين جابتهم الريح الطيبة للغناء الجميل التى كان يمنحنا اياها اولئك الشباب فى تلك الايام ، فجأة ، ثمة غناء ، وثمة فرح ، وطعام يمتد سماطه مطهو بفرح ، كراسى ترقص بهجة ، وساوند سيستم تم توصيله بذات السرعة التى حل بها ذاكم الجمال ...

انت قايل روحك براك ؟

Post: #84
Title: Re: نفــــــســــي .. فـــــي ..!
Author: ALZOLZATOO
Date: 04-30-2010, 00:50 AM
Parent: #83

الحبيب ود الصائم

ان شاء الله خميساتك كلها تكون مخستكة عشان تقصر غربتك

ياخي واحد جاء من القرى يقضى شهر عسل عند جيرانا اها لقيتو ليك قاعد تحت الشجرة ومولع سجارة

قلت ليهو ياعريس اخبارك قال لي ياخي هي حلتكم دي حلة عرس قلت ليهو كيف قال لي جاركم ده كل يوم الساعة سته صباحا لازم واحد من بيتو يطلع راس البيت ههههههههه

انا برضو عندي ذكريات حلوة في العباسية ياخي العباسية دي جميلة جمال كدي انت دردق سلمى بت الشيخ دي بتحكي ليك عنها العجب العجاب

كل خميس وبيتك مليان حريم ان شاء الله وبعد العشاء ان شاء الله يولعوا ( الشيشة طبعا)

تحياتي

زاتوووو

Post: #85
Title: Re: نفــــــســــي .. فـــــي ..!
Author: Amira Elsheikh
Date: 04-30-2010, 12:13 PM
Parent: #84

اها يوم الجمعة دا انا بالنسبة لى يوم نفسيات عديييييييل كدا
عندنا تلفون الجمعة مع ناس بيتنا برفعو لى فيهو تقرير شامل كامل

صحو الساعة الساعة كم وحينومو الساعة
ابوى جاب ام فتفت وامير مشى جاب السمك وامى سوت العصيدة
والبنات نضفو البيت وبورقو فى الخدرة
ناس خالتى كلتوم لملمو حاجتهم وجو يسوها فى بيتنا
جارتنا نادية سمعت صوت ناس خالتى قالت جاية تشرب معاهم الجبنة
اخلاص جارتنا رسلت حلة محشى شان شافت معانا ضيوف
اها دا تقرير قبل شوووووووووووية

Post: #86
Title: Re: نفــــــســــي .. فـــــي ..!
Author: ياسر عبدالكريم محمد
Date: 04-30-2010, 10:01 PM
Parent: #85

ود الصايم ربنا إديك الفى نفسك

لكن تمامة البيت دى قاسية اسالنى انا

والتشطيب إسم على مسمى

Post: #87
Title: Re: نفــــــســــي .. فـــــي ..!
Author: mwahib idriss
Date: 04-30-2010, 10:46 PM
Parent: #86

ترمس كبكبيه كيف ياخ

Post: #99
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-01-2010, 07:59 AM
Parent: #87

Quote: ترمس كبكبيه كيف ياخ

مواهب .. إييييكـ ياخ!
من يوم التلات ما شفناكـ
ما تجي من الآخر وتقولي حمص!

برضو ما بناباهو .. ولو معاهو
زيت زيتون .. الجمبكـ ما تديهو!

Post: #88
Title: Re: نفــــــســــي .. فـــــي ..!
Author: معتصم مصطفي الجبلابي
Date: 04-30-2010, 10:47 PM
Parent: #86

ياحبيب مع احترامي للنفسك فيهو

لكن شوف شهية البشري الفاضل وشوف نفسو في شنو و لو صام ولم يكتب غيرها لكفته

التحية ليك ولبشري ولابو السيد

Post: #89
Title: Re: نفــــــســــي .. فـــــي ..!
Author: waleed dawash
Date: 04-30-2010, 10:57 PM
Parent: #88

Quote: أخلص البيت واتخارج من البلد دي!

البيت كم طابق؟
و وين؟

Post: #101
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-01-2010, 08:03 AM
Parent: #89

Quote: البيت كم طابق؟ ووين؟

جنّي وجن الأسئلة التعسفية دي!
حاليا في الطابق تحت الزيرو!
كم طابق دي حسب التساهيل!

أما بالنسبة لوين دي .. إنت قايلو وين يعني؟
الرياض؟ المنشية؟ كافــوري؟

الحاج يوسف الفيحاء يا عمكـ
الفيحااااااااء

Post: #100
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-01-2010, 08:01 AM
Parent: #88

Quote: لكن شوف شهية البشري الفاضل وشوف نفسو
في شنو و لو صام ولم يكتب غيرها لكفته

الجبلابي يا عمكـ .. تسلم ياخ!ّ
زي شهية دكتور بشرى دي نحن ما ناسا ياخ!
دي بيوت شعر .. ما بنقدر نسكن فيها

تحياتي ليكـ وللدكتور بشرى .. وأبو السيد برضو

Post: #98
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-01-2010, 07:58 AM
Parent: #86

Quote: ود الصايم ربنا إديك الفى نفسك
لكن تمامة البيت دى قاسية اسالنى انا
والتشطيب إسم على مسمى

أبو عمّار يا عمكـ
وإنت قايل المطلّع روحنا شنو!
طيب كويس إنت وصلت مرحلة التشطيب الفوق
نحن لسع في مرحلة التشطيب التحت ياخ!

عالم جنّها كسير المقاديف!

