و الله سمعة المسلمين بقت عجيبة !!!

Post: #1
Title: و الله سمعة المسلمين بقت عجيبة !!!
Author: يحي قباني
Date: 03-25-2016, 03:06 PM

03:06 PM March, 25 2016
سودانيز اون لاين
يحي قباني-فى الدنيا العجيبة
مكتبتى
رابط مختصر
زمان ... في السبعينات كنت بمشي بريطانيا و انا طالب في عمر الشاب ده ...

اشتغلت في مطاعم و مزارع و معاي مجموعة من الشباب من السودان ...

نعمل قرشين في الصيف و نرجع نواصل دراستنا ...و كل سفرية كانت تصرف على البعدها

كنا هناك لما نتقابل من البنوت الزي دي لما تعرف انك من افريقيا و انك مسلم ... تتبسم و تحاول تقرب منك لتتعرف على العالم الساحر حقنا ...

كان عندنا احترام ...

تخريمة :
_____

الزمن داك ... كنا بنشيل الجنيه السوداني و نفكه إسترليني في أي بنك او صرافة في شوارع لندن ...

Post: #2
Title: Re: و الله سمعة المسلمين بقت عجيبة !!!
Author: يحي قباني
Date: 03-25-2016, 04:36 PM
Parent: #1

هسي يجي زول يقول لي ده مصري انحنا مالنا ...

Post: #3
Title: Re: و الله سمعة المسلمين بقت عجيبة !!!
Author: سيف الدين بابكر
Date: 03-25-2016, 05:39 PM
Parent: #2

الآن والآن فحسب في هذا الزمان، انقسم العالم أجمع إلى معسكرين اثنين: المسلمين وغير المسلمين.

وليختر أحدكم معسكره من الآن ... فإن الأمر جد وليس هزل.

Post: #5
Title: Re: و الله سمعة المسلمين بقت عجيبة !!!
Author: يحي قباني
Date: 03-25-2016, 05:51 PM
Parent: #3

Quote: الآن والآن فحسب في هذا الزمان، انقسم العالم أجمع إلى معسكرين اثنين: المسلمين وغير المسلمين.

وليختر أحدكم معسكره من الآن ... فإن الأمر جد وليس هزل.

يا سيف ... ماهو الــ definition حق كلمة مسلمين ؟

من هم المسلمين ؟

Post: #7
Title: Re: و الله سمعة المسلمين بقت عجيبة !!!
Author: سيف الدين بابكر
Date: 03-25-2016, 05:59 PM
Parent: #5

Quote: من هم المسلمين ؟

إن المسلمين - يا هذا - هم من يشهد أن لا إله إلا الله وأن محمداً رسول الله...................في أي مكان ... وفي أي زمان.

Post: #4
Title: Re: و الله سمعة المسلمين بقت عجيبة !!!
Author: محمد البشرى الخضر
Date: 03-25-2016, 05:43 PM
Parent: #2

دا مصري.. وإحنا مالنا !

Post: #6
Title: Re: و الله سمعة المسلمين بقت عجيبة !!!
Author: يحي قباني
Date: 03-25-2016, 05:52 PM
Parent: #4

Quote: دا مصري.. وإحنا مالنا !

اخلاق الرشاشات دي ما داير تخليها ... :)

و الله فقري بالجد زي ما بناديك أبو حسين ...

انت أبو حسين وين؟ مشى الحج ولا شنو ؟

Post: #8
Title: Re: و الله سمعة المسلمين بقت عجيبة !!!
Author: سيف النصر محي الدين
Date: 03-25-2016, 06:17 PM
Parent: #6

قباني يا هندسة مافي طريقة تاستك "هذا" المدعو سيف الدين بابكر
عامل فيها خلااااص الود و لا عمر بن الخطاب

Post: #9
Title: Re: و الله سمعة المسلمين بقت عجيبة !!!
Author: يحي قباني
Date: 03-25-2016, 06:27 PM
Parent: #8

Quote: إن المسلمين - يا هذا - هم من يشهد أن لا إله إلا الله وأن محمداً رسول الله...................في أي مكان ... وفي أي زمان

كضباً كاضب يا كابتن ...

جلّت منك و صرجت كمان ....

Post: #10
Title: Re: و الله سمعة المسلمين بقت عجيبة !!!
Author: يحي قباني
Date: 03-25-2016, 06:28 PM
Parent: #9

Quote: قباني يا هندسة مافي طريقة تاستك "هذا" المدعو سيف الدين بابكر
عامل فيها خلااااص الود و لا عمر بن الخطاب

دكتور كيفنك ...

ومن هو المدعو سيف بابكر .؟

يبدو ( و يا للعار ) اني لست متابعاً ...

اهو معنا ام علينا ( على قولة عادل امام ) ...

Post: #11
Title: Re: و الله سمعة المسلمين بقت عجيبة !!!
Author: muntasir
Date: 03-25-2016, 06:38 PM
Parent: #10

يا قبة ده انت من جيل بن محظوظة حصلتو اخر عهد الهيبز في اوروبا وعرفتوهن على العالم الساحر

Post: #12
Title: Re: و الله سمعة المسلمين بقت عجيبة !!!
Author: سيف النصر محي الدين
Date: 03-25-2016, 06:44 PM
Parent: #11

Quote:
اهو معنا ام علينا

و الله يا هندسة لغاية هسي هو "حوالينا" و لسه موقعو ما اتحدد
مشكلتو الاساسية انو عامل نفسو عمر بن الخطاب ههههههههه

Post: #16
Title: Re: و الله سمعة المسلمين بقت عجيبة !!!
Author: سيف الدين بابكر
Date: 03-25-2016, 06:55 PM
Parent: #12

وَمَنْ أَحْسَنُ قَوْلًا مِّمَّن دَعَا إِلَى اللَّهِ وَعَمِلَ صَالِحًا وَقَالَ إِنَّنِي مِنَ الْمُسْلِمِينَ

Quote: هو "حوالينا" و لسه موقعو ما اتحدد

Post: #33
Title: Re: و الله سمعة المسلمين بقت عجيبة !!!
Author: سيف الدين بابكر
Date: 03-25-2016, 08:46 PM
Parent: #12

Quote: عامل نفسو عمر بن الخطاب ههههههههه

Post: #15
Title: Re: و الله سمعة المسلمين بقت عجيبة !!!
Author: يحي قباني
Date: 03-25-2016, 06:54 PM
Parent: #11

Quote: يا قبة ده انت من جيل بن محظوظة حصلتو اخر عهد الهيبز في اوروبا وعرفتوهن على العالم الساحر

و الله يا منتصر ...

كان ما يجو يكفرونا ناس سيف بابكر ديل ... و الله كنا آلهة عديل ...

بس كلمة افريقيا و كمان مسلم ... تبقى ربها و رب سيدها ...

انحنا ما ناس ود بدُر الفي صوفه سدُر ... و هم عاد لما كانوا يشوفوا قصة السدُر دي ... برقدوا موية

ما تشوف قصة الليزر الحايمة و الوطوطة حقت الأيام دي ...

Post: #35
Title: Re: و الله سمعة المسلمين بقت عجيبة !!!
Author: سيف الدين بابكر
Date: 03-25-2016, 09:07 PM
Parent: #15

كان ما يجو يكفرونا ناس سيف بابكر ديل ... و الله كنا آلهة عديل ...

Post: #14
Title: Re: و الله سمعة المسلمين بقت عجيبة !!!
Author: سيف الدين بابكر
Date: 03-25-2016, 06:49 PM
Parent: #9

Quote: كضباً كاضب يا كابتن ...

والذي فطر السماء بلا عمد...

إن الكفر الصراح، الذي عندنا فيه من الله برهان.

أنا أدعوك أن تدخل الإسلام مجدداً وأن تتوب - تغتسل وتنطق بالشهادتين مجدداً ...

Post: #13
Title: Re: و الله سمعة المسلمين بقت عجيبة !!!
Author: سيف الدين بابكر
Date: 03-25-2016, 06:47 PM
Parent: #8

Quote: عامل فيها خلااااص الود و لا عمر بن الخطاب

Post: #17
Title: Re: و الله سمعة المسلمين بقت عجيبة !!!
Author: يحي قباني
Date: 03-25-2016, 07:04 PM
Parent: #13

Quote: أنا أدعوك أن تدخل الإسلام مجدداً وأن تتوب - تغتسل وتنطق بالشهادتين مجدداً ...

تكفر و تحلل كمان يا سيف ؟

يا زول ويك أب ...

Post: #20
Title: Re: و الله سمعة المسلمين بقت عجيبة !!!
Author: talha alsayed
Date: 03-25-2016, 07:09 PM
Parent: #17

يا قبه اعمل حسابك سيف ده ما يسوقك بعيد عن موضوع البوست

مداخلاته هذه تخريب للبوست بقصد او بغير قصد

Post: #26
Title: Re: و الله سمعة المسلمين بقت عجيبة !!!
Author: يحي قباني
Date: 03-25-2016, 07:20 PM
Parent: #20

Quote: يا قبه اعمل حسابك سيف ده ما يسوقك بعيد عن موضوع البوست

مداخلاته هذه تخريب للبوست بقصد او بغير قصد

شكراً للتنبيه يا طلحة ...

خلاص بنعمل ليه أَمَيْ بعد ده ...

Post: #21
Title: Re: و الله سمعة المسلمين بقت عجيبة !!!
Author: nour tawir
Date: 03-25-2016, 07:10 PM
Parent: #17

الآخ يحيى قبانى..
سلام..

أول حاجة كريم دا حتى لو كان مسيحى أو مسلم..
برضو البنت حتصصرف معاه بالطريقة دى..
ما ممكن واحد يقابل واحدة فى حذديقة عامة..
ويحاول بتعرف عليها بطريقة كريم دى..
واسمك؟ وتلفونك ؟
وأنت single

Post: #23
Title: Re: و الله سمعة المسلمين بقت عجيبة !!!
Author: nour tawir
Date: 03-25-2016, 07:12 PM
Parent: #17

الآخ يحيى قبانى..
سلام..

أول حاجة كريم دا حتى لو كان مسيحى أو يهودى...
برضو البنت حتتصرف معاه بالطريقة دى..
ما ممكن واحد يقابل واحدة فى حديقة عامة..
ويحاول بتعرف عليها بطريقة كريم دى..
واسمك؟ وتلفونك ؟
وأنت single ولا لا؟
كل الاسئلة دى سببت ليها حرج..
وبقت جاهزة تنفجر لآى سبب تانى..
اسلوب التعارف غلط..
قبل ما تكون مشكلة اسلام ولا لا...

Post: #24
Title: Re: و الله سمعة المسلمين بقت عجيبة !!!
Author: يحي قباني
Date: 03-25-2016, 07:18 PM
Parent: #23

Quote: الآخ يحيى قبانى..
سلام..

أول حاجة كريم دا حتى لو كان مسيحى أو يهودى...
برضو البنت حتتصرف معاه بالطريقة دى..
ما ممكن واحد يقابل واحدة فى حديقة عامة..
ويحاول بتعرف عليها بطريقة كريم دى..
واسمك؟ وتلفونك ؟
وأنت single ولا لا؟
كل الاسئلة دى سببت ليها حرج..
وبقت جاهزة تنفجر لآى سبب تانى..
اسلوب التعارف غلط..
قبل ما تكون مشكلة اسلام ولا لا...

بالعكس يا نور ...

الولد مشى ليها دوغري و طلب رقم تلفونها ...

زيو و زي أي شاب في البلاد دي ... ( بغض النظر عن حرام و حلال و مسلم و مسيحي ) ...

و هي وافقت و ادته رقمها و هي بتضحك و قالت ليهو رسل لي تكست مسج ...

لما قال ليها انا مولود هنا لكن اهلي مصريين و اسمي كريم اسم مسلم ...

هاجت و قالت ليهو امسح الرقم ...

قال ليها ليه عشان انا مسلم ؟

قالت ليهو ايوه عشان مسلم ...

و ما دايره أي نوع من العلاقات مع ناس :

- بدقو زوجاتهم

- و بقطعوا رقاب الناس

و بعملوا أشياء مجنونة ...

تاني في شنو يا نور ؟

Post: #18
Title: Re: و الله سمعة المسلمين بقت عجيبة !!!
Author: قصي محمد عبدالله
Date: 03-25-2016, 07:05 PM
Parent: #13

Quote: و الله سمعة المسلمين بقت عجيبة !!!

وكمان مع قسم بالله !!!!!!!!!!!!!!!!!
لا حول ولا قوة إلا بالله.
لم ينجه مما كان سيقدم عليه بعد أخذه رقم هاتف الفتاة ....
إلا رحمة الله عليه بأن جعله مسلما، هي تبحث عن أنجاس رجسين،
ومن على شاكلتهم في الفهم والفكر.
مبروكة عليكم هذه ال...... التي جعلتموها مقياس لسمعة المسلمين.
ولو أن الإسلام ليس بحاجة لمدح ، ولا غيره.
نحنا الذين علينا أن نحمد الله على نعمة الإسلام.

Post: #19
Title: Re: و الله سمعة المسلمين بقت عجيبة !!!
Author: يحي قباني
Date: 03-25-2016, 07:08 PM
Parent: #18

عليك الله كان ما تميت النقط نقط دي يا شيخ قصي ...

