حت زي الحت ...

ما عندنا كلام في الحت لكن العوجة انو بإسم مدح الرسول عليه الصلاة و السلام

Quote: ما عندنا كلام في الحت لكن العوجة انو بإسم مدح الرسول عليه الصلاة و السلام

ود البشرى
سلام
صدقني الكلام على النية بصرف النظر عن القرود والركشات

سلام يا هندسة .
الطريقة السمانية بودمدني .

اولاد شاطوط .

الجماعة ديل أول من إبتكر طريقة تلحين المائح بالحان أغاني مشهورة ومعروفة والغرض هو جذب الشباب الى حلقات الذكر وإتباع الطريق .

نفس الفكرة الاتبناها شيخ الامين حالياً .


شايفك الربع ده بديتو بي سكسكة وحتحته :)

وعليكم السلام يا الصادق
النوايا أعلم بها رب النوايا ولا بنقدر نتكلم فيها لينا بالظاهر من الأفعال و الأقوال
الحت و الهجيج دا لا يليق بمقام حب ومدح الرسول عليه الصلاة و السلام, يليق بحفلة بي البربري ولا كتمة بأيمن الربع, لكن مدح الرسول عليه الصلاة و السلام حتى الصوفية الزمان كانوا بعرضوا ويهزّوا بوقار - لو جاز التعبير :)


ههههههههه
يا ود الطائف ديل اولاد مدني يعني ههههههه حتّاتين كما عهدناهم
مع احترامي لفكرة جذب الشباب بالتلحين و الرقص لكن لا اراها موفقة, الإختلاط بجذب الشباب طيب هل نتوقع ليالي مديح برقص مختلط طيب بعد شوية

ود البشرى سلامات ومشتاقين ياخي ..

على الأقل أحسن ليهم مما يكونوا في بيت لعبة واللا إنداية واللا قعدة من قعدات تعاطي الحرام !


أنا شايف أنو أحسن للشباب ... على الأقل بكون في خاطرك الحبيب المصطفى !! ... وإذا كان أصلو اختلط الحابل بالنابل والدنيا كلها بقت رقيص في رقيص ،، اخير الناس ترقص في درب النبي !!!


عليه أفضل الصلاة وأتم التسليم


ولكن الأمثل هو الطريق للحارة الأولى ,, الكلنا عارفنو !


تحياتي

ود البشرى سلامات ومشتاقين ياخي ..

على الأقل أحسن ليهم مما يكونوا في بيت لعبة واللا إنداية واللا قعدة من قعدات تعاطي الحرام !


أنا شايف أنو أحسن للشباب ... على الأقل بكون في خاطرك الحبيب المصطفى !! ... وإذا كان أصلو اختلط الحابل بالنابل والدنيا كلها بقت رقيص في رقيص ،، اخير الناس ترقص في درب النبي !!!


عليه أفضل الصلاة وأتم التسليم


ولكن الأمثل هو الطريق للحارة الأولى ,, الكلنا عارفنو !


تحياتي

ود البشرى سلامات ومشتاقين ياخي ..

على الأقل أحسن ليهم مما يكونوا في بيت لعبة واللا إنداية واللا قعدة من قعدات تعاطي الحرام !


أنا شايف أنو أحسن للشباب ... على الأقل بكون في خاطرك الحبيب المصطفى !! ... وإذا كان أصلو اختلط الحابل بالنابل والدنيا كلها بقت رقيص في رقيص ،، اخير الناس ترقص في درب النبي !!!


عليه أفضل الصلاة وأتم التسليم


ولكن الأمثل هو الطريق للحارة الأولى ,, الكلنا عارفنو !


تحياتي

رمادي آخر في الطريق نحو يكون ظلامي ..
صدق من قال ..
المستنير مستير والظلامي ظلامي .. مفيش حاجه اسمها رمادي
"أو كما قال المثل" ..

مشتاقين يا مامون بالأكتر
لا اتفق معك, الرقص في درب النبي عليه الصلاة و السلام عدم احترام وتوقير لمكانته
هو لم يدع الناس بالرقص و الموسيقى عشان تكون وسيلة دعوة لطريقه الآن

ود المشرف
يا سيدي الإستنارة ليست مرادفا للإبتذال فا براحه عليها
تخيل الرقص و الحت بالطريقة دي كان في تابين محجوب شريف أو مصطفى سيد أحمد ! ما هو رد فعلك عليه حينها
غايتو من قريت وصفك لرد ابو الروضة النايص بالموضوعية خليتني اشك في تعريفك ليها وأسّي شككتني في تعريفك للإستنارة كمان :)

Quote: مشتاقين يا مامون بالأكتر لا اتفق معك, الرقص في درب النبي عليه الصلاة و السلام عدم احترام وتوقير لمكانته هو لم يدع الناس بالرقص و الموسيقى عشان تكون وسيلة دعوة لطريقه الآن

العزيز ود البشرى ،،

مافي عدم احترام وتوقير هنا يا ودالبشرى لا أحد يجزم بذلك !! دي حالة من حالات الوله والحب والإنجذاب فوق الإحترام والتوقير !!