Post: #97
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-01-2010, 07:56 AM
Parent: #85

Quote: اها يوم الجمعة دا انا بالنسبة لى يوم نفسيات عديييييييل كدا
عندنا تلفون الجمعة مع ناس بيتنا برفعو لى فيهو تقرير شامل كامل

تعرفي يا بت الشيخ
يوم الجمعة دا .. في إجازتي الفاتت دي
اسمو اليوم المفتوح .. أي والله مفتوح على مصراعيه
(دي مفروض يدوني فيها عضوية الفور شنو داكـ)

من يوم الخميس، وقولي ما شاء الله، عندي سبعة (خيلان وخالات)، كلهم
بحمد الله بأولادهم، من يوم الخميس دي الركشات تتطاقش في البيت
بالليل تتصرف تشوف ليكـ حتة تنوم فيها، مرات بنقوم نرجع لبيت أي واحدة
من خالاتي عشان ننوم .. أها الجمعة دي قصة كـدا ما تخلص
البيت بكون فيهو من عمر ستين سنة إلى ستين يوم كل الأعمار متوفرة
لمن اليوم ينتهي بتكون زي الجاري ليكـ تلاتة شهور .. لكن البسمة
بتكون مالية خشمكـ من الضرس للضرس .. زي ما الجيب بكون مادي خشمو برضو

Post: #94
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-01-2010, 07:50 AM
Parent: #84

Quote: قلت ليهو ياعريس اخبارك قال لي ياخي هي حلتكم دي حلة عرس قلت ليهو كيف قال لي جاركم ده كل يوم الساعة سته صباحا لازم واحد من بيتو يطلع راس البيت ههههههههه

هسي الزول دا بكون نفسوا ما يجي حلّتكم دي تاني كلو كلو!

شفت الليلة الجو كيف؟
نفسي في رحلة جمب البحر!

Post: #93
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-01-2010, 07:48 AM
Parent: #83

Quote: انت قايل روحك براك ؟

لا حولاااااا
سلمى .. أتاريكـ ممكونة وصابرة ساي!
هسي الناس ديل عشان تلمّي فيهم ساي بكون حلم .. صاح؟
غايتو القصة دي وادانا وين ما تعرف!
ما تشوفي لينا طريقة لحفلة عقد الجلاد ياخ!؟

Post: #91
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-01-2010, 07:37 AM
Parent: #81

Quote: وبعدين تبيعوا وتتخارج من البلد ديك
شفت ليك حصان بقعد في حتة واحدة

ود البوش يا عمكـ
في لحدي ما يخلص بنكون دخلنا في المرحلة الكلبية ياخ!
نقعد ننبح فيهو ليل نهار .. آمممال إيه!

Post: #90
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-01-2010, 07:36 AM
Parent: #80

Quote: نفسى فى مطرة تصب نص الليل
نشيييل فرشاتنا وندخل.... بعد شوية تسكت
نشيل فرشاتنا ونطلع ..تاااااااااااانى..
نمرق وندخل زى عشرة مرات وبعدها نوووووووووم و يضربنا الهمبريب والسقط
ونشم ريحة القش ,,

الصباح نصحى على ريحة بخور التيمان والشاى بالقيمات وكل زول متلصق جنب التانى
وكووولنا متلصقين فى امى باابوى معانا...
ونتشاور فى موضوع الفطور
ناس دايرين عصيدة بتقلية وناس دايرين قراصة بدمعة وناس دايرين فسيخ
قبل مانتفق امى تكون عملتهم كووولهم ....

اها ...

بت الشيخ .. خليتي فيها أها؟
ياخ معقولة
يمين طلّعتي روحنا عديل كــدا!

تعرفي .. المنظر دا صادفتو في 2006
كنت بنوم في الحوش والمطرة صابة
الجماعة يخشوا جوه البرندات ويقولوا لي إنت مجنون؟

ياخ مجنون
أيوا مجنون!
ياخ زول يلقى المطر دا وينوم جوه؟

Post: #92
Title: Re: نفــــــســــي .. فـــــي ..!
Author: الفاتح ميرغني
Date: 05-01-2010, 07:46 AM
Parent: #90

Quote: ياشباب,,,البوست دا اون بهاف اوف مى,,,

تشكر ياعمك

أنا زاتي قلت كده يا اميرة الشيخ.

سلام يا عمك

Post: #103
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-01-2010, 08:06 AM
Parent: #92

Quote: أنا زاتي قلت كده يا اميرة الشيخ.

الفاتح يا عمكـ .. نحن لسع
ما فهنا بت الشيخ خايفة من منو
بهاف دي معناها بخاف ولا كيف؟

Post: #111
Title: Re: نفــــــســــي .. فـــــي ..!
Author: عبدالله كع
Date: 05-01-2010, 08:31 AM
Parent: #92

نفسي في كباية شايه كاربه !

سلامات
انت مالك يا صايم ؟

Post: #114
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-01-2010, 09:24 AM
Parent: #111

Quote: نفسي في كباية شايه كاربه !

كع يا عمكـ
بسيطة أوي أوي!

أقرب بوفيه .. سديق .. جيب شاي هليف

_
زهجان والله!

Post: #117
Title: Re: نفــــــســــي .. فـــــي ..!
Author: محمد علي شقدي
Date: 05-01-2010, 09:42 AM
Parent: #92

سلام

ود الصايم - احترامي

جيت احي البحيينا

ونفسي في نفس صافيه

Post: #118
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-01-2010, 10:01 AM
Parent: #117

Quote: ونفسي في نفس صافيه

شقدي يا عمكـ ..
نوع الطلبات دي صعبة ياخ!
لكن ممكن نحذف ليكـ إجابتين!

النجيضة: صفّي النية والنفس بتصرفى براها!
كان أبت كمان .. إلا تشتري مصفة!