الفضل شنو ؟

ياخي عليك الله كلامك الكتبته ده ... قريته تاني؟

و الفكرة المقصودة من البوست ... فهمك ليها نتيجته كلامك ده ؟

الحمد لله الذي انعم علينا بنعمة الإسلام البنعرفه انحنا ديل كان كده ...

Post: #22
Title: Re: و الله سمعة المسلمين بقت عجيبة !!!
Author: علي دفع الله
Date: 03-25-2016, 07:12 PM
Parent: #18

قباني هذه فتوة من شيخ الاسلام سيف بن بابكر بن تبمية
تب الى الله امام الجميع وانطق الشهادتين ...واغتسل ...
اخخخخخخخخخخخخ

Post: #25
Title: Re: و الله سمعة المسلمين بقت عجيبة !!!
Author: سيف الدين بابكر
Date: 03-25-2016, 07:18 PM
Parent: #22

Quote: يحي قباني: و الله سمعة المسلمين بقت عجيبة !!!
يحي قباني: كنا هناك لما نتقابل من البنوت الزي دي لما تعرف انك من افريقيا و انك مسلم ... تتبسم و تحاول تقرب منك لتتعرف على العالم الساحر حقنا ...كان عندنا احترام ...

سيف الدين بابكر: الآن والآن فحسب في هذا الزمان، انقسم العالم أجمع إلى معسكرين اثنين: المسلمين وغير المسلمين. وليختر أحدكم معسكره من الآن ... فإن الأمر جد وليس هزل.

يحي قباني: يا سيف ... ماهو الــ definition حق كلمة مسلمين ؟
من هم المسلمين ؟

سيف الدين بابكر: إن المسلمين - يا هذا - هم من يشهد أن لا إله إلا الله وأن محمداً رسول الله...................في أي مكان ... وفي أي زمان.

يحي قباني: كضباً كاضب يا كابتن... جلّت منك و صرجت كمان ....

سيف الدين بابكر: والذي فطر السماء بلا عمد... إنه الكفر الصراح، الذي عندنا فيه من الله برهان. أنا أدعوك أن تدخل الإسلام مجدداً وأن تتوب - تغتسل وتنطق بالشهادتين مجدداً ...

يحي قباني: تكفر و تحلل كمان يا سيف ؟ يا زول ويك أب ...

Post: #27
Title: Re: و الله سمعة المسلمين بقت عجيبة !!!
Author: يحي قباني
Date: 03-25-2016, 07:21 PM
Parent: #25

Quote: قباني هذه فتوة من شيخ الاسلام سيف بن بابكر بن تبمية
تب الى الله امام الجميع وانطق الشهادتين ...واغتسل ...
اخخخخخخخخخخخخ

و الله كفرني عديل ...

تخيل الإسلام ده بقى أي زول يتلاعب بيهو كيف ؟

Post: #28
Title: Re: و الله سمعة المسلمين بقت عجيبة !!!
Author: قصي محمد عبدالله
Date: 03-25-2016, 07:37 PM
Parent: #27

Quote: تخيل الإسلام ده بقى أي زول يتلاعب بيهو كيف ؟

---------
Quote: و الله سمعة المسلمين بقت عجيبة !!!

Post: #29
Title: Re: و الله سمعة المسلمين بقت عجيبة !!!
Author: سيف الدين بابكر
Date: 03-25-2016, 08:13 PM
Parent: #28

Quote: وَلَن تَرْضَىٰ عَنكَ الْيَهُودُ وَلَا النَّصَارَىٰ حَتَّىٰ تَتَّبِعَ مِلَّتَهُمْ ۗ قُلْ إِنَّ هُدَى اللَّهِ هُوَ الْهُدَىٰ ۗ وَلَئِنِ اتَّبَعْتَ أَهْوَاءَهُم بَعْدَ الَّذِي جَاءَكَ مِنَ الْعِلْمِ ۙ مَا لَكَ مِنَ اللَّهِ مِن وَلِيٍّ وَلَا نَصِيرٍ

يا ذراري المسلمين الذين يعيشون بين ظهراني المشركين الذين لا يؤمنون بمحمد (ص) في الغرب أو الشرق في الشمال أو الجنوب على ظهر هذه الأرض:

بعد الآن فحسب ... وبعد كل ما حدث الآن في العالم ...

لن ينظر إليكم غير المسلمين - بل بعض المسلمين - إلا من منظار الشك والشر والشطط!

لن ينظر إليكم هؤلاء ومعهم بعض المؤلفة بطونهم إلا من منظور أنكم قتلة سفكة غصبة!

مهما أبديتم من التملص عن الإسلام قولاً وفعلاً ومظهراً ...ومهما تظاهرتم بالاعتدال وتقاربتم مع أهل البلاد التي تعيشون داخلها؛ وهي بلاد غير المسلمين، فلن يشفع لكم ذلك عندهم كما لن يشفع لكم عن رب العالمين!

فلا أنتم أرضيتم ربكم ولا نصرتم دينكم ولا دعوتم إليه غير المسلمين للدخول فيه لأنه الدين الحق وغيره هو الباطل، ولا أنتم أرضيتم من تريدون إرضاءهم ليتركونكم وشأنكم تعيشون كما تعيش الطيور والبهائم.

فلا خيار لكم .... فغير المسلمين بعد ما حدث الآن في العالم لن يقبلوا منكم غير (الردة) عن الإسلام ... لن يقبلوا منكم حتى (الإسلام المعتدل) الذي تدعونه... لن يقبلون منكم إلا الكفر الصريح والبواح والتنكر للإسلام ومعاداة المسلمين.... ثمناً للعيش بينهم = الاندماج في المجتمع = ولم الشمل = كما يوهمونكم...

Post: #30
Title: Re: و الله سمعة المسلمين بقت عجيبة !!!
Author: محمد أبوالعزائم أبوالريش
Date: 03-25-2016, 08:26 PM
Parent: #29

Quote: خلاص بنعمل ليه أَمَيْ بعد ده ...

يالا ده دوري أنا أقول ليك (ويك أب)
ياخ أمي دي ما بيكون في زول من القرو البوست ده وقعت ليهو.

ذكرتني نكتة البت القالت للمجنون (كُر علي .... إنت هنا من زمن يا تتي؟)

Post: #32
Title: Re: و الله سمعة المسلمين بقت عجيبة !!!
Author: يحي قباني
Date: 03-25-2016, 08:38 PM
Parent: #30

Quote: Quote: خلاص بنعمل ليه أَمَيْ بعد ده ...

يالا ده دوري أنا أقول ليك (ويك أب)
ياخ أمي دي ما بيكون في زول من القرو البوست ده وقعت ليهو.

ذكرتني نكتة البت القالت للمجنون (كُر علي .... إنت هنا من زمن يا تتي؟)

الواحد ما يعرف يتونس بي راحتو في المنبر ده !!!

يالعجااايز ....

Post: #31
Title: Re: و الله سمعة المسلمين بقت عجيبة !!!
Author: قصي محمد عبدالله
Date: 03-25-2016, 08:28 PM
Parent: #29

Quote: انت أبو حسين وين؟ مشى الحج ولا شنو ؟

نحنا في جمادى الآخر (شهر 6 من الشهور العربية)
والحج في ذي الحجة (شهر 12 من نفس الشهور).
فقط للتذكير .

Post: #34
Title: Re: و الله سمعة المسلمين بقت عجيبة !!!
Author: سيف الدين بابكر
Date: 03-25-2016, 09:02 PM
Parent: #31

Quote: كنا هناك لما نتقابل من البنوت الزي دي لما تعرف انك من افريقيا و انك مسلم ... تتبسم و تحاول تقرب منك لتتعرف على العالم الساحر حقنا ...

كان عندنا احترام ...

Post: #36
Title: Re: و الله سمعة المسلمين بقت عجيبة !!!
Author: Deng
Date: 03-26-2016, 05:31 AM
Parent: #34

Quote: الواحد ما يعرف يتونس بي راحتو في المنبر ده !!!

يحى قباني.

سلام وتحية.

البورد بقى مليان ألغام، لازم تمشى(تكتب) بحذر شديد.

هههههههههههههههههههه

Post: #37
Title: Re: و الله سمعة المسلمين بقت عجيبة !!!
Author: يحي قباني
Date: 03-26-2016, 05:55 AM
Parent: #36

Quote: يحى قباني.

سلام وتحية.

البورد بقى مليان ألغام، لازم تمشى(تكتب) بحذر شديد.

هههههههههههههههههههه

و الله مبالغة يا دينق ...

هسي دي هداية .. و لا جهاد ... و لا كسب حسنات ... و لا اضعف الايمان ...

و الله بركة الهربنا بي باقي دينا ده و جينا بيجاي ...
__________________________________

تعرف يا دينق ... لما خليت السعودية سنة 94 و جاي على كندا ...

واحد من الاخوان كان عايش في جدة ...

زعل مني شديد و رسل لي كتيب اسمو " الهجرة الى بلاد الكفار " ...

ضربت ليهو تلفون و قلت ليهو يا زول انا مهاجر بي باقي ديني ده قبال ما يبوظ هنا ...

الأهم من ده ...انو هو زاتو جانا هنا بعد 8 - 9 سنوات من جيتي ...

Post: #38
Title: Re: و الله سمعة المسلمين بقت عجيبة !!!
Author: Deng
Date: 03-26-2016, 06:27 AM
Parent: #37

Quote: تعرف يا دينق ... لما خليت السعودية سنة 94 و جاي على كندا ...

واحد من الاخوان كان عايش في جدة ...

زعل مني شديد و رسل لي كتيب اسمو " الهجرة الى بلاد الكفار " ...

ضربت ليهو تلفون و قلت ليهو يا زول انا مهاجر بي باقي ديني ده قبال ما يبوظ هنا ...

الأهم من ده ...انو هو زاتو جانا هنا بعد 8 - 9 سنوات من جيتي ...

هههههههههههه

أها قصي ده ما بجيكم قريب؟؟

Post: #39
Title: Re: و الله سمعة المسلمين بقت عجيبة !!!
Author: Hafiz Bashir
Date: 03-26-2016, 06:28 AM
Parent: #37

كيف سمعة المسلمين ما تبقى عجيبة إذا كان ناس قباني ما فارزين جمادى الآخر من ذي الحجة

Post: #40
Title: Re: و الله سمعة المسلمين بقت عجيبة !!!
Author: يحي قباني
Date: 03-26-2016, 06:56 AM
Parent: #39

Quote: كيف سمعة المسلمين ما تبقى عجيبة إذا كان ناس قباني ما فارزين جمادى الآخر من ذي الحجة

نفرز كيفن يا حافظ و جماعتك ديل شايلين عكاكيزهم الليل و النهار يكفروا و يحللوا على كيفهم ...

و الله بقوا للدين في رقبتو ...
___________________________________________________________
واحد خواجة اسلم في السودان في زمن الإنقاذ ... و سأل ليهو واحد مسلم بيت الطهار بي وين ؟

المسلم قال ليهو في شنو يا خواجة ؟

قال ليهو و الله دخلت الإسلام...

المسلم قال ليهو ... ياخ هو الناس مارقين و انت داخل !!!

Post: #41
Title: Re: و الله سمعة المسلمين بقت عجيبة !!!
Author: يحي قباني
Date: 03-26-2016, 06:59 AM
Parent: #40

Quote: نحنا في جمادى الآخر (شهر 6 من الشهور العربية)
والحج في ذي الحجة (شهر 12 من نفس الشهور).
فقط للتذكير

يا شيخنا انتو غيرتو أي حاجة ...

بغلبكم تحولوهو في جمادى ؟
_____________________

Post: #42
Title: Re: و الله سمعة المسلمين بقت عجيبة !!!
Author: Deng
Date: 03-26-2016, 07:07 AM
Parent: #41

يا يحى.

البورد ده فيهو عدة زبائن.

أنا مثلا عندي زبائن محددين، من ضمنهم ود الباوقة وصلاح غريبة، رغم أنو في ناس بتحاول تقالعني فيهم.

قصي ده زبون عندي، أنا متبرع لك بيهو، لعلك تفلح في هدايته، وتجعل منه انسان سوي محترم ويتخلي عن تطرفه وعنصريته هذا.

Post: #64
Title: Re: و الله سمعة المسلمين بقت عجيبة !!!
Author: يحي قباني
Date: 03-26-2016, 12:58 PM
Parent: #42

Quote: يا يحى.

البورد ده فيهو عدة زبائن.

أنا مثلا عندي زبائن محددين، من ضمنهم ود الباوقة وصلاح غريبة، رغم أنو في ناس بتحاول تقالعني فيهم.

قصي ده زبون عندي، أنا متبرع لك بيهو، لعلك تفلح في هدايته، وتجعل منه انسان سوي محترم ويتخلي عن تطرفه وعنصريته هذا.

و الله يا دينق زي ما قلت ....

صحيت قبل دقايق ... جيت مكتبي اشوف لو في ايميلات ...

فتحت المنبر ... لقيت البوست معلق ... و ملان ردود ...

قلت الله يستر و بديت اتحسس رقبتي ما يكون قطعوها و انا نايم ...

زبونك ده و الله بس يجيني الصيفية دي ... نطلع كم مشوار بعداك بقرر براهو ...

Post: #43
Title: Re: و الله سمعة المسلمين بقت عجيبة !!!
Author: وضاح عبدالرحمن جابر
Date: 03-26-2016, 07:09 AM
Parent: #39

استنادا الى الدليل (الفيديو) ..