الرقص والموسيقى وسائط حديثة دخلت في كل شىء ،، حتى في العلاج ! .... ولم تعد الموسيقى والفنون كما كان معلوم عنها زمان !!! ،،، نحن الآن في عالم موسيقي بحت !! بدءاً من زغزقة العصافير بالصباح ، وحفيف الشجر وخرير المياه ، وأجراس المدارس ورياض الأطفال ، وأصوات الإذاعات والتلفزيونات والقنوات الفضائية ،، والموسيقات التصويرية والترويحية ،، وأنغام الموبايلات والهواتف ،، والأجهزة الآلية والحواسيب ،، وأبواق القطارات والسيارات ،، وموسيقى صالات الإنتظار !! وانتهاءً بزقزقة العصافير مرة أخرى عند المغيب وانسدال الستار !

لم تعد الموسيقى ذلك اللهو وذاك العبث !


تحياتي

Quote: دي حالة من حالات الوله والحب والإنجذاب فوق الإحترام والتوقير !!

يا مامون دقيقة يااخ
وله شنو و اجذاب مين يا مامون ياخ
دا حت راسو عديل و بتغيّر استايلو مع الإيقاع كمان, دا غير ما يبدو انو تنسيق أو تدريب مسبق على الحركات
أظنك جمهوري يا مأمون, هل ترى ان مثل هذا الرقص بنفس الطريقة دي مقبول في الإحتفال بذكرى الأستاذ الجاية ؟

سلامات يا هندسة

رمية
صديقنا ( م . ج ) من ألطف البشر الذين مروا على في حياتي .....
كان ( زول شربة ) قديم ......
توقف عن الشراب فعلاً
لكنه يحتفظ بكل ( أخلاقياته وطقوسه ) ......
كان يصر على أن نسهر معه في الويك إند لـ ( إحتساء ) الشاى
وعند الدخول لصالونه حيث ( قعدة ) الشاى تجد كل ( طقوس ) الشراب ...
فقط يتم استبدال الواين بـ الشاى و ( المزة ) بـ القرقوش والبسكويت والخبائز

يجهز لك الشاى لكنه يعاجلك بشيالة الخبيز ضاحكاً

مزمز Don't take it on empty stomach

وهكذا نكون مدورين طول الليل ...
عندما يستأذن أحدنا أو بعضنا أو كلنا للذهاب يصر على إعطائه / إعطائنا ( كأس ) شاى ويعاجلنا بذات البسمة

Take one for the road

فااااااااااااا شنو

ركز على حتة النية

دروب المتصوفة غميسة شديد
ربما لو أتيناك بأحاديث ( الملامتية ) لو أتيناك بأحاديثهم لوليت الأدبار
ومع ذلك لم يشكك أحد في فعلهم


______________________________

Don't take it on empty stomach

Take one for the road

جمل يعرفها ( الحرفاء ) في الشراب ...

طيب يا هندسه خليني اكون اكثر جدية مما جلب علي الكلام ..
ما المشكلة في الرقص طربا وانجذابا للمقدس ..
درجة الرقص ام جوهره ؟!!

النقاش معاك مسالة ايجابيىة في كل الاحوال يا هندسه ..
كان كان مغلف بالهظار او الجدية التامة .. لا فرق ّّ

نايص ؟!!
هل تعني درجة وحدة الصوت مثلا ؟!!

تعليق اضافي للتوضيح ..
محجوب شريف ومصطفى سيد أحمد قامتان انسانتيان كبيرتان بالتأكيد ..
ذلك على وجه الاطلاق كما أعني ..
الا انهما لا يماثلان عندي درجة او مرتبة سول الله محمد بن عبدالله ..
ذلك, فقط, للتوضيح الذي ما كنت لاحتاجه لو كنت اكاتب زول آخر انا اصلا ما شغال بيهو الشغله ..

تعليق اضافي للتوضيح ..
محجوب شريف ومصطفى سيد أحمد قامتان انسانتيان كبيرتان بالتأكيد ..
ذلك على وجه الاطلاق كما أعني ..
الا انهما لا يماثلان عندي درجة او مرتبة سول الله محمد بن عبدالله ..
ذلك, فقط, للتوضيح الذي ما كنت لاحتاجه لو كنت اكاتب زول آخر انا اصلا ما شغال بيهو الشغله ..