Post: #95
Title: Re: نفــــــســــي .. فـــــي ..!
Author: عفاف الصادق بابكر
Date: 05-01-2010, 07:51 AM
Parent: #90

Quote: وأعيش في السودان مع الناس .. بالحلوة والمرّة!

غايتو الواحد اصلوا ما يتكلم في سره .. !!!

طوالي ناس ابو الصايم يعرفوا ادق تفاصيلك .. عالم عقدتنا ههههههههه

Post: #96
Title: Re: نفــــــســــي .. فـــــي ..!
Author: HAIDER ALZAIN
Date: 05-01-2010, 07:55 AM
Parent: #95

اها يا عمكـ ..

الواطة صبحت والجماعة اتخارجو ..

غيرت رايك والا لسع نفسك في الشيك ( الحاجة العجيبة الكاتبها فوق ديك )

Post: #105
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-01-2010, 08:08 AM
Parent: #96

Quote: غيرت رايك والا لسع نفسك في الشيك ( الحاجة العجيبة الكاتبها فوق ديك )

والله يا الطريفي يا عمكـ
أمس كان نفسي في مِلك شيكـ
الليلة نفسي في شيكـ ساي

Post: #104
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-01-2010, 08:07 AM
Parent: #95

Quote: طوالي ناس ابو الصايم يعرفوا ادق تفاصيلك .. عالم عقدتنا ههههههههه

أوووو .. عفاف يا عمتكـ
برضو دايرة معانا الحلوة والمرّة؟
إن شاء الله تكوني قفّلتي الطابق التالت
بعد دا ما بتجيكـ عوجة تب

Post: #108
Title: Re: نفــــــســــي .. فـــــي ..!
Author: د.محمد حسن
Date: 05-01-2010, 08:15 AM
Parent: #95

يا ود الصايم شايفك جليتني

انا وانت والزمن طويل
بلقاك يا اب شيشة
بس اوع تعمل لي رايح

Post: #109
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-01-2010, 08:23 AM
Parent: #108

Quote: يا ود الصايم شايفك جليتني

انا وانت والزمن طويل
بلقاك يا اب شيشة
بس اوع تعمل لي رايح

معناها أنا بقيت عميان
كدي النرجع ريوس!

Post: #102
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-01-2010, 08:05 AM
Parent: #78

Quote: ده شـروع في التحـرش !!

تحرّش دي من أحراش .. صاح؟

يا زول تحرّش تحرش!
قول ليها مشتاقين وبس!

Post: #106
Title: Re: نفــــــســــي .. فـــــي ..!
Author: عفاف الصادق بابكر
Date: 05-01-2010, 08:10 AM
Parent: #102

Quote: إن شاء الله تكوني قفّلتي الطابق التالت
بعد دا ما بتجيكـ عوجة تب

ههههههههههههه قال التالت قال يا راجل انت صاحي ؟؟؟؟

Post: #107
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-01-2010, 08:12 AM
Parent: #106

Quote: ههههههههههههه قال التالت قال يا راجل انت صاحي ؟؟؟؟

معناها قطع شكـ الطابق الخامس دربو مرق

دعي الأحــلام لنا وتمتعي بالمنظر ياخ!

Post: #112
Title: Re: نفــــــســــي .. فـــــي ..!
Author: منال
Date: 05-01-2010, 08:55 AM
Parent: #107

انا نفسى اتغدى فى كندا

والف بيغادى اتعشى فى فرنسا

Post: #113
Title: Re: نفــــــســــي .. فـــــي ..!
Author: عفاف الصادق بابكر
Date: 05-01-2010, 09:11 AM
Parent: #112

Quote: دعي الأحــلام لنا وتمتعي بالمنظر ياخ!

كان كدي هين ... شوف العين ما كتلو غزال يا عمك ..

لكن هي داب متعه ... قادر الله في تنسيقه ..

Post: #116
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-01-2010, 09:28 AM
Parent: #113

Quote: لكن هي داب متعه ... قادر الله في تنسيقه ..

Post: #115
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-01-2010, 09:25 AM
Parent: #112

Quote: انا نفسى اتغدى فى كندا
والف بيغادى اتعشى فى فرنسا

منال .. برضو بسيطة!
ختّي ليكـ سفة وأموركـ بتتجيه تب

Post: #119
Title: Re: نفــــــســــي .. فـــــي ..!
Author: عفاف الصادق بابكر
Date: 05-01-2010, 10:11 AM
Parent: #115

تعرف يا ود الصايم زلوط بتاع الاحلام داك ..

امس احلامه نطط منه وجاتني ..

وحاتك انت بنيتها عماره في وسط النيل ..

وفي شكل طياره كمان ..

الجناحات الاتنين نوادي رياضيه ..

والذيل قال ليك للاجتماعات الاسبشلية ..

اما باقى البودي فندق 100 نجمة عديل كده ..

هو النفس دي هينه ولا هينه ..

Post: #122
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-01-2010, 10:30 AM
Parent: #119

Quote: تعرف يا ود الصايم زلوط بتاع الاحلام داك ..
امس احلامه نطط منه وجاتني ..
وحاتك انت بنيتها عماره في وسط النيل ..
وفي شكل طياره كمان ..
الجناحات الاتنين نوادي رياضيه ..
والذيل قال ليك للاجتماعات الاسبشلية ..
اما باقى البودي فندق 100 نجمة عديل كده ..
هو النفس دي هينه ولا هينه ..

عفاف .. بالغتي ياخ!
يمين ظلوط يكون خاتي يدينو فوق راسو!