معناها سمعة المسلمين زمان كانت قويه .. وشركهم بقبض طوالي ..
لذا فالنحيي المجاهد (مصطفي سعيد) وكل قادة (الفتوحات الإسلامية) في أوروبا والامريكتين

........................

قلنا استنادا الى الدليل .. وليس الى (هدف) كاتب البوست .. فهدف كاتب البوست واضح .. وهو ... الاسلاموفوبيا ..

Post: #44
Title: Re: و الله سمعة المسلمين بقت عجيبة !!!
Author: قصي محمد عبدالله
Date: 03-26-2016, 07:36 AM
Parent: #43

Quote: انتو غيرتو أي حاجة ...

بغلبكم تحولوهو في جمادى ؟

ما في زول بغير حاجة.
الهداية من الله ، يهبها لمن يشاء ويصرفها عن من يشاء.
---------
انتو نان فاضيين من البارات والنوادي الليلية .

Post: #45
Title: Re: و الله سمعة المسلمين بقت عجيبة !!!
Author: تبارك شيخ الدين جبريل
Date: 03-26-2016, 08:11 AM
Parent: #44

غايتو يا يحي ما شرط تتوب وتنطق الشهادتين أمام الجميع ...

ولكن لازم تغتسل أمام الجميع

... المهم ....

Post: #46
Title: Re: و الله سمعة المسلمين بقت عجيبة !!!
Author: علي دفع الله
Date: 03-26-2016, 08:21 AM
Parent: #45

اها جابت ليها بارات وnight clubs
بقيت كافر وفاسق يا يحيى....
الشهادتين والغسل لا تنجيك ..الوضع تأزم يا صاح ...

Post: #47
Title: Re: و الله سمعة المسلمين بقت عجيبة !!!
Author: قصي محمد عبدالله
Date: 03-26-2016, 09:14 AM
Parent: #46

Quote: بقيت كافر

علي دفع الله كفرك...
الله يسترك ما يجي واحد يهدر دمك ..........

Post: #48
Title: Re: و الله سمعة المسلمين بقت عجيبة !!!
Author: Hafiz Bashir
Date: 03-26-2016, 09:52 AM
Parent: #47

Quote: انتو نان فاضيين من البارات والنوادي الليلية

يا قباني سمعة المسلمين خلها

الكلام هسه في سمعتك إنت دا ذاتك

_______

يا قصي الكلام دا ما صاح منك

دا قذف و إتهام من غير دليل

Post: #49
Title: Re: و الله سمعة المسلمين بقت عجيبة !!!
Author: Deng
Date: 03-26-2016, 09:59 AM
Parent: #48

Quote: علي دفع الله كفرك...
الله يسترك ما يجي واحد يهدر دمك ..........

حافظ بشير.

أنت في سمعة ود قباني!

كده شوف قصي، سايق البوست ده لي وين!

Post: #50
Title: Re: و الله سمعة المسلمين بقت عجيبة !!!
Author: Hafiz Bashir
Date: 03-26-2016, 10:32 AM
Parent: #49

دي ما إنتبهت ليها و الله يا دينق

نحسن الظن و نقول يمكن مهكر

مافي زول عاقل بخت إسمو و صورتو و يكتب جنس الكلام دا

دا تحريض راسو عديل

Post: #51
Title: Re: و الله سمعة المسلمين بقت عجيبة !!!
Author: قصي محمد عبدالله
Date: 03-26-2016, 10:50 AM
Parent: #50

Quote: {وَلَن تَرْضَى عَنكَ الْيَهُودُ وَلاَ النَّصَارَى حَتَّى تَتَّبِعَ مِلَّتَهُمْ قُلْ إِنَّ هُدَى اللّهِ هُوَ الْهُدَى وَلَئِنِ اتَّبَعْتَ أَهْوَاءهُم بَعْدَ الَّذِي
جَاءكَ مِنَ الْعِلْمِ مَا لَكَ مِنَ اللّهِ مِن وَلِيٍّ وَلاَ نَصِيرٍ }البقرة120

بعض الغقهاء قالوا أنهم لن يرضوا عن المسلم حتى بعد أن يتبع ملتهم.
لذلك نجد كثير من المشركين يحاولون التخذيل والتثبيط وسط إخوان الديانة،
عمدا أو بغير عمد ، ليس سوى أن يظهروا لليهود والنصارى أنهم يودونهم أكثر من إخوانهم !!!!!!!!
نسأل الله السلامة والعافية.

Post: #52
Title: Re: و الله سمعة المسلمين بقت عجيبة !!!
Author: خالد المبارك
Date: 03-26-2016, 11:02 AM
Parent: #51

لم تترك لنا شيئا لنقوله اخي قصي كفيت و وفيت

Quote: لا حول ولا قوة إلا بالله.
لم ينجه مما كان سيقدم عليه بعد أخذه رقم هاتف الفتاة ....
إلا رحمة الله عليه بأن جعله مسلما، هي تبحث عن أنجاس رجسين،
ومن على شاكلتهم في الفهم والفكر.
مبروكة عليكم هذه ال...... التي جعلتموها مقياس لسمعة المسلمين.
ولو أن الإسلام ليس بحاجة لمدح ، ولا غيره.
نحنا الذين علينا أن نحمد الله على نعمة الإسلام.

Post: #53
Title: Re: و الله سمعة المسلمين بقت عجيبة !!!
Author: قصي محمد عبدالله
Date: 03-26-2016, 11:02 AM
Parent: #51

كتب
Mohammed Eltaze على جدار الفيس بوك:
Quote: ماحتتغير الصورة لي المسلم وحنكون طول عمرنا عند الغرب منبوذين

ولن تتغير إلا إذا تركت الإسلام ،
وانغمست معهم لآخر جحر لهو.،
وتبرئت من المسلمين أمام وسائل الإعلام.
وبعد ذلك كله ستكون حالة فردية تخصك وحدك ...
وستكون مسخرة لكل الأديان .

Post: #55
Title: Re: و الله سمعة المسلمين بقت عجيبة !!!
Author: قصي محمد عبدالله
Date: 03-26-2016, 11:09 AM
Parent: #51

يقول الزميل تبارك:
Quote:
ولكن لازم تغتسل أمام الجميع

الكلام ده لازم يتم أمام بكري ومعه أربعة شهود عدول (ودي مهمة شبه مستحيلة).
--------
انت عارف كلام زي ده في أمريكا عاااااااادي،
وممكن أي مخلوق يجيب (طشتو ) ويقيف جمبو،
ناهيك عن ناس السي انن ، والقنوات المحلية.
وكمان يعملو ليها ذكرى سنوية (ذكرى اغتسال قباني أمام الملأ)،
وبعد فترة عادي تلقاها في الوكيبيديا ومعاها شرح المناسبة (طبعا لاوم يجيبوا سيرة المنشور والآراء وأسماء المتداخلين والتواريخ.
و لا تستغرب لو وجدت مكان الإغتسال موجود في قوقل إيرث!
شفت كيف الأمور تتطور وتتعاظم!!!!!
-------

Post: #71
Title: Re: و الله سمعة المسلمين بقت عجيبة !!!
Author: يحي قباني
Date: 03-26-2016, 01:17 PM
Parent: #55

Quote: الكلام ده لازم يتم أمام بكري ومعه أربعة شهود عدول (ودي مهمة شبه مستحيلة).
--------
انت عارف كلام زي ده في أمريكا عاااااااادي،
وممكن أي مخلوق يجيب (طشتو ) ويقيف جمبو،
ناهيك عن ناس السي انن ، والقنوات المحلية.
وكمان يعملو ليها ذكرى سنوية (ذكرى اغتسال قباني أمام الملأ)،
وبعد فترة عادي تلقاها في الوكيبيديا ومعاها شرح المناسبة (طبعا لاوم يجيبوا سيرة المنشور والآراء وأسماء المتداخلين والتواريخ.
و لا تستغرب لو وجدت مكان الإغتسال موجود في قوقل إيرث!
شفت كيف الأمور تتطور وتتعاظم!!!!!

يا ود خلي الخفة و ما تقلبها هزار ...

مطلوب منك اثبات تهمتك لي اننا ما فاضين من البارات و النوادي الليلية ...

Post: #69
Title: Re: و الله سمعة المسلمين بقت عجيبة !!!
Author: يحي قباني
Date: 03-26-2016, 01:13 PM
Parent: #48

Quote: يا قصي الكلام دا ما صاح منك

دا قذف و إتهام من غير دليل

يا حافظ ... الرجل بجاهد كيبورديا ... خليهو ...

بس يثبت تهمة البارات و النوادي الليلية دي علي بي الأول ...

و كان ما اثبتها ... اليثبت هو في عضمو ...

Post: #68
Title: Re: و الله سمعة المسلمين بقت عجيبة !!!
Author: يحي قباني
Date: 03-26-2016, 01:10 PM
Parent: #46

Quote: اها جابت ليها بارات وnight clubs
بقيت كافر وفاسق يا يحيى....
الشهادتين والغسل لا تنجيك ..الوضع تأزم يا صاح ...

بكره يصحوا لي واحد من ناسم ( النايمين ) يقيم علي الحد يا ود دفع الله ...

بس عليهم تثبيت التهمة بالدليل و ليس بالشبهة ...

Post: #67
Title: Re: و الله سمعة المسلمين بقت عجيبة !!!
Author: يحي قباني
Date: 03-26-2016, 01:08 PM
Parent: #45

Quote: غايتو يا يحي ما شرط تتوب وتنطق الشهادتين أمام الجميع ...

ولكن لازم تغتسل أمام الجميع

قبال ما اتوب يا تبارك ...

تهمتي شنو عليك الله ...

كدي اعمل لي تلخيص للتهم المستوجة الغُسل ...

كان مقنعة ... بجيكم ملط من بيتنا ... ( زي سيد اللبن الودا اللبن للعرسان ) ...

Post: #66
Title: Re: و الله سمعة المسلمين بقت عجيبة !!!
Author: يحي قباني
Date: 03-26-2016, 01:03 PM
Parent: #44

Quote: انتو نان فاضيين من البارات والنوادي الليلية .

تشهد على ذلك يا قصي ؟

كيف وصلت لي اننا ما فاضيين من البارات و النوادي الليلية ؟

و لا استخدمت المنطق ؟
___________________

Post: #65
Title: Re: و الله سمعة المسلمين بقت عجيبة !!!
Author: يحي قباني
Date: 03-26-2016, 01:01 PM
Parent: #43

Quote: قلنا استنادا الى الدليل .. وليس الى (هدف) كاتب البوست .. فهدف كاتب البوست واضح .. وهو ... الاسلاموفوبيا

عرفت يا وضاح الاسلاموفوبيا سببها شنو ؟

زي شيخنا قصي ده لو كان قاعد في السودان ما كان ( اتطرف ) كده ...

البركة في عمك محمد بن عبد الوهاب ...

Post: #54
Title: Re: و الله سمعة المسلمين بقت عجيبة !!!
Author: محمد مجيدو
Date: 03-26-2016, 11:05 AM
Parent: #1

Quote:
و الله كفرني عديل ...

يا هندسة .. سلام ..
يعني طلعت كافر لا ايدك ......لا كراعك ؟؟؟؟؟؟
عالم بطااله ....

Post: #56
Title: Re: و الله سمعة المسلمين بقت عجيبة !!!
Author: قصي محمد عبدالله
Date: 03-26-2016, 11:17 AM
Parent: #54

Quote: كده شوف قصي، سايق البوست ده لي وين!

سياقة البوست وما فيه على مسؤلية صاحبه ومعاونيه .
غايتو المسلم على دفع الله كفرو،
وعلي دفع الله شخص مسلم معتدل.

Post: #57
Title: Re: و الله سمعة المسلمين بقت عجيبة !!!
Author: Abureesh
Date: 03-26-2016, 11:40 AM
Parent: #56

**انتو نان فاضيين من البارات والنوادي الليلية . **___
ودى يا قصى ما دايرالا غسل وتوبة؟ أم أنها من صغائر الذنوب؟ (البهتان الأخذ بالظن).

شخصيا عندى سنين طويلة هنا ولم أذهب يوما واحدا الى السينما منذ أن قدمت، إلا مرة واحدة متحف العلوم لفلم عن المجرات والاكوان البعيدة.
وذهبت عدة مرات الى برودواى لمشاهدة عروض مسرحية كلاسيكية مثل مسرحية الملك ليـــر. ولا شك عندى ان الأخوة الذين بهتهم انضف وأتقى من كثير ممن عندكم

تقول بارات ونوادى ليلية ؟..

قالوا ناس في السعودية مكبوتين لا يتنفسون إلا بفتوى من شيوخ الوهابية، لذلك (يتخيلون) حياة الغرب فسق ومجون مما يمثل احلامهم هم وما يطمحون اليه.

