((((((((( اغنية اليوم )))))))))

08:54 AM February, 21 2016

سودانيز اون لاين
مني عمسيب- هولندا
مكتبتى
رابط مختصر

الجندول ...

اين عشاقك سمار الليالي ؟

فارقيهو دربي .. انسيهو حبي ..

عهدك كنت بصونو بكــــــــل امانـــــــــة
وريدتك تفني حياتي واقول علشانة
ولو لا حساب اخلاصي وجدت اهــــانة
كنت اجود بالـــــــروح لو عـــــزة مكـــــانة

الجندول أغنية الفنان الكبير محمد عبد الوهاب استمعت إليها كثيراً
في إذاعة لندن زمن الإذاعة كان ليها مكانة....... والله أيام يازمان.

مني عمسيب شكراً على الإختيار الأنيق
أري في رأيك على كلمات أغنية "فارقيهو دربي" غير ذلك حيث أن الإحساس يصعب التعبير عنه بكلمات فكل نظم الشاعر وإبداعه لا يستطيع أن يعكس إحساسه الحقيقي وكل ما أبدع الشاعر في النظم كلما قرب الصورة ليس إلا.
تعريجه
أغنية اليوم وكل يوم يجب أن تستمر عسى أن تصفو أجواء المنتدى
ورونا نرفع الفيديوهات كيف كلما لفيت لي فيديو وحاولت أرفعه يرتد إلى خاسئا

احبتي المرور الجميل .. الامير والملا عمر ..

لكم وافر التحايا بهذه الانغام بسعدها وحزنها ,,

يا مله الفيدو اسهل حاجة في التنزيل .. تفتح الفيديو الدايرو وتدوس علي
الماوس يمينك وتختار الخيار التالت اللهو النسخ .. وتشيلو تختو في البوست .

اما الاغنية اكيد ولو في العمر بقية كل يوم بخت اغنية لكن بوست الاغنية بالنسبة لي
اخر البوستات وانا بطلع من النت عشان كدا بالنسبة التحلية ههههه ,

ولكما وافر الحب والتقدير احبيتي الامير والملا عمر .

يا اله فني ..

لست يا المحبوب شاعرآ عربيد ..
قلت رب الفن ان فنو مجيـــــــــد !!
وقلت رب الجمال في سمؤه وحيد !!!

اجمل كلمة بحبها في الشعر كلمة ( سمؤ ) !!

العزيز الملا عمر ..

اكيد اتفق معاك تمامآ ..

Quote: فكل نظم الشاعر وإبداعه لا يستطيع أن يعكس إحساسه الحقيقي

ولكن الشاعر يعبر عن مشاعر الاخرين الانا جزء منهم يعني انا ما بتكلم
عن احساس الشاعر انا بتكلم عن احساس الناس المرت عليهم ظروف الاغنية دي ..

والتحية لجميع شعراء بلادي الرائعيين ...

ولك الود ..

شكرا مني علي البوست المهديء للأعصاب
يقتلني الحزن كلما أسمع صوت خوجلي أو شهيد الحقيقة
يطوف حزني علي الشباب المبدعين الذين فجعنا بهم
خليل فرح, كرومه, مصطفي, خوجلي, محمود عبد العزيز و آخرون






لك الف رحمة و لو تعيش

تمنيت ان تبقي دار لي كل لاجيء و
حنان جوه الملاجيء
و للاطفال حكاية و للفلاح سنابل
و للثوار سلاح أقوي من قصف القنابل

تمنيت ان تعلم طفل لسه ما عرف الكتابة
ما أجملها من امنيات

في هذه الاغنية سر خلودك يا عميري

.........