ياخ القصة كلها حلم
ما فلم هندي

Post: #120
Title: Re: نفــــــســــي .. فـــــي ..!
Author: Faisal Elrasheed
Date: 05-01-2010, 10:18 AM
Parent: #115

Quote: ختّي ليكـ سفة وأموركـ بتتجيه تب

دي عاوزه سفه و4 كروت حتي تظبط

Post: #123
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-01-2010, 10:31 AM
Parent: #120

Quote: دي عاوزه سفه و4 كروت حتي تظبط

فيصل الرشيد .. إقنور على كيف كيفكـ زاتو!
جنّكـ هوا

Post: #124
Title: Re: نفــــــســــي .. فـــــي ..!
Author: عفاف الصادق بابكر
Date: 05-01-2010, 11:08 AM
Parent: #123

Quote: عفاف .. بالغتي ياخ!
يمين ظلوط يكون خاتي يدينو فوق راسو!

عشان تآمنو زاتوووووو وتمسكو نفسكم عليكم ..

انتو قايلننا بنهظر ولا شنو ... هههههههههه

Post: #125
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-01-2010, 11:17 AM
Parent: #124

والله يا عفاف .. هظار زي دا ما مرّ علينا!
ياخ زول يهظر بعمارة في البحر و100 شنو كـدا ما عارف!

Post: #126
Title: Re: نفــــــســــي .. فـــــي ..!
Author: Faisal Elrasheed
Date: 05-01-2010, 11:29 AM
Parent: #125

Quote:
فيصل الرشيد .. إقنور على كيف كيفكـ زاتو!
جنّكـ هوا

بالله اخر الزمن انا ( اتأقنر ) لا ايدي لا كراعي ..
بعدين هو اصلو البتاع بتاعك ده ما بعمر لي بالليل ..اخير نفحط فيه شويه عسي ولعل

ــــــــــــــــــــــــــ
طيب خليها كرتين ..وامرنالله

Post: #130
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-01-2010, 11:50 AM
Parent: #126

فيصل يا عمكـ .. كرتين كرتين!
المهم الكروت داخل المسائل على مسؤولية صاحبها!

Post: #127
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-01-2010, 11:30 AM
Parent: #125

نفسي ود البشرى يرحّب ليهو ببرلوم!

Post: #128
Title: Re: نفــــــســــي .. فـــــي ..!
Author: عبد اللطيف بكري أحمد
Date: 05-01-2010, 11:35 AM
Parent: #125

ود الصائم وردني على الإيميل نصيحة لك من مركز الدعوة بالبديعة:
Quote: إبننا محمد بن عبد الماجد الصائم،، سلمه الله

بما أننا نلمح فيك صلاحاً وخيراً كثيراً ، فإنه يسعدنا أن نفيدكم بأن هذه الأيام المباركة وهذه اللحظات هي لحظات يستجاب فيها الدعاء،
إفراطك في القول (آميين ، آمييين ، أو يسمع منكم الله، )، قد يشكل عليك خطراً محاقاً : قول لينا كيف؟؟
يقوم واحد يلفحك بدعوة كاربة يرجعك السودان وتبقى على ما(أمنته) نادماً،،

أكل عيشك يابن الصائم وتمتخر بالبرادو الفارهة في ربوع نجد(2 تنك ب 49 ريال)وخلي الشلاقة،،

هذا ولنا من كل ذلك أجر للمناولة،،

ألا هل بلغت؟

Post: #129
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-01-2010, 11:49 AM
Parent: #128

Quote: هذا ولنا من كل ذلك أجر للمناولة،،

والله يا عمكـ
أديتني إحساس ميناء ميناء كــدا!
بعدين الاتنين تنكـ بـ 72 ريال ياخ!
إت يا زول كروزركـ دا صيني ولا شنو

Post: #131
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-01-2010, 11:59 AM
Parent: #129

نفسي ناس قناة ساهور ديل يوطّوا الصوت شوية!
باللاي الصوت يكون في أمانة الله .. لمن تصل
ساهــور .. النايم يصحى!

معقولة ياخ!

Post: #132
Title: Re: نفــــــســــي .. فـــــي ..!
Author: ابو جهينة
Date: 05-01-2010, 12:18 PM
Parent: #131

ود الصايم

نفسي في الآتي حسب الترتيب النفسي :

1. رحلة نيلية في الصيف بوابورات زمان من كريمة لدنقلا
2. قعدة في راكوبة في أي قرية وقت العصاري
3. الإستماع لرنة طمبور و أنت بالضفة الغربية للنيل و الصوت يجيك عبر النهر ، مرة قريب و مرة بعيد ( مش زي صوت ساهور )
4. نفسي في فيلم فيديو يكون فيه مشاهد من حلفا قبل الغرق
5. قراصة ماكنة بتركينج تحت ضل شدرة نخيل في قريتنا و الموية من الزير

Post: #133
Title: Re: نفــــــســــي .. فـــــي ..!
Author: Faisal Elrasheed
Date: 05-01-2010, 12:32 PM
Parent: #132

Quote: نفسي ناس قناة ساهور ديل يوطّوا الصوت شوية!

دي في ياتو قمر يا عمك ؟؟

Post: #135
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-01-2010, 12:37 PM
Parent: #133

Quote: دي في ياتو قمر يا عمك ؟؟

والله يا عمكـ .. ما متأكد
أتوقع في النايل سات!

