كنت بتوقع طلتك ياحته من روح البلد يانسمه من رعشة دعاش ..كنت بتوقع طلتك تطمنى القلب البحبك والبفرهد حين يراك ... الدنيا غيرك سحاب لافيهو خير لابجود بى مطر طلى ياشمس العمر وابهلى الضو الجواك مدى انوراك ضهر وادينا فى لحظة غروب احلى لحظات السمر ... غايبه مالك ياحبيبه طلتك بتجدد أفراح العمر وبتقالد احلامى المعاك أيه فايدة غيابك ياقمره فى صورة ملاك ... مرات احس إنك حزينه معتزله كل ضحكات الهنا منزويه فى حته مابعرف طريقا زولا براك كيفن أشيل كل احزانك وأسعد قليبك شان تشرقى من جديد شمس ونور وقمر سبحان من جدل ضفايرك ليل بهيم وخلى احلامنا تبكى وتساهر فى معينو وترضى بي حكم القدر
Post: #2 Title: Re: كنت بتوقع طلتك ...!!! Author: حمد إبراهيم محمد Date: 04-07-2016, 11:46 PM Parent: #1
Quote: كنت بتوقع طلتك ياحته من روح البلد يانسمه من رعشة دعاش ..كنت بتوقع طلتك تطمنى القلب البحبك والبفرهد حين يراك
ملهم - كيفنك ...
الحبيبة الوطن - الوطن الحبيبة ...
صورة جميلة .. الحنين للحبيب للبلد ...
أنت طولت شديد من كردفان ... ؟
مودتي
----------------
جاييك في واحدة كمان ...
اصبر ..
Post: #3 Title: Re: كنت بتوقع طلتك ...!!! Author: حمد إبراهيم محمد Date: 04-08-2016, 00:09 AM Parent: #2
أغنية للحب والسلام :
• *- بكرة جايا -*
الجابو ليك حسد بالون إشاعة
خباز عذول ينفث بشاعة
بياع قوالة كل يوم وساعة
بكرة جايا بلا ألم بدون وشاية ***
البينا حب وولف ساكن الحنايا
البينا شوق كل يوم يزداد معايا
البينا بسمة قمر خدودو ضوايا
همسة مشاعر تضوع تزيل أسايا
وبكرة جايا بلا ألم بدون وشاية ***
لهفي على حنين يزور يصبح
أهيم معاهو أطير بحبك أسحسح
الريد يتاتي بينا يرجع تاني يسبح
وبكرة جايا بلا ألم بدون وشاية ***
يللاك معايا الفات تشيلو شيمة
قليب يسامح نطوي أيام حزينة
الحب معانا طريق شراع وخيمة
همس الليالي يزف دعاش وغيمة
ولمسة أنامل تروي شهرزاد سنينها
وبكرة جايا بلا ألم بدون وشاية . +++
حمد إبراهيم محمد دفع الله • B]
Post: #4 Title: Re: كنت بتوقع طلتك ...!!! Author: ملهم كردفان Date: 04-08-2016, 00:11 AM Parent: #2
هلت الانوار يا حمد إبراهيم محمد
أنا طولت شديد من حبيبتى ياخ
كردفان دى جواى مساحه من الغنا وعندى غنيه بيها وليها
... ثم إنو ....البوست بتاعك ياصديقى
Post: #5 Title: Re: كنت بتوقع طلتك ...!!! Author: حمد إبراهيم محمد Date: 04-08-2016, 00:22 AM Parent: #4
Quote: هلت الانوار يا حمد إبراهيم محمد
أنا طولت شديد من حبيبتى ياخ
كردفان دى جواى مساحه من الغنا وعندى غنيه بيها وليها
... ثم إنو ....البوست بتاعك ياصديقى
كردفان الغرة .. أم خير جوة وبرة ..
معاك تب .. وكردفان تتحب ...
-----------------------
وجاييك ، بإذن الله
...
Post: #6 Title: Re: كنت بتوقع طلتك ...!!! Author: حمد إبراهيم محمد Date: 04-08-2016, 10:24 PM Parent: #5
Post: #7 Title: Re: كنت بتوقع طلتك ...!!! Author: اميرة السيد Date: 04-09-2016, 01:03 AM Parent: #6
الاعزاء ملهم كردفان والسودان وحمد ابراهيم يا لروعة السجع والسجال في حب الوطن...ومن لا يحب وطنه بصدق ووفاء سوف لن يحب حبيبته بذات الصدق والوفاء... ..انتم تعلموننا حب الوطن...وخاصة ونحن في الغربة البعيدة نحتاج مثل هذه الكلمات السجية المموسقة لنغرف منها الحنين للوطن لان حب الوطن يجري في دمائنا ...وشكرا لكما.. والله يديكم الصحة والعافية..
