كيف تكتب بوست متعدد الصفحات في البورد "طريقك للرواج" !!

السلفية !! ديل سوقهم ماشي شديد اليومين ديل بس عليك بالهجوم براحة شديد كلو ماشي ...

ناس الجزيرة "أهل العوض" مساكين ديل والله بس أعمل فيها ماعارف وخت سؤال كدا بتاع واحد ماسك العصاية من النص (رمادي يعني) ديل تاني سوق ماشي بعد السلفية

ناس دارفور

أي ديل ناس الوجعة

شوف ليك مداخلة لواحد دارفوري أهوج كدا من النوع البيتكلم في الجلابة أو التنميط العنصري داك وطوالي ختها ليه أييييي مافي عرس

وبعدين أختم ببيت الشعر الكلاسيكي داك بتاع

الا لا يجهلن أحدا علينا ... فنجهل فوق جهل الجاهلين .

ههههههههه
بس ما تنسى يا حاتم انو بعض المواضيع دي قد تتسبب لك
في رواج عكسي، اي انها قد تجعلك مكروها بشكل عام او
على الأقل وسط جماعة معينة، و ما بعيد يلبدوا ليك في القصب
على رأي الصعايدة و تبقى في التحلك.
و كما قال شاعرهم:
رب بوست يكتبه الفتى يصل عشرون صفحة
أودى به او بسمعته او ع الأقل اخدلو علقة

نحن من الجزيرة،
وبنحب محبي السلفية..
ياريت تجيب الآلة الحاسبة وتشوف ممكن نصل كم صفحة!

يا مراحب قصي

سلفيه وجزيرة مع بعض !!

ولكن لسياسة النفس الطويل التي تتبعها أخشي عليك من قول الشاعر

تكاثرت الظباء على خراشٍ **** فما يدري خراش ما يصيد

فكها شوية ياخي والله أنت عندي من السلفية الظريفين مستنينك لي قدام

هلا ب سيف النصر محي الدين

أكيد طبعا لو بتابع البورد دا من زمان الواحد بيكون عندو ليستة بناس الغبائن ديل في ناس كدا ناس أنج سعد فقد هلك سعيد
وأحيانا ممكن تهاجم المجموعة لكن لكن تهادن بعض الافراد الممؤثرين
وحل تاني تكون أجتماعي شديد من بورداب شنو كدا ما عارف لمن الناس تقول هل المنبر هو مكان فعلي للتعارف.

لقد ألتقيت بفلان على أرض الواقع والله قد تفاجأت علي عكس ما تصورته في البورد