Post: #134
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-01-2010, 12:37 PM
Parent: #132

Quote: نفسي في الآتي حسب الترتيب النفسي :

1. رحلة نيلية في الصيف بوابورات زمان من كريمة لدنقلا
2. قعدة في راكوبة في أي قرية وقت العصاري
3. الإستماع لرنة طمبور و أنت بالضفة الغربية للنيل و الصوت يجيك عبر النهر ، مرة قريب و مرة بعيد ( مش زي صوت ساهور )
4. نفسي في فيلم فيديو يكون فيه مشاهد من حلفا قبل الغرق
5. قراصة ماكنة بتركينج تحت ضل شدرة نخيل في قريتنا و الموية من الزير

يا ريس .. نفسياتكـ دي كلها بتودي لحتة واحـدة!
طوالي ع الطيارة والبلد مباشرة .. الخرتوم دي
أبعد منها تماما!

والله آخر مرة مشيت البلد كان فيها جنس سموم

Post: #136
Title: Re: نفــــــســــي .. فـــــي ..!
Author: omer osman
Date: 05-01-2010, 12:41 PM
Parent: #134

Quote: حسي دي نفسي في فانيلا ميلكـ شيكـ!

ياعمك في اختراع اسمو محلات (باسكن روبنز) مووووووووووبالغة .....

Post: #137
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-01-2010, 12:49 PM
Parent: #136

Quote: ياعمك في اختراع اسمو محلات (باسكن روبنز) مووووووووووبالغة

لقيتكـ ختري يا جنابو
إنت نشاط البوليس ممتد لحدي السعودية ولا شنو؟

النجيضة: من دربي ما مارق عليهم!
عشان أغيظكم بس .. قالوا ولّعت عندكم!

Post: #138
Title: Re: نفــــــســــي .. فـــــي ..!
Author: omer osman
Date: 05-01-2010, 12:58 PM
Parent: #137

Quote: النجيضة: من دربي ما مارق عليهم!
عشان أغيظكم بس .. قالوا ولّعت عندكم!

النجيضة ..... ريقي جري

ياعمك ولعت ساى ......... والله انا خايف تجيب ليها دخنة بعد شوية .......

Post: #141
Title: Re: نفــــــســــي .. فـــــي ..!
Author: Ali Sirelkhatim
Date: 05-01-2010, 07:24 PM
Parent: #138

Quote: لقيتكـ ختري يا جنابو
إنت نشاط البوليس ممتد لحدي السعودية ولا شنو؟

ولحاااااااااااااااااااااااادى امريكا هنا كمان شفت كيف يا عمك.
بوسكن رابنز ده من عندينا هنا {ماحفير مشّو ياعمك انا قاصد امريكا} اللوترى الجاى انا عازمك ايثكرين لذيذ خلاث.

قال راجع السودان قال وين يا عمك انا حاجز ليك معاى بى جاى غربة part 2
وزى ما قالوا اهلى الدناقلة مشكلة الغربة فى التلاتين سنة الاولى بس...

Post: #142
Title: Re: نفــــــســــي .. فـــــي ..!
Author: السيد المسلمي
Date: 05-01-2010, 08:26 PM
Parent: #141

Quote: ونسة عصرية في الكرين!
بالجبنة والشيشة .. والبزيانوس!
لكن ياعمك لقيتك تعبان خالص خالص !
حتي البزيانوس دا مالاقيهو ؟

ــــ
يعلم الله متوحشينك .

Post: #143
Title: Re: نفــــــســــي .. فـــــي ..!
Author: bent awad el kareem
Date: 05-01-2010, 08:46 PM
Parent: #142

ود الصائم ازيك . ودالبشرى عامل تقيل مالو

Post: #144
Title: Re: نفــــــســــي .. فـــــي ..!
Author: ABUHUSSEIN
Date: 05-01-2010, 10:56 PM
Parent: #143

الزول دا لسه بتوحم...............أقصد بتوهم

Post: #148
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-02-2010, 06:28 AM
Parent: #144

Quote: الزول دا لسه بتوحم

إنتو خلاس ولدتو؟

Post: #147
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-02-2010, 06:28 AM
Parent: #143

Quote: ود الصائم ازيك . ودالبشرى عامل تقيل مالو

بت عوض الكريم .. حبابكـ ياخ!
شنو قافلة القزاز وليكـ مدة؟

ود البشرى دا قصتو جاطت خااالس يعلم الله!
هسي نزل دولي الأولى وقاعد يعافر عشان يرجع!

دعواتكـ ليهو يا عمتكـ!

Post: #146
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-02-2010, 06:26 AM
Parent: #142

Quote: حتي البزيانوس دا مالاقيهو ؟

أبو السيد يا عمكـ .. أشواق ياخ!
بزيانوس شنو ياخ .. الشيشة .. الشيشة
زاتا تجر نفس التاني ما تلقى ليهو طريقة!!

إنا لله ياخ!
جفاف وتصحر!

Post: #145
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-02-2010, 06:25 AM
Parent: #141

Quote: وزى ما قالوا اهلى الدناقلة مشكلة الغربة فى التلاتين سنة الاولى بس...

أوووو سعادتو .. أخباركـ ياخ!
قلت لي الـ 30 سنة .. طيب والحمد
لله دربنا قرّب يمرق .. أهو ماشين على الـ 22!

Post: #149
Title: Re: نفــــــســــي .. فـــــي ..!
Author: هاشم أحمد خلف الله
Date: 05-02-2010, 06:48 AM
Parent: #1

ود الصائم ده وحم عديل يا حبيب

ياخي والله مشتاقين من يوم داك وما شفناك

Post: #150
Title: Re: نفــــــســــي .. فـــــي ..!
Author: اسلام عبد الرحمن عمر
Date: 05-02-2010, 08:41 AM
Parent: #149

ود الصايم صباحك ابيض

والله يا اخوى البوست ده طل ناس كتاااااااااااااااار فى حالة وحم عاطفى

لى حاجات كتيره واشتهاءات الف

انا مثلاً قدت اتشهى :

اولاً من ناحية المنجريه وكده ( والله الواحد نفسو فى كسره بى ملاح قرع ,, بعد

داك نظام يعنى الملاح شويه وتتعجن بى مويه ووشطه الف وبصل احممممممممر (الشطه

شطة ليمون طبعاً ) شفت كيف

بعد داك نفسى فى عجله اااااااى العجله الواحده دى ,, تكون دبل وفيها دينمو

ولمبه قدام وجرس (ياخ والله انسى بس )

تسلم يا ود الصايم للبوست الجميل وانشاء ربنا يحقق النفسيات

قول يامين ..