Post: #58
Title: Re: و الله سمعة المسلمين بقت عجيبة !!!
Author: عمر دفع الله
Date: 03-26-2016, 11:42 AM
Parent: #54

Quote: من الغرائب أن الحركة الاسلامية الراديكالية الوحيدة التى ظلت تنبض
بالحياة بعد الحادي عشر من سبتمبر ٢٠٠١ هى جمهورية لندنستان
( أي المجموعات الاسلامية التى وجدت لها ملجأ ومستقراً في دول الاستكبار ، أو إن شئت في فسطاط الكفر ) .
تضم تلك الجمهورية غيتوهات آثرت الانعزال عن محيطها حفاظا على عذرية فكرية موهومة ( والعذريةالفكرية تحول
دون التفاعل مع المحيط الذى تعيش فيه ) ، مع ذلك وفر لها المستكبرون الحرية للتعبير عن رأيها ، والدفاع عن نفسها ، والتقاضي
أمام محاكم لا تلتزم الشريعة مصدراً للقوانين ، والتحجج أمام هذه المحاكم بالميثاق الأوربي لحقوق الانسان
لا بكتاب الله . حريات دول الاستكبار هذه ، لم تتوفر لللاسلاميين في كل مساقط رؤوسهم ، كما لم يوفرها الاسلام السياسي - الحاكم والمعارض - لأي واحد
من مواطنيه الذين يخاصمونه فكرياً . هؤلاء المخاصمون المعارضون تطحنهم أرحية ، شقها الأول هو الابادة ، وشقها الثاني التكفير .

د.منصور خالد

خليك يا قبانى من سمعة المسلمين
كدى شوف طريقة الحق سمعتك بعد البوست دا.

مصطفى سعيد يا قبانى قال للخواجات ( جئتكم غازيا في عقر داركم )
يا حليل ايام غزوة مصطفى سعيد
هسي بقت في غزوات من نوع تانى
واحسن حاجة يا قبانى تكون على الحياد
لا مع الغزاة ولا مع المغزوين لحدى ما ينحسر الطوفان وتشوف نهاية الفيلم دا كيف !

Post: #59
Title: Re: و الله سمعة المسلمين بقت عجيبة !!!
Author: Deng
Date: 03-26-2016, 11:59 AM
Parent: #58

بعد شوية يصحى يحيى قباني من النوم، فلن يجد بأن هنالك من وصفه بأنه يتردد على البارات والنوادي الليلة فقط، ربما يجد من هنالك يلمح الى إهدار دمه أيضا.

Post: #60
Title: Re: و الله سمعة المسلمين بقت عجيبة !!!
Author: قصي محمد عبدالله
Date: 03-26-2016, 12:00 PM
Parent: #58

Quote:
يا قباني سمعة المسلمين خلها

الكلام هسه في سمعتك إنت دا ذاتك

صاحب المنشور قائد اشانة سمعة لكل المسلمين حول العالم،
الحاليين والآتيين ...
ومقطع الفيديو الذي أورده ليس له علاقة بما يصبو إليه، هو فقط مدخل !
------
أتمنى أن يعتذر لكل المسلمين، وأن يستغفر الله ويتوب وأن يعزم أن لا يعود إلى فعلته مرة أخرى.
وأن يحترم المنبر و القراء حيث ما كانوا بعدم نشر دروس للوصول إلى الرذيلة.
--

Post: #61
Title: Re: و الله سمعة المسلمين بقت عجيبة !!!
Author: عمر دفع الله
Date: 03-26-2016, 12:21 PM
Parent: #60

Quote: أتمنى أن يعتذر لكل المسلمين، وأن يستغفر الله ويتوب وأن يعزم أن لا يعود إلى فعلته مرة أخرى.
وأن يحترم المنبر و القراء حيث ما كانوا بعدم نشر دروس للوصول إلى الرذيلة.

يعنى يا قصي هسي المشكلة بقت البارات والنوادى الليلية !
وماذا تساوى بحسب زعمك دروس الوصول الى الرذيلة بتاعت قبانى
امام فداحة تواجد القواعد العسكرية الاجنبية في بلاد المسلمين
وانتشار اجهزة المخابرات الغربية في عصب الدولة التى ترعى فكركم
وتجهّز شيوخكم في غزوات الفتاوى ؟

ان الحديث عن تواجد ( الكفار ) بين سادتكم سيكون باهظ الثمن
وانتو عارفين كدا فياخى ما يبقا قبانى حيتطكم القصيرة
بالله شوفوا ليكم حاجة اهم من بوست قبانى !
عشان نلمس لينا حاجة حقيقية تأكد غيرتكم على الدين .

Post: #62
Title: Re: و الله سمعة المسلمين بقت عجيبة !!!
Author: منتصر عبد الباسط
Date: 03-26-2016, 12:21 PM
Parent: #54

مع أني مع فكرة أن صورة الاسلام أصابها تشويه بسبب ما هو معلوم ..
لكن ارتباط مسألة ضرب الزوجات بالمصريين هذه
و بحسب بالاحتكاك بالمصريين استطعت أن أتأكد منها
أحسن شي في السودانيين والسودانيات أن السودانيين لا يضربون زوجاتهم وهذا .السلوك مستقبح ومرفوض مطلقاً في السودان خاصة
وكذلك معظم دول العالم
السوداني مثلاً ممكن يضرب بنته أو أخته لكنه لا يقبل أن يضرب أحد بنته أو أخته ولو كان زوجها.
واعتقد معظم دول العالم كذلك ما عدا المصريين والله أعلم
ولكن في مًصر شبه عادي..... وأرجو أن لا أكون ظلمت المصريين .

Post: #63
Title: Re: و الله سمعة المسلمين بقت عجيبة !!!
Author: منتصر عبد الباسط
Date: 03-26-2016, 12:31 PM
Parent: #62

هممت بأن أنقل فديوهات للعنف الزوجي في مصر والذي ضحاياه زوجات والجناة أزواج ...
ولكن بعد الاطلاع على جزء من الفيديوهات تراجعت عن الفكرة لفظاعة المشاهد والجرائم التي ربما لا يطيق البعض مشاهدتها
فليحمد نساء السودان الله كثيراً ليل نهار أنهن سودانيات

Post: #70
Title: Re: و الله سمعة المسلمين بقت عجيبة !!!
Author: قصي محمد عبدالله
Date: 03-26-2016, 01:17 PM
Parent: #63

Quote: امام فداحة تواجد القواعد العسكرية الاجنبية في بلاد المسلمين
وانتشار اجهزة المخابرات الغربية في عصب الدولة التى ترعى فكركم
وتجهّز شيوخكم في غزوات الفتاوى ؟

لا داعي لتغير مسار المنشور!
-----
المنشور حول السمعة السيئة للمسلمين التي يحاول نشرها قباني وسط المجتمع الذي تغلبه الديانات الغير مسلمة.

Post: #73
Title: Re: و الله سمعة المسلمين بقت عجيبة !!!
Author: قصي محمد عبدالله
Date: 03-26-2016, 01:26 PM
Parent: #70

Quote: زمان ... في السبعينات

نفس الفترة التي كان يحاول فيها الشيوعيين إزاحة الدين الإسلامي في السودان واستبداله بالفكر الشيوعي .
رحم الله أبعاج.
الحملات ضد المسلمين قديمة .....

Post: #74
Title: Re: و الله سمعة المسلمين بقت عجيبة !!!
Author: عمر دفع الله
Date: 03-26-2016, 01:38 PM
Parent: #70

Quote: لا داعي لتغير مسار المنشور!

وانت تريد ان تحمّل قبانى نشر سوء سمعة المسلمين في الغرب وتمارس عليه الارهاب الفكرى
وتنسى ان سوء سمعة المسلمين هي بسبب الفكر التكفيرى الذى جعل ابناء المهاجرين المسلمين يقتلون
المدنيين الذين يعيشون معهم .

طبعا يا قصي انتوا سيرة القواعد الاجنبية في بلاد المسلمين دي
ما بتحبوا تسمعوها ودي العقدة ( الرهيبة ) الغلبت شيوخكم .

سلام

Post: #72
Title: Re: و الله سمعة المسلمين بقت عجيبة !!!
Author: عمر دهب
Date: 03-26-2016, 01:21 PM
Parent: #63

واضج ان هذف البوست ان الدواعش اشانوا بسمعة المسلمين
ودى كلام العالم كلوا بيقول فيه
والمسلم المصرى دا البعض ظنه صاحب غرض والبت ظنتو من فصيلة داعش
ويمكن هو غرضوا اخر عجبتوا البت وداير يزوجه ويهديها للاسلام
ماكتير ناس ازواجوا اجنبيات ودخلوا الاسلام
يعنى سوء الظن لزوموا شنو
سوء الظن ذاتو الدرجه القبل داعش
خاصه لمن تحدد بمزاجك الناسر بيمشوا وين

Post: #75
Title: Re: و الله سمعة المسلمين بقت عجيبة !!!
Author: يحي قباني
Date: 03-26-2016, 01:45 PM
Parent: #72

Quote: يعنى سوء الظن لزوموا شنو
سوء الظن ذاتو الدرجه القبل داعش
خاصه لمن تحدد بمزاجك الناسر بيمشوا وين

المشكلة لو بفكر ما كان قال كلامه ده يا ود دهب ...

لكنه ( نصف ) مغسول الدماغ ...

هم بفكروا ليهو و هو بكتب و يتهم و يحلل و يكفر ...

و زي ما قلت مرحلة ما قبل داعش ... النص الباقي الغسلة للدماغ بيتم لما يكون جاهز ( للجهاد ) ...

قصي هنا وراكم داعش في ابهى حللها ...

Post: #76
Title: Re: و الله سمعة المسلمين بقت عجيبة !!!
Author: يحي قباني
Date: 03-26-2016, 01:51 PM
Parent: #75

Quote: وانت تريد ان تحمّل قبانى نشر سوء سمعة المسلمين في الغرب وتمارس عليه الارهاب الفكرى
وتنسى ان سوء سمعة المسلمين هي بسبب الفكر التكفيرى الذى جعل ابناء المهاجرين المسلمين يقتلون
المدنيين الذين يعيشون معهم .

طبعا يا قصي انتوا سيرة القواعد الاجنبية في بلاد المسلمين دي
ما بتحبوا تسمعوها ودي العقدة ( الرهيبة ) الغلبت شيوخكم .

سلام

يا عمر دفع الله ...

انا وكلتك عديل عشان أكون ( عادل )

وكلتك تحصر لي التهم الرماني بيها الشيخ قصي ...

عشان مطلوب منه اثباتها تماماً ...

ما يجو يقطعوا رقبتي ساكت الجماعة ديل !!

Post: #77
Title: Re: و الله سمعة المسلمين بقت عجيبة !!!
Author: Hafiz Bashir
Date: 03-26-2016, 02:04 PM
Parent: #75

Quote: المنشور حول السمعة السيئة للمسلمين التي يحاول نشرها قباني وسط المجتمع الذي تغلبه الديانات الغير مسلمة

غير صحيح يا قصي

قباني في البوست دا أبداً ما حاول ينشر سمعة سيئة للمسلمين وسط المجتمع الذي تغلبه الديانات الغير مسلمة

قباني نقل جانب من رؤية المجتمع الذي تغلبه الديانات الغير مسلمة للمسلمين

فكدي إستهدى بالله و راجع البوست دا تاني عشان تقدر تفهم الفكرة و تقدر توجه جهادك ضد الذين شوهوا سمعة المسلمين

يا قصي فكرة العزلة التي يعيشها المسلمون اليوم و الإنطباع عن إرتباط الإسلام في ذهنية المجتمعات الأخرى بالعنف و القتل و الإرهاب دا واقع ما بتنكر

منو المسؤول من وجود الواقع دا؟ أكيد ما قباني

أنا شايفك في البوست دا أخطأت في تحديد موقعك في الدفاع عن سمعة المسلمين

Post: #79
Title: Re: و الله سمعة المسلمين بقت عجيبة !!!
Author: يحي قباني
Date: 03-26-2016, 02:17 PM
Parent: #77

Post: #78
Title: Re: و الله سمعة المسلمين بقت عجيبة !!!
Author: Ali Abdalla
Date: 03-26-2016, 02:09 PM
Parent: #63

الاخ يحي قباني وضيوفه الكرام
السلام عليكم ورحمة الله تعالي ويركاته
قد لا يكون هذا الفيديو كاميرا خفية وتفاصيله حدثت عن طريق الصدفة
بمعني أن الفيديو عبارة عن تمثيلية تحمل رسالة معينة ومقصودة من قبل من أنتجها
وهي عدم إعطاء أي فرصة لأي مسلم حتي مجرد الكلام معه بإعتبار ان المسلم خطر عليكم
ولتكريث ظاهرة الاسلاموفوبيا وفصل المسلم إجتماعياً وإلاً لماذا انفجرت الفتاة فجأةً ب:
- ما دايره أي نوع من العلاقات مع ناس :
- بدقو زوجاتهم
- و بقطعوا رقاب الناس
و بعملوا أشياء مجنونة ...
أحسست وكأنً النقاط المذكورة أعلاه مستحضرة سلفاً وقيلت هكذا وبسرعة هذه نقطة
النقطة الثانية هي التي تخص كريم وكأنً من انتج هذا الفيديو يريد أن يوضح بأن المسلم عشوائي
يدخل عليكن هكذا بعشوائيته فاحذرن!
وقد أوفت الاخت نور تاور وكفت فيما يخص عشوائية كريم في المقتيس ادناه
Quote: ما ممكن واحد يقابل واحدة فى حديقة عامة..
ويحاول بتعرف عليها بطريقة كريم دى..
واسمك؟ وتلفونك ؟
وأنت single ولا لا؟

النقطة الثالتة ذكر كريم أنه مولود هنا ولكن جذوره من مصر
وهذه النقطة يمكن ربطها بالتحليلات التي أعقبت تفجيرات بروكسيل
أن الذين إرتكبوا جرائم أرهابية وخاصة في أوروبا هم من الجيل الثالث
والذين ولدوا وترعرعوا فيها، فاحذروهم........
هذا ما قرأته في ما وراء الفيديو علي وزن ما وراء الخبر

والله أعلم

Post: #80
Title: Re: و الله سمعة المسلمين بقت عجيبة !!!
Author: يحي قباني
Date: 03-26-2016, 02:36 PM
Parent: #78

جايز جداً يا علي عبد الله يكون معد سلفاً ...