وعليكم السلام يا عاطف
المسألة نظرتي لها من باب يليق ولا يليق, وما كل ما ورد عن المتصوفة وما كل المتصوفة واتباعهم صادقين فيهم الكذبة و المدّعين
وكأي مجال في بلادنا اصابه ما أصابه من تدهور و اختلال في المعايير الأخلاقية كذلك التصوّف ناله ما ناله, كثيرين كذّابين وأهل هوى ودنيا تدثّروا بدثار التصوّف
الظاهرة دي - وأعني الرقص بالطريقة دي - ما كنت لتراها في اي من حلقات الصوفية أيام زمان

يا ود المشرف
لاداعي للتوضح ياخي أنا عندما ضربت لك المثل بمحجوب شريف ومصطفى و بالأستاذ لمامون ليس بمعنى ان مكانتهم تعادل مكانة الرسول (صلى الله عليه وسلم ) عندكم حاشا لله
لو حصل أن رقص البعض في احدى المناسبات المذكورة بنفس الطريقة الفي الفيديو كنت ستجد مني نفس الإستنكار
لكن نفس الرقص في حفلة أو في داخلية أو غيرها لن استكره
فا لكل مقام مقال و حال
بالنسبة للسؤال عن المشكلة هل هي في درجة الرقص ام جوهره
في رايي أن مقام مدح النبي عليه الصلاة و السلام لا يصح فيه الرقص إطلاقا ولا يليق - الرقص بمعنى الرقص لا اعني ما درج عليه الناس زمان من هز و عرضة - خليك من رقص مبتذل اعتاده الناس في الحفلات و الكتمات الخاصة


___________________

النايص هو مجمل الرد بصياغته و مضمونه وكلماته ومعناه, خاصة حال اطلاق تسمية "الرد" عليه :)
الصوت ما لفت نظري ولا اثار اي انطباع حتى اعلق عليه

مرمي الله قدر ما الواحد يركبوا في قطر ابوبكر يتلب منو

هي يا يابا هو التلّبو منو ملحدين و علمانيين و ليبراليين رافعنّها بيرق و شعار في أول مزلقان
ما أتلّب كان تلّبت, كفاي عربية الفرملة - تقرأ الإتساق :)

محمد سلام ..
قياسنا يعود, في المقام الأول, من وجهة نظري, لشخصيتنا السودانية ..
التأريخ والمزاج والجو العام وكيفيات التدين والسائد الثقافي/لاجتماعي/الديني الخ ..
وأعني قبل مجيء هذا التتار الوطني الرجيم والوهابيين والدواعش و ..

وتماما وكما يتغني كابلي بكلمات شيخنا محمد المهدي المجذوب


وهنا حلقةُ شيخِ يرجحِـنُّ
يضرب النوبة ضرباً
فتئـنُّ وتـرنُّ
ثم ترفضُّ هديـراً أو تـُجـَنُّ
وحوا ليـها طبولُ
صارخاتِ في الغـُبارِ
حولها الحلقة
ماجت في مـدارِ
نفـذت ملأ الليالي
تحت راياتِ طوالِ
كسـفينِ ذي سـواري
في عبابِ كالجبالِ
ليلة المولد
يا سر الليالي والجمال

******
وتدانت أنفسِ القومِ
عناقـاً وإتـفاقـا
وتساقـوا نشـوةً
فاقـت مـذاقـا
ومكان الأرجلِ الولهي طيـورُ
بجلابيـبَ تـدورُ... وتـدورُ
*****
ياربي صلاه صلاة
علي النبي صلاه صلاه
والمـقدّم يتقدم
يرفعِ الصوتَ علِيـا
وتـقدم وتـقدم
يقرعِ الطبـلَ هنيـّا
وينادي مُنشِـدُ شيخاً
هو التمساح
يحمي عرشهُ المطمور
من موجِ الدميـره
ندبـوه للملمـّات الخطـيره
شاعرُ أوحي له .. شـيخ ُ الطريـقه
زاهـِدُ.. قد جعلَ الزُهذَ غـِنيً
وله من رقع الجُبـّةِ
ألوانِ أنيـقه
والعصـا
في غربةِ الدنيـا الرقيقه
وله طاقيـةُ ذاتَ قرونِ
نهضـت
فوق جبيـنٍ واسـعِ
رقـّـقـهُ ضوءُ اليـقيـنِ
وفتي ًفي حلقةِ الطـار
تثـنـّي وتأنـّي
وبيـمناهُ عصاهُ تـتحنـّي
لعِبـاً حرّكهُ المـدّاحُ غـَنـَّي
راجعِ الخـطوِ بطـارِ
رجـّع الشـوق َ وحنـَّـا
ليلة المولد
يا سـِر الليالي والجمـالِ
وربيعاً فتن الأنفسَ
بالسحرِ الحلالِ


..

هذا هو ما تجوهر في ذاكراتنا يا محمد ..
وانا , ببساطة شديدة, أنحاز اليه اولا .. ويعبر عني تماما ..
ونعم ..
قد لا يعبر عنك أنت ..
احترم ذلك جدا ..
وأفترض احترامك لنا ..
ولهؤلاء المتحلقين رقصا حول مديح الرسول ..

لنترك موضوع ابوروضه في بوست ابوروضه ..
فلكل مقام مقال ..
تحياتي والسلام ..