Post: #152
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-02-2010, 09:12 AM
Parent: #150

Quote: بعد داك نفسى فى عجله اااااااى العجله الواحده دى ,, تكون دبل وفيها دينمو
ولمبه قدام وجرس (ياخ والله انسى بس )

إسلام يا عمكـ .. أخباركـ ياخ!
شايف عمكـ قوارديولا باع القضية خالس خالس!

تعرف .. أبوي الله يرحمه لما اشترى لي أول عجلة!
ياخ أنا شايلا في كتفي ولافي بيها الحلة كوولها
أهم حاجة كل يوم جمعة نمش سوق الوحدة، كشب تقيل!!

أما بالنسبة للكسرة والقرع فدي مسألة وقتية
يعني لو شربت ليكـ كباية قهوة قفلت نفسكـ
بتكون نسيت القصة دي خالس خالس!

Post: #151
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-02-2010, 08:51 AM
Parent: #149

أبو أحمد حبيبنا!
الشوق مطرة استوائية والله!

والله يا عمكـ .. القصة خلاس فاضت!

Post: #153
Title: Re: نفــــــســــي .. فـــــي ..!
Author: إدريس محمد إبراهيم
Date: 05-02-2010, 09:48 AM
Parent: #151

ود الصايم ياعمك .. كيفك كده بالله ...

تعرف يا ود الصايم لمن قلت إنو نفسك ترجع البلد وتعيش مع الناس بالحلوه والمرّه حسيت بالدموع ترقرق .. (والغصه تطعن في الحلق ..) .. رد الله غربتك وغربتنا وغربة الجميع يا رب ...

بعد داك نفسى فى عجله اااااااى العجله الواحده دى ,, تكون دبل وفيها دينمو

ولمبه قدام وجرس (ياخ والله انسى بس )

إسلام أخوي لك التحيه ... ياخي رجعتنا كتير للزمن الجميل بحكاية العجله دي .. وشنو يا عمك إنت كمان عرفت إنو ود الصايم عجلاتي .. (وجه ضاحك .. وشمتان في ود الصايم ..)

مع خالص تحياتي وحبي للجميع ؛؛؛

Post: #154
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-02-2010, 12:31 PM
Parent: #153

Quote: تعرف يا ود الصايم لمن قلت إنو نفسك ترجع البلد وتعيش مع الناس بالحلوه والمرّه حسيت بالدموع ترقرق .. (والغصه تطعن في الحلق ..) .. رد الله غربتك وغربتنا وغربة الجميع يا رب ...

يا عمكـ .. لكن لقيتكـ ممكون وصابر وجاد الله زاتو!

آمين ياخ!
ربنا يرجعنا كلّنا .. نمش نعمل لينا بورض واقعي

Quote: وشنو يا عمك إنت كمان عرفت إنو ود الصايم عجلاتي

يا زول .. أفرز

Post: #155
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-03-2010, 08:39 AM
Parent: #154

نفسي في طربيزة وست كاربة!!

Post: #156
Title: Re: نفــــــســــي .. فـــــي ..!
Author: احمد الأمين على إدريس
Date: 05-03-2010, 09:05 AM
Parent: #155

نفــــــســــي .. فـــــي ..!
داخلك اعاين

تعرف نفسى الاقيك ياعمك
وعشان كدا
كمان نفسى تتحقق نفيساتك اجمعين....
واولهم انك ترجع السودان ما إجازه..

Post: #157
Title: Re: نفــــــســــي .. فـــــي ..!
Author: Abd Alla Elhabib
Date: 05-03-2010, 09:32 AM
Parent: #156

Quote: نفسي في طربيزة وست كاربة!!
الطربيزة قول عايز تكوي فيها
عـلا السـت الكـاربة لزوما شـنو?!

Post: #159
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-03-2010, 11:06 AM
Parent: #157

Quote: الطربيزة قول عايز تكوي فيها
عـلا السـت الكـاربة لزوما شـنو?!

يا عمكـ .. إنت ما تقول دي نفيستكـ عديل!!!
وبعدين الست الكاربة بعملوا بيها مس كول مثلن!

Post: #158
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-03-2010, 09:32 AM
Parent: #156

أحمد اللمينز يا عمكـ
الملاقة دي هينة بالحييل!
حاليا أنا في تقاطع الملكـ فهد مع خريص
متوجه من ناحية الشرق إلى الغرب في طريقي
إلى الحي الدبلوماسي حيث مكان عملي في الأمن الدبلوماسي
ممكن تلاقيني هناكـ .. الإشارة بتقفل زي تلاتة دقايق كـدا!

أما بالنسبة للأمنيات
ربنا يسمع منكـ ياخ!
خصوصا الأخيرة!

Post: #160
Title: Re: نفــــــســــي .. فـــــي ..!
Author: احمد الأمين على إدريس
Date: 05-03-2010, 11:17 AM
Parent: #158

Quote: حاليا أنا في تقاطع الملكـ فهد مع خريص
متوجه من ناحية الشرق إلى الغرب في طريقي
إلى الحي الدبلوماسي حيث مكان عملي في الأمن الدبلوماسي
ممكن تلاقيني هناكـ .. الإشارة بتقفل زي تلاتة دقايق كـدا!
!