العزيزة بت عمسيب
يعجبني فيك الوضوح(الذي نفتقده) و حماسك مع طلة الوجه الباسم.
بس عايز اطرح رؤية مختلفة اختلاف بسيط في موضوع الكرامة ده.
المشكلة إنه الحب بينسيك أن تفكر في الكرامة.
الانجذاب و الإعجاب و و بيخليك تعمى عن العيوب و تتناسى الهفوات و تغفر الأخطاء. بعدين الإنسان بيكون حساس عشان كده موضوع الكرامة مرتبط بالتجاهل و جرح الكبرياء.
و المحب بالمقابل بيكبّر الأشياء.
فالإنشغال يحسبه تجاهل و الغضب يعتبره كراهية و جرح للكبرياء و هكذا.
أخيرا اقول أن تحب يعني ان تتنازل.هكذا الحال في قاموس المحبين.و المحبين ذاتهم خشم ناس من أول نظرة ..و ناس بيوت فارقيه دربي.. وناس تردي أو ماتردي بكتب ليك يوماتي.. و ناس لو وشوش صوت الريح...و ناس أنا المظلوم جفاني حبيب..

سوقني معاك يا حمام ..

وليد مخلوق للقرائي
خزين مدخور للجسام

التحية للجميييع الحضور الحبيب .. ولكم وافر الشكر والتقدير
في مشاركتم الذوق يا اهل الذوق ...

ولي عودة للتعليق لبعض النقاط المهمة ..

وحتي اعود ..

لكم وافر حبي وشكري ..

من هواك ..

من مزايا الرقـــــة
عندك من نداك
من ربيع الدنيـــــا
اشرق من ضيــاك

مافي كلام !!!

يا غاية الآمال ..

في عالم الاشواق
لو مرة عشت معايا
في لهفة العشاق
حسيت معاني هوايا ..

ماهو عارف قدموا المفارق

هل كان خليل فرح ينعي نفسة
خليل فرح لوحة لم تكتمل

حاول العميري و لم يسعفه الزمن

أضاف مصطفي للوحة ابعاد جديدة

و لم نعد نري فيها غير حزن عميق
لوطن مفجوع في أبناؤه
شكراً مني

سيبو يا قلبي سيبو ..

من بحور المحبة سقاني
من كأس الاماني اماني!

إختيار و ذوق راقي.............. NO FURTHER COMMENT

صباح الخير الملكة بت عمسيب وضيوفه الكرام أغنية اليوم ، بل قولوا اغنية كل يوم ، الأغاني هي الوعاء الوحيد الذي يسع كل ما تحمله دواخلنا من فرح .. حزن .. شجن .. أمنيات حتى ضحكات .. وابتسامات ما اجمل الفن السوداني الذي يسعنا ..وما اجملكم وانتم تسعوا ارواحنا ..

تحياتي ،

أخوكم الأرباب

مافي داعي ... تقولي مافي ..

يا جميلة ينصر دينك .. كنا محتاجين فرمطة. وبالمناسبة يا وجه الخير

أول مرة أنجح في تنزيل فيديو, لحكمة.

الي جميع الاحبة المرور والمستمعين ..

لكم وافر الحب والتقدير .. علي مساهماتكم الذوقية ..

ولك كل التقدير الحبيبة فاطنة السمحة بت الحاج ..

اول مرة ينجح الفيديوالحكمة ( النية زاملة سيدها ) هههه

جيتينها شايلة كل الجمال اكيد الفيديو ما بخذلك .

ولك وافر الود .. والشكر ..

يا عازة الفراق بي ... طااااااااااااال ...

طريت برق الفويطر الشال

وسال دمعي البكب وشــــال

فقد صبري ومناني اتشـــــال

لبس من ناري عمة وشـــــــال

معذور .. لو قلبي اشتهاك .


متمني الحق بيك سريع
نتلاقي والاشواق هنــاك
جايك هــارب مــن سنيين
جايك واقــع في حــــــواك !

جارو اهلو ... فنان الحوش ( خدر )

والطبيعة تناجي الزهر

تدي منظر جذاب ظهـــــر

زي نجوم السماء في النهـــر

سلام بت عمسيب

زهجنا من السياسة ...

الدنيا كلها بقت سياسة ...

بوست جاء في وقته ...