Quote: وعليكم السلام يا الصادق النوايا أعلم بها رب النوايا ولا بنقدر نتكلم فيها لينا بالظاهر من الأفعال و الأقوال

عشان كدا نحن قلنا الرك على النية، لأنه الظاهر دا ما مقياس ابداً.


والزول بيعبر بطريقته.

هسع عليك الله شفت رقص الرقبة بتاع ناس الشرق

أها اتخيل زول من ناس الوسط دخل الحلبة ورقص رقبة
ممكن تقول عليه إ"مثلي" عادي.

طبعا دا ما بيمنع من حكمك على الظاهر، أنا غايته بقيت حساس
من حكاية احكم بالظاهر دي،ودايما بقول لي نفسي احسن الظن يا زول

Quote: لا اتفق معك, الرقص في درب النبي عليه الصلاة و السلام عدم احترام وتوقير لمكانته هو لم يدع الناس بالرقص و الموسيقى عشان تكون وسيلة دعوة لطريقه الآن

اخونا الكريم / محمد البشري
كل عام وانت بخير..جعله الله عام خير وبركة علي الجميع...
بالرغم من انو ما صوفي لكن الحقيقة جذبني الاقتباس اعلاه للرد عليه ...
صحيح انو النبي الاعظم صلي الله عليه وسلم لم يدع الناس بالرقص والموسيقي ولكنه اباحه للبعض، وهذا البعض هم الاحباش (ونحن منهم)
فقد ورد في صحيح البخاري ما نصه:
(حدثنا ( يحيى بن بكير ) حدثنا ( الليث ) عن ( عقيل ) عن ( ابن شهاب ) عن ( عروة ) عن ( عائشة ) أن ( أبا بكر ) رضي الله تعالى عنه ( دخل عليها وعندها جاريتان في أيام منى تغنيان ) وتدففان وتضربان والنبي متغش بثوبه فانتهرهما أبو بكر فكشف النبي عن وجهه فقال دعهما يا أبا بكر فإنها أيام عيد وتلك الأيام أيام منى
وقالت عائشة رأيت النبي يسترني وأنا أنظر إلى الحبشة وهم يلعبون في المسجد فزجرهم عمر فقال النبي دعهم أمنا بني أرفدة يعني من الأمن)
-9253

- انظر كيف كان اعتراض (سيدنا ابوبكر)؟
- انظر كيف اعترض (سيدنا عمر) ؟
- كيف كان رد النبي الارحم علي الموقفين؟
-انظر كيف يرقص الاحباش حتي اليوم؟
مع وافر التقدير،،