مادام كدا
قوم لف ياخ

قبال ما الاشاره تقفل
***
بعدين تعال هنا امانيك دى شكلك قاعد تعقبها بحوالينا وما علينا
يعنى انت تقول نفسى ارجع السودان نهائى اقوم ارجع انا
نفسك فى الشيك يقوم يقبضو ود الزين ...
نفسك فى الميلك مايلم فيهو ايو زول....

طربيزة الوست دى جهحهتا بيهو باكات كل الستات فى العالم البورضى :)

انا نفسى فى سودان يسعنا واياك ...

Post: #161
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-03-2010, 11:29 AM
Parent: #160

Quote: نفسك فى الميلك مايلم فيهو ايو زول....

الميلكـ يا تو يا عمكـ
ماياهو متوافر في الأسواق زي الحاجة الكعبة

Quote: انا نفسى فى سودان يسعنا واياك ...

الله أعلم
خصوصا لو أساسي قال نفس الكلام دا

Post: #162
Title: Re: نفــــــســــي .. فـــــي ..!
Author: عفاف الصادق بابكر
Date: 05-03-2010, 09:25 PM
Parent: #161

Quote: الله أعلم
خصوصا لو أساسي قال نفس الكلام دا

لا حولاااااااا ..

Post: #163
Title: Re: نفــــــســــي .. فـــــي ..!
Author: mohmed khalail
Date: 05-03-2010, 10:04 PM
Parent: #162

قال ليها ...

نفسي في داخلِك أعاين..

قالت ليهو..

قليل أدب..

ياخ تتخيل نفسي في شية جمر أي والله شية جمر مش (باربي كيو)

وتتخيل كمان مشتاقين

Post: #165
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-04-2010, 07:41 AM
Parent: #163

Quote: ياخ تتخيل نفسي في شية جمر أي والله شية جمر مش (باربي كيو)

أبو خليل يا حبيب .. أخباركـ ياخ!
تعرف يا عمكـ .. في إجازتي الفاتت لمن
أجي ماشي بالصقعي .. نفس المطعم القديم
داكـ .. شغال ألف .. شيتو دخانا في السما
إلا تشغل المنشات عشان تشوف الشارع قدامكـ!

قرّض ليكـ عيشة على كـدا وأرقد نوم

Post: #164
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-04-2010, 07:40 AM
Parent: #162

Quote: لا حولاااااااا ..

لا حولا ساي يا عفاف
أساسي دا لو قال ماشي بفضل متر
واحد في السودان .. ما معروف تشيلو
الحكومة ولا المعارضة!

Post: #166
Title: Re: نفــــــســــي .. فـــــي ..!
Author: وليد عبد اللطيف
Date: 05-04-2010, 08:03 AM
Parent: #164

Quote: نفسى فى مطرة تصب نص الليل
نشيييل فرشاتنا وندخل.... بعد شوية تسكت
نشيل فرشاتنا ونطلع ..تاااااااااااانى..
نمرق وندخل زى عشرة مرات وبعدها نوووووووووم و يضربنا الهمبريب والسقط
ونشم ريحة القش ,,

ود الصايم ياعمك
الدعوة والنفسيات دي قاصدين السودان وللا الرياض
يازول اعمل حسابكو وحاول تعلية البرادو واعمل حساب البوبينه

------------------
ياعمك تخيل مرزوق صاحب تلحين اول واجمل اغنية للاخ فرفور بالله تحياتنا له (خرخار درجة اولى في الكتشينة)

Post: #167
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-04-2010, 08:10 AM
Parent: #166

Quote: ياعمك تخيل مرزوق صاحب تلحين اول واجمل اغنية للاخ
فرفور بالله تحياتنا له (خرخار درجة اولى في الكتشينة

يا برلوم
ياخ ما معقول!
ياتو أغنية يا عمكـ

بعدين مرزوق شايفو شغال لحبيبنا هاشم خلف الله
شغل عنيف .. لحّن ليهو كم أغنية كــدا!

بالنسبة للمطرة والبرادو .. الأمور 100%

Post: #168
Title: Re: نفــــــســــي .. فـــــي ..!
Author: إدريس محمد إبراهيم
Date: 05-04-2010, 10:47 AM
Parent: #167

Quote: قراصة ماكنة بتركينج تحت ضل شدرة نخيل في قريتنا و الموية من الزير

شـــــــريككككككككككككك يا ريّس

Post: #169
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-04-2010, 10:49 AM
Parent: #167

نفسي أمشي في المطرة دي عريان!

Post: #170
Title: Re: نفــــــســــي .. فـــــي ..!
Author: عفاف الصادق بابكر
Date: 05-04-2010, 05:17 PM
Parent: #169

Quote: بفضل متر
واحد في السودان .. ما معروف تشيلو
الحكومة ولا المعارضة!

والله لو خلو لي انا يكونوا اصلو ما تلوموا مع ربهم ....

Post: #171
Title: Re: نفــــــســــي .. فـــــي ..!
Author: Abd Alla Elhabib
Date: 05-04-2010, 09:17 PM
Parent: #170

Quote: نفسي أمشي في المطرة دي عريان!
جــــل ??!!

Post: #172
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-05-2010, 07:20 AM
Parent: #171

أيوا .. مولاي كما خلقتني

Post: #173
Title: Re: نفــــــســــي .. فـــــي ..!
Author: Abd Alla Elhabib
Date: 05-05-2010, 09:11 AM
Parent: #172

الله ينعلك يالشطــة !!
--------
وش ما عارف
يودي وشو وين !