لك التحية

وطنا الزين

كلمات : محمد الحسن سالم حميد

لحن : حمزة سليمان

غناء : مجموعة عقد الجلاد

وطنا حبيبنا رغم البين

هي الأشواق

حنينا إليك زين يازين

يظل دفاق

ما حوجتنا ونديك

وغيمنا إليك دوم ساساق

يلاقى البينا من واديك

اناقى غزيرة ماها فراق

نحبك من طرف من جم

برغم قطائع الإملاق

ما بتنذم علاقة دم

وفا وتاريخ على الإطلاق

إذا ما الغربة لمتنا

على ذات الخلق واخلاق

وطن وين كان في ذمتنا

فكيف يبقى الزمن فراق

هي الأشواق

وما بين السما والأرض

مدي الأشواق

ما طال المطر بيصب

طبيعي انه البحر ما راق

كما انه العكار من طين

كمان من طين يجى الرواق

صحيح انه البحر رايق

ولكن السحاب قد ضاق

خبارو الريح بشن سايق

وكت كبد التراب مشتاق

إذا ما العشق منسابق

ومطابق على الأعماق

كذلك حضره العشاق

مع غيبوبة الأشواق

وطنا الزين لا تنضرا لا تنعاق

نظل في حبلك الواحد

حبيبين ما في بينا فراق

وهيض شايلنا شيله السيبى

سعن الباشا والمعلاق

لا فينا الضلالي العاق

ويا حاسب سكاتنا رضاك

أمانة بضونا ماها غراق

صدورنا على البعادى زقاق

ضهورنا إلى المنادى رقاق

رضينا بلا قرن ننساق

وحين نحرن جبل يا ساق

الجرب يطير ما بيمشى

لو حرت عليه الأشواق

ومن قولب لهيب الشمش

ما كوش من الرقراق

تحايا وأشواق العزيزة منى عمسيب

نشارك معاك بأغنية بحبها شديد وطنا الزين لا تنضرا لا تنعاق

الرحمة والمغفرة لصديقي واخي العزيز حميد

وما أجمل الغناء للوطن

التحية لجميع المرور الكريم ,, واختص الأخ العزيز ( كبر ) ..

يا كبر ليه حذفت الاغاني النزلتها !!!؟؟؟؟

انا كنت جاية اعلق عليها لولا وفاة خالتنا الحبيبة زينب

والدة اللاخ والصديق طارق ابو عبيدة ؟

وعمومآ يا كبر العفو والعافية .. وتأكد مني تمامآ ما بكن ليك

غير كل احترام وتقدير والحصل من مناكفات سياسية بيني وبينك

ما بمنع اننا نتلاقي في الفن ونكون حبايب .. ولو سمحت بتمني منك

ارجاع كل الاغاني الحذفتها .. وانا بتعامل معاك معاملة كل شئ بي دربو .

مع خالص ودي وحبي اليك .

ضابط السجن ..


اذنك لحظة واحدة يا ضابط السجن !
اتزود بلحظة وارجع اتسجن !!!!!!!!!!!
خمسة سنين طويلة مرت ليلة ليلة !!!
دمعة شوق هميلة .. وراء الدمعة الهميلة !

انا قاعدة اموت لمن مواعيدك تفوت ...


موش مشكلة دنيتنا مين البفهما
ايه المصير لما الارض تتمني يوم
عشق السماء يتلاقوا كيف اتسالموا !!!!!

شن بتقولو

" target="_blank">

يا روحي انصفي ...


عودت نفسي اذا مــــــا اشتدت الآلام
اصبر علي الحرمان واضحي بالاحـلام
جنـــــــــــــة هوانا العذري ندية كالانسام
تخلي نـــــــار الشـوق بردآ علي وسلام !

بفرح ..

تتفتح منابع الريد

وتتقفل دروب اللؤم .

نغرق بالسعادة نــــــرش

قليبنا الناشف المحروم .

يا حبيب ظمئت روحي ..