و لكنه يحكي عن واقع مر ...

شئنا ام ابينا أصبحت حقيقة واقعة بسبب التطرف

Post: #81
Title: Re: و الله سمعة المسلمين بقت عجيبة !!!
Author: يحي قباني
Date: 03-26-2016, 02:37 PM
Parent: #80

الاخوة ( الشيوخ ) رجاء مشاهدة الفيديوهين للشيخ عبد الفتاح مورو ...

Post: #82
Title: Re: و الله سمعة المسلمين بقت عجيبة !!!
Author: سيف الدين بابكر
Date: 03-26-2016, 02:45 PM
Parent: #78

Quote: الفيديو عبارة عن تمثيلية تحمل رسالة معينة ومقصودة من قبل من أنتجها
وهي عدم إعطاء أي فرصة لأي مسلم حتي مجرد الكلام معه بإعتبار ان المسلم خطر عليكم
ولتكريث ظاهرة الاسلاموفوبيا وفصل المسلم إجتماعياً

Post: #83
Title: Re: و الله سمعة المسلمين بقت عجيبة !!!
Author: يحي قباني
Date: 03-26-2016, 03:29 PM
Parent: #82

محمد التازي من الفيس بوك

و الله كلامك يتبروز بالدهب ...

Post: #84
Title: Re: و الله سمعة المسلمين بقت عجيبة !!!
Author: حسين عمر الفكي
Date: 03-26-2016, 03:51 PM
Parent: #83

Quote: غير صحيح يا قصي

قباني في البوست دا أبداً ما حاول ينشر سمعة سيئة للمسلمين وسط المجتمع الذي تغلبه الديانات الغير مسلمة

قباني نقل جانب من رؤية المجتمع الذي تغلبه الديانات الغير مسلمة للمسلمين

تحياتي واحترامي للجميع

Post: #85
Title: Re: و الله سمعة المسلمين بقت عجيبة !!!
Author: قصي محمد عبدالله
Date: 03-26-2016, 06:13 PM
Parent: #84

2/
Quote: مطلوب منك اثبات تهمتك لي اننا ما فاضين من البارات و النوادي الليلية ...

أنا هنا بمدح فيك.
أولا إذا كنت مسلم فقد اتهمت نفسك بمنشورك الذي سبيت فيه كل المسلمين،
حتى لم تكلف نفسك بالعبارة المشهورة "إلا من رحم الله"
تعريف :
الله هو الإله الذي لا إله إلا هو ، ولا معبود بحق سواه ، ليس له شريك في الملك ،وهو رب العالمين.

جيت طاير (كايت) كل أمة محمد ،
وأقسمت على ذلك.
وصبيت على نفسك ذات الشتم والسب ...
يعني باختصار سمعتك - طبعا لوكنت مسلم - أشنتها بنفسك ، مع القسم.
أنا فقط ركزت على (طاقة) صغيرة من السوء.

Post: #86
Title: Re: و الله سمعة المسلمين بقت عجيبة !!!
Author: يحي قباني
Date: 03-26-2016, 06:51 PM
Parent: #85

Quote: أنا هنا بمدح فيك.
أولا إذا كنت مسلم فقد اتهمت نفسك بمنشورك الذي سبيت فيه كل المسلمين،
حتى لم تكلف نفسك بالعبارة المشهورة "إلا من رحم الله"
تعريف :
الله هو الإله الذي لا إله إلا هو ، ولا معبود بحق سواه ، ليس له شريك في الملك ،وهو رب العالمين.

جيت طاير (كايت) كل أمة محمد ،
وأقسمت على ذلك.
وصبيت على نفسك ذات الشتم والسب ...
يعني باختصار سمعتك - طبعا لوكنت مسلم - أشنتها بنفسك ، مع القسم.
أنا فقط ركزت على (طاقة) صغيرة من السوء.

قمنا لي اللولوة يا شيخنا ؟

قول سحبت اتهامي و مافوقها شي ...

بعدين يا شيخنا ... انحنا عندنا رأي اننا مجتمعين معاكم تحت مسمى واحد و الله ...

لإنو البتسووا فوقه ده لا اسلام و لا شيتين ...

ده اسمه إرهاب ...

Post: #87
Title: Re: و الله سمعة المسلمين بقت عجيبة !!!
Author: قصي محمد عبدالله
Date: 03-26-2016, 07:23 PM
Parent: #86

Quote: لإنو البتسووا فوقه ده

نحنا منو ؟
يعني كلامك ده موجهو لمنو؟
سمي الأشخاص ، أو الجهات ، أو التنظيمات.
ما ترمي كلامك في الهواء ...

Post: #88
Title: Re: و الله سمعة المسلمين بقت عجيبة !!!
Author: يحي قباني
Date: 03-26-2016, 08:33 PM
Parent: #87

Quote: نحنا منو ؟
يعني كلامك ده موجهو لمنو؟
سمي الأشخاص ، أو الجهات ، أو التنظيمات.
ما ترمي كلامك في الهواء ...

انت و من تواليهم ...

بعدين ياخي انت اتهمتني في الهوا عيني عينك ...

و جاي تقول لي حدد؟
_________________________

اخد ليك عشرة دقايق ربع ساعة اتفرج في الفيديوهات الفوق دي

لعل و عسى ...

Post: #89
Title: Re: و الله سمعة المسلمين بقت عجيبة !!!
Author: سيف الدين بابكر
Date: 03-26-2016, 09:13 PM
Parent: #88

Quote: 03-26-2016 11:29 AM
حذر الأمين السياسي للمؤتمر الوطني بولاية الخرطوم د. علي نمر من خطر الجماعات الدينية في السودان

وقال : إن الخطر علينا لا يأتي من الشيوعيين أو البعثيين

وإنما من بني جلدتنا الذين يحاربوننا من داخل المساجد،

و حسب ما ورد بالجريدة كشف د. علي نمر عن توجيه اتهامات للحكومة بالتورط في الصراع المسيحي بأفريقيا الوسطى.

Post: #90
Title: Re: و الله سمعة المسلمين بقت عجيبة !!!
Author: مني عمسيب
Date: 03-26-2016, 09:27 PM
Parent: #88

التحية لك يا الاصلي ود قباني ... ولضيوفك الكرام ...

والله لاناوية الجية ولا المشاركة بس الخلعني كلام الأخ منتصر !

Quote: أحسن شي في السودانيين والسودانيات أن السودانيين لا يضربون زوجاتهم وهذا .السلوك مستقبح ومرفوض مطلقاً في السودان خاصة

يا منتصر ممكن تسيب التعمييم ؟

والكلام دا جبتو من وين وممكن دليلك لو سمحت ؟

Post: #91
Title: Re: و الله سمعة المسلمين بقت عجيبة !!!
Author: سيف الدين بابكر
Date: 03-26-2016, 09:43 PM
Parent: #90

Quote: إِنَّمَا جَزَاءُ الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الْأَرْضِ فَسَادًا أَن يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُم مِّنْ خِلَافٍ أَوْ يُنفَوْا مِنَ الْأَرْضِ ۚ ذَٰلِكَ لَهُمْ خِزْيٌ فِي الدُّنْيَا ۖ وَلَهُمْ فِي الْآخِرَةِ عَذَابٌ عَظِيمٌ * إِلَّا الَّذِينَ تَابُوا مِن قَبْلِ أَن تَقْدِرُوا عَلَيْهِمْ ۖ فَاعْلَمُوا أَنَّ اللَّهَ غَفُورٌ رَّحِيمٌ

Quote: وَاقْتُلُوهُمْحَيْثُ ثَقِفْتُمُوهُمْ وَأَخْرِجُوهُم مِّنْ حَيْثُ أَخْرَجُوكُمْ ۚ وَالْفِتْنَةُ أَشَدُّ مِنَ الْقَتْلِ ۚ وَلَا تُقَاتِلُوهُمْ عِندَ الْمَسْجِدِ الْحَرَامِ حَتَّىٰ يُقَاتِلُوكُمْ فِيهِ ۖ فَإِن قَاتَلُوكُمْ فَاقْتُلُوهُمْ ۗ كَذَٰلِكَ جَزَاءُ الْكَافِرِينَ

Quote: إِذَا لَقِيتُمُ الَّذِينَ كَفَرُوا فَضَرْبَ الرِّقَابِ حَتَّىٰ إِذَا أَثْخَنتُمُوهُمْ فَشُدُّوا الْوَثَاقَ فَإِمَّا مَنًّا بَعْدُ وَإِمَّا فِدَاءً حَتَّىٰ تَضَعَ الْحَرْبُ أَوْزَارَهَا ۚ ذَٰلِكَ وَلَوْ يَشَاءُ اللَّهُ لَانتَصَرَ مِنْهُمْ وَلَٰكِن لِّيَبْلُوَ بَعْضَكُم بِبَعْضٍ ۗ وَالَّذِينَ قُتِلُوا فِي سَبِيلِ اللَّهِ فَلَن يُضِلَّ أَعْمَالَهُمْ

Quote: الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَىٰ بَعْضٍ وَبِمَا أَنفَقُوا مِنْ أَمْوَالِهِمْ ۚ فَالصَّالِحَاتُ قَانِتَاتٌ حَافِظَاتٌ لِّلْغَيْبِ بِمَا حَفِظَ اللَّهُ ۚ وَاللَّاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِوَاضْرِبُوهُنَّ ۖ فَإِنْ أَطَعْنَكُمْ فَلَا تَبْغُوا عَلَيْهِنَّ سَبِيلًا ۗ إِنَّ اللَّهَ كَانَ عَلِيًّا كَبِيرًا

Quote: الزَّانِيَةُ وَالزَّانِي فَاجْلِدُوا كُلَّ وَاحِدٍ مِّنْهُمَا مِائَةَ جَلْدَةٍ ۖ وَلَا تَأْخُذْكُم بِهِمَا رَأْفَةٌ فِي دِينِ اللَّهِ إِن كُنتُمْ تُؤْمِنُونَ بِاللَّهِ وَالْيَوْمِ الْآخِرِ ۖ وَلْيَشْهَدْ عَذَابَهُمَا طَائِفَةٌ مِّنَ الْمُؤْمِنِينَ

Quote: وَالسَّارِقُ وَالسَّارِقَةُ فَاقْطَعُواْ أَيْدِيَهُمَا جَزَاء بِمَا كَسَبَا نَكَالاً مِّنَ اللّهِ وَاللّهُ عَزِيزٌ حَكِيمٌ

Quote: الشَّيْخُ وَالشَّيْخَةُ فَارْجُمُوهُمَا الْبَتَّةَ نَكَالًا مِنَ اللَّهِ وَاللَّهُ عَزِيزٌ حَكِيمٌ

(منسخوخة لفظاً وثابتة حكماً)

Post: #92
Title: Re: و الله سمعة المسلمين بقت عجيبة !!!
Author: منتصر عبد الباسط
Date: 03-26-2016, 10:12 PM
Parent: #1

بالنسبة لمسألة ضرب المرأة الوارد في الآية الكريمة جاء في تفسير الطبري
حدثني المثنى , قال : ثنا حبان بن موسى , قال : ثنا ابن المبارك , قال : أخبرنا بهز بن حكيم ,
عن جده , قال : قلت : يا رسول الله , نساؤنا ما نأتي منها وما نذر ؟ قال : " حرثك فأت حرثك أنى شئت
غير أن لا تضرب الوجه ولا تقبح ولا تهجر إلا في البيت, وأطعم إذا طعمت واكس إذا اكتسيت.أهـ
تفسير الطبري

Post: #93
Title: Re: و الله سمعة المسلمين بقت عجيبة !!!
Author: منتصر عبد الباسط
Date: 03-26-2016, 10:24 PM
Parent: #92

الناشز التي أمر الله تعالى بوعظها وهجرها والخيار الأخير الضرب غير المؤذي والخالي عن الشتم والتقبيح
خاص بالناشز التي تعصي الزوج وتتعالى عليه ....
والضرب في الاسلام يمنع فيه ضرب الوجه وكذلك هو ضرب لا يعتبر ضرب أصلاً إذا ما قورن بالمفهوم السائد للضرب
وقد يعد نوع من المداعبة أكثر من كونه ضرب.
إذا كان دا الجلد الشرعي في الحدود الشرعية لشارب الخمر والزاني ونحو ذلك وللرجل
فما بالكم بالبضرب المشروع للزوجة ...لابد سيكون ألطف وارق ...ومثل النسمة

Post: #94
Title: Re: و الله سمعة المسلمين بقت عجيبة !!!
Author: سيف الدين بابكر
Date: 03-26-2016, 11:02 PM
Parent: #93