Quote: Atif Omer Mohamed Ali حدثنا عبيد بن إسماعيل، قال حدثنا أبو أسامة، عن هشام، عن أبيه، عن عائشة ـ رضى الله عنها ـ قالت دخل أبو بكر وعندي جاريتان من جواري الأنصار تغنيان بما تقاولت الأنصار يوم بعاث ـ قالت وليستا بمغنيتين ـ فقال أبو بكر أمزامير الشيطان في بيت رسول الله صلى الله عليه وسلم وذلك في يوم عيد. فقال رسول الله صلى الله عليه وسلم " يا أبا بكر إن لكل قوم عيدا، وهذا عيدنا . صحيح بخاري كتاب العيدين باب سنة العيدين لأهل الإسلام الحديث دا يا منصوري ما في البخاري برضو !!! وليستا بمغنيتين !!!أمزامير الشيطان !! علاقة العيد بالموضوع شنو يا منصوري ان لم يكن استثناء لقاعدة !! ولماذا لم ينكر صلى الله عليه وسلم على الصديق استخدامه للفظة مزمار الشيطان ؟؟ ليستا بمغنيتين دي لزوما شنو ؟؟؟ الجارية معناها شنو؟ هذه هي الصورة مكتملة ! لكن كعادة البعض في الابتسار واخذ ما يوافق (هواه) وان تطلب الامر (عدم الامانة) والعلف والحذف كما فعل(المنصوري) جمال(هم سيلف) في بوست اسمهم الوهابية !! الاخ بيحذف (سطر)كامل من(علفة) ليغير بها (اصل)كلام قائلها !! دون ان يطرف له جفن!! الحياء شعبة من شعب الايمان !! رد · أعجبني · متابعة المنشور · منذ حوالي ساعة Atif Omer Mohamed Ali بالرغم من انو ما صوفي لكن الحقيقة جذبني الاقتباس اعلاه للرد عليه !! استاذك ومعلمك و(المنتظر) من عودة المدعو المطر صوفي!! بل عبد للصوفية وتلك عبادة لا يريد منها فكاكاً وبنى معتقده على الفداء الصوفي والليل كلوا (سايقكم) من قبرالى (قبر) ومرات (تضهبوا) ويقول ليكم دي(غارة) منعت الوصول !! والدراويش بحضرته والنابلسي حاضر بكلماته وانشادكم (العرفاني) بمنشده المشى في النهاية للهوس الديني بعد دا كلوا ما صوفي !! كاد المريب !! رد · أعجبني · متابعة المنشور · منذ حوالي ساعة Atif Omer Mohamed Ali عشان كدا نحن قلنا الرك على النية، لأنه الظاهر دا ما مقياس ابداً!! فتح وعلم جديد من شيخ الطريقة(الاباضية)!! نحنا وقلنا!! نحنا قبيل شن قلنا!! قلنا (الطير) بياكلنا !!! رد · أعجبني · متابعة المنشور · منذ حوالي ساعة Atif Omer Mohamed Ali صحيح انو النبي الاعظم صلي الله عليه وسلم لم يدع الناس بالرقص والموسيقي ولكنه اباحه للبعض !! من اين اتيت بهاتين اللفظتين؟؟ للاحباش (مناط التكليف) !! (1) الرقص (2) الموسيقى للاحباش بطبيعة الحال كما ذكرت في المقتبس اعلاه . لاحظ الاحباش كانوا جوة(المسجد)!! 1 عائشة رضى الله عنها : لقد رأيت رسول الله ( صلى الله عليه وآله ) يوما على باب حجرتي ، والحبشة (يلعبون) في المسجد ، ورسول الله ( صلى الله عليه وآله ) يسترني بردائه لكي أنظر إلى لعبهم ، ثم يقوم من أجلي حتى أكون أنا التي أنصرف . فاقدروا قدر الجارية الحديثة السن الحريصة على اللهو . 2 عائشة رضى الله عنها : رأيت النبي ( صلى الله عليه وآله ) يسترني بردائه وأنا أنظر إلى الحبشة : وهم (يلعبون) في المسجد ، فزجرهم عمر . فقال النبي ( صلى الله عليه وآله ) : دعهم ، أمنا بني أرفدة يعني من الأمن ، وأنا جارية ، فاقدروا الجارية العربة الحديثة السن ) . الرواية ( وأنا جارية فاقدروا الجارية العربة الحديثة السن ) أوردها مسلم الروايتان فيهما لفظة (لعب) !!! في الانتظار لمعرفة كيف يحول المنصوري اللعب الى (رقص وموسيقى) داخل المسجد !!! * من فقه المنصوري ان مناط التكليف الذي (نعرفه) العقل والاسلام والحرية والبلوغ !! جاب ليها (الحبشنة) !! يعني (تحتوا) قرض كان حبشي !! وكان (جلابي) بقرصك كودي و(الدابي )!! رد · أعجبني · متابعة المنشور · منذ حوالي ساعة

يا عاطف ياخي رد علينا
التحية للجميع
بوست جمع اهل مدني والوان طيفهم
انت يا ود البشري ما شفت اولاد شاطوط ايامهم الاولي
رحم الله شيخنا عبدالرحمن عبدالسلام كان مسميهم المطرطشين
اكتر حاجة بتعجبنا فيك يا ود المشرف
زوغانك من كلكلة ود البشري
حبيبنا المنصوري بالله عليك
براحة علي اخونا عاطف دة
الزول دة خبرة بمعني الكلمة
فوق انو راس حربة
هو مترجم المدرب

قال ليك ...

صلو صلو صلو

و صلو عليه
_________________________
حقو يسموه الرقيص ( المسئ ) للرسول ...

الحبيب/ الصادق الخالدي..
سلامي لك، وعبرك للأستاذ/ عاطف عمر محمد علي..

Quote: الحديث دا يا منصوري ما في البخاري برضو !!!

ومالو يا عاطف.. البخاري يسعني ويسعك، ولا انت شايف الحديث الجبتو انا ما صحيح ؟؟

Quote: علاقة العيد بالموضوع شنو يا منصوري ان لم يكن استثناء لقاعدة !!

ما معني العيد، اليس هو الاحتفال بمناسبة عظيمة ؟؟
الصوفية لهم ايام خلال الاسبوع يتم فيها اقامة الليالي (لذكر الله) سبحانه وتعالي، ولمدح (رسوله) فاي عيد اكبر عن هذين المناسبتين ؟
لقد خلد رب العرش العظيم (ميلاد) نبيه الكريم باطفاء نار المجوس، واسقاط مسبحة القيصر.. فلم لا يحتفل الشعب بذكراه تيمنا بقوله سبحانه وتعالي: (وَرَفَعْنَا لَكَ ذِكْرَكَ ) فما يقوم به المحتفون بالنبي لا يخرج عن اطار رفع الذكر والفرح بمناسبة عيد (مولد) النور...

Quote: ولماذا لم ينكر صلى الله عليه وسلم على الصديق استخدامه للفظة مزمار الشيطان ؟؟

كيف لم ينكرها يا عاطف؟
طيب ما معني كلامه هذا؟:

Quote: قال رسول الله صلى الله عليه وسلم " يا أبا بكر إن لكل قوم عيدا، وهذا عيدنا

اباحة النبي عليه افضل الصلاة واتم التسليم لما انكره ابابكر بتذكيره بمناسبة العيد هو انكار لقول سيدنا ابابكر بصورة ملطفة حفظا لمقام ابابكر وعلاقته بالنبي..