أنت تدري ما بقلبي

من عذاب وشجون

يا ضنيناً حرّم اللقيا

على غير ضنين

هات لي كأسي

تروي ظمأ الروح الحزين

طال شوقي وحنيني

آه من طول حنيني

بت عمسيب سلام

قلنا نسلم وماندخل ايدنا فاضيه عاد انتي زوله فنجرية

الأيــــــــــــام الحلـــــــــــــوه

الأيام الحلوه ... الأيام الحلوه

بتعدى فثوانــــــى

الأيام الحلوه ... الأيام الحلوه

مابترجعش تانى

طعم الحب اتغير ... وقت الفرح صغير

اكبر لحظة ود وحب وصدق ... زمنها قصير

الحلو بيتمرر ... والجرح بيتكرر

نجرح نألم ... نقسى ونظلم

وغلطنا بيتبرر

اللى نحبه بنودعه ... واللى فى ايدنا بنضيعه

واللى ناسينا ... عايش فينا ... واللى شارينا

بنخدعه ... بنخدعه ... بنخدعه

ولا فى الشده حبايب ... ولا فى الدمع قرايب

كله فى جرحك فرحك مرك نارك المك ... غايب

حبل الود اتسيب ... طعم الظلم يشيب

زمن الصدق ... وزمن الطيبه

بئت حاجه بتتعيب

معنى الحب بنزيفه ... صوت الحق بنكتفه

واللى دابحنا ... ساكن روحنا ... واللى جارحنا

بننصفه ... بننصفه ... بننصفه

ماشيه الدنيا ودايره ... فيها مراكب سايره

ناس فى مراكب ضايعه وناس فى مراكب ... تايهه وحايره

ناس احزانها شديده ... وناس سكتها بعيده

ناس كل مادمعتها بتدبل ... تطرح دمعه جديده

فى عز الامنا وفجرحنا ... بنتخلى عن بعضنا

وادى قصتنا ... وادى حكايتنا ... وادى دنيتنا

انت وانا ... انت وانا ... انت وانا

وين اغنية الدرب الأخضر ؟

حفظ الله الحبيب الامام الصادق المهدي من كل كل مكروه

الدرب الاخضر ..

اهداء خاص للعزيز .. ابو عمير الانصاري .

شكرًا جزيلا للاهداء

والله مشتاقيييين ..

الحبيبة .. عفة .. لكي تحياتي واشواقي ..

Quote: الأيــــــــــــام الحلـــــــــــــوه الأيام الحلوه ... الأيام الحلوه بتعدى فثوانــــــى الأيام الحلوه ... الأيام الحلوه

والكليمة الحلوة منك زادي

عايزين اغنية الفراش الحائر ايضا

الفراش الحائر ...

طاف الفراش الحائر

مشتاق الى زهراتك

حبيبي آه.... اناغاير

شكرا الاخت البائسة منى عمسيب لاحضارك اغنية الفراش الحائر

تحياتي الطيبات

علي قدر الشوق ..

حبيبنا الجميل .. الموصلي ..

علي قدر الشوق
الشوق ما يمد مديت
علي قدر غناوي الريد غنيت .

احبك يا موصلي ... والله يديك العافية .

من اوصاف عديدة ..


الروح تهوي ذاتك !!!!!!
انا روحي بتهوي ذاتك !
يا حبيب وانت عيدها !!

واحشني .....


واحشني واحشني واحشني ,
واحشني يا الخليت ملامحك في حياتي !
واحشني واحشني واحشني .
يا الرسيت مراسيك جوة ذاتي !

يا بت عمسيب
شكرا على هذه الشللاات من الألحان و الكلمات القوية.‏
بعدين شوية شوية علينا كتيرة لين هههههه
‏ يعني يا دوب الواحد يلحق يتذوق اغنية و لا اثنين الواحد ما يقدر يشيل نفسه بعد ‏يسمع واحدة من الاغاني الدسمة النزلتيها.
و بعدين كل واحد عنده اغنية اثيرة و ذكريات ‏المشكلة معظم الاغنيات النزلتيهم اغنيات اثيرة و لها بصمات و في القلب مكان ‏عزيز.‏
تسلمي و الله يديك العافية ‏

محمد ود الحسين .. والملا عمر ..