Quote: وَكَتَبْنَا عَلَيْهِمْ فِيهَا أَنَّ النَّفْسَ بِالنَّفْسِ وَالْعَيْنَ بِالْعَيْنِ وَالْأَنفَ بِالْأَنفِ وَالْأُذُنَ بِالْأُذُنِ وَالسِّنَّ بِالسِّنِّ وَالْجُرُوحَ قِصَاصٌ ۚ فَمَن تَصَدَّقَ بِهِ فَهُوَ كَفَّارَةٌ لَّهُ ۚ وَمَن لَّمْ يَحْكُم بِمَا أَنزَلَ اللَّهُ فَأُولَٰئِكَ هُمُ الظَّالِمُونَ

Quote: وَإِن طَائِفَتَانِ مِنَ الْمُؤْمِنِينَ اقْتَتَلُوا فَأَصْلِحُوا بَيْنَهُمَا ۖ فَإِن بَغَتْ إِحْدَاهُمَا عَلَى الْأُخْرَىٰ فَقَاتِلُواالَّتِي تَبْغِي حَتَّىٰ تَفِيءَ إِلَىٰ أَمْرِ اللَّهِ ۚ فَإِن فَاءَتْ فَأَصْلِحُوا بَيْنَهُمَا بِالْعَدْلِ وَأَقْسِطُوا ۖ إِنَّ اللَّهَ يُحِبُّ الْمُقْسِطِينَ * إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ ۚ وَاتَّقُوا اللَّهَ لَعَلَّكُمْ تُرْحَمُونَ

Quote: فَإِذَا انسَلَخَ الأَشْهُرُ الْحُرُمُ فَاقْتُلُواْ الْمُشْرِكِينَ حَيْثُ وَجَدتُّمُوهُمْ وَخُذُوهُمْ وَاحْصُرُوهُمْ وَاقْعُدُواْ لَهُمْ كُلَّ مَرْصَدٍ فَإِن تَابُواْ وَأَقَامُواْ الصَّلاَةَ وَآتَوُاْ الزَّكَاةَ فَخَلُّواْ سَبِيلَهُمْ إِنَّ اللّهَ غَفُورٌ رَّحِيمٌ

Post: #95
Title: Re: و الله سمعة المسلمين بقت عجيبة !!!
Author: سيف الدين بابكر
Date: 03-26-2016, 11:07 PM
Parent: #94

Quote: الولد مشى ليها دوغري و طلب رقم تلفونها ...

زيو و زي أي شاب في البلاد دي ... ( بغض النظر عن حرام و حلال و مسلم و مسيحي ) ...

و هي وافقت و ادته رقمها و هي بتضحك و قالت ليهو رسل لي تكست مسج ...

لما قال ليها انا مولود هنا لكن اهلي مصريين و اسمي كريم اسم مسلم ...

هاجت و قالت ليهو امسح الرقم ...

قال ليها ليه عشان انا مسلم ؟

قالت ليهو ايوه عشان مسلم ...

و ما دايره أي نوع من العلاقات مع ناس :

- بدقو زوجاتهم

- و بقطعوا رقاب الناس

و بعملوا أشياء مجنونة ...

Post: #96
Title: Re: و الله سمعة المسلمين بقت عجيبة !!!
Author: Abureesh
Date: 03-26-2016, 11:34 PM
Parent: #95

تجاهلت مداخلتى ام تخطيتها دون ان تلاحظ.. لا علينا.

تنصص يا قصى:
**Quote: تخيل الإسلام ده بقى أي زول يتلاعب بيهو كيف ؟

Quote: و الله سمعة المسلمين بقت عجيبة !!! **

زول أتكلم عن المسلمين (في الغرب) وكيف تنظر الناس اليهم.. طوالى نطيت للإسلام؟ وانا اخذ حديثه عن (الغرب) لأنه لم يحدد ولذلك حسن الظن واجب دينى.
ذكرتنى واحد مهووس اخو مسلم، احمد دالى سأله عن مشاكل العصر ولا اذكر التفاصيل، ولكن أعتقد كان عن الاقتصاد وحقوق غير المسلم، فما كان من
المهووس إلا ان صرخ : ما تستفـز الإسلام!!!

انحطاط المسلمين اليوم وهوانهم على الله لا يحتاج الى دليل.. طيب نبينا عليه الصلاة والسلام قال "لتتبعن سنن من كان قبلكم.... الخ الحديث.. حتى قال بل انتم
كثير يومئذ ولكنكم غثاء كغثاء السيل لا يبالى الله لكم.. فهل كان النبى يتحدث عن الإسلام ام عن مسلمى اخر الزمان؟ هل تستطيع ان تقول ان النبى اهان
الإسلام ثم تقوم بتكفيره؟
أما الفيديو فقد صوره صاحب برنامج ومحطة يوتيوب معروف وله فريق كامل كان يصور وهو مولود ومقيم في امريكا، وله فيديوهات كثيرة من هذه الشاكلة وغيرها،
وهدف نشاطه هو القاء الضوء على الرأي العام الغربى عن المسلمين سلبا وإيجابا.. واللقطة توضح انه حتى الـ ###### الذين لا هم لهم سوى المال واللعب، ولكن لهم
مواقف من المسلمين املتها عليهم الفضائيات المليئة بالقتل والدماء والإرهاب.

Post: #97
Title: Re: و الله سمعة المسلمين بقت عجيبة !!!
Author: محمد أبوالعزائم أبوالريش
Date: 03-27-2016, 05:20 AM
Parent: #96

Quote: أتمنى أن يعتذر لكل المسلمين، وأن يستغفر الله ويتوب وأن يعزم أن لا يعود إلى فعلته مرة

إنت المفروض تعتذر عن تهمة السكر والنوادي الليلية

ده قذف واضح وبدون دليل

Post: #98
Title: Re: و الله سمعة المسلمين بقت عجيبة !!!
Author: قصي محمد عبدالله
Date: 03-27-2016, 05:56 AM
Parent: #97

Quote: عن تهمة السكر

يازول انت أعوص ؟
من وين جبت كلمة السكر ؟
تعال كمان قول لي اتهمتني بالعور!

Post: #99
Title: Re: و الله سمعة المسلمين بقت عجيبة !!!
Author: محمد أبوالعزائم أبوالريش
Date: 03-27-2016, 06:13 AM
Parent: #98

Quote: انتو نان فاضيين من البارات والنوادي الليلية .

والبارات دي بياكلو فيها كبسة؟

بعدين إنت لو إتأدبت شوية حيحصل شنو؟

Post: #100
Title: Re: و الله سمعة المسلمين بقت عجيبة !!!
Author: قصي محمد عبدالله
Date: 03-27-2016, 06:23 AM
Parent: #99

Quote: بعدين إنت لو إتأدبت شوية حيحصل شنو؟

كيف يعني أتأدب ؟ يعني مثلا أجرب التردد على البارات والنوادي الليلية ؟

شكلك التزمت !!!!!!!!!!!!!

Quote: والبارات دي بياكلو فيها كبسة؟

البارات دي علامة تجارية يستخدمها عدد من الناس للإشارة إلى الزمن الجميل !ولا أدري إلى اي مدى تتفق معهم في هذا التعريف.

Post: #101
Title: Re: و الله سمعة المسلمين بقت عجيبة !!!
Author: محمد أبوالعزائم أبوالريش
Date: 03-27-2016, 06:32 AM
Parent: #100

ما تتلولو ..... إنت قلت (نان إنتو فاضيين من البارات والنوادي الليلية) ...... ده إتهام بالسكر والا لأ

Post: #104
Title: Re: و الله سمعة المسلمين بقت عجيبة !!!
Author: قصي محمد عبدالله
Date: 03-27-2016, 06:52 AM
Parent: #101

Quote: ده إتهام بالسكر والا لأ

كدي خلينا من الطرف الثالث وتعمل لي فيها محامي ... و مترافع ولا مرفعين ما عارف.

من وين جبت كلمة السكر .

Post: #103
Title: Re: و الله سمعة المسلمين بقت عجيبة !!!
Author: يحي قباني
Date: 03-27-2016, 06:49 AM
Parent: #97

Quote: إنت المفروض تعتذر عن تهمة السكر والنوادي الليلية

ده قذف واضح وبدون دليل

ليه يعتذر يا أبو الريش؟

هم الجماعة ديل بغلطوا ؟

طالبتوا يثبت تهمته دي ...

ياهو يقعد يتلولوا كده و كان انعصر بعد شوية يشبكنا بسم الله خرجنا و بسم الله ولجنا ...

ثقافة الاعتذار دايره ناس ريفايند في التعامل يا محمد ...

Post: #102
Title: Re: و الله سمعة المسلمين بقت عجيبة !!!
Author: يحي قباني
Date: 03-27-2016, 06:43 AM
Parent: #96

Quote: زول أتكلم عن المسلمين (في الغرب) وكيف تنظر الناس اليهم.. طوالى نطيت للإسلام؟ وانا اخذ حديثه عن (الغرب) لأنه لم يحدد ولذلك حسن الظن واجب دينى.
ذكرتنى واحد مهووس اخو مسلم، احمد دالى سأله عن مشاكل العصر ولا اذكر التفاصيل، ولكن أعتقد كان عن الاقتصاد وحقوق غير المسلم، فما كان من
المهووس إلا ان صرخ : ما تستفـز الإسلام!!!

انحطاط المسلمين اليوم وهوانهم على الله لا يحتاج الى دليل.. طيب نبينا عليه الصلاة والسلام قال "لتتبعن سنن من كان قبلكم.... الخ الحديث.. حتى قال بل انتم
كثير يومئذ ولكنكم غثاء كغثاء السيل لا يبالى الله لكم.. فهل كان النبى يتحدث عن الإسلام ام عن مسلمى اخر الزمان؟ هل تستطيع ان تقول ان النبى اهان
الإسلام ثم تقوم بتكفيره؟
أما الفيديو فقد صوره صاحب برنامج ومحطة يوتيوب معروف وله فريق كامل كان يصور وهو مولود ومقيم في امريكا، وله فيديوهات كثيرة من هذه الشاكلة وغيرها،
وهدف نشاطه هو القاء الضوء على الرأي العام الغربى عن المسلمين سلبا وإيجابا.. واللقطة توضح انه حتى الـ ###### الذين لا هم لهم سوى المال واللعب، ولكن لهم
مواقف من المسلمين املتها عليهم الفضائيات المليئة بالقتل والدماء والإرهاب.

عافاك يا أبو الريش ...

Post: #105
Title: Re: و الله سمعة المسلمين بقت عجيبة !!!
Author: قصي محمد عبدالله
Date: 03-27-2016, 06:54 AM
Parent: #102

Re: و الله سمعة المسلمين بقت عجيبة !!! !!!!!!!!!!!!!!!!!!

Post: #107
Title: Re: و الله سمعة المسلمين بقت عجيبة !!!
Author: قصي محمد عبدالله
Date: 03-27-2016, 06:58 AM
Parent: #105

Quote: بسم الله خرجنا و بسم الله ولجنا ...

عكست دعاء الدخول ..
-------
فقط للتذكير.

Post: #110
Title: Re: و الله سمعة المسلمين بقت عجيبة !!!
Author: يحي قباني
Date: 03-27-2016, 07:06 AM
Parent: #107

Quote: عكست دعاء الدخول ..
-------
فقط للتذكير.

خليك موضوعي و اثبت و اثبت اتهامك ...

قلنا ليك اللولوة ما بتنفع ...

Post: #106
Title: Re: و الله سمعة المسلمين بقت عجيبة !!!
Author: يحي قباني
Date: 03-27-2016, 06:55 AM
Parent: #102

Quote: كدي خلينا من الطرف الثالث وتعمل لي فيها محامي ... و مترافع ولا مرفعين ما عارف.

من وين جبت كلمة السكر .

اتهامك اننا بنمشي البارات و النوادي الليلية ...

صاح ؟

سمح بنمشي نعمل شنو في رأيك ؟

Post: #109
Title: Re: و الله سمعة المسلمين بقت عجيبة !!!
Author: محمد أبوالعزائم أبوالريش
Date: 03-27-2016, 07:03 AM
Parent: #106

ده بني آدم عجيب يا يحي ...