Quote: ليستا بمغنيتين دي لزوما شنو ؟؟؟

لتاكيد المعني المراد بانهم ليستا محترفتا غناء..ببساطة..
وده نفس وضع الصوفية، فهم ليسوا بمغنيين وانما مداح..
طيب يا عاطف سؤال صغيروني كده... بماذا تقاولت الأنصار يوم بعاث وهل انكر عليهم النبي ذلك القول والاحتفال؟؟
ياخي المدينة كلها خرجت لأستقبال النبي بالدفوف، والفرح (طلع البدر علينا من ثنيات الوداع) هل تجزم بان احدهم/هن لم يرقص ويعرض ؟
علي العموم برغم انك اخذت الموضوع ناحية الجدل لمجرد الجدل الا انك لم تنف ان النبي اباح الرقص والغناء (لبني ارفده) بل واعطاهم امان الله ورسوله لكافة بني (ارفده) حين قال: (دعهم أمنا بني أرفدة )
ومن يومئذ وبنو ارفده يضربون الدفوف ويرقصون امتثالا لقول رسوله الكريم

Quote: فعل(المنصوري) جمال(هم سيلف) في بوست اسمهم الوهابية !! الاخ بيحذف (سطر)كامل من(علفة) ليغير بها (اصل)كلام قائلها !! دون ان يطرف له جفن!!

يا عاطف،

- في كل مداخلة انت طلبت الدليل جبت ليك من مكان بدون ما خل فيه باي شي.
- سبق وبهتني بانو انا قاعد احذف مداخلاتك في الفيسبوك وده (كذب) بدون لف او دوران..
رجاءا اذا اردت الحوار ان تلتزم بشروط الحوار، بعيدا عن اي تهاتر..
لك وللصادق مني كل احترام

يا ود المشرف احترامي لخيارات الناس لا يعني عدم نقدها ورفضها وهو موضوع آخر
خذ عندك مثلا الحديث ايام الجهاد في الجنوب عن القرود التي تساعد المجاهدين و الغزلان التي تفجر الألغام
هل ينطبق على موقفك منه ما تنادي به من احترام الخيارات , من يطلقون مثل ذلك الدجل فيهم من هو مصدقه ومقتنع به ويراه خيارا أمثل

يا الصادق ببساطة الموضوع موضوع مقامات
جتى رقيص ناس الشرق هل سبق ورأيته من قبل في أي من حلقات المديح, بل هل رأيت رقيص على الإطلاق في مقام غير مقام الرقص بما فيه المديح
طيب خليني أسألك بطريقة تانية تخيل لو عزف نشيد العلم يقوم تلقى ناس بحتّو على انغامه وكلماته كما يفعلون على انغام وكلمات العربية قلبها بيا , او انا منو برير بري
هل تستسيغ الموضوع! عن نفسي أراه ابتذالا لا أكثر حتى لو كان الرقص باليه عديل كدا


وعليكم السلام أخونا جمال المنصوري
لا أعتقد أن ما ذكرته من موقف النبي عليه الصلاة و السلام من لعب الأحباش و غناء الجاريتان يجاوب على سؤال عمّا إذا كان الرسول عليه الصلاة و السلام دعى الناس بالرقص و الموسيقى, ومسألة الدعوة دي جات تعليقا على حديث بدر الدين ان أولاد شاطوط انتهجوا هذا النهج دعوة للشباب ةتحبيبا لهم في المنهج الصوفي, و ايضا تعليقا على حديث مأمون الذي قارن بين الرقص في حضرة مدح النبي عليه الصلاة و السلام وبين ذهاب هؤلاء الراقصين للأنادي و أماكن أخرى.

هلا الصادق..
أيامهم الأولى يعني كانوا بعملوا شنو أكتر من كدا
وكلّوا بإسم حب النبي عليه الصلاة و السلام!!

الرقص يا عم يحيى ما مسيء للرسول عليه الصلاة و السلام بل مسيء لمن يتاجر بإسمه و حبه
العايز يرقص يرقص و يحت ويكشف ما حد خماه و الدنيا ملانة بالحفلات و الكتمات و الزنقات فها فنون و انواع من الرقص لكن ليس فيها من فعلها يإسم المديح كما هؤلاء

حبيبنا ود البشرى

لك كامل شكري على جلب هذا الفديو فقد سقيتنا من كأس من نهوى جهارا

كما قال سيدي أبو الحسن الشاذلي رضي الله و عن الصالحين

و منا من يهيم على علوم .... وقرآن و ذكر و افتكارَ
و منا من يهيم على سماع .... ببندير وعود و نقر طارَ
و منا من يكون مجنونا فيها .... سليب العقل يرمي بالحجارة
و منا من يكن عريانا فيها .... يغيب عن البرودة والحرارة

العفو يا حافظ شكرا لك أنت على المرور و التعليق

سلامات وتحيات ود البشرى يا هندسة ...