صباح الخيرات ,,

ويا ود الحسين سيب الخرخرة هههههههه.

Quote: يعني يا دوب الواحد يلحق يتذوق اغنية و لا اثنين الواحد ما يقدر يشيل نفسه

عنوانا واضح كل يوم اغنية نفسك دا تجي جاريه لينا كل يوم هههههههه . لزوم الاغاني وكدا .

ويا الملا عمر ..
مشكور يا صديق علي الاضافة الفنية ووينك ليك زمن لعلك طيبة يا طيبة ؟


والمرجو عدم الانقطاع جميعآ .

الشاغلين فؤادي ..

فنان الحوش الرقيق .. الخلوق .. مبيوع ..


سامرت الكواكب لما الفجر لالالالالاح
نادي الفجر نادي وقال يا اهل الصلاه
صلوا الوقت حاضر قاموا اهل الصلاه
كل الليل قايمو لا خيال ليا لالالالالاح !

من بت عمسيب
و الله سكتيني .عاد اقول شنو تاني من ناحية خرخرة هي خرخرة.‏
نعمل شنو؟ يا زولة ما مشكلة بنجي كل يوم.‏
بس استحملينا.‏
بالمناسبة ....
لاحظت إنه كلمات اغنية من اوصاف عديدة رهييييبة بالرغم من إنه سمعتيهاكتيرا..
لكن تركيزي كان في اللحن و في صوت ابراهيم خوجلي.

حبيبنا .. ود الحسين ,,

لك وافر التحية وشكر المرور ..

خلاس وقت سبت الخرخرة هههههه نشكرك علي كدا .

اما اغنية من اوصاف تصدق بريدو من جوووة قلب وبريد صوتو عشان
ست الحبايب حاجة نفيسة بريدو وورثتني هذا الجمال .

ولكل الود .

سلامك ماهو من قلبك ...

اجيك مشتاق اجيك ولهان
يفيض الشوق بحور وبحور
واتمني التلاقي معاااااكي
وجبر الخاطر المكسوووور !

مني مني ليك سلام

الغنية دي بتطلع صليبي ذاته

حبة شوق شوفي الشفع ديل ادوها باحساس حلو كيف

و الله يا منى البشوفك تشاكلي بي هنا و تناتلي بي هنا ما بيقول عندك الكم ‏ده كلووو من المشاعر و الأحاسيس و التذوق.‏
الله يزيد.‏
يا زولة هوووي انا قلت ما شاء الله ...‏
‏.....و بعدين كمان انا عيني باااردة.‏
الله يحفظك لينا و تسكتي الخشّامة..ههههههه

حبيبنا .. عمر الفاروق ..

تحية خاصة .. ومشكور علي اضافة الابداع ,,


والرجاء عدم الانقطاع ..


ودمت .

العزيز .. محمد ود الحسين ..

تحياتي المعطرة ..

Quote: و الله يا منى البشوفك تشاكلي بي هنا و تناتلي بي هنا ما بيقول عندك الكم ‏ده كلووو من المشاعر و الأحاسيس و التذوق.‏

يا زول بنحارب وبكارب في اهم شئ في حياتي الوطن ابي والشعب
ابنائي وهذا احساسي ومشاعري .. وهل بعد هذا اكون لسهام نواي
اهداف ؟

وشوشة ..
يا ابو حميد انت جيت رحلة العمل اوربا ولا لسه ؟

ومشكور ..

شجن .....