يعني لما تقول (علبة بيرة) .... بتكون قاصد البيرة والا الصفيح المصنوعة منو العلبة.
_____

جاوب على يحي يا قصي .... عايز يعرف من وين جبت تهمة ((((البارات))))

Post: #111
Title: Re: و الله سمعة المسلمين بقت عجيبة !!!
Author: عمر عثمان
Date: 03-27-2016, 07:17 AM
Parent: #96

افلا شققت قلب المهندس ود قباني
لترى اسلامه من عدمه

Post: #108
Title: Re: و الله سمعة المسلمين بقت عجيبة !!!
Author: ابراهيم عبد الوهاب
Date: 03-27-2016, 06:58 AM
Parent: #1

السلام عليكم ورحمه الله وبركاته
ما داير اتكلم عن سمعه الاسلام لان للاسلام رب
يحميه ويحمى سمعته
انا عاوز اتكلم من حاجة غياظة (قادننا ) بيها اعمامنا الكبار
زمان كنا بنعمل وزمان الدولار كان بتلاتة جنية
وزمان كنا بنشرب لبن كافوري وزمان جامعة الخرطوم الصفوة
كنا كل يوم اكل شكل وزمان وزمان ، تحسر علي اللبن المسكوب
ياخ طيب الحاضر الوصلن ليهو دا ما بسبب الماضي
وافاعيل ناس الماضي ، اكلتو حقنا نحنا ناس الحاضر
وعملوها لينا ديون نحنا بدفع في الديون دي
سواء كانت اقتصادية او سياسية ، عملتو شنو انتو يا ناس زمان
غيرت ورثتونا الفشل الاقتصادي والفشل السياسي وسلمتو البلاد
والعباد للحكومات العسكرية ، فشل في فشل
وبعد دا كلو بدون خجل شابكننا زمان وزمان كان سمح وزمان كنا مجدعين
انا ما حضرت زمان ولكن اجزم بان الشباب الموجود الان احسن
من ناس زمان بميه مرة ،

اختشوا زي ما بقول دينق (زول زمان)

Post: #112
Title: Re: و الله سمعة المسلمين بقت عجيبة !!!
Author: Deng
Date: 03-27-2016, 07:19 AM
Parent: #108

Quote:
ما تتلولو ..... إنت قلت (نان إنتو فاضيين من البارات والنوادي الليلية) ...... ده إتهام بالسكر والا لأ

الأخ أبو الريش.

براحة على قصي ده ما يقوم يكب الزوغة، الزبون ده هدية مني لأخونا يحيى قباني.

يا يحى، بالله حافظ على الزبون ده من هجمات وزنقات ناس زي أبو الريش ده.

Post: #113
Title: Re: و الله سمعة المسلمين بقت عجيبة !!!
Author: قصي محمد عبدالله
Date: 03-27-2016, 07:22 AM
Parent: #112

الجقر النجس ده البجيبو هنا شنو؟

Post: #114
Title: Re: و الله سمعة المسلمين بقت عجيبة !!!
Author: قصي محمد عبدالله
Date: 03-27-2016, 07:33 AM
Parent: #113

Quote: سمح بنمشي نعمل شنو في رأيك ؟

كل شئ متوفر بالداخل يمكن القيام به و تجربته...
ويمكن الإكتفاء فقط بالإطلاع ،
أو إجراء إحصاء واستبيان (ولو أن الأعلبية بتكون واقفة ألف أحمر)،
أو بيع متطلبات لمالك البار.
ليس بالضرورة القيام بكل شئ، ولا يستبعد عمل كل شئ.

Post: #115
Title: Re: و الله سمعة المسلمين بقت عجيبة !!!
Author: قصي محمد عبدالله
Date: 03-27-2016, 07:39 AM
Parent: #114

Quote: يعني لما تقول (علبة بيرة) .... بتكون قاصد البيرة والا الصفيح المصنوعة منو العلبة.

ممكن تكون قاصد الشركة المصنعة...
وسع من أبعاد نافوخك.

Post: #116
Title: Re: و الله سمعة المسلمين بقت عجيبة !!!
Author: محمد أبوالعزائم أبوالريش
Date: 03-27-2016, 07:44 AM
Parent: #115

شايف يا يحي، البني آدم ده ممكن يعمل أي شئ، لكن ما ممكن يقول إنو غلط أو بهتك في التهمة.

في الحقيقة هو ما بيكون شايف رقبتو غلطان ... لأنو دي تركيبتو كده

Post: #117
Title: Re: و الله سمعة المسلمين بقت عجيبة !!!
Author: عبداللطيف حسن علي
Date: 03-27-2016, 07:55 AM
Parent: #116

الزول الاسمو قصي دا قبل كدا اساء لابني الصغير (عمره كان 3سنوات وقال هو مشلق)

وفي الحقيقة ابني كل من يعرفه يحبه لانه جميل في كل شئ وليس به عيب من اي نوع

لكن قصي غلبو يرد علي انا ومشي يسئ لصورة ابني .....

زول كحيان ساي وماعارف قاعد لشنو في المنبر بتاع الكبار دا هههههههه

غايتو انا مع دينق يشوتوه من هنا باسرع فرصة لانو مافي امل منو ....

Post: #118
Title: Re: و الله سمعة المسلمين بقت عجيبة !!!
Author: Haytham Ghaly
Date: 03-27-2016, 08:17 AM
Parent: #117

من عجائب الأمور مكابرة الإخوة السلفيين ومحاولة اقناعنا
بان سمعة الاسلام على ما يرام
اولاً يا شيخ قُصي سوء سمعة الاسلام الان شي واضح
غير محتاج لأي جدل مع العلم انو سوء السمعة دا لا يقدح
في عضم الاسلام باي شيء
إنما ممارسة بعض التيارات السلفية باسم الدين بغض النظر
عن مطابقة هذه الممارسات لتعاليم الدين او عدم المطابقة فهي
السبب الأساسي لسوء سمعة الاسلام في الأوساط الغير مسلمة
وفي الأوساط المسلمة برضو
يا شيخ قُصي المكابرة لن تحل المشكلة
يجب الاعتراف بالمشكلة اولاً ليتثنى لنا الحل

بالنسبة لاتهامك للزملاء فهو واضح يا شيخ
والاعتذار عنه لن ينقص من قدرك شي
ولكن المراوغة التي تمارسها هي التي ستخصم
منك الكثير

مع تحياتي لصاحب البوست وضيوفه جميعاً

Post: #119
Title: Re: و الله سمعة المسلمين بقت عجيبة !!!
Author: قصي محمد عبدالله
Date: 03-27-2016, 08:35 AM
Parent: #117

Quote: الزول الاسمو قصي دا قبل كدا اساء لابني الصغير

لمثل هذه التصورات لا اتوقع خيرا من امثالك..
و أتمنى أن تأتي بكامل المنشور،
لكي أؤكد لك عدم استواء عقليتك...
وليس من خصال الرجال طلب طرد الأعضاء، دون النظر إلى النتيجة.
مما يجعلك أنت ودينق من ضمن فصيلة الجقور التي لا تعرف سوى النخر .

Post: #120
Title: Re: و الله سمعة المسلمين بقت عجيبة !!!
Author: قصي محمد عبدالله
Date: 03-27-2016, 08:42 AM
Parent: #119

شايف الجماعة مبسوطين من سمعة المسلمين العجيبة،
التي تولى نشرها قباني ، مستدلا بمقطع فيديو بين شاب ... وشابة ...
ياريت تدخل المساجد وتساهم في القليل من الترجيح... والإستثناء.
نسأل الله العفو والعافية.

Post: #121
Title: Re: و الله سمعة المسلمين بقت عجيبة !!!
Author: جلالدونا
Date: 03-27-2016, 09:12 AM
Parent: #120

قبانى الكافر بتاع البارات و النوادى الليلية
قالو ليك انطق الشهادة .. ابيت
قالو ليك تغتسل امام الجميع .. ابيت
و بما انو مرّت تلاتة ايام على البوست ده
و لم تستجب
علية
أمر الحجاج بالاتى
تفريقك من زوجتك
نقل نسبة اسماء البنات و الاولاد الى والد الام
الرجم بى قزاز البيرة
فى بار عام

Post: #122
Title: Re: و الله سمعة المسلمين بقت عجيبة !!!
Author: قصي محمد عبدالله
Date: 03-27-2016, 09:15 AM
Parent: #121

منقول:
Quote: قبانى الكافر بتاع البارات و النوادى الليلية
قالو ليك انطق الشهادة .. ابيت
قالو ليك تغتسل امام الجميع .. ابيت
و بما انو مرّت تلاتة ايام على البوست ده
و لم تستجب
علية
أمر الحجاج بالاتى
تفريقك من زوجتك
نقل نسبة اسماء البنات و الاولاد الى والد الام
الرجم بى قزاز البيرة
فى بار عام

سميته:
" الجامع الشامل بشأن ود قباني الما هامل"

Post: #123
Title: Re: و الله سمعة المسلمين بقت عجيبة !!!
Author: Abureesh
Date: 03-27-2016, 10:25 AM
Parent: #122

عن أبي عبد السلام، عن ثوبان، قال قال رسول الله صلى الله عليه وسلم: «يوشك الأمم أن تداعى عليكم كما تداعى الأكلة إلى قصعتها»، فقال قائل: ومِن قلة نحن يومئذ؟ قال: «بل أنتم يومئذٍ كثير،
ولكنكم غثاء كغثاء السيل، ولينزعن الله من صدور عدوكم المهابة منكم، وليقذفن في قلوبكم الوهن»

القران ذكر ان مسلماً واحداً صابراً يغلب عشرة من الكفار. ولكن شاليط يساوى 1027 مسلماً.. وهذه هي نبوءة الرسول تتحقق بأن المسلمين صاروا بلا وزن ولا قيمة
لأنهم فارقوا روح ولب الإسلام وتمسكوا بقشوره ومارسوا قشور الحضارة الغربية.. وليتهم تبعوا روح الحضارة الغربية في العلم والأبحاث العالمية ، ولكنهم اخذوا منها السيارات
ومدن القمار مثل لاس فيغاس.. فلا الة يستطيعون صيانتها، دع عنك إبتكارها وصناعتها، ولا دين حفظوا قيمه وامتثلوها في حياتهم. (بقوا بـح)

Post: #124
Title: Re: و الله سمعة المسلمين بقت عجيبة !!!
Author: Hafiz Bashir
Date: 03-27-2016, 11:15 AM
Parent: #123

Quote: الجقر النجس ده البجيبو هنا شنو؟

إذا دا ياهو كلام المسلمين ، العالم يجيب ليهم سمعة كويسة من وين؟

Post: #125
Title: Re: و الله سمعة المسلمين بقت عجيبة !!!
Author: اميرة السيد
Date: 03-27-2016, 12:03 PM
Parent: #124

سمعة المسلمين العجيبة دي نحن البنكتوي بنارها في امريكا..لان امريكا
هي القايدة الحرب على الارهاب...والان معظم الامريكان بيربطو الارهاب
بالاسلام والمسلمين وما عارفين ان هؤلاء البينفذوا العمليات الارهابية ليست
لهم اي صلة بالاسلام والمسلمين واخر دليل واضح ان التلفزيونات الامريكية
تتحدث الان ان صلاح عبد السلام منفذ عمليات الارهاب في باريس والاخوان
النفذوا عمليات بلجيكا حياتهم كلها كانت مجون وفساد ونوادي ليلية وخمور
والاسلام ليس له اي صلة بهذا الفساد والفواحش..لان الاسلام جاء اساسا للقضاء
على هذه الفواحش...وما عارفة الناس ديل بيرتكبوا الجرائم الارهابية باسم الاسلام
لشنو!!!
وفعلا سمعة المسلمين وخاصة في امريكا بقت مش بس حاجة عجيبة ولكن بقت حاجة
زي الزفت....
والمصيبة ان هذه السمعة العجيبة بتدعم المرشح العنصري ترامب الذي يكره المسلمين
وهسع كاسح في الفوز في ولايات كثيرة لان الامريكان لمن سمعوا بمجزرة بلجيكا
بيقولوا الزول ده صاح وهو الحيخلصنا من الارهابيين...
واذا فاز فعلى الاسلام والمسلمين السلام في امريكا واوربا...
وبعد يادي القسم يوم ٢٠ يناير ٢٠١٧م نحن في نفس اليوم في الطيارة المتوجهة
للسودان..
والله يديك الصحة والعافية

Post: #126
Title: Re: و الله سمعة المسلمين بقت عجيبة !!!
Author: يحي قباني
Date: 03-27-2016, 02:37 PM
Parent: #125

Quote: شايف الجماعة مبسوطين من سمعة المسلمين العجيبة،
التي تولى نشرها قباني ، مستدلا بمقطع فيديو بين شاب ... وشابة ...
ياريت تدخل المساجد وتساهم في القليل من الترجيح... والإستثناء.
نسأل الله العفو والعافية.

أضبط ...!!!

تهمة جديدة ... اطلقها قصي ...

من قال لك ان قباني لا ( يدخل المساجد ) ؟

كيف تعلم ان قباني لا يساهم باي دور في المساجد ؟

كيف تعلم ان كان قباني يتصدق من ماله ام لا يتصدق للمساجد ؟

مطلوب منك الاعتذار او اثبات للتهم الثلاثة التي وصلت حد القذف و حافة التكفير يا قصي ...
______________________________________________________

نصيحة يا قصي ...

الحياة بها جمال يتخطي طول لحيتك و التفكير فيما يخرج من السبيلين ...

وهو جمال خلقه الله سبحانه و تعالي ... و هو جل و على لم يخلق فكرك التكفيري الهدام ...

بل خلقتموه انتم بضيق الأفق و قلة العقل ...

Post: #127
Title: Re: و الله سمعة المسلمين بقت عجيبة !!!
Author: قصي محمد عبدالله
Date: 03-27-2016, 05:48 PM
Parent: #126

Quote: و هو جل و على لم يخلق فكرك التكفيري الهدام

يا زول أنا ما كفرتك.
في اتنين هنا في المنشور ده نفسو كفروك عينك عينك،
وواحد كمان أصدر في حقك فتاوى...
وأنا كعضو ومتابع منتظر ما تؤول إليه الأحكام الصادرة في حقك.
------
المهم : حاول أدخل المساجد و رجح الكفة قليلا ، عسى ولعل الإستثناء يخرجك من بهت كل المسلمين.
دخولك لا أدري عنه شيئا، ولكن فقط ذكر الدخول من باب تغير اتجاه الرؤية.
------
المهم : شوف ليك حل مع الناس الكفروك في وشك، وخليني أنا بتاع الظنون.