Quote: الظاهرة دي - وأعني الرقص بالطريقة دي - ما كنت لتراها في اي من حلقات الصوفية أيام زمان

من ناحية أنو ( الظاهرة ) موجودة زمان .......
نعم موجودة من زماااااااااااااان

ربما باختلاف شكل التعبير حسب ( موضات الزمان ) .....

أسأل أى رجل من أهل مدينة رفاعة له شوية إهتمام بالطرق الصوفية أسأله عن عمنا ( الفتال ) ..... له التحايا والمحبة والإحترام ....

عمنا الفتال رجل صوفي حتى المشاش....
لا يغادر حلقات شيوخه الأعراك......

تعبيره الدائم هو ( زغاريد ) بصوت ندي يجعل ( أجعص ) إمرأة تتوارى خوفاً من عدم الإجادة بمثلما يجيد الزغاريد عمنا الفتال......
زغاريد في حضرة شيوخه
زغاريد لم تتوقف لعقود من الزمان ....
وأظنها لا تزال ....

ومع ذلك

فهو رجل يوقره كبار أهل رفاعة ويحبه صغارهم ........


التداخل بين الغناء والمديح
والأحوال هنا والأحوال هناك هو موضوع كبير ربما يحتاج أبحاثاً ورسائل

إتفق فيه كل ولج هذا العالم بأن فناني الحقيبة لم يجدوا في بداياتهم أمامهم ألحاناً جاهزة سوى ألحان المدائح النبوية ( تعرف بـ الروايات ) ....

صار الأمر تبادلاً بينهما... وحتى يومنا هذا .....




_________________

ركزو بالله على
عاطف عمر
أو
صديقنا من الفيسبوك
Atif Omer Mohammed Ali

ومن قصص المشاهدة

في زمان مضى .....
كان أحد أخواننا الحيران يعبره عن أشواقه ( رقيصاً بالرقبة ) .....
نعم رقيص رقبة عديييييل كدا

رأى ذات مرة وهو في نص الحلبة رأى الشيخ الكبير واقفاً يتفرح على أبنائه الحيران
وكان ذلك أمراً نادراً .....

فرح الحوار برؤية الشيخ واقفاً ينظر إليهم

( وسوست ) له نفسه بأن إذا دخل الشيخ الحلبة فسوف يعطيه ( شبال ) ...... أيوا شبال عديل كدا...

دخل الشيخ الكبير الحلبة .... وتوجه عدييييل لمكان هذا الحوار الراقص رقيص الرقبة .....
وقبل أن يعطي الحوار شباله للشيخ .... كاشفه الشيخ وثبته .....

" يا ولدي........ الشيخ ما بيمتحنوهو ...... ولو خلااااااص إمتحنوهو ما بيمتحنوهو بالنزول للحلبة والشبال ...... بيمتحنوهو بى حاجة تليق بى مقامو ...... هسع لو إمتحنتنا بأن لو نزلنا للحلبة سوف تطلب مننا نجلسك في الحضرة كنا فعلنا ........ "

من هنا ومن كلام الحوار فهمنا بماذا وسوست له نفسه

الشاهد في الأمر وكما قلت لك أعلاه

من ناحية أنو ( الظاهرة ) موجودة زمان .......
نعم موجودة من زماااااااااااااان

ربما باختلاف شكل التعبير حسب ( موضات الزمان ) .....

=

لقد ذهبت بك الظنون بعيداً أخي محمد البشرى..
فحتحتة الشيخ (أبو حتحوت) و"المجاذيب" من تلاميذه (هي لله .... هي لله... لا للسُلطة، ولا للجاه)
فهؤلاء التلاميذ جميعاً وكما هو واضح من الفيديو، هم "بتوع ربِـنا" ، تتقلب أجسادهم وجوارحهم بذكر الله..
وهم – وعيني باردة- بارعون براعة غير مسبوقة، وهو كما ذكرتكم (حت زي الحت! ) .
لكن احذر أخي محمد أن يصيبك غضب هؤلاء العُباد الزهاد ، فدعواتهم لاحقة و ليس بينها وبين السماء حجاب..
ولا تصدق عينيك حتى وإن قالت لك أن تلك الأصلاب التي تتقلب آناء الليل وأطراف النهار تتقلب بـ "عشرة بلدي".

ولكي تتأكد من صدق ما أقول فضلاً أقرا ما خطه (الفاتح جبرا) في الرابط في الأسفل وخذ الحذر:

sudaneseonline.com/articles-action-show-id-57086.htm

تحياتي لكم وضيوفكم
...
..
.