Post: #8 Title: Re: كنت بتوقع طلتك ...!!! Author: Dahab Telbo Date: 04-09-2016, 01:10 AM Parent: #7
سلام على الناس العزاز وكلنا نتتوق لطلتك اخوي ملهم
مودتي التي تعرف تلبو
Post: #9 Title: Re: كنت بتوقع طلتك ...!!! Author: حمد إبراهيم محمد Date: 04-10-2016, 10:06 AM Parent: #8
شكرا حمد على الشعر العذب والتواصل الثر ده إسمو كلام حلوه ................................ الفيديو حأشوفو بعدين \
لو عايز تعرف كيف تلون خطك ... أضغط على code الجمب أضف صوره ..بيفتح ليك نافذه فيها اكواد تنسيق متنوعه أنسخ منها البيعجبك وبعد كده أكتب جواهو الشعر بتاعك
Quote: الاعزاء ملهم كردفان والسودان وحمد ابراهيم يا لروعة السجع والسجال في حب الوطن... ومن لا يحب وطنه بصدق ووفاء سوف لن يحب حبيبته بذات الصدق والوفاء..... انتم تعلموننا حب الوطن...وخاصة ونحن في الغربة البعيدة نحتاج مثل هذه الكلمات السجية المموسقة لنغرف منها الحنين للوطن لان حب الوطن يجري في دمائنا ... وشكرا لكما..والله يديكم الصحة والعافية..
صاحبة السمو اميرة الأميرات كيف انك بالله تماااام .... وانتو بدوركن علمتونا كيف نبقى رجال وكيف حفظتن سر الوطن فى قلوبنا عشان بيكن نجيب أجيال تواصل مسيرة العزه وترفع قيمة السودان
احترامى
Post: #13 Title: Re: كنت بتوقع طلتك ...!!! Author: حمد إبراهيم محمد Date: 04-10-2016, 11:53 PM Parent: #11
Quote:
شكرا حمد على الشعر العذب والتواصل الثر ده إسمو كلام حلوه ................................ الفيديو حأشوفو بعدين \
لو عايز تعرف كيف تلون خطك ... أضغط على code الجمب أضف صوره ..بيفتح ليك نافذه فيها اكواد تنسيق متنوعه أنسخ منها البيعجبك وبعد كده أكتب جواهو الشعر بتاعك
احترامى
حبيب كردفان : تتبارك وما تتشارك ...
يزيد مقدارك ...
تحياتي
Post: #14 Title: Re: كنت بتوقع طلتك ...!!! Author: عفاف أبو حريرة Date: 04-11-2016, 11:45 AM Parent: #13
Quote: . وانتو بدوركن علمتونا كيف نبقى رجال وكيف حفظتن سر الوطن فى قلوبنا عشان بيكن نجيب أجيال تواصل مسيرة العزه وترفع قيمة السودان
سلام وكلام ياملهم
Post: #15 Title: Re: كنت بتوقع طلتك ...!!! Author: ANWAR SAYED IBRAHIM Date: 04-11-2016, 12:11 PM Parent: #14
ملهم يا استاذ
سلام وتقدير
دى ليك ولاحبابك
ولك وللجميع كامل الود
Post: #16 Title: Re: كنت بتوقع طلتك ...!!! Author: Ahmed Yassin Date: 04-11-2016, 10:19 PM Parent: #15
ملهم وشركاه يا ليل حِظوظنا الجنا .. ظرفك علينا تجنا .. اخرجنا من الجنة .. وفي نار فراقو سجنا ! يا حليل رياضنا الغنا قول للعبادي صب يا دمعي لا تكون جاف .. يا قلبي البقيت رجاف .. البدر الخفى الانجاف .. اليوم شرف الرجاف قول لـ محمد ود الرضى ياخ انت ذاتك بقيت (الالهام) الذي لاينضب
Post: #20 Title: Re: كنت بتوقع طلتك ...!!! Author: ملهم كردفان Date: 04-12-2016, 00:01 AM Parent: #16
انا كنت فخور إنك كنت خاتى صورتك فى البروفايل .. بس قلت أحمد ياسين ده داير يرش بى راحتو عشان كده شال صورته الأنيقه من البروفايل
ولقيت ليك العذر
مرحبابك ياحبييبنا وأشكرك على طلتك المحببه
احترامى
Post: #17 Title: Re: كنت بتوقع طلتك ...!!! Author: حمد إبراهيم محمد Date: 04-11-2016, 10:20 PM Parent: #15