Post: #128
Title: Re: و الله سمعة المسلمين بقت عجيبة !!!
Author: ABDALLAH ABDALLAH
Date: 03-27-2016, 08:05 PM
Parent: #127

Quote: الجقر النجس ده البجيبو هنا شنو؟

( ولا تنابزوا بالألقاب بئس الإسم الفسوق بعد الإيمان
ومن لم يتب فأولئك هم الظالمون )
صدق الله العظيم .

Post: #129
Title: Re: و الله سمعة المسلمين بقت عجيبة !!!
Author: يحي قباني
Date: 03-28-2016, 01:59 AM
Parent: #127

Quote: المهم : حاول أدخل المساجد و رجح الكفة قليلا ، عسى ولعل الإستثناء يخرجك من بهت كل المسلمين.
دخولك لا أدري عنه شيئا، ولكن فقط ذكر الدخول من باب تغير اتجاه الرؤية.
------

ما زلت في لولوتك يا قصي ...

و ما زلت تصر على نصحي بالدخول الى المساجد ...

اتهام و كأنك مكشوف عنك الحجاب و تعلم ما في الصدور ...

الإسلام اكبر و ابرح من رؤيتك الضيقة ...

و الإسلام لا يوجد في المسجد المجاور لسكنك في السعودية و يخطب فيه تلاميذ محمد بن عبد الوهاب ...

الإسلام يا قصي ليس هو ما تعرفه انت و ليس ما علمه لك من يخلط عادات و تقاليد بائسة مع الدين الحنيف ...

و اراك فتحت خيطاً جديدا و كأنك تظن انك تجاهد و تحمي الإسلام و سمعة الإسلام ...

الإسلام ليس بإطالة اللحى ... و الإرهاب . و توزيع الاتهامات بالباطل ...

الإسلام دين التسامح و المحبة ...

Post: #130
Title: Re: و الله سمعة المسلمين بقت عجيبة !!!
Author: قصي محمد عبدالله
Date: 03-28-2016, 02:48 AM
Parent: #129

Quote:
الإسلام يا قصي ليس هو ما تعرفه انت

كلام جميل.
---------
في انتظار ما تؤول إليه الأحكام الصادرة في حقك من جلالدونا بعد تكفيره لك.

Post: #131
Title: Re: و الله سمعة المسلمين بقت عجيبة !!!
Author: يحي قباني
Date: 03-28-2016, 03:14 AM
Parent: #130

Quote: كلام جميل.
---------
في انتظار ما تؤول إليه الأحكام الصادرة في حقك من جلالدونا بعد تكفيره لك.

عليك الله اركز ...

طول عمري بسمع في خطبة الجمعة امامنا بختم و يقول ( ان الدين عند الله الإسلام )*

انتوا دينكم الكلو لولوة ده كيف يكون عند الله الإسلام ؟

يا شيخنا امش هذب لحيتك لان الله جميل يحب الجمال ... و جمال الهيئة من نعم الله على عبده ...

و انظر للعالم بنظرة عاقلة بدل ما سايقنك جماعتك ديل ...
___________________________________________________________________________________

* إِنَّ الدِّينَ عِندَ اللّهِ الإِسْلاَمُ وَمَا اخْتَلَفَ الَّذِينَ أُوْتُواْ الْكِتَابَ إِلاَّ مِن بَعْدِ مَا جَاءهُمُ الْعِلْمُ بَغْياً بَيْنَهُمْ وَمَن يَكْفُرْ بِآيَاتِ اللّهِ فَإِنَّ اللّهِ سَرِيعُ الْحِسَابِ

Post: #132
Title: Re: و الله سمعة المسلمين بقت عجيبة !!!
Author: يحي قباني
Date: 03-28-2016, 03:38 AM
Parent: #131

يا قصي ...

هاك اقرا المنشور ده ...

إهمال التعليم وتدمير العقول صفة أصيلة للإسلاميين وأمر مُدبّر

Post: #133
Title: Re: و الله سمعة المسلمين بقت عجيبة !!!
Author: قصي محمد عبدالله
Date: 03-28-2016, 04:15 AM
Parent: #132

Quote: هذب لحيتك لان الله جميل يحب الجمال

و كيف تهذب اللحية يا أخا الإسلام؟؟؟؟؟؟؟؟
ومن الذي قال لك أن حلاقة اللحية من الجمال ؟؟؟؟

Post: #135
Title: Re: و الله سمعة المسلمين بقت عجيبة !!!
Author: يحي قباني
Date: 03-28-2016, 04:28 AM
Parent: #133

Quote:
: هذب لحيتك لان الله جميل يحب الجمال

و كيف تهذب اللحية يا أخا الإسلام؟؟؟؟؟؟؟؟
ومن الذي قال لك أن حلاقة اللحية من الجمال ؟؟؟؟

ما قلت ليك ما ترد بي لولوة ؟

دي كمان دايره درس عصُر ؟

عاين في صورة عمك قباني و شوف اللحية المهذبة ... ( اها طلعها دقن كفار كمان ) ...

و اوع تكون ماسك في اعفو اللحى و حفوا الشوارب ... لانه حديث لم تثبت صحته ...

و اما اذا افترضنا صحته ... فكلمة اعفو تعني الاطلاق و أيضا تعني التخفيف ...

اما اللحية المنفرة فليس من الإسلام في شيء ...

Post: #134
Title: Re: و الله سمعة المسلمين بقت عجيبة !!!
Author: قصي محمد عبدالله
Date: 03-28-2016, 04:27 AM
Parent: #132

Quote: هاك اقرا المنشور ده ...

قرأت المنشور منذ يومه الأول ، وتوقفت من أول عبارة وفيها تصريح غريب:
Quote: صراع الأفكار والسلطة لن ينتهي ما بقي الإسلاميون في الحكم

ففهمت أن المدخل خاطئ، والمنشور مساق بالقوة.
لأن صراع الأفكار والسلطة أمر موجود في كل المجتمعات المحلية والقومية والإقليمية والدولية بكل أفكارها الشيوعية و البعثية والليبرالية واللادينية،
و على مستوى كل دولة لوحدها .
وجود الإسلاميين من عدمه ليس له شأن في أي نوع من الصراع.
أكرر(تصحيحا للمعلومة):
صراع الأفكار والسلطة لن ينتهي ما بقي ابن آدم على وجه الأرض.

Post: #136
Title: Re: و الله سمعة المسلمين بقت عجيبة !!!
Author: قصي محمد عبدالله
Date: 03-28-2016, 04:45 AM
Parent: #134

Quote: عاين في صورة عمك قباني و شوف اللحية المهذبة

لا شئ يدل على أن الفي صورة هو عمنا قباني،
فليس هنالك سابق معرفة.
ولاشئ يؤكد أن قباني (قرض) لحيته على (كده)،
ولا شئ يؤكد أن عمنا سيظل يحلق لحيته طول حياته.
------
شفت كيف الأمور تتشعب؟
----------
فتكم بعافية.

Post: #138
Title: Re: و الله سمعة المسلمين بقت عجيبة !!!
Author: يحي قباني
Date: 03-28-2016, 04:54 AM
Parent: #136

لولوة في لولوة ...

بعدين فايت وين قبال ما تثبت أني مرتاد بارات و نوادي ليلية و ما بدخل المساجد !!!

ما فوضى هي ..

Post: #137
Title: Re: و الله سمعة المسلمين بقت عجيبة !!!
Author: محمد أبوالعزائم أبوالريش
Date: 03-28-2016, 04:51 AM
Parent: #134

حتى الآن، وبحسب مانح العفو وصكوك الغفران قصي، فإن يحي قباني: (سكير عربيد يرتاد الحانات والمراقص ليلاً ولا يعرف طريق المساجد نهاراً)

مصيبتك كبيرة يا يحي.

عارف خطورة الكلام ده وين؟ يجي واحد من الموتورين بيفتش طريقة للجنة ويقول مافي طريق أحسن من قبض روح هذا الزنديق ... وقصي قاعد في الضل يقسم بالله أنه لم يحرض أحد.

Post: #139
Title: Re: و الله سمعة المسلمين بقت عجيبة !!!
Author: أيمن الطيب
Date: 03-28-2016, 07:18 AM
Parent: #137

سلامات يا قباني,,,

بوست بس تدى ربك العجب!!!
بوست فاقد بوصلة وإتجاهات,,

ياخ معقولة بس!!!
موضوع محدد وبسيط ونقاش طبيعى
ومنطقى وما جديد فجأة القصص
تبقى تكفير وردة و جهاد وحوار
أديان,,,

وطشاتة عدييل كدا!!
معقولة بس!!!

حيرتمونا والله,,

Post: #140
Title: Re: و الله سمعة المسلمين بقت عجيبة !!!
Author: Deng
Date: 03-28-2016, 09:48 AM
Parent: #139

الأخ يحى قباني.

مادام أنت طلعت:

(سكير عربيد يرتاد الحانات والمراقص ليلاً ولا يعرف طريق المساجد نهاراً)

أنا أدعوك الى أعتناق المسيحية

ههههههههههههه

Post: #141
Title: Re: و الله سمعة المسلمين بقت عجيبة !!!
Author: يحي قباني
Date: 03-28-2016, 12:37 PM
Parent: #139

Quote: سلامات يا قباني,,,

بوست بس تدى ربك العجب!!!
بوست فاقد بوصلة وإتجاهات,,

ياخ معقولة بس!!!
موضوع محدد وبسيط ونقاش طبيعى
ومنطقى وما جديد فجأة القصص
تبقى تكفير وردة و جهاد وحوار
أديان,,,

وطشاتة عدييل كدا!!
معقولة بس!!!

حيرتمونا والله,,

يا سيدي ...

قلنا امك نكسب ثواب و... لعل و عسى نهدي ...

ياخي شوف العالم بقى في شنو ...

يجوك جماعة مشوهين سمعة الإسلام بأفعالهم و عمايلهم إياها و قايلين روحهم بعلّوا كلمة الله ...

ياخي ملايين المسلميين مشتتين في بلاد الله الواسعة عايشين في امان و سلام و هارموني مع المجتمعات ...

يجيك واحد معتوه مغسول دماغ يمشي يفجر رقبته ...

الولدين حقين بلجيكا كانوا مجرمين ... جابوهم و قلبوهم انتحاريين وودهوهم زي البهايم كتلوا العالم ...

ووعدوهم طبعاً بالجنة و الحور العين ... و الآية البتبدأ بـ ( وَلاَ تَقْتُلُواْ النَّفْسَ الَّتِي حَرَّمَ اللَّهُ إِلاَّ بِالْحَقِّ )

ما بعلموها لمغسولي الدماغ ... حاجة تحير يا ايمن ...

عموما ... صاحبنا اطلق الاتهامات جزافاً ... و زاغ ...

تاني اديهو كم شهر و بجي بسم الله خرجنا و بسم الله ولجنا ...

Post: #142
Title: Re: و الله سمعة المسلمين بقت عجيبة !!!
Author: جلالدونا
Date: 03-28-2016, 01:43 PM
Parent: #141

Quote: في انتظار ما تؤول إليه الأحكام الصادرة في حقك من جلالدونا بعد تكفيره لك.

شنو يا شيخ قصى حكاية الكفر و احكام و تؤول اليه دى
كل الموضوع تلخيص للبوست و الحتة الماشى عليها ليس الّا
و لست من رجال الدين عشان اكفّر و اصدر احكام و عشان تمسك فيها و تبنى عليها
يا شيخ قصى القراية بتقول انك تخطيت حدود اللياقة بى اتهامك ليهو انو مرتاد نوادى ليلية و بارات
و انو عليهو ان يدخل الجامع زى التكنّو ما دخلو قبل كده وده كلام ما عندك ليهو دليل
و الواجب انك تعتذر عن الكلام ده او تثبتو كما طلب الاخ قبّانى و ... بس
اللولوة فى شنو

Post: #143
Title: Re: و الله سمعة المسلمين بقت عجيبة !!!
Author: أيمن الطيب
Date: 03-29-2016, 05:39 AM
Parent: #142

سلامات يا جلالدونا ,,
Quote: اتهامك ليهو انو مرتاد نوادى ليلية و بارات و انو عليهو ان يدخل الجامع زى التكنّو ما دخلو قبل كده
يا أخوانا في تهمة أو جريمة جديدة إسمها إرتياد نواديى وملاهي ليلية أو نهارية وبارات وما هي عقوبتها وهل تخرج الفرد المسلم من الملة وتوجب إستتابته!!!!!

وعند توجيه كلام من هذا النوع إلى شخص ما كيف يجب أن نتعامل مع هذا الكلام؟؟
في أى خانة يمكن وضعه وهل من حق أحد أن يسأل شخص ما فيما يخص الأماكن التى
يذهب إليها وهل يمكن أن نطلق حكم ما على شخص لأنه يذهب لمكان ما؟؟؟

واين هي حدود حرمة (شخصية) أمور الفرد التى يجب أن يقف عندها الناس ويمتنعوا
عن الخوض فيها أو مناقشتها أو السؤال عنها طالما ذلك الشخص عاقل بالغ راشد!!

اشرحو لينا يا أخوانا,,