لمتين لمتين ؟

بت عمسيب الله يديك العافيةو شكرا على الاهتمام في الحقيقة جيت جنبكم و رجعت قبل اسبوعين .مزيد من التفاصيل إلا وشوشة في الخاص ههههههههه

تعرفي جيت اوروبا و زرت بعض البلاد.‏
‏ و رغم قصر الزيارة التي استغرقت عشرة ايام فقد كانت جولة ظريفة جدا استمتعت ‏فيها بالطوال و العرض... و عرفت فيها الكثير.‏
و بصراحة مش شديدة... كنت أود ان اكتب عن تلك الرحلة و لكن قلت ياخ الناس في ‏شنو و إنت في شنو؟
انتي كمان فاتحة لينا مية بوست شيء نسوان الإنقاذ و شيء ( يا للهول) و سعر ‏تحويل اليورو و.... اها .....بعد ده ينفع اكتب عن رحلة عمل او سياحة في اوروبا.؟ ‏و الناس فاضيين كده عشان احكي ليهم عن ذكريات و خبرات خاصة ؟ ‏
و خاصة اكان سلوا عليّ لسانهم لأنو في واحدين ...الله لا وراك طولة لسانهم.‏
لكن بيني و بينك انتي بتقدري عليهم.‏
المهم حسب نصيحتك لم احاول أن اكسر التأشيرة....‏
‏....... و رجعت سالما غانما.‏
خلاص كفاية كترت الكلام...‏
‏ الباقي بعدين أو فيما بعد.‏

الأخ الملا عمرمشكوووور على الكنوز المخبأة دي ...يا جماعة و الله أنعشتوا ,معنوياتنا زي ما انعشتو ذاكرتنا.المشكلة كل يوم نكتشف إنه ما مضى كان أجمل.شكرا كثيرا على الروائع دي يا ملاّ..... الواحد كان متمنّي يشارك بإنزال بعض الروائع و لكن الإيد قصيرة ...موهبة التقنيات الفنية عندي قاصرة شوية.عشان كده ما بقدر اجاريكم انت و بت عمسيبفأرجو المعذرة يا حبايبنا

المطرب لأثيوبي الجميل تيدروس الشهير بـ تيدي آفرو في واحدة من روائع الراحل محمد عثمان وردي

بلدا هيلي أنا

بلدا هيلينا
كلمات والحان طارق الامين

بلداً هيلي نا..
دموعه.. دموعي نا..
أساها...أساي أنا..
ضميرها..ضميري نا..
كل آمالي نا..
السلام يملاها..يطلع من هنا..
و الحَمَام يتشابى!
تقدل طفلة حلوة و بين إيديها كتابا..
و الحبوبة تمسح بالحنين اكوابا
و القمرية تصدح..تستريح دبابة..
و القطر القبيل يمشي و يشق الغابة..
البالمبو يفتح للقلوب أبوابا..
و النُقارة ديك أم كيكي و الربٌابة.
البلد الحنين سميتو يمة ويابة
بين العالمين عزة وجمال ومهابة
الحزن القديم يمكن تزيلو سحابة
لا أطفال حزانا نازحين وغلابة
في العصرية شفع جارية لي العابا
والشاي في المغارب وذكريات وصبابة
اشجار التبلدي العمرة بي ترحابا
واشجار النخيل وخضرتة الخلابا
ناس من كل لون ..إتعمٌرت أنسابا
و النيل في الهجير...دوٌزن وتر أعصابا..
سمحة الدنيا..بيك..و بين إيدينا حبابا..
يانا أهل بلدنا و قُدرَتم غلاٌبة.

يا جماعة الخير بنسأل من صاحب البوست..... المشرقة منى عمسيب.
وين مختفية؟
ليها قريب لي أسبوع مختفية....
الأخت منى...
يفتقد المنبر حماسك
و صراحتك
و مناكفاتك
و مناتلاتك
و مشاغلاتك

العزيز .. ود الحسين ..

لك عااااااطر التحايا وارق الاشواق .. وما نفقدك بشينة .

الي جميع الاحبة ... اصدقاء البوست .