هههههههههه جهجهت باكاتنا يا الصادق يا خوي
لن يصيبنا إلاّ ما كتب الله لنا, فهم مهما بلغ بهم الصلاح و المقامات بشر أمثالنا لا يملكون من أمرهم أو أمر غيرهم شيئا إلاّ بإذن الله
المسالة زي ما قلت اعلاه أن التصوّف كسائر مناحي حياتنا أصابه ما أصابه من بؤس و نفاق وخلل
وبما أن المطلّع على السرائر هو المولى وحده فلنا نحن بالظاهر فقط من رايناه يرتاد المسجد نشهد له بذلك ومن نراه يحت و يكشف في حلقة المديح كانها كتمة نشهد له بانه "حتّااااات" إلاّ ما بفرز محل الحت من محل الذكر :)

يا عاطف يا هندسة
لا ازعم اني متابع لحلقات الذكر و المديح بصورة راتبة لكن على قدر ما تابعت سواء في الحلقات الخاصة في البيوت أو العامة في المولد مثلا أو جلسة قراءة "يا رب بهم وبآلهم " عقب صلاة الجمعة بمسجد الشهداء
او في حلقة حمد النيل او حتى في الزفة ما حصل لاقاني رقيص الزنقات و الكتمات في حضرة مديح النبي عليه الصلاة و السلام
طبعا الجهل بالشيء ليس مقياسا لنفيه, قد يكون هناك ما ذكرت من هذه الانواع من الرقص لكن في رأيي وجودها هنا وهناك لا ينفي انها مبتذلة ولا تليق بالمقام الكريم
خليك يا هندسة من المديح ونرجع لنشيد العلم
شوف الفيديو للمقطع التالي في بدايته العساكر مبتهجين على ايقاع الموسيقى لكن لمّا تحول العزف للسلام الوطني منهم من توقف ومنهم من استمر الا يثير منظر المستمرين في الحت و الكشف على ايقاع السلام الوطني الاستهجان!
إن كانت الإجابة بلا فا المسالة تبقى اختلاف اذواق بعد كدا ودي ما عندها حل, أمّا إن كانت الإجابة نعم : و تييب

Quote: الرقص يا عم يحيى ما مسيء للرسول عليه الصلاة و السلام بل مسيء لمن يتاجر بإسمه و حبه

يا مهندس انا ما بتكلم علي الرقيص في عضمو ...

انا بتكلم علي الرقيص في حب رسول الله ...

جنس الجبتو انت ده ...

والله مبالغة
حيرونا الرجال ديل !!!!
مالكم عاوزيننا نخاف على الرجولة في السودانين
يا جماعة الحاصل شنو!!!!!؟؟؟؟
غايتوا انا الرجل البزغرد فى الفديوا دا
لى هسي محيرنى زغردوتة ومعاها جدعة يد كمان

الأخ/ محمد البشرى الخضر

وجميع المتداخلين والقراء

السلام عليكم ورحمه الله وتعالى وبركاته

يا أخوان وأخوات أنا عايز كل واحد يسأل نفسه وفكروا كويس (هل الذي شاهدناه في الفيديو) يمكن أن ترضوه أن يكون داخل المساجد
حتقولوا لي الإجابة واضحة وهي قول الله تعالى (وأن المساجد لله فلا تدعوا مع الله أحداً) وأنها أيضاً للعبادة

طيب ألا يذكر المسلمين الرسول (ص) داخل المسجد؟؟؟؟ ألستم تصلون على رسول الله (ص) داخل المسجد؟؟؟؟؟ أليس الصلاة والسلام على رسول الله صلى الله عليه وسلم (عبادة)
الإجابة الأكيدة نعم لأن رسول الله صلى الله عليه وسلم هو رسولنا والآذان وإقامة الصلاة مذكور فيها الرسول (ص) وكل مسلم مؤمن يشهد أن لا إله إلا الله وأن محمداً رسول الله

فإذا كان (ما رأيناه في الفيديو) وترون أن هذا يجوز ويرضاه رب العالمين فأفعلوه داخل المساجد. أليس هو تقرباً لله عز وجل ورسوله؟؟؟؟؟؟؟؟؟؟؟

الشيء الثاني هل ترضون أن يتم قراءة القرآن الكريم (وأنتم تتحركون ناهيك عن الرقص)؟؟؟؟؟؟ الإجابة أكيد لا

بنفس الطريقة الإسلام والإيمان مربوطين بالله تعالى ورسوله، فمقام رسول الله صلى الله عليه وسلم ليس مقام عادي وليس كالبشر العاديين لنقول فيه شعراً وهو (المسمى المدح) أو المديح وهو عكس الذم

أما إذا كان لدى أحدكم دليل قوي من الأحاديث أن رسول الله صلى الله عليه وسلم قال بمعناه (قولوا عني شعراً) فصححوني.

والله يا أخوتي وأخواتي ذكر الله تعالى والصلاة والسلام على الرسول صلى الله عليه وسلم لها شروط وآداب لا ينطبق عليها ما رأيناه في الفيديو

إن شاء الله أكون وضحت لكم مقصدي