Post: #174
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-05-2010, 09:23 AM
Parent: #173

Quote: وش ما عارف
يودي وشو وين

لو وشّكـ .. وديهو محل ما داير
لو وشّها .. خليها تعاين لي ياخ!

Post: #175
Title: Re: نفــــــســــي .. فـــــي ..!
Author: وليد عبد اللطيف
Date: 05-05-2010, 10:24 AM
Parent: #174

ود الصايم
Quote: يا برلوم
ياخ ما معقول!
ياتو أغنية يا عمكـ

بعدين مرزوق شايفو شغال لحبيبنا هاشم خلف الله
شغل عنيف .. لحّن ليهو كم أغنية كــدا!

ياعمك برلوم شنو انت نسيت انا فتحت بوست استقبال البرالمة الجد
عشان جنس كلامك دا
هههههههههههه كان زمان
الاغنية : كاتباها واحدة (كفيفة ) لكن من النوع ابوكديس (ملحمه عاطفية )
الاغنية اسمها لو بتقدر
وبتقول
لو بتقدر تنسى حبي تنسى اخلاص ووفايا
انسى مايهمك عذابي وابقى فكر في سوايا
اصلي مخلوق شان احبك وانت مخلوق لي سوايا
وفي النهاية بتقول
كلمة وداع ياحبيبي عايزة تطلع مره منك
لو صعب ماتقولها انت ياحبيبي اقولها عنك
يازول مرزوق لحنها بطريقة غريبة جدا
يقوم صاحبني فرفور يحاحي ليها فترة طويلة مع مرزوق
وفي النهاية تطبع في شريط (لو بتقدر) بصوت جمال فرفور
وتكون اول واجمل اغنية

تحياتي للاخ هشام خلف الله
وللاخ مرزوق (الخرخار )

-----------------------
اما خرخرة مرزوق في الكتشينة في الخاص برسلها ليك

Post: #176
Title: Re: نفــــــســــي .. فـــــي ..!
Author: معاوية محمد الحسن
Date: 05-05-2010, 12:15 PM
Parent: #175

ود الصائم
بخصوص اكمال البيت
قالوا المغتربين الواحد فيهم حلمه كله بناء البيت وبعد داك يرجع السودان يطلع كرسي فى الشارع ويدى البيت ضهرو .
اوعي ترجع تعمل كدة

Quote: المرة عازما ليها دشلومية مرة زيها!
أدوني لابتوبي وقالوا لي اتسهّل!

ذكرتني ياود الصائم واحد صاحبنا برضو مرتو كانت عازمة ليها نسوان وقاعدين فى الصالون وهو كان عاوز يطلع بره نادا مرتو قال ليها عليك اللة ناوليني توبى ده .

Post: #179
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-05-2010, 12:43 PM
Parent: #176

Quote: قالوا المغتربين الواحد فيهم حلمه كله بناء البيت
وبعد داك يرجع السودان يطلع كرسي فى الشارع ويدى البيت ضهرو .
اوعي ترجع تعمل كدة

معاوية يا عمكـ
والله كان وصلنا مرحلة البيت كمل دي
قصة الكرسي والشارع دي هينة عديل!!

أما بالنسبة للتوب .. فالحال من بعضو ياخ!

Post: #178
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-05-2010, 12:41 PM
Parent: #175

Quote: اما خرخرة مرزوق في الكتشينة في الخاص برسلها ليك

تمام يا عمكـ
في انتظار الشمار!
والسلام يصل هاشم ومرزوق
ومن عندنا لفرفور كمان!

Post: #177
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-05-2010, 12:40 PM
Parent: #170

Quote: والله لو خلو لي انا يكونوا اصلو ما تلوموا مع ربهم ....

والله يا عفاف لقيت طموحكـ عالي!
المتر دا ح يقعدوا فيهو باقي الناس كلها ياخ!

Post: #180
Title: Re: نفــــــســــي .. فـــــي ..!
Author: محمد البشرى الخضر
Date: 05-05-2010, 12:57 PM
Parent: #177

وأنا نفسي أفهم كلام د.يوسف الطاهر عن ذكاءك المتوقد و ذهنك الشنو كدا ما عارف , جد ولاّ بهظّر معاك ساي؟

Post: #183
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-05-2010, 01:14 PM
Parent: #180

Quote: جد ولاّ بهظّر معاك ساي؟

برفع معنوياتي ياخ!
وما معقول هو يرفع وإنت تنزل!

Post: #181
Title: Re: نفــــــســــي .. فـــــي ..!
Author: عفاف الصادق بابكر
Date: 05-05-2010, 01:02 PM
Parent: #177

Quote: المتر دا ح يقعدوا فيهو باقي الناس كلها ياخ!

الشكية لي الله ود الاحد بالجمله !!!!

Post: #182
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-05-2010, 01:14 PM
Parent: #181

Quote: الشكية لي الله ود الاحد بالجمله !!!!

أيوا أيوا .. يس وي كان

Post: #184
Title: Re: نفــــــســــي .. فـــــي ..!
Author: Mohammed Awad
Date: 05-05-2010, 02:34 PM
Parent: #182

اسمع ياخينا
نسبة لأنو ما متابعين..
البوست دا مُشفَر ولا اتمحور ولا نقع ساكت بس ننداح؟

Post: #185
Title: Re: نفــــــســــي .. فـــــي ..!
Author: محمد عبد الماجد الصايم
Date: 05-06-2010, 07:08 PM
Parent: #184

انداح ساي يا عمكـ
نفسيات هابطة بس!