لما اختفي ما تشفقوا بكون مشغولة بحاجات رسمية
او التزام رسمي وبالنسبة لي دا التزام اخلاقي ولازم انفذو
فعشان كدا بختفي منكم لكن بكون شوقي ليكم اتراكم حد الزحام .

Quote: يا جماعة الخير بنسأل من صاحب البوست

ومشكور يا الحبيب .

انه صوتي انا ..

حباب بت عمسيب


فيفيان نشان

عزيزتنا الغالية بت عمسيب
حمدا لله على السلامة الجمعتي.‏
عارفنك مشغولة بي حاجة و لا حاجات ..لكن كمان ليك وحشة شديدة. و زول نسأله ‏منك مافي.‏
المهم .........أهلا ببشائر طلتك الغالية الإتعودنا عليها
الله لا يحرمنا منك

بتنا الفالحة بت عمسيب
سلام
داير أجيب معاي شوال قطن مليان لقيمات و 36 كفتيرة كبيرة شاي بي لبن وأقعد
بس أزازي بوستك ده .
دلاليك الفنان تيدي أفرو الزول المشحون بي الطرب الحار و الدفوف الكاربة ما بتنفات .
ليك ولي ناسك المشاركين التحايا .

عفواً للأستاذ عثمان موسى الرجل الذي يعشق الإبداع
فلتسمح لي بهذه الكسرة: بخصوص الفنان ابراهيم دينق قبل أن يسرقنا الوقت و تفوت المناسبة.
فالفنان ابراهيم دينق هو نموذج شجاع لإنسان تخطّى من خلال الفن عقبات عدة تتمثل ‏في القيود و التعقيدات الإثنية و الثقافية معتمداً على موهبة فطرية.‏
له التحية و التقدير.
علماً أن تجاوز الحدود الإثنية و الثقافية ليس بالشيء السهل حتى بالنسبة لمن أوتي ‏حظاً مقدّراً من العلم و الثقافة.‏
كما أن الفن قد اثبت في كثير من الحالات انه سفير بين قلوب و عقول البشر لا يعترف ‏باللغة و لا العرق او اللون.
و على الصعيد المحلي نستشهد بإفتتان السودانيين خلال ‏فترة الثمانينات او قبلها بالأغاني الافلام الهندية و كذلك الإفتتان بالأغاني العربية و ‏الإثيوبية .‏

كان زمااااااااان .

استوقفك لو تدركـــــــــــــــــي
انا هسه بستقدم كلامآ بنصفــــــك
بحذرك لاتقربي موج الاماني البجرفك
بداعب اوتار الحنين لو اعزفــــــــــــــــــــــــك
تنفردي بالرقص الرصين واعرفــــــــــــــــــــــك

فنان الحوش الخلوق المبدع .. مبيوع .

رائعة المطرب الأثيوبي الشاب Jacky Gossey أغنية Bandiraw وفن الرقص الأثيوبي الشهير eskesta بإبداعات الراقص Abiyot demeke

التحية لجميع المرور . الكريم واختص الملا عمر .

دسيني في مسامك ..

خوتني في عيووووووووووووونك
دسني في مساااااااااااااااااااااااامك
وريني بدواخلك روعة حس غرامك
وريني بعبيرك بمعسووول كلامك

طلباتك مجابه يامنى

الأخت منى صاحبة البوست و الأخ الملا عمر المساهم الرئيسي و الأخ ملهم و بقية المشاركين النشطاء أولاً اعتذر لأنه أنا ضعيف حبتين( حبتين بس؟) في حكاية التنزيل و تظبيط التسجيلات.
لكن ما مهم بتابع و بسمع و بشوف ..هي ما كفاية لكن....نعمل شنو؟
المهم هناك فنان صاحب أغاني رومانسية وذات ألحان خفيفة و شجية نفتقده هذه الايام و يا ريت نشوفو في هذا البوست ذو النفس الطويل..... ههههه عيني باردة.
هو الفنان صاحب أغنية( خلاص يا قلبي كان خاصم ..ضميرو...)
و (نجمة نجمة الليل نعدو) و (يا غيمة امشي زيارة) و ( مالو غيابك طول)
طبعا إنه الفنان ابراهيم حسين شفاه الله.
شوفوا بالله روعة الكلمات:


خلاص ياقلبى كان خاصم .......ضميرو يحاسبو خليهو
تمر ايام وينسى غرورو ........ويلقى هوانا راجيهو
يعاتب يوم ويزعل يوم .........ويعذبنا بى ريدو
يتحدانا يوم يزعل .............تقول اقدارنا فوق اييدو
نقول ياريتو لو يعرف........ عذاب الحب وتنهيدو
بدل مانحنا بنعاتب............. بنفرح يوم يعاتبنا
ونسال عنو كان طول......... وماهاميهو كان غبنا
خلاص حرام ترمينا للايام ........حنانك يامعذبنا
نحلف قلبك القاسى ...........بكل حنان مودتنا
بافراحنا واشواقنا .........وبى لهفة محبتنا
رضينا عذابنا فى حبك ........حرام تتناسى ريدتنا
خلاص ياقلبى كان خاصم ضميرو يحاسبو خليهو
تمر ايام وينسى غرورو ويلقى هوانا راجيهو
تحياتي و مودتي لكم جميعا

الأخ محمد عبد الله الحسين خالص تحياتي وأختيار رائع وإليك أهدي " خلاص يا قلبي كان خاصم ضميرو" وأسأل الله ان يمن بالشفاء والعافية والمعافاة على الفنان إبراهيم حسين

يا سلاااام عليك يا راقي و يا ظريف انت
أشكرك على ذوقك
و أشكرك على سرعة الاستجابة
الراجل ده برومانسيته بيرجعنا حركة وراء سنين عددا
فنان كله إحساس و فن

مشكور اخي الحبيب .. ملهمنا علي الروائع ..

والشكر لكل اصدقاء اغنية اليوم ..

والرجاء عدم انقطاعكم الثري ..


ودمتم ..

عقلي انشغل بهواك ..

حبيبنا ... الملا ..

ياخي ان شاء الله ما نعدمك .. وتسعدك الايام الطيبة
ويرفع شأنك .. برفع البوست بهذه الدرر .

ولك كل الشكر والمرجو عدم الانقطاع .

كسلا ..

كسلا اشرقت بها شمس وجدي
فهي بالحق جنة الاشرااااااااااااق
كان صبحآ طلق المحيا نديـــــــــآ
اذ حللنا حديقة العشااااااااااااق !!

التحية لجميع الاحبة اصدقاء اغنية اليوم ..

والرجاء من الجميع بدون فرز دعم البوست بروائع

الفن السوداني ..

مع خالص محبتي .

كنت بخاف من كلمات المذيع اللامع شيبة الحمد عبد الرحمن
ألحانى وغناى

وحياة الأحلام القلبي سقاها
وحياة أجمل بسمة عرف معناها
وحياة سمر اللون وحاة محياها
وحياتك
وحياتي عندك
وحياة حبي
النهار صدك
وحياة أول نظرة لمحتك بيها
وحياة أجمل صدفة عرفتك فيها
وحياة الآمال العشت حياتي عليها
وحياتك
وحياتي عندك
وحياة حبي
النهار صدك
وحياة الأيام الجايرة وظالمة
وحياة حبي الكاتمو براك العالمة
أملي وكل منايا هناك يا حالمة
وحياتك
وحياتي عندك
وحياة حبي
النهار صدك
وحياة لونك انتي وحاة السمرة
وحاة حبي اليك من أول نظرة
وحياة طهر غرامي انتي القمرة
وحياتك
وحياتي عندك
وحياة حبي
النهار صدك
وحياة صمتك انتي وحاة الشامة
الشامة الفوق خدك نايمة دليل وعلامة
تزيد حسنك بهجة تزيدو وسامة
وحياة أجمل ريد في الكون يا حمامة
وحياتك
وحياتي عندك
وحياة حبي
النهار صدك